馮仁昭四圍超:「好多人對我好好」阿Yu獲教友力追
1 :
GS(14)@2015-02-11 09:06:04
■阿Yu話揀伴侶嘅條件,最緊要係對兩個囡囡好。資料圖片
趙頌茹(阿Yu)狠撇老公周永恒(Roy),
星爺約女曝光 尷尬四圍騰
1 :
GS(14)@2015-02-11 09:06:43
今年幾部賀歲片,全部會於下周四大年初一上映,雖然今年沒有周星馳的電影,但人生如戲,星爺前晚約索女食飯斷正,離開時巧合與當年他的作品《逃學威龍》及《西遊記》裏的劇情很相似。前晚星爺與兩索女及男友人的四人飯局被本報撞破,星爺在晚上九時四十五分,沿用到埗時的卸貨區通道離開,菜館老闆娘及侍應全程在旁把風,星爺臨上車則站在車旁,望向記者方向揮手,更笑着做口形及攤開雙手對記者說:「做咩啫?都冇嘢!」然後才上車離開。
【尷尬避鏡】■發現記者拍照,星爺即低下頭,兩女則托腮互望,一臉尷尬。
【視察環境】■星爺經廚房到卸貨區等車離開。
【友善揮手】■星爺離開時主動向記者揮手,而且臉露笑容。
【故弄玄虛】■長髮索女離開時忽然與星爺男友人離奇蹺手,避答記者問題。
至於,在飯局中坐在星爺身旁的灰衫長髮女,離開時與星爺男友人則儼如情侶,手蹺手一同步出餐廳上的士,記者問兩人在飯局表現疏離,何以突然手蹺手離開,但兩人均沒有回應。而飯局中的黑衫女,其後被記者發現在富豪酒店門外截的士,更刻意將頭髮束起及把衫領拉高遮着半邊臉,記者問她與星爺食飯是否與洽談電影有關,她則充耳不聞上車離開。採訪、攝影:楊浩賢、陳辰、黃曉程、李志明
來源:
http://hk.apple.nextmedia.com/entertainment/art/20150211/19037108
馮仁昭四圍超:千嬅湊細路MV剪出眼淚
1 :
GS(14)@2015-02-13 00:01:46
■千嬅同呢幾個細路合作拍攝《五個小孩的校長》,MV場面感人。
楊千嬅同古天樂主演嘅《五個小孩的校長》喺下月十九日上映,呢套戲最大賣點係有五個天真爛漫嘅小朋友參與演出,睇過試片嘅人都話呢五個小孩演技好又可愛,唔知監製陳木勝去邊度搵到咁多個咁有演戲天份嘅細路出嚟,唔怪得千嬅同古仔都話有幾場同班細路拍離別嘅對手戲時,俾佢哋搞喊晒。千嬅噚日話:「班小朋友真係演得好自然逼真,見到佢哋喊到咁淒涼,唔好話我忍唔住喊,連平時嘅Mr.Cool(古仔)都忍唔到喪喊啦!」噚日電影公司仲發放咗戲中一首大合唱嘅《友誼萬歲》MV,千嬅重唱二○一五新版本,條MV剪咗唔少戲中嘅感人場面,而五個小孩嘅家長包括姜皓文、劉玉翠、吳浣儀同吳耀漢等一班好戲之人,也會喺MV中出現。
■古仔喺新戲同千嬅演夫婦,仲會有燭光晚餐。
感情戲令人動容
呢部以真人真事改編嘅戲,係講一位有二十幾年幼兒教育經驗嘅老師呂麗紅喺元岡幼稚園面臨執笠,竟然以四千五百元月薪接任只剩五名學生嘅幼稚園校長一職,仲要兼任埋老師同清潔阿姐工作。經過佢努力,間學校竟然可以起死回生,而期間佢同班學生互動嘅感情戲都幾感人,觀眾可能要帶定紙巾入場。撰文:馮仁昭
來源:
http://hk.apple.nextmedia.com/entertainment/art/20150212/19038299
馮仁昭四圍超:C AllStar信唔過對方
1 :
GS(14)@2015-03-05 19:28:50
C AllStar噚日喺九龍灣出席活動時,齊齊研究置業問題,原來佢哋都未係業主,有人提議佢哋合資買樓放租,點知四個人都話唔知信唔信得過大家,但都可以考慮,不過
馮仁昭四圍超:Chilam遭池昌旭搶風頭
1 :
GS(14)@2015-03-06 09:06:33
■Chilam話只得八歲嘅囝囝魔童已經開始追女仔。
韓劇《奇皇后》、《Healer》男星池昌旭同張智霖(Chilam)噚晚喺中環出席dunhill晚宴,現場近二百粉絲全部係嚟捧池昌旭場,佢仲被封「韓國理想情人節約會對象」,Chilam好奇一問:「佢幾多歲呀?係咪single?」記者笑問你想做男神?Chilam話:「我有家室,都係以欣賞角度去睇。」
■池昌旭噚晚甫出現,即吸引大批傳媒採訪。
池昌旭想食叉燒包
Chilam話最想同全智賢合作,唔知老婆袁詠儀會唔會呷醋?Chilam話:「我話可能會,但佢話我就唔會,因為佢都係鍾意出色嘅藝人,睇佢咁鍾意我就知。」而囝囝魔童暫時唔識韓流文化,反而鍾意睇閃電俠,不過已經開始追女仔,佢苦笑話:「魔童話有個鍾意咗幾年嘅女仔,但佢得八歲,我覺得自己好快做阿爺。」池昌旭噚日差不多中午十二點抵港,有過百粉絲去接機,又用韓文大叫「oppa」同「我愛你」,池昌旭收禮物兼握手;但期間出現混亂,有人差啲將部手機掂到池昌旭塊臉。晚宴上,池昌旭話好開心有咁多香港粉絲支持,最想食叉燒包,問最想同邊個香港藝人合作?佢識做話:「好多,唔能一一去數。」之前佢上《Running Man》俾李光洙嫌棄,佢話下次再去就會搵金鐘國做拍檔,因對方係自己中學同高中嘅同學,而且又大力贏面高。問佢就快服兵役心情?繙繹代佢拒答,然後就被拉走。撰文:馮仁昭
來源:
http://hk.apple.nextmedia.com/entertainment/art/20150306/19064943
Next Page