ZKIZ Archives


四哥:Gathering最開心

1 : GS(14)@2016-03-09 16:26:04

王菲和謝霆鋒相隔11年,於前年世紀復合,其後不停傳出婚訊,也有指王菲不想第三次再嫁,所以拒絕霆鋒的求婚,但「鋒菲」的確愛得甜蜜,近日又爆出王菲曾到印度朝聖,法王給予啟示,她有意再嫁。昨有雜誌爆料指霆鋒日前低調返港,約同雙親謝賢(四哥)、狄波拉和繼父鬍鬚Kong到中環四季酒店開餐,霆鋒長子Lucas亦在座,有指是霆鋒跟雙親討論婚事安排。據知鋒菲打算今年底拉埋天窗,有意到不丹成婚。記者昨致電四哥求證,他否認當日商談鋒菲婚事:「Short啦,我哋一家人gathering咋。」四哥表示跟孫仔Lucas享天倫最開心。採訪:劉敏





來源: http://hk.apple.nextmedia.com/entertainment/art/20160309/19521514
四哥 Gathering 開心
PermaLink: https://articles.zkiz.com/?id=297380

四哥陪女友濕平冇心機

1 : GS(14)@2016-03-17 14:52:54

現年79歲的謝賢(四哥)與上海女友CoCo拍拖11年一直感情穩定,昨午四哥被發現陪CoCo在時代廣場買衫,然後到超級市場買餸煮飯仔,不過四哥發現記者影相後,心情麻麻。昨午4時多,全黑情侶打扮的四哥及CoCo,先在時代廣場內一間服裝連鎖店行街,不過四哥似乎對陪女友shopping興趣不大,入店不久便走出店外等,惟向來注重儀容的四哥,一個人站在欄杆邊等女友亦不時擺出chok爆甫士,最終吸引幾位自由行上前邀請合照,四哥亦有求必應跟大家影相。之後他再與CoCo結伴到超級市場買餸,惟四哥離開時發現有記者影相,即着對方不要再拍,然後就與女友上七人車離開。採訪、攝影:畢紹基





來源: http://hk.apple.nextmedia.com/entertainment/art/20160317/19532388
四哥 女友 濕平 平冇 心機
PermaLink: https://articles.zkiz.com/?id=298296

【馮仁昭四圍超】四哥中環蕩失路

1 : GS(14)@2016-07-12 03:19:38

謝賢(四哥)前日現身中環ifc超市,推住購物車嘅佢,揀咗啲海膽、壽司同沙律,天氣咁熱,凍冰冰嘅食物特別吸引,四哥仲買咗價值490蚊嘅日本夕張蜜瓜,認真識嘆,消暑啱晒。大約逛咗十幾分鐘之後,四哥就排隊畀錢。不過離開商場時,四哥好似唔多熟路咁,行錯另一個方向,行行吓發覺唔對路,最後要問保安員點行先搵到正確方向。





來源: http://hk.apple.nextmedia.com/entertainment/art/20160711/19689285
馮仁 仁昭 四圍 四哥 中環 蕩失 失路
PermaLink: https://articles.zkiz.com/?id=303293

80歲依然有心有力 四哥食袋鼠尾壯陽?!

1 : GS(14)@2016-08-04 04:06:20

四哥謝賢啱啱過80歲大壽,有心有力嘅佢,同細自己46年嘅女友CoCo,拍拖超過11年,而早排四哥仲幫大台拍新劇,試過遇車禍嘅佢,康復神速,話咁快行得走得。弗到爆嘅四哥,多年嚟keep住32吋腰兼零肚腩,而且肌肉結實過唔少後生仔。之前佢公開養生之道,除咗食得健康,四哥坦言從不依賴「偉哥」或者壯陽藥物。有周刊就透露四哥自有一套養生法,除咗堅持行山健體,仲鍾意以天然食材進補,有指四哥平時會進食有強身壯陽之效嘅澳洲袋鼠尾。難怪80歲嘅四哥,依然老而彌堅。





來源: http://hk.apple.nextmedia.com/entertainment/art/20160803/19720816
80 依然 有心 有力 四哥 袋鼠 壯陽
PermaLink: https://articles.zkiz.com/?id=304299

四哥除黑超篤手機

1 : GS(14)@2017-08-04 06:36:19

■四哥昨日在中環與友人開餐時,罕有地除下黑超玩手機。DV圖片



栢芝前日為大仔Lucas慶祝生日,作為爺爺的四哥謝賢昨日就在中環出現,約下午2時許,他與一男性友人現身置地廣場食晏。一身黑色外套打扮的他胃口不錯,更點甜品吃,其間他玩手機時,除下他的招牌黑超研究,最後由他埋單請客,與友人搭膊走人。



另外,四哥日前接受鄭紹康主持的節目訪問,他大爆家中有倒吊機,邊吊邊拍臉減皺紋:「早年我本來有一撮白髮,後來吊吊吓就冇咗,我媽媽102歲過身時,都有好多頭髮,而且仲係灰色。」問到他與霆鋒邊個比較chok,他笑言:「Chok係人哋覺得,我係老人chok,佢係年輕chok!」在節目中,他更為「媾女王」封號平反:「其實我好專一㗎,成世人只拍過五次拖,仲要次次都係俾人撇。」採訪、攝影:徐錦池


■穿上黑色外套的四哥,離開時與友人有講有笑。DV圖片

■四哥謝賢日前受訪時,自爆每次拍拖都是「俾人撇」。



來源: http://hk.apple.nextmedia.com/entertainment/art/20170804/20110796
四哥 除黑 黑超 超篤 手機
PermaLink: https://articles.zkiz.com/?id=339676

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019