ZKIZ Archives


拆建合署西座 左丁山


2011-1-1  AD




 

呢日冇約人食 飯,本想打電話到翠華叫外賣,但諗起中午外賣最低消費係一百蚊,兼且要一個小時起碼先至送得到嚟,不如出街食飯啦。去邊度好?諗起一味交會費,好少去幫襯 嘅FCC,於是一個人行上去,坐在保留畀會員專用嘅club table,一個午餐有周打魚湯、燒豬髀,加甜品朱古力摩士、o架啡或茶,盛惠九十八元,幾唔錯吖。在此一坐,立即見到熟人,律師L行埋嚟打招呼,佢話自 己經常在FCC吃飯,幾個月前攞番律師牌照之後,重操故業,至於將來打唔打廉署官司,佢話世事難料,一切聽上天安排啦,總之既來之、則安之。律師L歷盡艱 辛,從地獄走回人間,現在仍然似足一條硬漢子,唔怪得佢啲老友話佢EQ第一。

律師L拜拜之後,又見到老牌記者M與同事S,記者M專做官府、立法會新聞,起碼有二十年,每次用英文發問,啲高官見到佢就頭痛。既然每日在亞厘畢道,立法會走動,FCC最啱佢出入啦,佢兩位二話不說,就坐在左丁山旁邊,打開話匣子,講吓英超波經,一樂也。

好 快食完午飯,行出門口,諗吓冇理由咁快就行返寫字樓嘅啫,於是特登沿着下亞厘畢道行去,經政府總部轉花園道入聖約翰教堂,過終審法院,沿斜路落番雪廠街入 皇后大道中,呢條路又幾好行噃,夠清靜,有大樹遮蔭,有教堂之寧靜,過咗政府合署西座,先至回歸繁囂地段,醒覺人在中環。馬艦政府總部拚命趕工,政府山兩 年內一定騰空,政府計劃保留東翼、中座,將西座拆掉,供興建商廈之用。呢個計劃唔錯吖,既可保留政府山之精粹,又可增加中環寫字樓供應。政府合署西翼外形 普通過普通,似長形火柴盒,係戰後急就章建築物,拆掉不足惜。橫掂中環十分缺乏甲級寫字樓,租金不斷飛升,帶動啲乙級丙級商廈亦加租,令左丁山呢啲個體戶 中小企,苦不堪言。雪廠街係中環中心地段,合署西翼位於此,唔改建成甲級商廈,直情係嘥料。至於商廈地底是否要有停車場、商場,此乃技術問題啫,大家可以 再傾。


PermaLink: https://articles.zkiz.com/?id=20799

俄特技人政府合署天台玩命

1 : GS(14)@2017-02-07 05:08:04

■舍爾斯特亞謝科日前在金鐘政府合署外牆鐵枝行走,險象環生。互聯網



【本報訊】俄羅斯特技人舍爾斯特亞謝科(Oleg Sherstyachenko)日前在香港金鐘政府合署「玩命」,他在毫無安全裝備下,在56層即約170米高的天台圍欄上翻觔斗及玩滑板,上周他更把這亡命新作上載到互聯網,吸引逾百萬次觀看。但不少市民都憂心俄漢若失手墮街隨時害死途人,政府產業署稱會跟進。曾在世界多幢摩天大廈「飛簷走壁」成名的舍爾斯特亞謝科,最新作品「SAVAGE in Hong Kong」於上月28日上載至YouTube及ig,片段全長57秒,可見在56層高的金鐘政府合署天台,一身便服的他赤腳走上天台邊緣外牆,做出各令人膽戰心驚的高危動作。片段初見舍爾斯特亞謝科伏在滑板上,在僅約一呎闊外牆頂滑行,其後他更把滑板四分三懸伸出半空,整個人踏在滑板上,萬一失手便會粉身碎骨。他又在狹窄外牆頂跳躍及翻觔斗,又在外牆鐵枝行來行去。其間,天台有人喝止:「如果你唔落嚟,我哋就叫警察。」本報向警方查詢,警方發言人指中區警區暫未收到相關報警,但將了解事件。



■舍爾斯特亞謝科曾多次來香港旅遊。

產業署跟進調查


舍爾斯特亞謝科16歲開始接受體操訓練,其後轉玩「Parkour(譯作飛躍道或跑酷)」,近年集中在各地知名建築物高空拍攝亡命表演再放上網,瞬即走紅。他以往曾多次來港,包括在西營盤一幢大樓的百多米高外牆單手支撐全身重量懸空吊在大廈邊緣;亦曾挑戰過青馬大橋。政府產業署發言人稱金鐘政府合署透過外判物業管理公司提供日常物業管理服務(包括保安)。合署天台並不開放予公眾人士使用,該署已責成物管公司調查事件,並在有需要時作出適當的跟進行動。大律師陸偉雄稱,若特技人為潛入天台弄毀大門或鐵欄,警方可控最高判監10年的刑事毀壞罪。■記者曾海帆、朱雅霜




來源: http://hk.apple.nextmedia.com/news/art/20170207/19920220
PermaLink: https://articles.zkiz.com/?id=325773

Next Page

ZKIZ Archives @ 2019