ZKIZ Archives


張嘉兒9月嫁才俊「唔理戒指幾多卡都應承」

1 : GS(14)@2015-05-10 23:40:47

■張嘉兒昨在微博貼出婚照,同時宣佈今年9月下嫁Nate。微博圖片


現年31歲的07年港姐冠張嘉兒,過往先後跟金剛和鄧健泓傳緋聞,她前年曾被本報拍到與鄧健泓睇戲後,直落返男方寓所密會,張嘉兒事後否認緋聞,其後她承認翻撻溫哥華舊愛、34歲金融才俊Nate,她昨日更在微博貼上4張婚照宣佈做9月新娘,並留言報喜:「嘉兒找到『The One』喇!」



■即將榮升人妻的張嘉兒,打算婚後先過二人界世界。微博圖片

■張嘉兒憶起男友求婚,都感動到想喊。微博圖片



計劃兩年後造人

張嘉兒昨晚在尖沙嘴出席慧妍雅集慈善晚會,她左手無名指戴上鑽戒,她見到記者即說:「我結婚啦,唔好意思咁遲先公佈。」由於雙方家長都在溫哥華,張嘉兒打算今年9月在當地教堂行禮擺酒,稍後再返港補宴親友,暫時仍未買婚戒和挑婚紗。張嘉兒與Nate婚後仍留港,先過兩年二人世界才開始造人,待有小孩才考慮返回溫哥華生活。張嘉兒回想Nate求婚時邊看手機邊讀出愛的宣言,她說:「我感動到喊,唔理戒指幾多卡都應承。」早前張嘉兒接受雜誌訪問,指來港選港姐前已在溫哥華認識Nate,當選後她留港發展,異地情分手收場。但兩年後,他們在溫哥華重遇便愛火重燃,她透露在Nate身上得到幸福、安樂、穩定和甜蜜的感覺,非君不嫁。兩人前年到加勒比海郵輪之旅,Nate選擇於走廊暗角求婚。



■2011年,張嘉兒被拍得與Nate到澳門拍拖,同年又被影到返鄧健泓寓所密會(右圖)。資料圖片

資料圖片



鄧健泓隔空祝福

舊愛張嘉兒即將出嫁,鄧健泓昨電話送祝福:「戥佢開心,我哋真係冇拍過拖,恭喜佢最緊要開心。」鄧健泓和女友石詠莉何時也拉埋天窗?他說:「我有諗結婚,我哋有共識,完成一啲計劃先。」張嘉兒在處境劇《愛.回家》的拍檔黎諾懿昨表示早幾個月已獲悉對方喜訊:「大家尊重佢等佢公佈。恭喜晒,大家都替佢開心!」張美妮、商天娥和陳法蓉昨也先後透過微博送祝賀。採訪:黃曉妍、魯吉、小米攝影:陳慧安



■張嘉兒昨晚出席慧妍晚宴,左手無名指有閃爆鑽戒(右圖)。





來源: http://hk.apple.nextmedia.com/entertainment/art/20150510/19141988
張嘉 嘉兒 月嫁 才俊 唔理 戒指 幾多 卡都 應承
PermaLink: https://articles.zkiz.com/?id=290240

馮仁昭四圍超:準新娘張嘉兒雙喜臨門

1 : GS(14)@2015-07-02 08:25:58

微博圖片








待嫁新娘張嘉兒將於今年9月跟金融才俊Nate結婚,噚日佢喺微博透露自己雙喜臨門,但佢唔係有咗,只係佢喺中文大學讀咗兩年嘅公共衞生碩士(Master of Public Health)課程就快畢業啫。嘉兒又貼咗自己試裙褂嘅相,仲徵詢大家的意見,雖然好友朱璇有幫眼,但嘉兒最後「徇眾要求」,揀咗一套比較多人鍾意嘅款式。撰文:馮仁昭





來源: http://hk.apple.nextmedia.com/entertainment/art/20150702/19205057
馮仁 仁昭 四圍 新娘 張嘉 嘉兒 雙喜 臨門
PermaLink: https://articles.zkiz.com/?id=291228

張嘉兒下月嫁人 茵媺為準新娘「加冕」

1 : GS(14)@2015-09-01 07:00:13

張嘉兒下個月與未婚夫Nate拉埋天窗,而咁啱曹敏莉下月2號生日,所以佢哋一班港姐嘅好姊妹,前晚就為兩人搞咗個生日加婚前party,出席者包括陳茵媺(Aimee)、朱凱婷、李潔瑩、戚黛黛同周美欣,昨日張嘉兒仲喺微博貼咗好多張相。相中佢哋玩得好開心,其中一張仲係Aimee幫張嘉兒加冕戴「后冠」,睇真啲,其實個后冠係一副大眼鏡嚟0架,張嘉兒仲掛住彩帶,拎住紮花好開心咁接受加冕,佢留言表示:「點解你哋可以對我咁好嘅,還在感動中. I don't know how to express how grateful& blessed I m to be receiving so much love. I m officially the happiest bride to be!」





來源: http://hk.apple.nextmedia.com/entertainment/art/20150831/19276795
張嘉 嘉兒 下月 嫁人 茵媺 為準 新娘 加冕
PermaLink: https://articles.zkiz.com/?id=292089

張嘉兒碩士畢業老公做龍友

1 : GS(14)@2015-11-23 14:25:04

■張嘉兒昨在中大碩士畢業,老公Nathan任攝影師為太太狂拍照及睇相(下圖)。讀者提供圖片


【爆相爆片】今年9月在溫哥華結婚的張嘉兒,昨日又有喜事發生。不過,嘉兒並非有喜做媽咪,而是她在中大碩士畢業。讀者王先生昨日透過本報「爆相爆片」報料,指在昨日舉行的中文大學2015年度碩士學位課程畢業典禮上見到張嘉兒行畢業禮,而她報讀的為公共衞生碩士課程,讀者指嘉兒行畢業禮時如選港姐般充滿自信,且全程笑晒口相當開心,至於她丈夫Nathan則任攝影師為太太狂拍照,兩公婆還sweet爆一起睇相!





【記者昨致電嘉兒,她興奮地說:「我讀咗兩年呢個part-time課程,之前大學畢業之後就選港姐入咗TVB,一直都想增進自己知識,所以報讀者呢個課程。」採訪:魯吉





來源: http://hk.apple.nextmedia.com/entertainment/art/20151122/19382644
張嘉 嘉兒 碩士 畢業 老公 做龍 龍友
PermaLink: https://articles.zkiz.com/?id=293879

撻着富豪8個月 擬三度出嫁瑪麗嘉兒收35卡鑽戒訂婚

1 : GS(14)@2016-01-23 19:29:34

美國巨肺天后瑪麗嘉兒(Mariah Carey)與第二任丈夫Nick Cannon離婚後,去年搭上澳洲富豪帕克(James Packer),昨日傳來拍拖僅8個月的二人已經訂婚,帕克是在紐約向女友送上35卡鑽石戒指求婚,瑪麗嘉兒當晚即戴上剛到手的巨鑽風騷現身,向傳媒高調晒命。據美國傳媒報道,瑪麗嘉兒與富貴男友帕克發展穩定,去年11月已開始同居,早前又帶同瑪麗與Nick Cannon所生的龍鳳胎周遊列國,早與瑪麗的子女打好關係。本周四,帕克在紐約的一個飯局上,突然拿出35卡巨鑽戒指向女友跪地求婚,當時瑪麗的好友亦在場見證這個重要時刻,據知她即時答應婚事,當晚二人踏出餐廳時已有大批記者守候,瑪麗拖實未婚夫登車,她獲在場記者恭喜後心情勁靚,趁臨走前一度伸出左手大晒剛到手的35卡求婚鑽戒。



■瑪麗嘉兒近月已經常在網上晒恩愛合照。

訂婚鑽戒



Miley唔嫁又嫁


覓得第三春的瑪麗於93年下嫁唱片公司高層Tommy Mottola,97年離婚;08年再嫁Nick Cannon,去年又結束第二段婚姻。貴為澳洲傳媒大亨的帕克則坐擁近360億港元身家,是澳洲四大富豪之一,他與瑪麗同樣離過兩次婚,與前妻育有三名子女。帕克與瑪麗撻着後高調公開戀情,去年10月帕克以新濠博亞娛樂聯席主席身份到澳門,瑪麗就做跟得女友,為新濠影匯開幕禮擔任表演嘉賓。另外,樂壇壞女孩Miley Cyrus與電影《飢餓遊戲》(The Hunger Games)系列男星廉安咸士禾夫(Liam Hemsworth)翻撻後又再訂婚,目前再次同居。兩人於12年曾訂婚,翌年取消婚約,豈料兩年半後又再復合。撰文:哥羅



■瑪麗嘉兒與前夫Nick育有一對龍鳳胎。

■Miley翻撻廉安後,兩人已第二度訂婚。



來源: http://hk.apple.nextmedia.com/entertainment/art/20160123/19463288
撻著 富豪 個月 三度 出嫁 瑪麗 嘉兒 兒收 35 鑽戒 訂婚
PermaLink: https://articles.zkiz.com/?id=294889

大肚張嘉兒想湊好字

1 : GS(14)@2016-05-08 14:54:00

■慧妍雅集昨日舉行一年一度慈善晚會,歷屆港姐鬥性感。


張嘉兒、朱玲玲和陳凱琳等歷屆港姐,昨日在尖沙嘴出席2016慧妍雅集慈善晚會,不過發福的向海嵐驟眼望去,臉形有別從前。陀B五個月的張嘉兒肚圓谷奶撐場,她說:「下星期就照到性別,希望第二胎就湊成好字,預產期喺9月,至今肥咗8磅。」張嘉兒去年在同一活動宣佈結婚,今年宣佈有喜,她希望明年能夠宣佈有第二胎。朱玲玲透露兒子明天才與她慶祝母親節,今日要先與嫲嫲吃飯,問到可想再添孫,她說:「想呀,但唔一定要太多。」陳凱琳就透露預早買了鮮花放雪櫃,今日會請男友鄭嘉穎代送給鄭媽媽做母親節禮物。採訪:羅慧敏攝影:葉君海





來源: http://hk.apple.nextmedia.com/entertainment/art/20160508/19602428
大肚 張嘉 嘉兒 兒想 想湊 好字
PermaLink: https://articles.zkiz.com/?id=300079

瑪麗嘉兒試低胸婚紗

1 : GS(14)@2016-08-07 02:03:57

美國巨肺天后瑪麗嘉兒(Mariah Carey)即將會與澳洲富豪James Packer結婚,有指兩人會低調地在小島舉行婚禮。瑪麗為婚禮積極收身,她個人紀錄電視節目《Mariah’s World》日前播出預告片,節目會講述瑪麗生活上每個細節,有一幕拍到她在試婚紗,她試穿了一襲deep V婚紗及蓋上頭紗。她昨日在比華利山出席節目的發佈會,例牌穿上性感舞衣,現場有不少赤膊露肌男助陣,似是預演婚前派對。





來源: http://hk.apple.nextmedia.com/entertainment/art/20160805/19723006
瑪麗 嘉兒 兒試 試低 低胸 婚紗
PermaLink: https://articles.zkiz.com/?id=304609

嘉兒情傷後性感領獎

1 : GS(14)@2016-09-04 18:03:49

於法國舉行、以播放美國電影為主的第42屆多維爾電影節昨日舉行開幕禮,美國女星「紫天椒」嘉兒莫蕊茲(Chloe Moretz)與英國萬人迷碧咸(David Beckham)大仔Brooklyn再一次分手後,首次單拖出席開幕禮。有傳Brooklyn嫌嘉兒太纏身所以飛起她,嘉兒昨日踏上紅地毯一洗頹氣,穿上開胸飄逸長裙,大騷事業線。嘉兒獲大會頒發最佳新星獎,算是愛情失意事業得意。




來源: http://hk.apple.nextmedia.com/entertainment/art/20160904/19759102
嘉兒 兒情 情傷 傷後 性感 領獎
PermaLink: https://articles.zkiz.com/?id=307476

張嘉兒誕6磅B女 生嗰時痛到嘔咗出嚟

1 : GS(14)@2016-09-10 13:54:40

張嘉兒07年參選港姐奪冠,舊年9月喺加拿大溫哥華出嫁,同老公Nathan婚後積極造人4個月終告成功,前日下晏仲生咗囡囡喇。張嘉兒嘅B女出世重6磅,係張嘉兒自然分娩生,中文名就未改好,但英文名就叫做Leora。佢仲話老公有陪佢入到產房剪臍帶。問到佢BB似老公定係似佢,張嘉兒回覆傳媒話:「因為屋企話似我多啲,但有朋友就話似我老公。」佢又透露o依家已經可以落地行,不過要慢慢行,但行路都會有啲頭暈。張嘉兒又話生B嘅過程好痛,仲痛咗12個鐘先生到囡囡,佢話:「痛過我想像,真係痛到嘔咗出嚟。生之前又痛到嘔,生完之後都有嘔,但都好滿足、好開心。」




來源: http://hk.apple.nextmedia.com/entertainment/art/20160910/19766625
張嘉 嘉兒 兒誕 時痛 痛到 到嘔 嘔咗 咗出 出嚟
PermaLink: https://articles.zkiz.com/?id=308498

張嘉兒笑囡囡似喝醉

1 : GS(14)@2016-09-11 05:50:27

■張嘉兒昨在Ig貼囡囡食飽舔脷的相。



前港姐冠軍張嘉兒去年與圈外老公Nathan Lau結婚,大前日她誕下6磅重囡囡Leora,即使生第一胎,但她不怕痛選擇自然分娩,獲老公陪入產房打氣,還親手剪臍帶。張嘉兒已開始用人奶餵囡囡,昨日還在Ig貼出囡囡食飽舔脷的相片,笑言囡囡喝奶都醉了。



張嘉兒

張嘉兒指囡囡未改中文名,問覺得囡囡似爹哋或媽咪?她前晚說:「屋企話似我多啲,但有朋友就話似我老公。」並透露前晚已可落床行,但要慢動作。回想生B過程痛了約12小時,她說:「真係痛到嘔咗出嚟,生之前又痛到嘔,生完之後都有嘔,但都好滿足、好開心。」採訪:嵐山




來源: http://hk.apple.nextmedia.com/entertainment/art/20160911/19766857
張嘉 嘉兒 兒笑 囡囡 喝醉
PermaLink: https://articles.zkiz.com/?id=308613

婚宴茵媺嘉兒座上客戚黛黛攞造人貼士

1 : GS(14)@2016-09-28 05:04:28

■03年港姐季軍戚黛黛與副機師老公Calvin前晚在港擺酒,不少無綫藝人到賀。微博圖片



現年34歲的03年港姐季軍戚黛黛,今年5月與拍拖3年多副機師男友楊智龍(Calvin)在峇里訂婚,本月中在意大利古堡舉行浪漫婚禮,一對新人前晚於尖沙嘴朗廷酒店擺酒,劉錫賢、林韋辰、蔡國威、張嘉兒、李施嬅、楊洛婷、陳豪及老婆陳茵媺、朱凱婷和曹敏莉等到賀,亞視前藝人跟無綫小生花旦濟濟一堂。戚黛黛前晚婚宴上貼心招呼賓客,經過一晚休息,她昨日在電話中說:「噚晚好開心,主要邀請去唔到意大利婚宴嘅親友嚟分享我哋喜悅,噚晚冇乜嘢儀式,簡單食餐飯。」戚黛黛表示先享受二人世界,但造人計劃就順其自然,她續說:「我好多姊妹都生晒BB,佢哋group chat都好多生仔貼士,我收集晒備用㗎喇。」



■前亞視藝人劉錫賢打呔執到正出席戚黛黛的婚宴。DV圖片

■婚宴現場的小食及擺設都十分精緻。DV圖片

■戚黛黛本月初在香港出閣,新郎照足傳統接新娘。資料圖片

攬新娘送祝福

坐月中的張嘉兒和再陀B的曹敏莉都有出席,張嘉兒昨在電話中說:「噚晚婚禮好感動,舊年黛黛有飛嚟加拿大參加我婚禮,今年佢結婚我特別有感覺,咁啱我又做媽咪,所以去唔到佢喺意大利搞嘅婚禮,終於等到香港擺酒,可以親自去攬實祝福好姊妹。」問到新手媽咪張嘉兒湊女情況,她說:「第一個星期好唔習慣,未熟悉囡囡脾性,呢個星期掌握好。」張嘉兒希望戚黛黛趕快加入人母行列:「我鼓勵佢快啲生BB,同我哋啲BB一齊玩。」



■蔡國威跛腳都撐着去飲宴,場中碰到友人傾唔停。DV圖片

蔡國威跛都到

蔡國威日前不慎弄傷右腳,他前晚紮着腳出席婚宴,並在Ig留言:「好兄弟好姐妹好同事好拍檔黛黛嫁啦,梗係跛都要嚟飲啦!」前晚11時許,婚宴尾聲,無綫藝員差不多全部離開,只剩亞視昔日藝人不捨留下吹水,戚黛黛夫婦則興奮跟親友影相。採訪:劉敏攝影:梁繼光、朱志聰




來源: http://hk.apple.nextmedia.com/entertainment/art/20160928/19783716
婚宴 茵媺 媺嘉 嘉兒 座上客 戚黛 黛黛 造人 貼士
PermaLink: https://articles.zkiz.com/?id=310433

陳豪帶B女探張嘉兒

1 : GS(14)@2016-10-17 08:09:21

張嘉兒上月8日為老公Nathan誕下囡囡Leora,連日來不少好友前往張嘉兒家探望。初為人母的張嘉兒前晚開心得將眾好友探望B女的照片貼上微博,包括陳豪、陳茵媺、湯洛雯、戚黛黛和岑杏賢等,張嘉兒又留言:「Leora is one lucky, extremely blessed baby!寶寶多謝咁多位哥哥姐姐來探佢和送給她的禮物。」



■張嘉兒誕下可愛B女,獲多位好友來探望。

陳豪夫婦還帶同5個多月細女Camilla探望Leora,見Camilla眼仔睩睩胖嘟嘟,十分可愛。記者前晚致電陳豪是否帶細女探望張嘉兒時,他透過WhatsApp以一個錫錫表情符號回覆。採訪:魯吉




來源: http://hk.apple.nextmedia.com/entertainment/art/20161017/19802917
陳豪 豪帶 女探 探張 張嘉 嘉兒
PermaLink: https://articles.zkiz.com/?id=312428

瑪麗嘉兒遭富豪未婚夫狠飛

1 : GS(14)@2016-10-28 06:24:26

美國巨肺天后瑪麗嘉兒(Mariah Carey)與澳洲富豪James Packer今年1月訂婚,但據報道指James不滿瑪麗太高調與揮霍,已分手收場,但James會讓瑪麗保留價值約7,800萬港元的訂婚鑽戒。據知James不滿瑪麗透過真人騷,將兩人的私生活公諸於世,報道又指瑪麗自今年初拒絕出席James家姐的生日派對後,兩人的關係已產生變化,故親友對於他們解除婚約都不感意外。




來源: http://hk.apple.nextmedia.com/entertainment/art/20161028/19814188
瑪麗 嘉兒 兒遭 富豪 未婚夫 未婚 狠飛
PermaLink: https://articles.zkiz.com/?id=313864

【馮仁昭四圍超】張嘉兒試飲凍人奶

1 : GS(14)@2016-11-16 04:54:26

張嘉兒個囡囡劉在芯(Leora)已兩個月大,佢不時喺社交網分享湊B樂,噚日喺Instagram上載囡囡短片,Leora咿咿呀呀講BB話,嘉兒留言:「難以置信,兩個多月已經識講自己名字啦!」佢又話湊B係從失敗中學習:「頭個月乜都唔識,餵人奶又同佢配合唔到,近排發覺佢唔鍾意飲解凍人奶,我拎嚟試吓,原來味道唔同,新鮮奶好甜,但解凍奶有啲苦。」撰文:馮仁昭




來源: http://hk.apple.nextmedia.com/entertainment/art/20161115/19833607
馮仁 仁昭 四圍 張嘉 嘉兒 兒試 試飲 飲凍 凍人 人奶
PermaLink: https://articles.zkiz.com/?id=315550

【同屆港姐】張嘉兒最快結婚生B

1 : GS(14)@2016-11-23 07:53:20

即將當人妻的王君馨,07年成為三料港姐,分別獲頒亞軍、國際親善小姐及最上鏡小姐,而當年撼贏她奪冠的是張嘉兒,季軍是周美欣。除了選美成為張嘉兒手下敗將,結婚生B方面,王君馨亦比張嘉兒慢一步,事關張嘉兒去年已嫁會計師男友Nathan,今年9月更誕下6磅重囡囡榮升人母。當日自然分娩的她,之後更謂產前產後都痛到嘔。至於當年獲季軍的周美欣,多年來發展平平,由電視台轉去當歌手、模特兒,知名度依然不高,早前她接受傳媒訪問,更自爆在電視台坐足三年冇工開。




來源: http://hk.apple.nextmedia.com/entertainment/art/20161123/19842341
同屆 屆港 港姐 張嘉 嘉兒 最快 結婚
PermaLink: https://articles.zkiz.com/?id=316664

瑪麗嘉兒真空露下體

1 : GS(14)@2016-12-04 17:34:17

美國樂壇天后瑪麗嘉兒(Mariah Carey)與富豪未婚夫James Packer婚事告吹後,日前公開與33歲舞蹈員Bryan Tanaka戀情,在夏威夷毛伊島海邊親熱。瑪麗星期四晚於紐約市與一名神秘大叔食晚飯,她穿上高衩低胸粉紅晚裝,着肉色魚網絲襪卻沒有着底褲,大步行時走光露出下體。另外,瑪麗昨日在紐約為錄製聖誕節目時例牌着上拋胸舞衣表演。




來源: http://hk.apple.nextmedia.com/entertainment/art/20161204/19854303
瑪麗 嘉兒 真空 下體
PermaLink: https://articles.zkiz.com/?id=318222

【馮仁昭四圍超】張嘉兒拒薦囡囡選港姐

1 : GS(14)@2016-12-07 07:41:21

港姐冠軍張嘉兒今年生咗萌爆B女劉在芯(Leora),囡囡轉眼已差唔多3個月大,張嘉兒得閒就同囡囡影寫真,幫佢留下美好回憶,好似近日佢就抱住囡囡影咗一齊擘大口嘅相,兩母女甫士充滿默契。問張嘉兒將來會唔會畀Leora選港姐?佢話:「我唔會推薦佢,但如果囡囡想,會支持佢。」仲強調會畀囡囡好大自由度,唔想佢有壓力,但會畀意見。撰文:馮仁昭




來源: http://hk.apple.nextmedia.com/entertainment/art/20161206/19856042
馮仁 仁昭 四圍 張嘉 嘉兒 兒拒 拒薦 囡囡 選港 港姐
PermaLink: https://articles.zkiz.com/?id=318530

瑪麗嘉兒傳再婚

1 : GS(14)@2017-01-29 10:31:44

美國是非天后瑪麗嘉兒(Mariah Carey)與澳洲富豪未婚夫James Packer分手收場,瑪麗被指搭上33歲的精壯舞蹈員Bryan Tanaka。聖誕時與瑪麗一家三口去科羅拉多滑雪勝地Aspen度假。有報道指上月Bryan心血來潮與女友談及婚事,由於氣氛浪漫,瑪麗亦答應再嫁,雖然婚訊未知真假,但外界及粉絲都不看好二人。




來源: http://hk.apple.nextmedia.com/entertainment/art/20170129/19911936
瑪麗 嘉兒 兒傳 再婚
PermaLink: https://articles.zkiz.com/?id=324624

張嘉兒帶女探黎諾懿B仔「小春雞」一出世被靚女圍

1 : GS(14)@2017-04-13 00:24:00

■張嘉兒(右二)昨日帶同女兒與岑杏賢到醫院探黎諾懿的「小春雞」。微博圖片



5億女婿黎諾懿前日就榮升做老竇,老婆李潔瑩(Nicole)提早生咗6.6磅嘅「小春雞」,黎諾懿接受傳媒訪問時就話覺得囝囝個樣似老婆Nicole多啲,不過唔緊要啦,最重要係BB能夠快高長大,健康成長。昨日黎諾懿嘅好朋友張嘉兒同岑杏賢就約埋一齊去探「小春雞」,去年做咗人母嘅張嘉兒仲帶埋半歲嘅囡囡Leora睇BB,睇到剛出世嘅「小春雞」,就好感觸咁話:「見番一日大嘅BB感覺好感動,好有感觸。恭喜晒神之馬壯同Nicole嘅小春雞,希望佢快高長大,健康快樂同埋愛回家。」​見到張嘉兒同岑杏賢亦母愛大發咁抱住小春雞添!而初為人父嘅黎諾懿,昨日凌晨就喺微博上載咗一段小春雞嘅短片,片中見到小春雞嘅喊聲好響亮,仲留言話:「小春雞降臨世上的第一天」,再貼咗好多隻雞仔貼圖。




來源: http://hk.apple.nextmedia.com/entertainment/art/20170412/19987644
張嘉 嘉兒 兒帶 帶女 女探 探黎 黎諾 諾懿 小春 出世 靚女
PermaLink: https://articles.zkiz.com/?id=330273

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019