ZKIZ Archives


廣告經綸:Sorry,單job我唔接!

1 : GS(14)@2016-03-05 01:09:38

最近為一班入職不到三年的同事做培訓。開始前,同佢哋熱身玩個遊戲。每組枱面各擺放了幾本雜誌,當中有時裝、育嬰、汽車、生活乜都有。只給他們兩分鐘,每人拿起是但一本選出佢認為做得最差的一個平面廣告,同時向所有人說明,到底差在哪裏。對於這班新秀,呢個task,不費吹灰之力,位位都振振有辭,七情上面,兼踩多兩腳,被抽出的廣告通通變得一文不值。例如:呢個賀年朱古力跨頁廣告,肯定全世界都唔會有人睇得明;呢個三間波鞋封面好明顯太趕仲未做完;咁嘅角度影架新車、凸顯唔到最特別嘅線條同個鬼面罩、個男model個樣又唔知想點、顏色又娘,仲賣成卅幾萬,搵人買都難;呢個奶粉廣告張BB相想點?又out of focus,死得啦……勢估唔到,我下一個問題,係要佢哋想像:「下一分鐘,你就要出門口,拿着呢隻廣告草稿,去sell畀你最重要嘅客戶,你會點?」全場頓時鴉雀無聲,然後互望。惟有硬住頭皮,有一個同事話:「之前嘅嘢,當粉筆字抹咗佢!」隨即口若懸河,差唔多連樹上面嘅雀仔都氹落嚟。又或用一招引蛇出洞,在先前講過嘅部份,加上一些新觀點合併去再賣一次。仲有個Art Director即時手起「筆」落,才半分鐘,喺隻草稿上面加咗幾筆,即時將醜小鴨變天鵝,簡直化腐朽為神奇。總之就各出奇謀,手舞足蹈,三寸不爛之舌,使出渾身解數。呢個遊戲,其實都有些啟發。有時踩人,唔使咁盡,可以留一線。又或者,如果對自己做事有信心,大可以理直氣壯咁同我講,咁劣質嘅廣告根本唔會係我哋公司、或經我手可以出到嚟,冇可能會發生。仲有,有冇諗過可以打個電話畀客戶,更改會議。不見得人,就不要硬來。做人同做sales、做廣告,都有條底線,就算你係金牙大狀,明知你要幫一個真係殺咗人嘅殺人犯脫罪,雖有能力,但你有得揀,接唔接呢單job。有些廣告,明知騙人,過唔到自己、過唔到人,係咪都照賣?文廸晞
mailto:heyadmen@gmail.com





來源: http://hk.apple.nextmedia.com/financeestate/art/20160303/19514011
廣告 經綸 Sorry job 我唔 唔接
PermaLink: https://articles.zkiz.com/?id=296674

【文青插畫師】唔接job都要做展覽 麥震東:覺得香港會玩完

1 : GS(14)@2016-11-29 00:15:40

插畫師麥震東首次做展覽,以6幅插畫描述眼中香港由60年代至今的每個十年。



畫過許多社區小人物情懷的插畫師麥震東(麥東記),作品向來深得文青歡心,33歲的他是全職插畫師,16歲已投身漫畫社,人生一半時間都在畫畫,畫過《龍虎門》彩稿,也畫過廣告及商業插畫。工作算是穩定,但手停口停,今年中想投入創作個人的作品,第一次做展覽,有三個月時間幾乎唔接job。「過去六年一直畫,無時間自己想東西,現在有種動力去做,想嘗試另一種方式做創作。」



近年香港的離奇不公義之事接二連三發生,畫開文青風格一臉斯文的阿東也有所感觸,「這一年多有種強烈的感覺,覺得香港即將玩完。」我手畫我心,他創作了六幅插畫作品,每幅作品代表他所眼中香港由60年代至今的每個十年:新蒲崗是60年代六七暴動的地方,70年代英女皇到訪愛民邨,80年代灣仔市民在家中看六四新聞……2010年代則是熟悉的旺角街頭。看似赤裸裸的政治控訴,但畫面上卻含蓄得多,阿東筆下的新蒲崗沒有衝突畫面,只有當時很生活化的場景;經歷過雨傘運動及魚蛋革命的旺角街頭,看起來卻十分和諧。「展覽的名字是香港轉角,究竟轉去甚麼方向,其實是未知的。」每幅作品的街景都蘊含了那個時代的故事,對他來說,每幅作品亦猶如一個轉角,比喻香港在不同年代的轉捩。「畫畫應該是解放自己的個性,這樣自己才會畫得開心。」回想當年,他亦如此提醒自己。小時候已嘗試畫連載漫畫,讀到中四更不管家人反對入行畫漫畫,在玉皇朝畫過《龍虎門》、《神兵玄奇》及《大霹靂》彩稿,後來也幫邱瑞新畫《火紅年代黑骨堂》、《火武耀揚》、《耀武揚威》等港漫。當時一腔熱血,返工兩三個禮拜才回家一次,忙得不可開交也毫無怨言。六年過去,他覺得漫畫來來去去都是畫差不多的樣貌,害怕流水作業的繪畫生涯變得麻木,他用數年時間探索其他創作的可能性,先是加入插畫師協會,後來回到校園,用三年時間在理工大學修讀設計,從中發展出用水彩畫結合電腦創作的風格,醞釀出「麥東記」這個插畫品牌。大學期間開始留意時事,奈何卻沒有時間慢慢沉澱個人的作品,終於在今年中用相同的畫筆,畫出不一樣的作品。《香港轉角》展覽時間:11月29日至12月15日地點:灣仔聖佛蘭士街14號Odd One Out記者:劉東佩攝影:許先煜


2010年代畫的是旺角,將2014年的雨傘運動及2016年初的魚蛋革命重現在同一畫面。

作品內容人物豐富,仔細睇,原來有把小黃傘。

1990年代畫的是九龍塘,回歸前人們舉家移民,飛機低飛過屋頂的畫面成絕響。


1970年代畫的是愛民邨,1975年英女皇訪港時曾到訪愛民邨。

英女皇當時身穿粉紅色裙子,身後是港督麥理浩。

麥震東畫過許多社區人物,圖是他為果籽畫的大埔墟街市。


麥震東16歲已進入漫畫界打滾,閒時也畫下不少習作。

為港漫《火紅年代黑骨棠》內文所畫的彩稿。



來源: http://hk.apple.nextmedia.com/su ... t/20161128/19847714
文青 插畫 唔接 job 都要 要做 展覽 麥震 震東 覺得 香港 會玩 玩完
PermaLink: https://articles.zkiz.com/?id=317421

杏兒唔接劇全力造人

1 : GS(14)@2017-04-30 15:22:17

胡杏兒和李乘德(Philip)已經結婚兩年,繼後香燈一直都是他們的人生目標,日前杏兒到銅鑼灣接受本報專訪時,她說:「已經計劃緊,平時喺內地拍戲,老公Philip都會探班,自己都唔再接劇住,活動、廣告都會做。身體方面,都有去睇中醫,但未至於試偏方,希望快啲有好消息啦。」講到婚後的變化,杏兒說:「未結婚之前,真係99%都係工作,?家要適應做人哋老婆、新抱。我好幸運,呢半年奶奶返咗香港同我哋住,佢日日都煮飯畀我哋食。拍劇我遇過野蠻奶奶,生活中我有個最佳奶奶,最緊要都係互相尊重,?家我都會將工作嘅schedule話畀奶奶知。」採訪:盧妹攝影:沈健程



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170430/20006086
杏兒 兒唔 唔接 接劇 全力 造人
PermaLink: https://articles.zkiz.com/?id=332060

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019