ZKIZ Archives


買窩輪輸身家雜工:唔好貪心

2008-10-30  AppleDaily

【本報訊】恒生指數一年以來蒸發六成,不少過去日日大魚大肉的股民,現時身家大縮水,要節衣縮食,他們寄語投資者不要貪心;也有看清股市凶險的投資者及時進退,成為金融海嘯中少數贏家。

「舊年股市好我專炒窩輪,貪佢可以以小博大。」有10年投資經驗的Jimmy過往只買滙豐等大藍籌收息,屬於穩陣一族,去年中股市暢旺,他改買窩輪,「幾乎買邊隻就賺邊隻。」10多萬元本金便賺了近60萬元,「搭程地鐵嘅時間都可能賺幾倍,都咪話唔癲。」

「得幾仙放都冇用」

全 民皆股,Jimmy越賺越心雄,到美國次按爆煲、雷曼清盤,以至全球股市急瀉,他堅持不抽身離場,今年累積已倒蝕近60萬元,「幾毫子買嘅窩輪得番幾仙, 放都冇用啦。」做雜工的Jimmy坦言已輸掉整副身家,現惟有節衣縮食。近日不少股民撈低入貨,Jimmy則忠告大家:「唔好貪心,唔好心存僥倖。」自言 炒股逾30年的蘇先生,幾乎逢交易日都到中環一家證券行打躉。他說,去年10月恒指逼近32000點已感不妙,只是一年下來跌幅超乎想像,累計損手 30%。港股浩劫令他稍為「縮手」,看清形勢才小注買貨,「市況反覆下滑,玩即日鮮賺錢難,好難講將來好市係咪冚得番輸咗條數。」目前他正伺機入貨,但會 反覆考慮,「睇機會囉,你覺得今次嘅金融風暴完咗喇咩?」

少數贏家及時抽身

金融海嘯淹沒不少人身家,盈富物業主席張錦成是少 數在股海獲利的人。去年今日很多人摸頂入市,張錦成卻把九成股票賣掉,賺了數百萬元;張錦成指,去年9月恒指升到26000點時已感到危機,「當個個都唔 理公司市盈率就買股,就係退出股市嘅時候。」如今很多股票現價已「跌到殘」,但他也不輕言入市,只炒短線,「大跌過千點先會撈底,升500點嗰陣就出 貨。」張錦成笑指08年至今,靠這投資策略仍能保不失。
窩輪 身家 雜工 唔好 貪心
PermaLink: https://articles.zkiz.com/?id=2959

中環在線:TVB老總「唔好唱衰香港」 李華華

2009-04-09   AppleDaily






 

自金融海嘯爆發,股市樓市近排至叫做升番啲,但我哋特首連同各級官員,繼續不厭其煩同大家講,最差時候仍然未到。平民聽到會積穀防饑,但打開門口做生意嘅,似乎有個問號喺頭殼頂!好似TVB電視廣播(511)總經理SK鄭善強,就似乎對政府呢個講法有啲存疑。

高官係時候收口

SK 噚日同華華等一眾傳媒朋友嚟次「善強飯局」,佢話照佢所見,TVB嘅廣告今年頭一季係跌,但踏入4月份好明顯見到好轉,而廣告某個程度係反映經濟環境嘅指 標。佢又覺得,政府係咁唱淡,會唔會嚇親喺香港做緊生意同埋想嚟香港做生意嘅人呢?照咁講,政府似乎係時候反思一下,邊個先係唱衰香港嘅罪人!講開SK, 雖然唔會見到佢喺幕前,但查實忙到好似幕後大老爺咁。好似呢排,佢就忙於同官府反映搞數碼廣播後,網絡容量唔夠嘅問題,當中牽涉到空中網絡提升呢啲咁技術 問題,希望今年底獲批。另外,佢又忙於搞擴大收視調查範圍,事關以往收視調查,只係覆蓋700呎或以下嘅住宅,但數碼廣播後,觀眾大部份係來自700呎或 以上住宅,所以,舊調查其實已經反映唔到真實情況。

唔夠水搞數碼廣播

佢話希望6月份搞得掂,但o依家業界仲未有共識,事關擴大範圍一定加重電視台成本,而o依家有人唔肯畀錢。唔知係邊個唔肯科水呢?
 



中環 在線 TVB 老總 唔好 好唱 唱衰 香港 華華
PermaLink: https://articles.zkiz.com/?id=7233

中環在線:中亞能源換核數師未必唔好 李華華

2010-7-21  AD






 

睇上市公司通告,一般嚟講,除咗盈利警告,會令人有少少唔安樂嘅,應該就係換核數師!大家都知核數師對公司盤數,理論上同邏輯上都應該係最清楚嗰個,佢哋份報告更加係盤數嘅指標,換親核數師,通常無好嘢!

不過凡事有例外。噚日華華睇港交所通告嗰陣,見中亞能源(850)通過換核數師,即刻開出嚟『目及』『目及』,換出邊個並唔重要,見到佢換入德勤,先至係重點!財圈界係人都知,有四大會計師樓之一做公司核數師,係幾咁有代表性呢!

咁點解華華會咁留意850換核數師呢?事關佢哋喺今年1月,副主席兼營運總裁鄺社源惹上官非,畀兩個響07年曾經幫佢搞天然資源生意嘅人入稟追佢100萬銀,因為雙方曾經協議可以平分鄺社源響新業務得到嘅收益……唔知換核數單嘢,同呢單官司又有冇關呢?

李華華



中環 在線 中亞 能源 核數師 核數 未必 唔好 華華
PermaLink: https://articles.zkiz.com/?id=16888

換樓好唔好? Home Blogger

http://www.homebloggerhk.com/?p=5010

Kitty: 你好!我年半前以$1700000買入金獅花園(9成按),現單位已升值至$2500000。因剛生了小孩,覺得地方不夠住,想換大一些的住宿環境。但現在私樓實在太貴了,我今年28歲,儲蓄只有$400000,月入17k,先生20k(自顧人仕沒有報稅),本人想賣掉單位,先租屋,等兩年後抽居屋,但又擔心抽唔到!你認為可行嗎?請指教還有其它方法嗎?

Kitty小組的個案相信好多人都面對過。結婚「猛猛緊」買間兩房上車,及後發覺要三房先夠用(其實係香港梗係越大越好),於是心中計數如何改善居住環境。 

方案一就係人都曉,就係賣左舊樓買番新樓。中間好多人間係究竟賣樓先定係買樓先呢? 對自己最著數既係賣樓數期短,買樓成交期長,咁你既cash就最鬆動啦。但要注意係賣樓一收左錢係就要交吉(搬走),所以請勿係新樓睇到十畫都未有一撇時就走去沽出現居。諗樣係早期文章已有提及詳細情況,如同賣家議價到3-5%內時可以點做,提前成交如何完成等,請留意blog中其他文章(其一參考買樓附送試住期)。 

Kitty如要一沽一買未必合適,始終手上現金及月入未見強大,等兩年後抽居屋,真係有可能抽唔到。因政府好大可能將抽居屋入息上限調至三萬五至約四萬水平,多左人爭居屋。

 

建議可以先將現樓租出,再自己去租三房。好處係唔便比兩次傭(一賣一買),又唔使再行SSD(三年),更可慳比大部份印花稅。賣出金獅收1%即$25000,買入三房至少都三百幾萬,又約$35000,最後新樓更要打印花稅約$70000,即係呢個動作未計裝修先洗十三萬! 呢十三萬只係益左人同政府! 咩都買唔到(除左幾個印)!

 

金獅花園租出去,都係比萬元傭金,月租收入都有八至九千。如果去一些半旺地方,三房租萬二蚊左右有可能。咁即係kitty補貼幾(四)千蚊就可以住係三房。如佢用此方法慳返十三萬,舊錢已夠佢比32個月四千蚊。32個月後都2015年,到時睇環境再算。現時現金流有限又有需要住三房既朋友,請考慮此方法。因夾硬係旺市谷盡買入三房單位倍埋風險。對於kitty辛勤努力撫養小朋友既香港人,此乃真心及良心上既建議!


換樓 樓好 好唔 唔好 Home Blogger
PermaLink: https://articles.zkiz.com/?id=39441

無縫地板 好唔好? Home Blogger

http://www.homebloggerhk.com/?p=5133

近來越黎越多人問無縫地版,原因不難理解。價錢係主要因素,自政府要向廢物泥頭堆積收費後,你將間樓全部地版起哂再鋪,以一間兩房單位,起地加傾倒要約$12000,買磚(或柚木)平都要$5000,師傅手工都要兩到三萬,淨係個地計埋都要成四萬蚊。如果你係舊有地版蓋層無縫上去,手工連料萬零蚊攪掂! 如果你唔諗住間屋住成世,無縫地版正好合你住幾年貨仔既諗法。

 

鋪無縫當然有唔好處,持續冷縮熱脹可會令地被谷起,倒水落地有機會藏水,過一排又谷爆。能否避免好睇鋪地師傅有否平均分放夾棉於地版空隙中,以及地被本身個接合位做得靚唔靚。係旺角搵到既多為大陸貨,每呎十幾蚊(好似$12)都有交易。歐洲版要搵代理入貨先會有合理價錢,係旺角見到貴貨都係貴在要加鋪租。相搵又平又靚既料,請bookmark本網,希望homebloggerhk係往後文章會幫到你。

 

仲有無縫地版有分纖維版同實木版,纖維版唔易吸水,易打理,但係踩上去會令你有些少架空感,始終感覺到地版有兩層。實木令人有實在感,但重量同款式少一點,舊左可以番磨一到兩次。最令人高興既,係無縫地版有不少磚面款比你選擇。

 

鋪無縫最緊要係個師傅。往後會唔會易突起就靠哂佢。請你搵番專賣地版比地既師傅做。如搵同一師傅做哂咁多項,相信未必個個都搵到識鋪無縫既師傅。係網上見到大家對無縫地版意見不一,其實由於個expectation(一般無縫都係玩五年),或execution(搵對人鋪)同原意不合而矣。

無縫 地板 好唔 唔好 Home Blogger
PermaLink: https://articles.zkiz.com/?id=41890

換樓好唔好?(答) Home Blogger

http://www.homebloggerhk.com/?p=5487

kitty小姐的個案相信好多人都面對過。結婚「猛猛緊」買間兩房上車,及後發覺要三房先夠用(其實係香港梗係越大越好),於是心中計數如何改善居住環境。 

方案一就係人都曉,就係賣左舊樓買番新樓。中間好多人間係究竟賣樓先定係買樓先呢? 對自己最著數既係賣樓數期短,買樓成交期長,咁你既cash就最鬆動啦。但要注意係賣樓一收左錢係就要交吉(搬走),所以請勿係新樓睇到十畫都未有一撇時就走去沽出現居。諗樣係早期文章已有提及詳細情況,如同賣家議價到3-5%內時可以點做,提前成交如何完成等,請留意blog中其他文章(其一參考買樓附送試住期)。 

Kitty如要一沽一買未必合適,始終手上現金及月入未見強大,等兩年後抽居屋,真係有可能抽唔到。因政府好大可能將抽居屋入息上限調至三萬五至約四萬水平,多左人爭居屋。

 

建議可以先將現樓租出,再自己去租三房。好處係唔便比兩次傭(一賣一買),又唔使再行SSD(三年),更可慳比大部份印花稅。賣出金獅收1%即$25000,買入三房至少都三百幾萬,又約$35000,最後新樓更要打印花稅約$70000,即係呢個動作未計裝修先洗十三萬! 呢十三萬只係益左人同政府! 咩都買唔到(除左幾個印)!

換樓 樓好 好唔 唔好 Home Blogger
PermaLink: https://articles.zkiz.com/?id=43005

賣樓套現好唔好?(答) Home Blogger

http://www.homebloggerhk.com/?p=5483

答: 
因天水圍單位尚欠1.75mil,就當拉到最盡分30年按揭還(2.15%年息)都要$6500一個月,其中一半還本。由你上文所述方法一,如你再購入一三百萬九龍灣單位自住,你將要負擔多萬幾蚊每月供款。就當你同銀行講今次係換樓可將審批負擔比率加至50%,恐怕較難獲批,相信你自己都計到。要用方法一你要申請按揭時連同天水圍單位賣樓臨約一併提交,證明今次係換樓同埋已賣出舊居,咁先有得傾。所以方法一近乎行不通,除非你一買入新單位就短時間內能賣出天水圍,同埋又合時係交吉前送走好租客,咁先乜都唔會上身。

方法二就最合一般邏輯(合邏輯唔代表最好)。但要承受呢年樓市變動風險。加上而家賣樓之後因額外印花稅你再要等三年先可免收10%,此乃現時換樓之不便。

見你行文估你都好想賣樓,當然賺百幾萬係一個吸引數目。天水圍樓市比另外大西北地區都仲要落後確為事實,今次一買一賣就當換貨。由於購入單位金額同比不算大,建議沽出天水圍後用九成按揭買間三百萬內既自住樓,保留更多現金係身邊為下次入貨準備。諗樣都講過如果現時樓宇賣出獲利可達你十年所儲金錢,咁就放心去做啦,要跌的樓終有一日要跌。

由於上篇文章刊後有讀者問換樓點買賣最好,故在此簡短重覆,應先將自住樓放賣,睇下人地肯出幾錢,你先去諗下買身樓咩budget。極多人係高估自己間樓而低估人地間屋價錢。另外係議價達3-5%內先好將另一邊買或沽出。同埋沽出成交期一般短對你有著數,買入物業要比錢梗係越遲越好。如有租客阻礙,請自行再就時間,一定要番睇清楚簽低租約所示通知期。另外比租客知你邊日賣樓交吉係大忌,試過有租客賴死唔搬從而「敲詐」業主金錢。搵有信譽同信得過既經紀幫手確實重要。

諗樣認為讀者投資都屬保守型,兼未搵到適合自己既一套投資方法。由組合見樣樣買些少,月供又搵中電從而猜估。所以買完新屋比左一成首期後可將餘款做人仔定期,一年夠補貼供幾個月樓。九成按揭可做分十五至廿年還,減低按保費支出。兩年後過了罰息期而真係再買樓收租先將年期拉長,令人工可夠負擔兩層樓。十分建議讀者由樓房投資置富,因收入有限而要養家,投資亦不想進取,唔好好等淡市利用樓市槓桿根本無路。

講左咁耐,其實唔賣樓都屬不錯辦法。好租客難求。但賣樓之心由文所見,頗為堅決。

賣樓 套現 好唔 唔好 Home Blogger
PermaLink: https://articles.zkiz.com/?id=43006

80後買樓記(六) : 揸的士都唔好做銀行? Home Blogger

http://www.homebloggerhk.com/?p=5604

我轉左行做保險公司份工,就好似肥佬老闆跟班咁,同佢出去見客之後將簽好文件送比核保辦理。有時肥佬會用家居保及旅遊保同新客打開話題,傾下車保更可了解客戶財政狀況,原來想快手了解面前客人,都有咁多學問。先講一D佢感興趣既話題,再搵出自己可以係邊方面幫到佢,從而令客戶知道同你做朋友係有好處既。肥佬心情好時都會教下我野,我明白老板教我野唔係必然,因學到既野只屬於係自己,第時辭左工都可帶走的。把握機會從工作中學習,係令我事業轉好,人工增加而買到樓既重要元素。

 

保險公司既經理除左sell單,請人拓寬「下線」係重要工作之一。請一個新人,仲好過佢自己出去跑數。Well,肥佬自己好懶,平均一日都見唔夠兩個客。但係佢叻在識搵人幫佢跑,招募下屬。佢鐘意搵銀行做開既人加入,一黎佢地識賣保險,二黎銀行呢幾年同員工「不斷加壓」,搵人由銀行出走到保險公司,唔係易事。

 

是的! 又係michelle。肥老闆不時係bank收卡片,及後跟進約銀行sales出黎飲野。今次搵埋我一齊見旨在showoff佢有幾掂。Michelle係一個二十有幾既斯文長髮少女,眼細細而勝在皮膚夠白淨。個日我地係佢分行附近既starbuck見佢,成下晝四點michelle趕到黎,放低袋就二話不說走去買三文治食,坐低吞左啖水後先一路啃野一路同我地講佢未食晏。肥佬一貫作風,問多過講,問下佢好咩搞成咁。Michelle話佢已經「N5」,即係nil for 5 days,連續五日冇數交!! 因為5日交唔到數好大鑊! 今日上晝七點幾已經要同分行經理去面聖(見大老闆),最慘既係尋晚call客call到九點幾先返到屋企,訓得幾個鐘又要返工。真係就黎神經失常!

 

最慘係剛入行既新仔,為左一萬幾千既人工捱到咁盡,當然做幾個月之後就失蹤。所以你見而家成日請新人,成日銀行職員做錯野,成日換客戶經理。」Michelle話:「我做左銀行幾年,唔上唔落,轉行又要重頭黎過,咪仲要係度捱。」一路講一路食埋最後啖包。

 

佢話最傷既係今朝面完聖,同成班sales加埋分經(分行經理)開會。經理摔數問Michelle呢個禮拜有信心「做幾多」? 佢低頭唔答,之後細細聲答左十萬。經理就話:「十萬?你唔使旨意! 三十萬啦!」唉咁講不如唔好問,一味被人逼佢跑數。」

 

肥佬話呢份工冇人逼佢做。Michelle話當然可以辭職。不過佢經驗為求佢遞信後仍然專心跑數,一家會威脅佢如果唔到數會寫花佢走人時攞封reference letter,等佢係第間bank應徵時過唔到reference check,等於踢佢出銀行界。 Michelle眼濕濕咁話: 「我到數又使鬼遞信咩…而家 真係唔上唔落。唉,拖都唔使拍,而家分行唔到數,星期日要攪埋「理財日」。老細不斷問有冇人做volunteer,我都唔知咩q野人,仲可以笑笑口係whatsapp like呢件事之後舉手要星期日返工!」 

 

肥佬就同佢講:「鬼咩,而家係香港銀行,客戶經理要一腳踢銷售基金、保險、外幣、股票掛勾產品加埋按揭。我都知而家有人行入分行,櫃面職員已經對人虎視眈眈! 因為佢一日無番兩個銷售推介比sales,「放飯」都未有資格。客戶經理sell唔到你野又要向分行高層交代! 既然你做到咁無癮,不如過黎幫我手啦!」

欲知後事如何,請看下回分解。

80 後買 買樓 樓記 的士 都唔 唔好 好做 銀行 Home Blogger
PermaLink: https://articles.zkiz.com/?id=43321

買生意好唔好?(答) Home Blogger

http://homebloggerhk.com/?p=8160

多謝你提問,做生意會被逼地學到多樣技能,是將你個人潛能盡輸出之一個行動。常言道:「力不到不為財.」如果是買入小生意,自己唔落手腳用心去做,好彩既係頭幾個月比你搵返當初個資本、小蝕離場。假手於人,如果真係咁好搵你請番黎個人一排後都會自己走出黎開檔。如果生意冇起色,打工既冇所謂,但係睇唔緊自己盤生意自如倒錢落海,賠上樓房欠下成身債不計其數。所以冇咩小生意可唔駛落手落腳去做。至於大公司有規模的,當然可以請人幫你做,但你出何代價令叻人安於本份呢? 講到呢除左你係一個有錢既二世祖,否則搞生意自己唔落手很難成功。

 

 

土地是有形資產、人材係無形資產。如果你有個真心朋友,可以由你控股而佢出力,有希望不費氣力而令生意滾出錢來。

 

但睇讀者profile,工作穩定,人工只屬一般。相信唔係慣常幫公司搵客搵錢一群,既然有公司「磅住」自己去搵客都唔掂,作來自己搞生意?

 

 

另外生意是資本定資產? 實在密不可分。資本一般指intangible的東西,資產是有形(tangible)的,你可以用資本去買一些為你製造收入的資產,可以生意是既有資本在內,又控有資產在手,亦沒有近似生意之放盤參考,令估值十分困難。 

 

生意之估值即你究竟比幾錢去買盤生意先抵! 筆者之理解是未來一段時間生意能給予你的收入之現值總和,再加上該生意有機會為你帶來之增長價值。該生意擁有之業權,一般可用現價估值,用其提供之收益作估價會令計算更複雜。比較了你要付出之買入金額及生意每年能為你帶來之收益後,如付出金額遠超收入之現值總和,表示你要付一大筆錢去買其品牌、願景,你要細心考慮如東主變更會否影響其品牌價值。而筆者覺得最好既生意,莫過於沒有品牌和願景、最好是沒有太多fix asset的,買入後自己攪起盤生意再賣出予人,是其中一個不困身,而又能賺錢之法,惟此舉要有能之通才先可完成。 

 

所以攪生意而想不困身,是高難度動作。可以打好根基而將錢分在樓房及生意,令人更有預算。

生意 好唔 唔好 Home Blogger
PermaLink: https://articles.zkiz.com/?id=57237

唔好輸錢 蔡東豪

2009-11-12  NM
 
 

 

基金經理今年表現大都非常出色,基金從年初至今上升了三成左右,特別突出的基金上升五至八成,可是大部分基金投資者仍唉聲嘆氣,原因他們不是今年初入市。從08年初計算,大部分投資者持有的基金仍「潛水」,理由簡單,他們逃不出「輸錢酷刑」的魔掌。

什麼是「輸錢酷刑」?你手上的投資下跌10%,你要賺11%才收復失地;下跌20%,要賺25%;下跌三分之一,要賺一半。記着,只是收復失地,賺回輸去的錢,打回原形。100元輸了50%,點解要賺100%才打和?輸就50%,卻要賺100%才打回原形,這條不對稱的數點計?

「輸50%要賺100%」這條問題,一時之間可能連投資高手也被難倒。答案是未輸錢之前你有100元為你錢搵錢,輸錢之後你只剩50元;本金少了,自然要加倍努力。08年恒指下跌四成,投資中港股票的基金普遍下跌四至五成。從08年初計,100元投資輸剩50元,09年年初至今賺五成,閣下的投資升回75元,相對08年初仍輸25元。假如世上真的有投資秘笈,第一招應該是「唔好輸錢」。「唔好輸錢」跟「阿媽係女人」有何分別?當然有,你要讀下去。

我從兩個層面分析「唔好輸錢」的意義︰投資基金和直接投資。我們的記憶力有限,但08年發生的事情仍清楚記得。這兩年大落大上的經驗提供有用的數據來衡量基金經理表現。08年經驗告訴我們,投資大忌是輸大錢,因為輸大錢後本金少了,所有事情都會變得困難重重。選擇基金的時候,了解基金經理在逆境中的表現,比順境中的表現更重要。

投資基金不是短炒性質,投資者是希望藉着基金經理的專業知識和基金的分散風險特性,長期賺取回報。基金經理輸了大錢後,很可能會亂陣腳,急於在最短時間收復失地,有可能犯上更多錯誤。換句話說,懂得減低輸大錢機會的基金經理,較有可能為投資者累積財富,長遠達到投資者的回報目標。

08年表現最好的基金也要輸錢,但不會輸40%至50%,可能是輸20%至30%。這些表現較好的基金經理,不大會被投資者注視,遑論讚賞。但能夠在大跌市輸得較少,可為長期表現建立根基,理由是輸得較少的基金經理面對較輕的搵快錢壓力,可以堅守自己的投資信念。相反,輸了大錢的基金經理可能傾向「盡地一煲」。有趣的是,選擇「盡地一煲」的基金經理在09年真的贏大錢,投資者選擇基金的時候,可能會被「盡地一煲」型基金在今年的表現吸引到。

選擇基金不可能單看短期表現,還要看基金經理在跌市中的表現,是否有本領把輸錢風險減至最低,從而推測他們長期表現。最出色的基金經理在大跌市中跑贏大市,輸得比人家較少,不會自亂陣腳,一直堅持信念,在升市中未必贏到最盡,但同樣享受贏錢機會,然後把命運交予時間,讓Compounding發揮美妙作用,做出最好的長期成績。

在個人層次方面,「唔好輸錢」絕非廢話,我認為有具體方法執行。股票升和跌的幅度是有相連關係,即是說,某公司股價在短期內有機會升幾倍,亦代表股價有可能暴跌。投資者買股票之前,不可能準確預測股價表現,但可問自己這問題︰這間公司的股價可以跌至幾低,可以升至幾高?

「唔好輸錢」的秘訣是要選在正常情況,一段短時間內升和跌不超過兩至三成的股票。80元買比亞迪,股價有沒有機會再翻幾番?有,不過同時有機會暴跌。比亞迪股價急升是投資者看好電動車的前景,假如比亞迪電動車果真突圍而出,在歐美市場闖出名堂,80美元的股價也有可能出現。相反,假如電動車業務最後只是小撮人玩意,股價肯定存在暴跌空間。堅守「唔好輸錢」原則的投資者,不會在80元買比亞迪。

以6元股價買工商銀行可以跌多少?以現市盈率13倍計算,在正常市況,我認為最多跌兩成,因為我相信內地經濟發展,工行一定受惠。投資者堅守「唔好輸錢」原則建立的投資組合,選擇的股票是工行,不是比亞迪。

當有人向你認叻,吹噓今年戰績如何彪炳,在不會令大家冇朋友做的情況下,你不妨問問對方,從08年初至今的成績如何?

蔡東豪Tony Tsoi

現任上市公司精電國際行政總裁,他曾任職投資銀行,在《信報》以筆名原復生撰寫財經專欄,對投資及求知有無限渴求,習慣早上四時起床寫作找樂趣。


唔好 輸錢 蔡東 東豪
PermaLink: https://articles.zkiz.com/?id=62640

要成為大師,唔好嫌命長

上面這張圖非常經典,裡面涵蓋了一些投資大師的長期回報收益率。裡面涵蓋了基本面選股,宏觀對沖,量化,交易等不同風格的投資大師。但是我們看到他們都有一個共同點,就是好鬼長命。

從基本上,平均可追溯業績在30年左右,最少的也有10年以上的可追溯業績,最長的就是巴菲特,超過了55年的可追溯業績。這一點是最近思考中給我啟發最大的。無論什麼投資風格,方法,甚至性格,能夠成為真正影響到後人的投資大師必須有一個特點:唔好嫌命長,活得夠長壽。

從巴菲特到索羅斯到Jim RogersBarton Biggs,原來它才是投資大師的最核心要素。巴菲特是真正踐行「唔好嫌命長」這個真理的。他親力親為做投資,身體狀況也非常好。在接近90歲的高齡依然思維活躍,他30歲之前,財富只有一球美元。越到後期,他財富的積累就越驚人。


好鬼長命,是我們過去半年對於投資大師最深刻的啟發。表面上,這是一句廢話,但背後卻是所有偉大的投資者之所以偉大的原因。我們不會記得那些一兩年做的很優秀的人,甚至Peter Lynch接班人Bill Miller也逐漸被大家遺忘,因為他在金融危機中的滑鐵盧。無論你是什麼投資風格,什麼投資理念,最核心和共同的一點就是要在市場中夠長命。

Barton BiggsHedgehogging》這本書說過,只要活過三年的對沖基金基本上規模都不小,收益也不錯,但是問題是每年有三分之一的對沖基金在第一年就被消滅了。那麼我們反過來思考這個問題,如何能成為活過三年的對沖基金?


索羅斯和巴菲特年齡一樣,投資方法完全不同,的確有許多可以對比的地方:巴菲特出生國會議員之家,索羅斯是為了躲避戰爭去的美國。巴菲特生活樸素,甚至孤寒,索羅斯喜歡捐款,致力於開放社會的偉大目標。巴菲特依靠股票投資賺錢,索羅斯擅長外匯期貨。但其實我們忽視了他們的共同點:就是在投資中其實他們都是很細膽的,做的都是確定性投資。

花半秒鐘就看透事物本質的人,和你花一世都看不清事物本質的人,註定是截然不同的命運。這是《Godfather》這部電影中的對白。

頂級投資人的邏輯思維,是化繁為簡,目的是找到解決方法。因此,所有和尋求解決方法無關的資訊,都是無用資訊,都需要剔除,用減法。這是我個人最喜歡的一條經驗。洞察(Insight) 這個詞,在廣告行業用的很多:事物的原因,原因的原因,原因的原因的原因。這個人,背後的AgendaAgendaAgenda

你需要洞察的,就是事物的本質。

我們看到,投資大師他重視的是方法論,是體系。投資有完整的體系,然後在這個方法和體系中進化,才能成為長跑冠軍。現在的體系是什麼?當然是人工智能(A.I.)及大數據(Big Data)、再加上移動應用(Mobile App)


而投資沒做好的人,往往是基於對個人,主要是對自己的自信和要求。這是非常難持續的。那有咁多股神?


首先,一個人要不斷進化,保持進步,甚至保持對市場的勝算就非常非常難。其次,很多時候尋找到未來的十倍股是無法持續和預測的。有些人因為某些因素抓到過十倍股(比如因為對於某些行業的理解),但要抓住下一個十倍股的概率並不能提高。個人的能力在體系和方法面前就很渺小。

所以這麼多年,其實巴菲特真正買入過的十倍股不是那麼多,他也從來不推崇Tenbegger。他的核心模式就是不斷獲取風險剝離後的收益,每年哪怕就那麼一點點,但是這種模式可以持續,可以滾很多年。那麼時間越長,巴菲特的雪球就越大。

以前有個朋友跟我說過一句話:堅信長期的力量。我認為背後也是這種思路,尋找長期可持續的模式,讓時間成為我們的朋友。時間越長,大家看到的差距越大。


又年輕、又多金、中環金融才俊?呃妳上床咋傻女。(未完)


成為 大師 唔好 好嫌 嫌命 命長
PermaLink: https://articles.zkiz.com/?id=231223

《S風暴(S Storm)》:可唔可以拍得唔好咁hea?

上一集《Z風暴》劇情雖然兒戲,但魔術師都叫可以接受到,但點解呢套所謂續集可以亂咁嚟,真接挑戰觀眾智慧最底線?


閱讀更多 »
風暴 Storm 可唔 可以 拍得 得唔 唔好 好咁
PermaLink: https://articles.zkiz.com/?id=246283

李嘉誠捐 3億改形象 議員:唔好樣樣賺到盡,咁比捐錢更有效

1 : GS(14)@2010-09-16 23:46:18

http://hk.apple.nextmedia.com/te ... 866&art_id=14455349

【本報訊】政商界人士將引發社會仇商情緒的矛頭,指向個別地產商之際,長實集團主席李嘉誠昨日宣佈,以名下的基金會捐出三億港元,發起「香港仁愛香港」行動,推動關懷社會活動。多名泛民主派及建制派人士均認為,李嘉誠搞三億慈善基金,只屬公關形象工程,難以解決社會仇商問題,商界要洗刷形象,必須放棄「賺到盡」營商手法,對社會及打工仔承擔更大責任。記者:林俊謙、莫劍弦

李嘉誠上周在深圳獲國家主席胡錦濤單獨接見,隨即惹來不少人批評,也令社會仇商情緒和相關討論再度升溫。前港區人大代表吳康民、人大常委范徐麗泰、行政會議召集人梁振英等建制派人士,先後開腔呼籲商界人士「發財立品」、主動回饋社會,化解市民的仇商情緒。
資助關懷社會活動

「李嘉誠基金會」昨日宣佈投資三億元,發起名為「香港仁愛香港」的公益行動,資助關懷社會活動。李嘉誠在新聞稿說,今次計劃歡迎所有香港人參與,希望透過此計劃,創造一個處處有關懷、人人樂助的社會,又即時推出首個活動「 Love Ideas, Love HK集思公益計劃」,讓市民提交具創意的愛心項目,網站會舉辦投票,並撥款給予獲最多選票的項目,最多 30萬元。
不過,李嘉誠昨出席「香港潮屬各界 61年國慶酒會」時,不肯回應捐款是否與社會上仇富仇商情緒有關,也不回答是否有助紓緩仇富、仇商怨氣,只是不斷說對「香港仁愛香港」成立感到十分開心,又指計劃已「做咗幾個月呀」。
被指首要放棄特權

對於有報道指他透過向中央轄下慈善基金捐款 60億元,換取與國家主席胡錦濤單獨會面,李嘉誠最初拒作回應,之後再大「唉」一聲回應:「即係稍有頭腦,都唔會信啦」,記者此時再追問報道是否屬實時,李即說「唔講喇」,之後再沒回應任何問題。
早前香港社會出現仇商情緒,已盛傳不少商界富豪有意牽頭搞慈善基金,推動社會慈善活動,希望改善商界形象,其中自由黨前主席田北俊曾表示有意成立一個五億扶貧基金,希望向商界籌款,但至今仍未成事。
商界消息人士稱,李嘉誠原本支持商界捐款改善形象的構思,但他眼見其他富豪一直未有行動,決定帶頭先行。他早前出席旗下集團的業績記者會,就稱過去多年已捐出三分之一財產予名下基金會,以從事各項慈善活動。他當時透露, 5月開始已部署在港推動一些公益項目,本月內公佈詳情,又表明若反應良好,未來行動撥款會增加規模。
民主黨立法會議員李永達認為,李嘉誠每年賣樓盈利百億元計,三億元捐款只是相當小的數目,「佢哋地產商賣發水樓、托高樓價影響好多市民,三億捐款根本唔可能令呢班市民受惠」。李永達認為這類「公關式」捐款,根本不可能改變市民仇商情緒,若李嘉誠真的要化解市民對商界怨氣,首要是放棄商界的政治特權、不再堅持保留立法會功能組別、以及改變以往不公平售樓手法。
「捐畀港大都十億」

職工盟立法會議員李卓人也指出,李嘉誠捐款三億只是一場「形象工程」,「佢捐畀港大都十億喇!扶貧只係用三億﹗」他建議李嘉誠倒不如盡企業責任,「唔好樣樣要賺到盡,咁樣比佢捐三億更加有效」。
日前曾批評個別商界人士為賺錢而不擇手段的工聯會會長鄭耀棠認為,只是有少數富豪「發財未立品」,他認為富豪要捐獻回報社會之餘,商界也要有企業責任、社會責任,要有社會良心。
2 : oneirocriticism(809)@2010-09-17 12:18:11

「佢哋地產商賣發水樓、托高樓價影響好多市民,三億捐款根本唔可能令呢班市民受惠」
重點
3 : reference(1610)@2010-09-20 15:26:34

《論語》中說:「不義而富且貴,於我如浮雲。」
《聖經》中則說:「用詭詐之舌求財的,就是自己取死;所得之財,乃是吹來吹去的浮雲。」

我覺得李生雖然能講出以上說話, 但我相信佢未真正明白當中意思。
希望佢明白"能力愈大, 責任愈大"這道理。
4 : abbychau(1)@2010-09-20 16:47:19

Just the subsequence of monopoly
5 : GS(14)@2010-09-20 21:28:13

3樓提及
《論語》中說:「不義而富且貴,於我如浮雲。」
《聖經》中則說:「用詭詐之舌求財的,就是自己取死;所得之財,乃是吹來吹去的浮雲。」

我覺得李生雖然能講出以上說話, 但我相信佢未真正明白當中意思。
希望佢明白"能力愈大, 責任愈大"這道理。


但是其他人仲無表示,他算做得最好啦,不過應該用埋facebook...
李嘉誠 李嘉 億改 形象 議員 唔好 樣樣 賺到 到盡 咁比 捐錢 有效
PermaLink: https://articles.zkiz.com/?id=270772

賞金店收金食水深,所以唔好賣金給他們

1 : GS(14)@2011-06-14 22:08:55

http://hk.apple.nextmedia.com/te ... 104&art_id=15339330


消委會指難協助

陳小姐直言為了奶粉錢只好將嫁妝變賣,事後始知賞金店「食水深」。

賞金店於去年 4月成立,由兩名登記住址在澳洲的外國人持有,本港分店集中在公屋商場,但記者嘗試根據該店的宣傳單張到其網頁查看資料,發現網頁並不存在,亦無法找到該公司的聯絡方法。消委會表示放售金飾不屬消費層面,未必受保障,該會一般難以協助。
2 : GS(14)@2011-06-14 22:09:06

http://hk.apple.nextmedia.com/te ... 104&art_id=15339331
商會指引 火耗收 6%
2011年06月14日
3 : 鱷不群(1248)@2011-06-14 22:53:34

六福等主力賣金,而賞金店只做回收,在鋪租等固定成本較少分攤下,收購價很難做到相同
4 : 亞力士(1473)@2011-06-14 23:52:35

有d取巧 同金鋪買賣一向火耗唔收/少收
5 : CHAUCHAU(1254)@2011-06-15 12:54:02

原店買賣只計手工錢
6 : GS(14)@2011-06-15 21:35:40

5樓提及
原店買賣只計手工錢


我父好耐之前去到D小金鋪同大金鋪賣碎金,發覺價差都好大
賞金 店收 收金 金食 水深 所以 唔好 好賣 賣金 金給 他們
PermaLink: https://articles.zkiz.com/?id=274805

團圓好唔好睇?

1 : GS(14)@2011-06-25 15:30:12

我覺得遲D就好睇
團圓 好唔 唔好 好睇
PermaLink: https://articles.zkiz.com/?id=275039

個郭艷明正一無知婦人,唔識唔好害人啦

1 : GS(14)@2011-09-21 21:10:18

隻股乾乾下都升了20倍都有,仲推,真是無話錯佢,正一老闆報,是咪想當人無腦? 搞呢d野好明顯就是想出貨啦,想人中計無咁易
http://www.headlinefinance.hk/ak_share_content.php?id=1936&

  雖然新意網不算最「大隻」,但代表性高,與新意網份屬同期且同樣以科網業務為主的中華網,近年已相當低調,故一旦新意網成功轉板,除了為創業板歷史上「科網狂潮」的一頁劃下句號,亦顯示這個香港第二板吸引力愈來愈褪色。

  其實GEM的公司並非全部無睇頭,以市值第三大的瑞豐石化為例,去年通過收購轉型發展燃油加工、儲存及貿易業務,今年首兩季都能成功扭虧為盈,上半年營業額按年大增470倍25.03億元,中期純利6239.6萬元,而去年同期就蝕295.1萬元。

  瑞豐石化上周與中國電子商務協會發展基金管理委員會簽訂諒解備忘錄,開發及營運電子商貿平台,提供網上石油化工產品貿易服務,平台完成後,將成為華南地區內首個網上石油化工交易平台,業務具有一定獨特性,加上有業績支持,要在創業板尋寶,可留意此股。


個郭 郭艷 明正 一無 婦人 唔識 識唔 唔好 害人
PermaLink: https://articles.zkiz.com/?id=276014

「要集中票源,千祈唔好投白票」

1 : GS(14)@2011-11-04 14:52:08


泛民主派區選告急,陳方安生(左)昨天特別到山頂「急救」陳淑莊(右)。

區選倒數 2天
【本報訊】在區議會選舉後日決戰,在冷淡的選舉氣氛下,建制派繼續利用外傭居權官司等抹黑泛民陣營,人民力量也堅持狙擊泛民陣營,親北京組織操控的民調機構在投票日又將借票站調查調兵遣將,務求砌低邊緣泛民候選人。四大難關令泛民區選處於劣勢,來屆區議會極可能由建制派壟斷,泛民呼籲市民後天 11月 6日以選票「急救」泛民候選人,以防建制一派獨大。記者:許偉賢、林俊謙


後日區議會選舉, 839名候選人爭 336個議席, 76名參選人早前已在無人挑戰下自動當選。泛民主派今年派 235人參戰,選情未見樂觀,歸根究柢與今屆面對的四大阻力有關。選舉氣氛冷淡向來是泛民的選舉「致命傷」,建制派今屆看準泛民弱點,刻意「冷處理」區選。民主黨副主席劉慧卿昨天指出:「因為保皇黨只係想佢哋基本盤(鐵票)出晒嚟,希望其他市民唔好投。」
2 : 草帽(1253)@2011-11-04 15:02:57

看來空多吉少了smiley
3 : GS(14)@2011-11-04 15:07:29

他做過D乜先,好似真是無
4 : 草帽(1253)@2011-11-04 15:15:03

講做野又有幾多人係做到野, 0係立法局一個都數唔到. 一D做左十幾廿年應該要退啦, 毫無作為. 不過佢後生又冇咩經驗, 我會原諒佢. 始終有好多問題佢都係第一次見. 做多幾屈會好D.
5 : GS(14)@2011-11-04 15:19:45

那些李國寶真是無做野,但她好像...自己那區好似無乜點理
6 : 草帽(1253)@2011-11-04 15:23:57

幾個啦, 李國寶, 黃宜宏, 林大輝都好D, 出下聲, 基本上除左阿爺急call返黎投票之外, 佢地都唔會開會.
7 : GS(14)@2011-11-04 15:26:21

咁呢D算乜呢,快D摺埋啦
8 : pars(2406)@2011-11-04 17:11:37

我已經決定用個印仔吸個大交叉。
9 : 草帽(1253)@2011-11-04 17:21:59

8樓提及
我已經決定用個印仔吸個大交叉。


有錢人喎
集中 票源 千祈 祈唔 唔好 好投 投白 白票
PermaLink: https://articles.zkiz.com/?id=276478

胡孟青:出師不利要怪腳頭唔好

1 : GS(14)@2012-02-01 23:25:28

http://www.sharpdaily.hk/article/index/15307/20120201/48045

唔入市唔知時運高!體育用品巨企特步國際(1368)失意於足球,索性抵玩啲贊助渣馬跑衫,由於跑衫款式難變,惟有玩顏色,但銀行Corporate Colour又非藍即綠,頗大限制。結果今次選手們一打開選手包,即見由膊頭到衫腳綠油油;適逢台灣綠營選擇敗陣,內地股市亦最忌見綠,連選手都唔肯收貨,懷疑同樣有贊助英超利物浦嘅渣打究竟點解會肯畀件衫出街?網友刻薄插爆狂踩不在話下,連選手都話要罷穿,咁多劣評,極盡宣傳之效,唔使擔心港人唔識呢個品牌。設計師鄧達智話齋,Logo唔夠大,今次係要Sell渣打馬拉松唔係單Sell特步,點解特步個交叉Logo仲大隻過渣馬嘅英文字母?
原來網民已非首次質疑這家體育用品公司的設計,去年為所贊助英超球隊伯明翰城新球季主場客場大玩深色球衣,連波衫網站粉絲都話慘不忍睹,球會老闆出事,連球衣都冇運行。雖然老闆睇中股評人夠長氣有中氣兼交足戲,打入香港市場出師依然不利,中國人信邪,難道要賴腳頭?
特步要削一半分店

前年八月才與英超球隊伯明翰城結盟的特步,為期五年,合作推出包括球衣在內的專業足球用品,當時口口聲聲話要運用實行要挑戰阿迪達斯(adidas)在足球用品領域的霸主地位,而特步將運用農村包圍城市的營銷術,搶佔對手的市場份額。早前再公佈以5千萬元與西甲球隊維拉利爾簽下了5年贊助合約,威過晒只擁一隊車路士的阿巴莫域治。2010年生意額44億元,經營利潤不足10億。adidas單是足球體育相關產品,折合人幣都過百億,總營業額過千億,佔比超過一成,而特步相關收入佔比三成,要打贏大隻十倍的巨人,宏願可嘉。主席去年七月底接受媒體訪問時,點出李寧的龍頭地位不保是源於管理失誤,當時聲稱要保持每年開店800至1000間速度的擴張戰略目標言猶在耳,如今不足半年,竟突要削一半至400間,現在看今年銷售目標只有單位數增長,雖五十步笑百步,市場對管理層的坦白非常從寬。

胡孟青
獨立股評人
胡孟 孟青 出師 不利 要怪 怪腳 腳頭 頭唔 唔好
PermaLink: https://articles.zkiz.com/?id=277539

沙膽虹手記:唔好靠聰明左閃右避

1 : GS(14)@2012-02-13 23:51:26

http://hk.apple.nextmedia.com/te ... 104&art_id=16065044
梁振英亦係聰明人,佢自覺比曾、唐聰明,更加會用聰明來處理事情。好似佢早前特登不請自去民建聯聚會、被記者追問點解會去,佢就話只係路過,但根本冇人信。這就是他慣了用聰明去處理事情,遇到問題就左閃右避,變成冇句真。現在梁被揭西九招標時他既是評審又有份入標,被質疑誠信有問題,佢即刻就耍,話入標財團只係問過西九地價,唔知對方會將佢名字寫入標書,跟住仲咬文嚼字話,審查有否利益衝突唔係評審嘅責任,而係政府秘書處的責任。
沙膽虹心諗,你家又唔係上法庭自辯,講呢啲嚟做乜?你自以為好聰明推卸責任,其實公眾對你的要求又點止你有冇守法咁簡單?你家選特首,要求當然係較高嘅道德水平!你可唔可以認吓錯,話自己的確有疏忽呢?有疏忽唔等於冇誠信啫!你越兜就越出醜,簡直當公眾儍嘅,既然每日百宗問價,又唔見其他人會未問過你就將你個名寫喺佢哋標書上?
連梁振英老婆都係咁!政府出稿轟梁翌日,梁氏伉儷本來要出席公開活動,記者見到梁太,問梁先生會唔會出席,佢竟然答佢哋係分別被邀請,所以唔知!沙膽虹唔敢百分百話佢講大話,但可以百分之九十九點九九九話根本冇可能唔知!明明知佢唔嚟卻左閃右避話唔知!
咁先至可怕!
沙膽虹
沙膽 膽虹 手記 唔好 好靠 聰明 左閃 閃右 右避
PermaLink: https://articles.zkiz.com/?id=277709

講膠所手記:唔好亂咁排隊喇,香港人!

1 : GS(14)@2012-02-15 23:49:30

http://www.sharpdaily.hk/article/index/15307/20120215/54219
呢幾日,好多香港人都有着同一個節目——排隊!
先係驚數碼通取消無限上網plan,好多人急急腳走去排隊。
據聞仲係排咗成晚打晒蛇餅嗰隻,出多部iPhone兼畀數記綁多兩年。
結果,等你班友續完約後,數記一個屈尾十彈弓手出番無限上網plan,落咗疊嘅無不O嘴,群情洶湧狂插數記誤導要求消委會查呢單嘢,當然,仲要求撤銷埋新簽嗰份合約喇。
另一條係中銀百年紀念鈔大隊,因為未開售前話會炒得起,於是老老嫩嫩一齊排,YY前晚路過屋企樓下中銀順便直擊,當中好多公公婆婆就係因為聽到有錢賺而排;結果,尚未賣完炒價就急速回落,而且仲未必出到貨,分分鐘要自己硬哽拎番屋企做紀念。
群情洶湧要小心

YY唔反對人家亂咁排隊助紂炒風同捧起某啲嘢,但想提醒大家,上次2008年中銀出奧運紀念鈔大家又係喪排,之後就爆發金融海嘯,難道群眾盲目排隊就係經濟見頂之先兆乎?

YY
講膠 膠所 手記 唔好 好亂 亂咁 排隊 香港
PermaLink: https://articles.zkiz.com/?id=277758

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019