ZKIZ Archives


豪言大志:唔偷食就係完美情人?

1 : GS(14)@2012-01-11 22:29:28

http://m.sharpdaily.hk/detail.ph ... 8065&category=daily
世上有無完美情人?
有人抱住「寧可信其有,不可信其無」嘅心態;就好似你唔信有鬼神,但你都唔敢喺墳場嘅墓屙尿唔講一句「唔該借借」啦。
同樣道理,啲人唔信有完美情人,但揀人嘅時候,都會諗「容乜易真係有,我揀呢件唷嘢咪搵自己笨」,於是就同對方講「唔該借借」,又趕走一件。如是者,圓寂嗰日都未搵到完美情人。
男人對「完美情人」嘅定義好寬鬆:我升官發財都唔換老婆,已經係一個完美情人。
就好似大陸啲官咁樣,「我做官咁多年,擔A都唔偷食,我仲唔係一個好官?」唔係喎師兄,啲百姓話你咁多年都無落過區喎。
「我無做壞事,亦無淫人妻女笑呵呵,我都算對得你住啦!」
男人就係咁,拍咗拖咁耐,雖然無送花畀你,但我都無送過花畀其他人喎。我為咗你忍手,仲唔係完美?
可惜女人覺得,「忠誠」只係最基本的要求,就像老闆覺得員工「唔秘撈」是基本道德,無理由要求警方表揚一個市民,原因係「佢無做賊」?
不過好多男人都未醒覺,台灣嘅馬英九,競選連任,仲不斷強調自己「清廉無A過錢」,但台灣選民已經聽厭咗。你第一次做總統SELL清廉,連任都應該SELL第二樣啦?你除咗唔去偷食,係咪都應該令市民有啖好食呢?

電郵:mcwriter@sharpdaily.com.hk

曾志豪
豪言 大誌 唔偷 偷食 食就 就係 完美 情人
PermaLink: https://articles.zkiz.com/?id=277219

UberEATS:港外賣仔唔偷食

1 : GS(14)@2017-08-04 05:40:10

【明報專訊】外賣App日漸盛行,要殺出重圍都唔係易事。小琴噚日聽UberEATS香港區總經理林灝哲話,佢哋揀行「貼地」路線,迎合番本地人口味,至今同超過1300間餐廳合作,亦有唔少地區小店,就番啲食開屋企附近食肆嘅街坊。

小琴講笑話,聽講送外賣偷食係常識,林灝哲竟然話呢樣一定有,但比起區內其他城市,香港嘅偷食情况已經係最輕微,不過公司一樣會嚴肅處理。

飲食業請人難,林灝哲話外賣速遞員尤其難請,因為外賣主要係午飯同晚飯時間繁忙,如果請人返中午夜晚各兩個鐘,一定唔會有人睬你,但請全職,成本又計唔掂。所以UberEATS呢類外賣App就解決咗食肆呢個人手問題。仲話有保險經紀或者銷售員,因為工作時間較靈活,會part time送吓外賣。

email: piano@mingpao.com

[小琴密語]


來源: http://www.mpfinance.com/fin/dai ... 5194&issue=20170804
UberEATS 外賣 仔唔 唔偷 偷食
PermaLink: https://articles.zkiz.com/?id=339462

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019