ZKIZ Archives


中環在線:當年拒以股代債銀河承建商呻笨 李華華

2011-5-17 AD




 

銀河娛樂(027)旗下澳門銀河喺剛過咗嘅周日開張,華華唔少老友上周五傍晚已過大海,展開兩日三夜銀河考察之旅。其中一班承建商老友話,諗番08年起呢間酒店嗰陣,相信銀娛主席呂志和、呂耀東兩父子,同佢哋都一樣,百般滋味在心頭!

話 說當年金融海嘯,企業水緊,澳門金沙要叫停路氹項目,銀娛當年亦要延遲澳門銀河(前稱銀河度假村)開業日期。不過,酒店繼續起緊,點都要找數畀班承建商, 於是呂氏父子就同佢哋提出,想用銀娛股票找數,希望大家一齊共度時艱。但係當時銀娛股價得八毫幾,仲成日俾大行唱淡,所以大大小小嘅承建商都唔肯接受呂氏 父子一番美意,寧願叫佢哋分期找數。

股價3年升十幾倍

噚日濠賭股普遍下跌,銀娛都唔例外,跌咗1%,收報13.78蚊。當年班承建商如果收股票嘅話,家陣升值十幾倍。華華老友間公司屬大型承建商,條數講緊幾千萬,如果當年接受呂生美意,家陣條數真襟計。

李華華

LiWaWa@AppleDaily.com


中環 在線 當年 拒以 以股 股代 代債 銀河 承建商 承建 呻笨 華華
PermaLink: https://articles.zkiz.com/?id=25153

拍劇戲份被刪海報冇影肥媽呻笨拒接大台賀年節目

1 : GS(14)@2017-01-21 03:36:48

62歲嘅肥媽(Maria Cordero),自從13年幫無綫主持飲食節目《搵食》後,每年都會幫大台拍攝《食平D》系列,節目大收旺場,仲帶挈埋契仔陸浩明入屋。去年佢仲幫大台拍埋劇集《味想天開》㖭!但昨日就有報道話肥媽覺得被大台搵笨,搞到肥媽好嬲豬要搵同朋友狂呻。是咁的,肥媽幫大台拍攝《食平D》系列,令到佢同契仔都人氣急升,做埋收視保證嘅福將,咁肥媽話晒都係唱家班出身,大台去年就搵埋佢幫手唱《味想天開》嘅主題曲啦,但報道話只係叫佢唱主題曲好似好怪咁,所以就游說佢拍埋劇,咁肥媽就諗住捱吓義氣,應承咗大台喇!點知做人有義氣,換來一肚氣,肥媽呢五年主持嘅《食平D》系列,但咁多年都冇攞過大台頒獎禮嘅「最佳節目主持」,今年輸俾鄭裕玲(Do姐)之餘,仲要三甲都唔入。呢啲都算,肥媽幫佢拍嘅劇集《味想天開》,要安排喺新年嘅炮灰檔播放,更令肥媽谷氣嘅,係佢喺劇入面嘅戲份大幅刪減,戲中飾演波斯公主嘅佢,仲要安排到中段先出場,搶鏡度又點及由頭帶到尾嘅配角李國麟同蔣志光吖!肥媽除咗嬲戲份被刪之外,最令佢chok住條氣嘅就係連宣傳海報都冇佢份呀,真係so sad!報道入面有知情人士話,肥媽搵咗啲老友狂呻,仲爆粗話覺得俾大台搵笨X,要佢幫手佢就冇托手踭,利用完人就多謝都冇句!最後報道仲話,肥媽嬲到話明以後唔幫大台拍劇,仲推埋大台嘅賀年節目,喺農曆年出埠登台搵真銀㖭!




來源: http://hk.apple.nextmedia.com/entertainment/art/20170120/19903258
拍劇 戲份 被刪 海報 冇影 影肥 肥媽 媽呻 呻笨 笨拒 拒接 接大 大臺 賀年 節目
PermaLink: https://articles.zkiz.com/?id=323416

峻瀅2期天花滲水 業主呻笨

1 : GS(14)@2017-01-26 18:17:19

■明哥用濕度儀檢測牆身,發現指數達999點,反映牆內積水。 黃耀興攝



【驗樓直擊】長實(1113)將軍澳峻瀅2期本月入伙,一名業主收樓後向本報投訴天花牆角滲水,呻笨並謂「買舊樓好過!」資深驗樓師賴達明視察,結果滲漏超標4倍。長實回覆指,已收執修清單並會跟進。上述業主去年以近580萬元購入峻瀅2期一個兩房單位,本月中收樓發現睡房天花出現水迹,感慨道:「儲咗一大筆錢,終於買到個單位,但點知預期入伙住得,發現有個位濕咗……」除了滲漏,全屋瑕疵星羅棋佈,「接受唔到,因為新樓嚟㗎嘛,住咗十幾廿年冇得好講,新樓完全冇諗過會係咁。」



■記者登門造訪峻瀅2期單位,肉眼所見睡房已出現一大灘水迹。

他坦言不熟地產,不清楚哪個發展商好,「諗住長實是大發展商,成個日出康城都係由長實發展,以為……」他又指收樓不開心,已經遲交樓,還要多花六星期執漏,並呻笨:「哎呀,覺得自己笨囉!總之買舊樓好過啦!」本報邀請驗樓師賴達明上門檢驗,紅外線掃描器發現該處有異常低溫帶,反映滲水。再以濕度儀檢測,指數達999點,比起沒有滲水牆身約200點,超標4倍,反映牆內積水。相信外牆滲漏,建議打針或外牆防漏工程。明哥指,該盤暫時近10個單位出現類似滲水情況。


憂長實敷衍了事

聽完明哥報告,滲漏源頭與發展商當初回應南轅北轍,業主擔心發展商敷衍了事,「驚唔同我整,交執漏表畀發展商當日,同佢講話牆角滲水,上都冇上來睇過,就話冷氣機喉造成,第一件事已經推搪……」長實發言人回覆指,接獲業主申報懷疑漏水,會派員聯同承建商視察及跟進。上述單位業主已遞交執修清單,會按程序跟進。




來源: http://hk.apple.nextmedia.com/financeestate/art/20170126/19909144
峻瀅 天花 滲水 業主 呻笨
PermaLink: https://articles.zkiz.com/?id=324210

周顯﹕無聽沈大師話 走甩恒大呻笨

1 : GS(14)@2017-08-02 04:45:53

【明報專訊】2015年12月24日,我刊登了一篇文章「一位股壇大師和我聊天時,說在過年之後,內地莊家將會喪炒隻恒大地產(3333),理由是這隻股票的市值大、但又貨乾,因此不難挾高,而且又因為沽空多,有對手,一旦挾高,便可以無限贏錢,利潤十分吸引。」

現在我開估這一名股壇大師究竟是誰,答案就是本人向來尊敬的沈振盈大師。這股票在他發表言論的時候是6.5元,但現在已經是20元以上了,如果聽勸告買了,現在已經發了大財,咔嚓咔嚓的數着銀紙了。

不過,這也需要等上一年多的時間,才能修成正果,風水佬呃你十年八年,在風水佬這功能組別而言,沈大師的預言一年便開始生效,1年半便已建功,可說是神奇到了極點。

「風水佬」年半時間已修成正果

其實,在這之前,沈大師還告訴我一單消息……請恕我不能公開,因為我不知他究竟有沒有買到……之後好快已經公布消息,股價立時升了幾成。

以上兩宗,我都沒有買,所以非常後悔。因此,我有意快點約沈大師吃飯,再套他的消息。這一次,我可沒這麼笨了,他給的料,一定要買。這也怪不得我的司機是他的忠實擁躉,每個月付幾百元subscribe他的專欄,已經好幾年了。

有關本人的新書事宜:《財技密碼》已經修改完畢,不日將會出版,現正撰寫《炒股密碼》十周年記念版,估計在年底可以出版,至於《古史密碼》和《易經密碼》,據出版社說,仍有補書,我想,這種學術書籍,能賣1000本,已經寸身言謝,謝天謝地謝上帝了。(按﹕寸身言謝的上聯是「十口心思,思君思國思社稷」,另一無人不識的下聯則是「八目尚賞,賞花賞月賞秋香」。)

[周顯 投資二三事]


來源: http://www.mpfinance.com/fin/dai ... 4404&issue=20170801
周顯 無聽 聽沈 大師 走甩 大呻 呻笨
PermaLink: https://articles.zkiz.com/?id=339138

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019