ZKIZ Archives


唐生有貴氣 左丁山

2011-8-13  AD




 

特首競選之事, 越趨白熱化,各路人馬陸續出聲為心頭好打氣。睇番美國經驗,美國啲大公司為免得失民主黨或共和黨,到咗總統競選年,就會捐款俾兩黨嘅「政治行動委員會」 (Political Action Committee),例如以前嘅AIG就向每黨嘅PAC各捐九十餘萬美元,邊一個黨入主白宮,都會多謝AIG。2008年時,奧巴馬有明顯民意領先優 勢,大公司與華爾街大行看風駛『巾里』,就多數向民主黨傾斜,密密捐錢俾奧巴馬。

香港特首之爭係要睇中央吹風嘅,北京未有握手三十秒、五十 秒、六十秒之分別前,大孖沙自然按兵不動。副總理李克強下星期訪港,出席論壇及為香港大學慶祝一百年撐場,到時佢會與邊位最熱烈握手呢?相信全港攝記要醒 醒定定,千萬勿走失寶貴鏡頭。今年有啲特別情況,就係名人陳啟宗、羅康瑞、張震遠已急不及待,公開挺梁,令挺唐派有啲心急。現在中環耳語傳出,中央一日未 正式欽點唐生,梁生仍有機會,而中央遲遲不表態,就表示對唐生放心不下喎。因為咁,相信挺梁派會陸續出聲,向北京傳遞一個重要訊息,梁生係一個 viable alternative。

唐生八字曝光後,唔少人有興趣研究,自一位「上環街邊理髮師」批唐之後,又有一位知名專家(名字不 准左丁山發表)以電郵傳來一份「唐批」,唐生生於壬辰年(1952)戊申月(9月6日)乙卯日(七月十八)庚辰時,批文云:「這是個變動貴格,忌金,喜水 木,日主機警靈變,自衞力強,從20歲開始,青雲得志,31歲開始至45,為母旺小孤格,富貴唾手而得,如父母賞賜,46-55有小挫折。56歲交寅運, 成『寅卯辰』三會木,為專旺木局,為大領袖格,一改以前低調作風,變得敢作敢言,但因『寅』亦化有沖『申』(月柱)堤之虞,所以木局不穩,常遭攻擊,疲於 奔命,今年的辛金令他疲乏。11月之後,水木齊來,為好的開始,2012壬辰,流年與年柱併戰,非常辛勞,但壬為用神,辰為日主華蓋,得心應手,7月1 日,為日主傷官旺月日合,貴氣迫人,成功機會極大,要看對手氣勢,較量才能下論。

唐生明年60,仍在專旺大格,61歲之後,入乙卯運,兩個乙卯相夜爭,變為比劫格,百務纏身,爭議不休!表示香港社會不寧。」若然如此,咪要恭喜唐生?但香港市民就要自求多福咯。

 


PermaLink: https://articles.zkiz.com/?id=26914

Next Page

ZKIZ Archives @ 2019