📖 ZKIZ Archives

【馮仁昭四圍超】扮跑10K馬拉松周柏豪遺憾跑唔到

1 : GS(14)@2016-12-07 08:01:05

■周柏豪一再強調自己好低調，所以度蜜月都唔會透露消息。





跟女友Stephanie Chu上周喺布吉秘密結婚嘅周柏豪，噚日同鍾浠文喺柴灣拍攝鑽飾特輯，想低調結婚就偏偏做咗封面故事，咁度蜜月會唔會又係秘密？柏豪話：「其實我做乜嘢都比較秘密，就算去旅行或者出街食飯，我都盡量低調。」俾人踢爆結婚，係咪百密一疏？佢話：「心裏有數啦。」咁係咪要捉鬼？佢話：「唔係，我心裏有數係知發生乜嘢事，其他唔多講。」



■周柏豪否認造馬，馬拉松caption同號碼布係大會提供。互聯網圖片

去當地做宣傳

對於去柬埔寨吳哥窟參加10公里賽事變成馬拉松，又被質疑用假號碼布同扮跑晒全程，柏豪解釋：「我知道有網民留言話我寫錯10公里馬拉松，因為當時太趕時間，大會畀caption我，我就post出去，呢樣真係錯咗，其實我參加過好多地方嘅10K已經好多年，我係知道馬拉松並唔係10公里，至於點解冇跑，大會同團隊溝通過，原來唔似香港會封路，當地冇乜馬路，人同車都係行嗰條泥路，所以佢哋冇封路比賽，因為危險，大會唔畀我哋邊拍邊跑，要起咗步，拍咗一個鏡頭就行埋一邊，等所有人跑過晒先可以繼續拍。」至於假號碼布，柏豪就話係大會提供，全不知情：「其實我過去係做宣傳，然後再參與10K賽事，但最後跑唔到，我都覺得遺憾。」撰文：馮仁昭




來源: http://hk.apple.nextmedia.com/entertainment/art/20161207/19857080
PermaLink: https://articles.zkiz.com/?id=318635

【馮仁昭四圍超】周柏豪台灣摸黑露營

1 : GS(14)@2017-01-05 08:07:19

周柏豪早前飛咗去台灣嘅陽明山拍攝新歌《有生一天》MV，因為柏豪覺得嗰度嘅山景好靚，決定自己行上山兼露營過夜，不過佢笑話：「入黑之後先發覺冇帶露營燈，環境好黑，真係伸手不見五指，不過都好難得可以享受咁寧靜嘅環境。」柏豪話MV同歌嘅內容一樣，都係講身邊出現一個對你充滿信心、陪你走過人生高低起跌、不離不棄嘅人。撰文：馮仁昭




來源: http://hk.apple.nextmedia.com/entertainment/art/20170104/19885369
PermaLink: https://articles.zkiz.com/?id=321383

【馮仁昭四圍超】周柏豪唔心急續約

1 : GS(14)@2017-01-07 00:29:07

周柏豪將會喺今年4月殺入紅館舉行兩場個人演唱會，以紀念出道十周年，門票將於下周一接受信用卡優先訂票。問柏豪係咪公司挽留佢嘅動作之一？佢就話演唱會2014年已經講咗話會開。至於同華納唱片公司嘅合約問題，柏豪話?家傾緊未有答案，至於所剩年期就唔方便講。佢又話呢啲係人生大事，要慢慢傾，唔可以心急做決定。撰文：馮仁昭




來源: http://hk.apple.nextmedia.com/entertainment/art/20170106/19887581
PermaLink: https://articles.zkiz.com/?id=321655

周柏豪隔空安撫樂仔

1 : GS(14)@2017-01-07 07:08:13

周柏豪與余文樂一直為波友，近來二人都有喜事，周柏豪去年尾秘婚成家立室，而樂仔終認戀情，承認與皮帶千金王棠云拍拖，不過公開感情後果有異，樂仔被狠批，相比下周柏豪比老友幸褔，得歌迷支持，工作上與唱片公司傾談續約問題，早前又在頒獎禮上得獎，事業愛情兩得意。當知道樂仔被批評得心痛在Instagram抒發感受，周柏豪前晚在社交平台上安撫老友。不知何來又刺激到「大文豪」，感性的周柏豪，昨日在Ig突然上載自拍照，兼寫着：「I'm happy you like me even though I'm such a weirdo.（我很高興，即使我是個怪人，你們都喜歡我。）」撰文：王連連




來源: http://hk.apple.nextmedia.com/entertainment/art/20170107/19888762
PermaLink: https://articles.zkiz.com/?id=321780

【馮仁昭四圍超】樂印姊妹睇中周柏豪

1 : GS(14)@2017-01-26 18:08:36

樂印姊妹嘅駱胤鳴（左）同駱胤樺噚日到新城電台，為下月25日喺九展Music Zone舉行嘅首個演唱會「SIS Cappella Dream Concert」宣傳。想請周柏豪做嘉賓嘅樂印姊妹，駱胤鳴話：「柏豪係我嘅男神，多年前我嘅籃球教練婚宴上，有機會同男神合照，相隔6年最近又同佢合照。」駱胤鳴話自己一向彈結他，為今次演出苦練彈琴。撰文：馮仁昭




來源: http://hk.apple.nextmedia.com/entertainment/art/20170125/19907523
PermaLink: https://articles.zkiz.com/?id=324176

周柏豪派利是俾女圍

1 : GS(14)@2017-01-29 10:31:35

連詩雅、陳瀅、黎紀君、鍾浠文、梁諾妍和雨僑，在雞年向公司大師兄周柏豪?利是。人夫柏豪首年派雙封利是特別開心，更豪派千元利是，他說：「媽咪幫我換晒新銀紙，五十、一千都有。」大家即起哄想收柏豪利是沾旺氣，柏豪自言思想傳統，重視中國節日，工作已排至年尾，雞年未有造人計劃。



■陳瀅新年有三日假，會約劉佩玥去短遊。

陳瀅難得有三日假，會和劉佩玥、何雁詩去短遊。問到黎紀君新年會否和男友楊政龍度過？她說：「好朋友嚟，相處開心舒服就得，冇諗咁多。」採訪：卓寶花攝影：陳俊強場地提供：酒鍋（銅鑼灣）




來源: http://hk.apple.nextmedia.com/entertainment/art/20170129/19911990
PermaLink: https://articles.zkiz.com/?id=324595

周柏豪Dior Homme華麗紅裝為演唱會造勢

1 : GS(14)@2017-02-05 10:55:43

周柏豪日前盛裝現身銅鑼灣，為4月份於紅館舉行的「ONE STEP CLOSER PAKHO LIVE2017」演唱會舉行記招。剛剛過了農曆新年，所以柏豪都特別揀穿了一身紅裝應一應節。柏豪一身官仔骨骨的造型來自Dior Homme2017春夏系列，西裝及西褲都飾滿了紅及白的刺繡，華麗又搶眼，搭配黑色恤衫及皮鞋及項鍊，紅噹噹的造型成功搶fo兼型格十足。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20170205/19918626
PermaLink: https://articles.zkiz.com/?id=325549

周柏豪周身飛債

1 : GS(14)@2017-02-09 23:44:23

周柏豪將於4月再登紅館舞台開3場演唱會，之前的優先訂票早已爆滿，昨日公開售票亦火速去飛。上次在紅館開騷已是三年前的事，今次是柏豪成為人夫後首個個唱，不少樂迷在網絡留言買不到飛，紛紛要求加場，因場地期滿不能加場，而粉絲希望會有part2。今次個唱會以分享十年的經歷和回憶為主題，柏豪接受採訪時表示：「非常意想不到！諗唔到3場門票咁快就賣光。同事傳嚟售票處外告示嘅相，睇到全滿真係感動到想喊，好感激大家支持！其實?家有好多圈內外朋友陸續向我留飛，所以都好擔心點樣安排，今次周身（票）債。」撰文：唐如




來源: http://hk.apple.nextmedia.com/entertainment/art/20170209/19921996
PermaLink: https://articles.zkiz.com/?id=326142

同袁偉豪兄弟情15載周柏豪：喜歡這朋友

1 : GS(14)@2017-03-23 06:51:17

袁偉豪自從同岑杏賢分手，一直公開講想復合，不過岑杏賢堅決分開，將佢降呢為朋友，現時回復單身嘅袁偉豪，多數約埋crazy runner同胡說八道成員相聚，早前佢同周柏豪拍大台新劇《使徒行者2》，原來佢哋兩個一直老友鬼鬼，識咗15年㗎喇!袁偉豪先喺Ig貼合照，留言：「2010，2017長大了，加油!」周柏豪其後亦貼相，寫道：「認識阿ben我估計有15年時間，上一次的合作是《我不要被你記住》舞台劇，想不到七年後能再次合作。感謝『使徒行者』團隊，這五個月經歷很多，學到很多，而我也太喜歡這一位朋友了袁偉豪。」隔咗7年嘅相，有網民慨嘆歲月不饒人，覺得袁偉豪多咗魚尾紋，另有網民笑「你哋髮型同步咗」，見佢哋由相似嘅髮型，仲換上「比比鳥」嘅all back頭，佢哋都一樣襯得到。昨早佢哋仲約埋一齊跑步，袁偉豪貼出一條片，預祝柏豪演唱會演出成功，又話柏豪因為要keep fit，見有涼涼哋，就一齊跑跑步!




來源: http://hk.apple.nextmedia.com/entertainment/art/20170323/19967396
PermaLink: https://articles.zkiz.com/?id=328503

周柏豪個唱賣情歌

1 : GS(14)@2017-03-25 10:34:22

周柏豪和吳雨霏（Kary）等昨日在銅鑼灣時代廣場，出席服裝品牌新店開幕。周柏豪接受訪問時表示近來每日都很疲倦，他說：「因為演唱會就嚟開始，每日早上就做運動，搞到日日都好攰，?家每日做gym跑步，增咗七至八磅。」又謂演唱會上會有不少情歌送給太太，他說：「情歌都係我啲風格，近排都忙分飛同cut飛，好難同人講。」對於陳瀅自薦擔任嘉賓，柏豪笑說：「唱歌咁大膽，會唔會俾人?凳？」



■Kary要自己執屋煮飯，大叫無奈。

Kary近日因工人姐姐離職，忙於打理家庭，她說：「本來佢做得好好、好乾淨同錫啲狗，不過佢出面借咗錢，好多追債電話打嚟，最後都要炒咗佢。」自從工人離職後，Kary要負責每日煮早餐及打理狗狗，得着是現在炒蛋很出色。採訪：羅慧敏攝影：陳俊強




來源: http://hk.apple.nextmedia.com/entertainment/art/20170325/19969036
PermaLink: https://articles.zkiz.com/?id=328770
Next Page
ZKIZ Archives @ 2019