ZKIZ Archives


股神變賭神賭埋世界盃恒大許家印升呢做「波霸」李華華



2010-03-03  AD



 

股神畢菲特似乎應該改叫賭神!佢老人家同CNBC講,自己間公司Berkshire Hathaway已經賣咗啲好特別嘅保單畀客人。保單內容係,如果法國響今年世界盃攞到冠軍,佢哋願意賠償3000萬美元!賠得咁大,分分鐘造就更多上帝之手或者世紀頭槌之類出現!

查 實股神嘅保險公司一向保啲另類風險,例如承保美國職棒明星Alex Rodriguez的合約或者大學籃球賽可能停賽等。咁都未算,佢前年仲同對冲基金經理普羅蒂傑斯,對賭標普500指數基金淨收益(賭約由2008至 2017年)、又同佛羅里達州政府賭天氣期權。相對華華淨係同對面位嘅同事,賭吓六合彩,股神嘅層次真係高好多!

 

股神今年 賭波賭得大,內地民企富豪賭得亦唔細,攞真金白銀嚟搞波!正當中國足球壇一片腥風血雨之際,恒大地產(3333)老闆許家印宣佈,豪掟1億人仔,入主剛被 罰降班、由中超降為中甲嘅廣州足球俱樂部;仲有消息話,佢下個目標係搞埋籃球。咁計埋舊年豪掟2000萬搵魔鬼教練郎平搞支恒大排球,即係話佢除咗係內房 民企大王,遲啲仲係手握中國三大類球賽嘅「波霸」,唔知size細啲嘅乒乓波同高爾夫球,佢有無興趣呢?

陳家強自踩三文兩語唔掂

財 經事務局局長陳家強噚日去浸大同工商管理學院嘅學生對話,教授張仁良問佢,香港學生嘅三文兩語有無需要改善?局長話,應該多方面發展,中文、英文、普通話 都要,廣東話唔掂都好大鑊o架(唔係啩!?)。至於英文呢種國際語言,局長有感而發,「其實人哋要話你,就總有啲嘢話你,俾人話英文唔掂,都唔使氣餒,應 努力改善,我語文能力都唔係咁好,成日中英文夾雜……」局長都算用心良苦,自踩嚟勉勵學生。

張茵叫國家准生多啲細路

響08年 全國「兩會」,因為一句「勞動合同法形同鐵飯碗」而搞出大頭佛,玖紙(2689)老闆張茵舊年全程封嘴。點知蟄伏一年,兩會今年都未開波,張總又等唔切, 喺飛去北京嘅航機上同《廣州日報》記者爆料,話佢今年嘅主題係「呼籲國家放開二胎政策」,仲話如果自己兩個仔唔夠料,唔會畀佢哋接班,希望大家唔好睇唔起 「富二代」……唔知社會大眾今年又點回應張總呢?

李華華

LiWaWa@AppleDaily.com
 



股神 神變 變賭 賭神 神賭 賭埋 世界盃 世界 許家 印升 升呢 呢做 波霸 華華
PermaLink: https://articles.zkiz.com/?id=14515

蕭定一公司與GME合併Chilam不滿降呢做僆模師兄

1 : GS(14)@2015-06-05 09:26:14

■張智霖所簽的中國3D數碼娛樂與僆模公司合併,有指他不滿。資料圖片


張智霖(Chilam)去年底以一億元,跟蕭定一的中國3D數碼娛樂有限公司續約加簽三年,繼續成為公司一哥及賺錢最多藝人。除Chilam外蕭的公司還簽有王宗堯、鄭欣宜及雨僑等。不過昨日有周刊報道,蕭定一的公司已跟靠僆模起家的環球狂熱文化(GME)合併,成為GME中國。而上月5日起經理人部門員工及藝人將由GME接手,交由一手捧紅周秀娜和GME的鄺君賢(Roy)負責。



■Coffee抗拒拍露點戲,過不了家人也過不了自己。

■王宗堯前晚帶傷出席慶功,表示踢波被踢傷。



稱機會增多

有傳Chilam跟欣宜對這個安排有微言,連有意以2,500萬元「賣身」給蕭定一的胡杏兒都叫停簽約。據知各人不滿的原因不同,Chilam不開心是因為被一間僆模經理人公司接管,有被「降呢」的感覺。欣宜的反應更大,她去年跟蕭定一簽約時明言不用減肥,擔心過檔GME後,要跟一班僆模爭上位。王宗堯昨日在facebook表示「GME和我們的理念和經營模式不同,希望日後就算合作也是互相配合。」莊思敏昨日出席將軍澳一活動時說:「同GME合作過,知道Roy同老闆(蕭定一)都一致,只不過未有一啲好清晰指引。」負責管理兩間公司藝人的Roy昨日接受電話訪問時,安撫藝人說:「合併係因為睇好中國市場,機會只會更多。亦唔存在降呢。GME本身都喺美國OCTBB上市,未來新公司GME中國係朝住內地同香港上市做目標。」蕭定一則對於旗下藝人不滿的傳言,表示「唔係事實嘅嘢唔回應。」


■蕭定一旗下藝人包括王宗堯、莊思敏及張智霖等,大家對公司的新動向反應不一。資料圖片

Coffee怕露點

此外,王宗堯前晚與林芊妤(Coffee)等在尖沙嘴出席《壹獄壹世界》慶功宴,Coffee在片中有場情慾戲頗為大膽,引來片商打她主意接拍露點戲,她說:「所以推咗,一嚟自己接受唔到,二嚟可能我係福建人,緊張屋企人諗法,驚佢哋心臟病發。」採訪:李森、溫敏芝攝影:陳順禎





來源: http://hk.apple.nextmedia.com/entertainment/art/20150605/19172501
定一 公司 GME 合併 Chilam 不滿 降呢 呢做 做僆 僆模 師兄
PermaLink: https://articles.zkiz.com/?id=290679

【馮仁昭四圍超】何雁詩自誇升呢做女神

1 : GS(14)@2016-09-01 06:12:31

何雁詩噚日到新城電台宣傳新歌,喺新歌MV中 會見到佢好女性化嘅一面,何雁詩仲以女神自居,希望大家會接納佢今次成熟嘅形象。日前何雁詩約咗好友陳瀅、劉佩玥去睇郭富城演唱會,何雁詩話:「因為陳瀅識郭富城,攞到第二行飛,我哋睇得好忘我,企起身跳晒舞好瘋癲,畀後面啲觀眾鬧,完騷後我哋仲去咗後台排隊集郵。」撰文:馮仁昭




來源: http://hk.apple.nextmedia.com/entertainment/art/20160831/19754842
馮仁 仁昭 四圍 何雁 雁詩 自誇 升呢 呢做 女神
PermaLink: https://articles.zkiz.com/?id=306932

陳展鵬定欣降呢做同事

1 : GS(14)@2017-01-05 08:01:12

出爐視帝陳展鵬昨日在茘枝角出席「冬日小火車極速大賽」,有指封帝後,其騷價三級跳,展鵬表示不知價要問經理人,亦不會跟人比較,他透露稍後要剃頭拍劇。提到本月14日是他的40歲生日,他謂當日會跟粉絲慶祝。對於有傳與胡定欣拍拖不夠3個月,就已經秘密向對方求婚,展鵬沒好氣地說:「係咪呀!生埋仔㖭啦,得啖笑。」媽媽有否向他問話?展鵬說:「冇,都唔係第一次傳,處之泰然!」他強調與定欣沒拍拖,只是拍檔同事關係。提到兩人同是單身,有否機會發展?他說:「?家工作要緊,同埋分開忙,會少機會見。」採訪:黃曉妍攝影:葉君海




來源: http://hk.apple.nextmedia.com/entertainment/art/20170103/19884460
陳展 鵬定 定欣 欣降 降呢 呢做 同事
PermaLink: https://articles.zkiz.com/?id=321263

童童升呢做紋身師傅面上直線有段故

1 : GS(14)@2017-04-13 00:23:59

竇靖童一向形象前衛,喜歡中性打扮,但就遺傳天后王菲和竇唯嘅音樂天份,近年專心唱歌事業,日前更憑主唱電影《七月與安生》主題曲《(It's Not A Crime) It's Just What We Do》角逐金像獎「最佳原創電影歌曲」,雖然最終落敗,但童童完全唔介意,話只係一心諗住學吓嘢。童童興趣都幾廣泛,昨日佢就喺instagram上載一條幫人紋身嘅片段,見佢戴晒手套,拿起工具幫一名全身都有紋身嘅男人(應該係)紋身,童童似乎係初學者,戴住眼鏡同黑色膠手套,紋嘅圖案唔算大,見童童對準幾次先落到手,個樣好認真。唔少網友留言大讚童童好厲害,仲話願意俾童童用嚟練習。講起童童嘅紋身,其實佢由18歲剛成年開始已經有第一個紋身,之後喺前臂、肩膀位置都有紋身。而去年更喺臉上紋上一條黑線,由下唇畫到頸,被網友稱為「死亡風」紋身。原來呢個紋身背後有一個感人原因,童童透露因為妹妹李嫣(王菲與李亞鵬所生嘅小女兒)出生時患有先天性唇腭裂(俗稱兔唇),為咗鼓勵臉上有缺憾而感到自卑嘅小朋友要勇氣面對,所以佢專登喺臉上紋咗條直線,真係一位好窩心嘅姐姐。




來源: http://hk.apple.nextmedia.com/entertainment/art/20170412/19988269
童童 童升 升呢 呢做 紋身 師傅 面上 直線 有段 段故
PermaLink: https://articles.zkiz.com/?id=330272

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019