ZKIZ Archives


吳亮星擬連任立會「需要我嘅唔會推」

1 : GS(14)@2016-01-15 17:21:57

■吳亮星的「嫖妓論」被指有失禮之嫌。 何家達攝



【本報訊】銀行界一向避談政治,多講實利,不過被網民稱呼「星爺」、「鉛水星」的立法會金融界議員吳亮星,近日就李波事件,朗讀手機短訊,「五條書局友坐洗頭艇偷渡回內地宿娼嫖妓」,言論令公眾譁然,就連對政治冷感的「賓架」,近日私下議論,都「頂唔順哎哎聲」,覺得有失禮之嫌。記者:劉美儀


新一屆立法會9月選舉,銀行界雖有微言,但有人肯落場參選挑戰吳亮星機會微乎其微,「星爺」冧莊決心亦呼之欲出。吳亮星接受本報訪問時回應,「我唔反對或者有人(對短訊表達)有微言」,但自己沒有以業界代表「講啲嘢去破壞業界」,重申「好多業界朋友支持信任我憑良心做事」。有無挑戰者?「我無主動打聽,亦無被動聽到……總之需要我服務嘅,我唔會推。」



業界:「嫖妓論」損銀行社會形象

他說日前出席金融業志同會(會長陳智思)晚宴,一眾資深賓架,「絕對認為應該關心社會時事」,作為業界代表,「授權畀佢,佢可以決定點處理。」李波事件,他謂「應該道歉嘅我已經道歉咗啦」。本港金融服務從業員人數逾23萬,但立法會金融界功能組別以團體投票,據2012年選舉登記,選民有125名金融機構,中銀集團及附屬機構約佔7、8票。上屆議員──東亞銀行(023)主席兼行政總裁李國寶,2012年退任,吳亮星自動當選。有銀行家指,寶哥哥雖有「三點不露」之稱,但講話夠份量,金管局都「將銀行界放喺眼內」,現時業界代表「講鉛水延年益壽、坐洗頭艇嫖妓」,令銀行界社會形象插水。不過業界亦明白,刻下形勢與2000年,前浙一銀行第二代掌舵人孔令成,挑戰李國寶不同;回歸後,任何人未得中方祝福參選,「唔係挑戰吳亮星,係挑戰西環!」是否中資代表才「夠秤」當選金融界議員?吳亮星說得坦白,「呢個係時勢問題」,銀行業務及利益都與中國相關,「畀中資行代表係咪合適啲呢?我諗回歸後係比較自然。」市場指他不熟悉銀行實務,他則強調自己清楚業界運作「好接地氣」,「同金管局、同Norman Chan(陳德霖)個個月枕住有對話。」銀行界聲音,他絕對帶到入立法會。今年將屆67歲的吳亮星說,「健康OK,唔覺得年齡係問題。」即續任議員有心有力?「總之需要到我,我咪繼續做。」忽然想起電影《國產凌凌漆》,羅家英跟周星馳說:「阿漆,國家終於有任務畀你嘞!」







來源: http://hk.apple.nextmedia.com/financeestate/art/20160115/19452759
吳亮 星擬 連任 立會 需要 我嘅 嘅唔 唔會 會推
PermaLink: https://articles.zkiz.com/?id=294199

萬南 二五中環 賓架熱傳 吳亮星唔連任

1 : GS(14)@2016-02-29 02:49:10

http://www.metrohk.com.hk/index.php?cmd=detail&id=303268&search=1

近排出席好多新春酒會,有陣時更要連踩兩場,日日食埋啲咁上下嘅菜式,見幾乎同一班嘅人,講真都有啲悶,好彩我班老友勝在夠八卦,而且收風快,所以日日Keep到有新話題。原來銀行界呢期最新亮點,就係傳緊尊貴嘅立法會議員吳亮星(圖),今年未必會爭取連任喎。
好多銀行界老友講笑話星爺可能搭得洗頭艇多,講嘢比較無厘頭,有損代表銀行界別嘅專業形象,四圈執位搵人頂上都係好事。銀行界得124票,開銀行或接受存款嘅財仔嘅代表先有得選,所以歷屆都係自動當選居多,聽聞有個業內女叻人都有啲興趣,即將四出食飯傾偈。
萬南 二五 中環 賓架 架熱 熱傳 吳亮 星唔 連任
PermaLink: https://articles.zkiz.com/?id=296379


ZKIZ Archives @ 2019