ZKIZ Archives


沙膽虹手記:出「收工版」 冇啖好食

1 : GS(14)@2011-11-30 08:03:54

http://m.sharpdaily.hk/detail.ph ... 4104&category=daily
沙膽虹剛剛講完同事改《爽報》早版搞到生活顛倒再顛倒,怎料肥佬黎在上周五例會上又有新猷,不消兩秒鐘就下了一個連同事食晏的人權都剝奪的決定,《爽報》即日起中午版改為收工版,二時半截稿,五時派發。兩點半截稿,早上十一時後豈非要狂寫狂編,那還有食晏時間?
聯交所要改動上午收市和下午開市時間,影響經紀食晏的人權,都要經過經年諮詢,再分階段實施,仍有人嘈喧巴閉;但《蘋果》、《爽報》員工真爽快,一句囉嗦都沒有,四十八小時內部署好,七十二小時《爽報》收工版昨日已正式面世。
其實,出收工版就等於出一份新報紙!試想,當你黃昏下班時收到一份報紙,裏面很多仍是你今早看過的昨日舊聞,你肯定會媽叉兼丟掉,而且下次唔會再攞,所以一定要改好多好多好多版。肥佬黎更誇張,周末傳來SMS指示:「新聞除了最大一兩條外,都應盡量是新的。」
想收買人命咩?!《爽報》晚版昨日改版,二十幾人連食晏都沒有時間食,跑來跑去,改了二十版內容,約總版數一半,都無辦法滿足到肥佬黎只留番「最大的一兩條」新聞的要求!
今次真係要多謝劉德華,送給《爽報》晚版一個頭條,否則沙膽虹仲閉翳!這裏順道向劉華說聲恭喜。
各位手足,今早記住先好好食個靚早餐,否則十一時開始改版後,肯定冇啖好食。
(後記:肥佬黎火爆大鬧大班,讀者睇得好爽,俾人點擊到爆,搞到沙膽虹壓力好大。請各位看官聽眾多多關照。)

沙膽虹
沙膽 膽虹 手記 收工 冇啖 啖好 好食
PermaLink: https://articles.zkiz.com/?id=276770

【金馬專訪】赴台演的士哥 明日搶金馬許冠文呻冇啖好食

1 : GS(14)@2016-11-25 07:36:49

■有份角逐金馬影帝嘅許冠文話,今次證明咗只要鍥而不捨就有成功機會。



許冠文(Michael)78年憑《賣身契》提名過金馬獎最佳導演,一講已經係38年前嘅事。今年74歲再憑台灣電影《一路順風》入面嘅的士司機角色,獲得金馬獎最佳男主角提名(提名名單見附表),答案聽日喺台北舉行嘅頒獎禮揭曉。
Michael喺《一》片角色名字「許英傑」,當中包含已故弟弟許冠英、歌神許冠傑在內嘅深層意義:「個名導演改,佢有講過呢個意思,因為佢係我哋三兄弟嘅戲迷。」講到事隔多年再度進軍金馬,Michael以棟篤笑方式回應:「如果許冠文等咗38年,都卒之等到個獎,即係話只要你努力都一定得,所以做呢行唔使灰心!」



■許冠文(右)同台灣演員納豆喺《一路順風》中由誤會到互相扶持。劇照

■38年前許冠文曾經憑《賣身契》入圍過金馬獎。劇照



俾普通話考起

開工前諗住半鹹淡普通話可以過骨,點知一句「交流道」同「光天化日」嘅普通話,成就咗Michael人生中NG一百次紀錄,仲要冇啖好食:「如果拍《賭城風雲》梗係好啦,咁咪喺MGM住三個禮拜囉!我哋拍嘅地方係最落後嘅地方,泥氹呀、爛路呀,小農村蚊又多又冇飯食,咁樣拍三個禮拜都幾係嘢!」喺台灣體驗過當地的士司機嘅生活,Michael就更加覺得香港啲的士哥慘:「香港的士司機唔開心囉,畀貼士多謝都費事講。啲嘢咁貴,大部份(利益)都畀地產攞晒,呢個係真嘅。」



■Michael首次拍台灣電影《一路順風》就獲得台灣金馬獎最佳男主角提名。

■喺新戲做的士司機,同台灣演員林郁智(納豆)有好多對手戲。

■佢話有時真係講唔到當地用語,會自己拼音死記。


■「三小」唔係咁解,但又幾有道理喎!

■大談各地的士文化。

■Michael現時忙緊寫劇本同湊孫,相中就有乖孫嘅畫作喇!




來源: http://hk.apple.nextmedia.com/entertainment/art/20161125/19844535
金馬 專訪 赴臺 臺演 的士 明日 許冠 冠文 文呻 呻冇 冇啖 啖好 好食
PermaLink: https://articles.zkiz.com/?id=316983

薛凱琪三亞騷冇啖好食

1 : GS(14)@2016-12-31 10:18:09

薛凱琪(Fiona)日前返內地海南三亞登台,由於一日要連跑兩場,加上車程較遠,她笑言已知冇啖好食:「朝早8點食過少少粥就出發,車程要3個幾鐘,加上趕轉場再去表演,最後我喺下晝4點先有時間食第二餐。」
Fiona今次準備了透視長裙演出,雖然三亞天氣和暖,但她都貼了暖包打底。提到海南三亞,Fiona記得12年前以模特兒身份曾在這裏拍廣告,此行入住在沙灘旁邊度假村,她晚上到了沙灘湊熱鬧,見到不少公公婆婆穿上民族服在跳舞,她更與工作人員玩包剪揼,輸了就要「入鄉隨俗」,最後她與助手輸了,要走進人堆跳舞,感受現場熱鬧氣氛。撰文:唐如




來源: http://hk.apple.nextmedia.com/entertainment/art/20161231/19881979
薛凱 三亞 騷冇 冇啖 啖好 好食
PermaLink: https://articles.zkiz.com/?id=320825

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019