ZKIZ Archives


鄧兆尊孖女伴買廁紙

1 : GS(14)@2016-02-08 03:00:12

■前晚鄧兆尊抽住兩大條廁紙現身灣仔。








【灣仔】粵劇名伶新馬師曾過咗身都有成19年,但幾個仔女同遺孀洪金梅(祥嫂)依然為咗家產經常互罵,舊年年尾雙方互轟,祥嫂仲爆鄧兆尊有三個女友,除咗車厘子、Carmen,仲有一個係揼骨識返嚟。記者前晚就喺灣仔發現兆尊同一個極可能係祥嫂口中嘅第三個女友喇!前晚約8點幾,兆尊抽住兩大條廁紙同個短髮中年女伴有講有笑,兩人之後經過一個已經收檔嘅報攤,仲夾硬叫老闆娘做埋佢哋生意,不過兆尊同老闆娘明顯好熟絡,全程有講有笑,買完嘢兆尊就同女伴一齊行咗去灣仔菲林明道一座大廈上樓喇!採訪、攝影:徐錦池





來源: http://hk.apple.nextmedia.com/entertainment/art/20160205/19479987
鄧兆 兆尊 尊孖 女伴 廁紙
PermaLink: https://articles.zkiz.com/?id=295410

祥嫂爆仲有個揼骨妹凸腩兆尊 坐叮叮呵正印

1 : GS(14)@2016-10-28 06:24:16

【溫柔撥髮】■鄧兆尊前日陪正印女友Carmen搭叮叮,在車上溫柔輕撥女方秀髮。





【跑馬地】慈善伶王新馬師曾(鄧永祥)的長子鄧兆尊於94年加入娛樂圈,拍過多部劇集和電影,雖然事業發展不及亡父新馬師曾,但繼承了逾億身家的他,風流性格亦與父親一樣。

■兆尊於大前年被拍得與Carmen(左)及車厘子三人行。資料圖片


陪睇醫生

祥哥生前曾有四任老婆,包括梅麗芳、梁添添、賽珍珠和洪金梅,而兆尊身邊有兩位紅顏知己,分別是拍拖十多年的圈外女友Carmen及前助手車厘子,三人行如魚得水,前日兆尊更陪Carmen到養和醫院掛號,表現體貼。前日下午約4時許,兆尊陪同居多年的Carmen現身跑馬地,已逃離娛樂圈的他街坊打扮零星味,加上已屆49歲腩凸凸,女友Carmen則戴口罩,兆尊搭着女友膊頭,邊行邊扯煙的他,行到養和醫院外時,乖乖丟掉煙頭才入內。他們去到門診部坐在一角,Carmen先去登記,兆尊都有站起身陪女友。兆尊與Carmen並肩而行去電車總站搭叮叮,上車後兆尊陪女友傾偈解悶,又幫女友除口罩及撥秀髮,表現溫柔甜蜜,難怪多年來可以三人行。本報致電給兆尊,他說:「女朋友唔舒服,有啲皮膚敏感,所以陪佢睇醫生啫。」



【肚腩凸現】■現年49歲的兆尊凸腩加一身街坊裝示人。

祥嫂 資料圖片


女友多多

御女有術的兆尊,緋聞女友多籮籮,01年拍處境劇《皆大歡喜》與陳彥行和鍾嘉欣傳緋聞,女優歐陽海璇則自爆與兆尊曾有一段情。與Carmen拍拖多年的兆尊,又跟安德尊爆出「雙尊爭子」,爭奪當時安德尊的助手車厘子,最後兆尊不但成功奪愛,自此更與Carmen和車厘子三人行。而與他反目的母親洪金梅,去年更怒爆兆尊還收埋一個揼骨妹做女友,關係七國咁亂。採訪、攝影:梁繼光、羅德光




來源: http://hk.apple.nextmedia.com/entertainment/art/20161028/19814159
祥嫂 嫂爆 爆仲 仲有 有個 骨妹 妹凸 凸腩 腩兆 兆尊 坐叮 叮叮 叮呵 正印
PermaLink: https://articles.zkiz.com/?id=313834

三人行冇問題鄧兆尊同大王安德尊爭女!

1 : GS(14)@2016-10-28 06:24:16

今年49歲、坐擁逾億身家嘅鄧兆尊,入行咁多年最令人記得嘅,除咗係佢同阿媽祥嫂(洪金梅)嘅家庭恩怨之外,仲有梗係佢啲感情事,喺01年有傳佢同陳彥行因為拍處境劇《皆大歡喜》而撻著,嗰陣已經成日俾人影到佢哋出雙入對,點知冇耐再傳佢同安德尊鬧出「雙尊爭子」。呢個「子」就係當年仲係做緊安德尊助手嘅車厘子,嗰陣已經傳佢哋關係曖昧,好難講話究竟係拖友關係抑或係助手同藝人嘅關係,點知冇耐話兆尊加入咗呢段關係,結果爆發咗呢段「雙尊爭子」嘅爭女戰,最後兆尊成功撬牆腳,車厘子移情別戀兼變咗做兆尊助手。之不過嗰陣兆尊已經有一個正印女友Carmen喇。據知Carmen係邱淑貞老公沈嘉偉啲親戚,曾經喺永祥大廈同兆尊同居,正所謂一山不藏二虎,車厘子同Carmen兩個梗係水火不容,但係話晒兆尊同Carmen十幾年嘅感情欲斷難斷,冇耐兆尊終於冧掂Carmen,再加上兩個女人都睇開咗,所以近年佢哋已經可以和平共處,仲試過多次俾人影到三人行添!除咗陳彥行、車厘子同Carmen之外,喺曾經參加過女優嘅歐陽海璇,自爆與兆尊曾有一段情,甚至鍾嘉欣當選華姐加入拍攝處境劇《皆大歡喜》,亦曾經同兆尊傳出緋聞。




來源: http://hk.apple.nextmedia.com/entertainment/art/20161028/19815022
三人行 問題 鄧兆 兆尊 同大 王安 德尊 爭女
PermaLink: https://articles.zkiz.com/?id=313835

爆兆尊仲有個揼骨女友祥嫂評車厘子:傻夾戇

1 : GS(14)@2016-10-28 06:24:17

慈善伶王新馬師曾(鄧永祥)大仔鄧兆尊年近半百,有指佢坐擁逾億身家,係城中鑽石王老五,身邊有兩個女友相依10幾年,分別係正印Carmen同前助手車厘子。御女有術嘅鄧兆尊,同媽咪祥嫂嘅關係時好時壞。舊年11月,祥嫂就忽然開記招,力數四個仔女。祥嫂當日仲大爆大仔鄧兆尊,除咗有正印女友Carmen、車厘子兩個女友外,原來仲有個幫佢揼骨嘅女仔做女友。「一個叫Carmen,一個叫車厘子,呢個傻夾戇,佢嚟過同我拜年,另一個係揼骨,揼揼下就揼咗返嚟,唔使吓吓去骨場,佢又諗得到喎,唔知佢慳時間定慳腳力。」祥嫂仲話鄧兆尊曾經問過阿爺有幾多個老婆,祥嫂話:「我當時答佢話有5個,問佢想點,佢喺度笑,佢阿爺有個咁叻嘅仔幫佢養晒老婆,我問佢『你啲老婆邊個養』!」




來源: http://hk.apple.nextmedia.com/entertainment/art/20161028/19815025
爆兆 兆尊 尊仲 仲有 有個 女友 祥嫂 嫂評 評車 車厘 厘子 傻夾 夾戇
PermaLink: https://articles.zkiz.com/?id=313836

拖兩個女友睇趙學而兆尊御女術揭秘

1 : GS(14)@2016-11-16 04:54:09

前晚趙學而喺九展開咗頭場騷,一把靚聲吸引咗好多朋友入場睇騷,相中就包括咗《皆大歡喜》飾演高爾康嘅鄧兆尊,同埋身邊嘅兩位女伴Carmen同車厘子!其實上個月底,《蘋果》見過佢同正印女友Carmen喺跑馬地出現,兩人當時孖住去養和醫院,之後又搭叮叮,但就見唔到另一位女友車厘子出現。不過,兆尊前晚一到場,一馬當年咁行喺最前面,兩位女友:Carmen、車厘子分別跟喺佢身後,又以女、男、女左擁右抱式咁坐低,呢個自動波方式,一睇就知夾慣夾熟,三人見記者影相,好大方面對鏡頭,毫無避忌。呢個一男兩女嘅組合,現時關係融洽,但初時曾經深陷水火,據知,Carmen一開始接受唔到兆尊身邊有新女伴車厘子,不過經兆尊努力,兩女慢慢就變好朋友,最終Carmen肯同時分享兆尊。現時兆尊冇拍劇,據指生活並唔成問題,佢依靠已故父親慈善伶王新馬師曾鄧永祥嘅遺產生活,但只係搣銀紙係無可能係現今嘅香港生活,所以兆尊會同細佬投資股票、基金,而且眼光獨到,往往都有錢落袋,足夠維持生活所需。至於兆尊兩位女友,都有得到兆尊資助,打本俾佢哋做小生意,等大家都有啲「細藝」喺手,唔係要靠兆尊養。而兆尊就從中分配時間,得閒陪兩位女友,有時又三人行,令到呢段感情搵到一個完美嘅平衡點。




來源: http://hk.apple.nextmedia.com/entertainment/art/20161115/19834502
兩個 女友 趙學而 兆尊 尊禦 禦女 女術 揭秘
PermaLink: https://articles.zkiz.com/?id=315548

【馮仁昭四圍超】鄧兆尊否認有四奶:三個已夠煩

1 : GS(14)@2017-01-12 08:03:27

■鄧兆尊早前同二奶車厘子(左)同三奶Claire(右),三人行到名店坊購物,仲有講有笑。





鄧兆尊真係好重桃花運,除咗有大婆Carmen、二奶車厘子(Cherry),同祥嫂洪金梅踢爆有揼骨妹三奶(Claire)外,噚日又有周刊爆佢有四奶。報道話佢日前帶車厘子、Claire同疑似新歡高䠷美女到時代廣場行街,呢位美女操半鹹淡廣東話,身材玲瓏浮凸。報道話三女一齊圍埋睇香水,Claire見兆尊好似有少少悶,即攞其中一種味道畀佢聞吓。三女揀完香水,兆尊二話不說就去畀錢,跟住去咗附近一間韓國料理食晚飯,全部坐埋一枱,真係服咗兆尊。



■鄧兆尊舊年帶大婆Carmen去睇演唱會。

「係茶餐廳老闆娘」

馮仁昭噚日打電話畀兆尊,佢堅決否認有四奶:「唔係呀,呢個女子係茶餐廳老闆娘,熟咪一齊食飯囉。」點解送香水?佢話:「同朋友食飯唔可以送嘢咩!唔好見我同女性朋友一齊,都話係我女朋友,我?家只得三個女朋友,已經夠煩㗎喇,冇諗住再有第四個。」兆尊又話揼骨妹英文名叫Claire,佢好維護女友咁話:「其實都尊重吓人,佢叫Claire。」三個女朋友都係C字頭,乜咁啱嘅?兆尊笑笑口話:「我本命忌C,Claire自己改呢個英文名,佢意思係I don't care(Claire)喎。」有冇諗過結婚生BB呢?兆尊好認真咁話:「唔好玩啦,我?家咁嘅局面,點結婚生仔呀!」撰文:馮仁昭




來源: http://hk.apple.nextmedia.com/entertainment/art/20170111/19892672
馮仁 仁昭 四圍 鄧兆 兆尊 否認 有四 四奶 三個 已夠 夠煩
PermaLink: https://articles.zkiz.com/?id=322188

傳鄧兆尊硬撬女友安德尊收埋「白滑車厘子」12年

1 : GS(14)@2017-01-12 08:08:33

人稱「大王」、有傳身家有過億嘅元朗地皮王安德尊,平時做節目嘈嘈閉,又係包拗頸,成日同李錦聯玩「雙打」。不過大王嘅私生活就出奇地咁低調,就連同佢做咗多年節目嘅李錦聯,都話佢將自己感情收收埋埋,好少同人分享。昨日有報道指,今年55歲嘅安德尊,原來一直收埋咗個白滑女友「阿So」喺身邊,兩個人足足拍拖12年都冇乜人知,事關安德尊每次帶安嫂出嚟,都以「女助手」介紹俾人識。日前二人到尖沙嘴洲際出席飲宴,當日安德尊女友手挽闊太至愛嘅Hermès,左手戴巨鑽,貴氣迫人。泊好車過馬路之際,安德尊終於伸出「男友」之手,捉實安嫂,二人情侶關係亦終於曝光。講番安德尊,原來之前同過鄧兆尊「二房」車厘子拍過拖,點知拍拖期間,俾鄧兆尊硬撬,三角關係糾纏咗年幾,最終兆尊爭贏,而呢件事亦成為安德尊多年心結。唔知係咪要撫平感情創傷,安德尊收埋多年嘅女友阿So,個樣望落有幾分似車厘子,似乎安德尊揀女友品味相當一致。




來源: http://hk.apple.nextmedia.com/entertainment/art/20170112/19894299
傳鄧 鄧兆 兆尊 尊硬 硬撬 女友 德尊 收埋 滑車 厘子 12
PermaLink: https://articles.zkiz.com/?id=322332

鄧兆尊欽點二奶陪行街

1 : GS(14)@2017-02-05 10:55:42

■鄧兆尊和打扮可愛的車厘子日前在銅鑼灣拍拖。讀者提供圖片



【爆相爆片】鄧兆尊過年期間和家人到日本旅行,上周已回港,日前他被讀者陳先生透過本報「爆相爆片」,指見到他和二奶車厘子下午約5時現身銅鑼灣駱克道近波斯富街,陳先生說:「我當時係樓上餐廳食緊嘢,望落樓下見到兆尊同女友一齊過馬路,佢哋冇拖手,但有傾偈。」天氣雖然頗冷,但車厘子繼續穿拼布格仔裙,走可愛路線。據知兆尊為方便陪三位女友,特意安排三房人都住灣仔區,大婆Carmen住永祥大廈,二奶車厘子住菲林明道,三奶Claire就住隔籬街的駱克道,行路十分鐘就到。當日只見車厘子一人,相信她已被兆尊「點燈」單獨相處。採訪:嵐山




來源: http://hk.apple.nextmedia.com/entertainment/art/20170205/19918095
鄧兆 兆尊 欽點 二奶 陪行 行街
PermaLink: https://articles.zkiz.com/?id=325542

三房同枱賀50歲生日鮮有交談 兆尊願望:一家和氣囉

1 : GS(14)@2017-02-07 05:15:52

■大婆Carmen(右)跟二奶車厘子經常陪兆尊三人行。資料圖片



慈善伶王新馬師曾(鄧永祥)與祥嫂洪金梅所生長子鄧兆尊雖不是高大靚仔,但就御女有術,最厲害是可以同時間令三女共侍一夫,除大婆Carmen和二奶車厘子(Cherry)外,祥嫂早年踢爆的揼骨妹三奶(Claire),亦於去年12月曝光,兆尊被拍得跟大婆、二奶及三奶到灣仔同枱食飯,大享齊人之福。前日兆尊50歲生日,除大婆、二奶及三奶同枱食飯慶祝外,同場還有弟妹小艾、兆榮和碧玉,又有阮兆祥及其女友Crystal等大班好友,認真熱鬧。


開兩圍搞驚喜

據悉一行人前晚在銅鑼灣廣場翠園訂了兩圍跟兆尊慶祝,初時兆尊以為只是與家人食飯,到場後始發現老友們給他搞驚喜派對。過往他跟祥仔一班友人飯敍,總是男女各自分開而坐,前晚也不例外。有指Carmen對三奶的出現十分抗拒,未知是否這個原因,她坐在二奶車厘子與碧玉中間,Claire就坐在車厘子隔鄰女友人身旁,整晚Carmen與車厘子不停傾談,二人鮮有跟Claire交流。及至兆尊切生日蛋糕時,Carmen與小艾站在兆尊身旁,正印地位可見一斑。



■鄧兆尊切蛋糕時大婆Carmen站在兆尊身旁,凸顯正印地位。

■阮兆祥等一班老友舉起五字手勢賀鄧兆尊入五。

記者昨日致電兆尊,問他有何生日願望時,他說:「一家人健健康康,女朋友們和和氣氣囉。」難道三個女友不和氣?他說:「唔係,想繼續和氣啫。」問前晚慶生後跟哪位女友「點燈」時,他即笑說:「呢啲咁私人嘅嘢,我唔會公開講囉!」阮兆祥昨被問到是否羨慕老友享齊人之福時笑說:「呢啲唔係羨唔羨慕嘅問題,佢係經過專人訓練,同埋呢個唔關乎能力,係關乎緣份問題。」採訪:魯吉、鍾國仁




來源: http://hk.apple.nextmedia.com/entertainment/art/20170207/19919861
三房 50 生日 鮮有 交談 兆尊 願望 一家 和氣
PermaLink: https://articles.zkiz.com/?id=325853

靈堂講家事揭一拖三有苦衷祥嫂爆喊:唔好挖苦兆尊

1 : GS(14)@2017-02-26 13:24:04

■祥嫂(右)拎着枴杖,由黃夏蕙陪同下現身靈堂。



鄧兆尊早前接受本報專訪,承認與三女友Carmen、車厘子(Cherry)及Claire戀事,享齊人之福,其母「祥嫂」洪金梅一直未有表態,昨日她撐着枴杖現身紅磡世界殯儀館,由黃夏蕙陪同到資深藝人魯芬喪禮,更大鬧靈堂講家事。



■祥嫂講到兆尊高調公開三女友有苦衷時,激動爆喊。

■兆尊早前50歲生日,三名紅顏同慶祝。資料圖片

■魯芬BB的家人昨日在世界殯儀館為她設靈,喪禮以佛教儀式舉行。

「個仔人見人愛」

祥嫂接受傳媒訪問時,起初平靜講與魯芬相處的軼事。當記者問到兆尊的感情事,祥嫂即顯得激動緊張,更叫記者憐惜她:「我個仔3個紅顏知己係好事,我個仔人見人愛,亦都係新馬仔個仔,其次手上又有……4個、6個都仲應該,仲後生,你哋唔好挖苦佢,要求你哋畀一分鐘友誼畀祥哥,好掛住佢哋,唔好纏擾我仔,令我個仔煩惱,佢唔習慣煩惱,煩我唔緊要。」


「唔好污辱伶王」

之後,祥嫂越講越激動,爆喊流涕講反話:「佢有苦衷,一拖一、一拖三,佢想入返嚟娛樂圈,兆尊,男仔睇到覺得你晒命,同澳門華哥比,天同地比,呢個係身體健康象徵,你有本事唔好俾女人囉囉嗦嗦,幾多個媽咪都支持你,最緊要應付得,唔好俾兄弟姊妹笑你。」祥嫂自言72歲不復當年,依然滔滔不絕,更反指自己錯,仔女唔曳,冇爭過家產:「生命好脆弱,唔好為我難過,我有勇氣講出嚟,唔敢講19年,由祥哥爭產唔敢講,我要顧全大局,終歸新馬仔家人,祥哥教我人過留名,唔好污辱伶王美譽。」祥嫂說畢喊住入靈堂,逗留了1小時後平復離開,而本報曾聯絡兆尊,於截稿時未有回覆。採訪:張俊銘攝影:仇志德




來源: http://hk.apple.nextmedia.com/entertainment/art/20170226/19940306
靈堂 家事 一拖 三有 苦衷 祥嫂 嫂爆 爆喊 唔好 挖苦 兆尊
PermaLink: https://articles.zkiz.com/?id=327131

鄧兆尊一拖三「泰」開心大婆不滿三奶太進擊

1 : GS(14)@2017-03-03 00:54:39

現年50歲、已故慈善伶王新馬師曾長子鄧兆尊日前接受《蘋果》專訪,講媖佢同「3C女友」戀事,佢哋各安本份相處融洽,完全冇爭風呷醋,難怪兆尊可以盡享齊人之福。日前祥嫂出席魯芬喪禮,接受傳媒訪問期間曾提起兆尊一拖三事,祥嫂更情緒激動指兆尊此舉為復出娛圈:「唔好咁啦兆尊,男仔睇到你亦都會話你晒命。你同澳門個華哥(周焯華)比呀?天同地比啦!」昨日有報道指啱啱過50歲生日兆尊,日前一拖三連同一男一女友人,齊齊去泰國旅行,雖然兆尊曾經講過佢眼中,大家係一視同仁,不過報道就話有密友爆佢哋三個背景。講到第一個女友Carmen,因為佢同兆尊識咗20年,所以係唯一可以住永祥大廈同兆尊同居,而且佢同小艾、碧玉甚至祥嫂關係好好。一直走可愛路線車厘子,報道話佢一直對男友照顧周到,樣樣都悉心安排,聽講佢仲成日拉攏Carmen同Claire做好姊妹!相反Claire係三個裡面最進取一個,成日fb晒合照,又叫兆尊陪佢屋企人婚宴,搞到人人以為佢係正印,所以有傳Carmen對Claire好不滿,同場見面都鮮有交流。




來源: http://hk.apple.nextmedia.com/entertainment/art/20170301/19943547
鄧兆 兆尊 一拖 開心 大婆 不滿 三奶 奶太 進擊
PermaLink: https://articles.zkiz.com/?id=327321

【馮仁昭四圍超】苑瓊丹話兆尊似祥嫂

1 : GS(14)@2017-03-22 00:47:23

苑瓊丹噚日喺觀塘以代言人身份拍攝健康食品廣告,佢接拍咗電影《西遊記之女兒國》,每日要用四個鐘化妝,要喺臉上搽膠水搞到皮膚敏感,佢話:「因為要黐膠水,塊臉生咗好多粒粒同埋有皺紋,見到膠水都驚。」講到鄧兆尊想復出,苑瓊丹話有留意報道,對於兆尊話其母祥嫂做戲能放能收,苑瓊丹話:「佢謙箒,佢都得嘅,佢都可能因為悶所以想拍劇。」撰文:馮仁昭




來源: http://hk.apple.nextmedia.com/entertainment/art/20170321/19964541
馮仁 仁昭 四圍 苑瓊 瓊丹 丹話 話兆 兆尊 尊似 似祥 祥嫂
PermaLink: https://articles.zkiz.com/?id=328244

兆尊賣地交細佬處理

1 : GS(14)@2017-04-08 20:44:36

鄧兆尊、梁烈唯、曾淑雅(Jumbo)、蔡淇俊昨日在大角嘴為電影《失業皇帝2017》開鏡,早前兆尊被指壓價拍戲,祥嫂得知後哭訴,兆尊表示不計酬勞,主要想感受和以前拍戲分別。連日來他忙拍戲,三位女友怎辦?兆尊笑說:「唔忙,佢哋唔會詐型,呢個係我唯一生機,畀條生路自己行吓。」兆尊戲中演落難角色,現實生活是富二代,他說:「食泥唔會飽,磚頭都咬唔到落口,呢啲虛浮嘢。」早前有消息指兆尊出售幾億地皮,兆尊指還未成事,由細佬處理,兆尊指跟祥嫂仍然未有聯絡。祥嫂舉辦紀念祥哥活動,問兆尊會否撐場?他說:「踩場定撐場呀,會有好多後遺症。」採訪、攝影:卓寶花




來源: http://hk.apple.nextmedia.com/entertainment/art/20170408/19983196
兆尊 賣地 交細 細佬 處理
PermaLink: https://articles.zkiz.com/?id=329709

會幫祥嫂籌建伶王紀念館兆尊論3紅顏:嗰啲係我老闆

1 : GS(14)@2017-04-10 23:36:01

■兆尊相隔八年再拍戲。



鄧兆尊、梁烈唯(唯唯)、曾淑雅(Jumbo)、董嘉儀(大埔Lulu)及陳健朗等日前於大角嘴拍攝網絡電影《失業皇帝2017》,劇情講述面對大集團逼遷,眾人穿上「血衫」抵抗。老闆向展邦亦特地到場探班,他表示一直很尊敬叔父向華勝,應將他的電影延續,展邦說:「睇新聞見到住籠屋嘅人好辛苦,我就諗起叔叔呢部《失業皇帝》,好貼合我哋想拍嘅題目。」


「跟官咁耐知性格」

兆尊相隔八年再拍戲,他說:「?家啲後生仔sharp醒,拍得特別快。」問到他的3位紅顏知己會否到場探班?兆尊笑說:「嗰啲係我老闆嚟㗎!佢哋好少嚟探班,唔知呀!可能夜啲啦!」到時會否請媽咪祥嫂睇首映?他表示這部戲只會在網上收看,自己亦不會教祥嫂上網睇:「後輩唔可以教前輩嘢㗎,要平輩教。」至於祥嫂要建「伶王新馬師曾藝術紀念館」,到時可會去參觀?兆尊謂:「嘩!你話參觀呀,梗係幫手啦,呢啲嘢要等祥嫂安排,你唔可以衝出去㗎!唔可以太過主動,跟官咁耐知官性格。」


唯唯獲提點戒囂張

在戲中飾演大集團二世祖的唯唯,因過於好勝而得罪人,及後因事故淪落住板間房,情節跟他被封為「負皮王」的打擊相似。唯唯直言不明白觀眾為何不喜歡他:「嗰時好唔開心,不過如果我冇經歷過,就唔會成長得咁快,可能當時唔係有心,但有時不自覺嘅態度、講嘢嘅語氣,令人覺得我好囂張。老婆成日都提我要低調、謙虛。」他坦言那次教訓非常深刻,感激在失意時有林盛斌及家人支持,他說:「經歷咗咁多,事業返番正軌,更加要努力。」此外,Jumbo表示戲中飾演社工,和唯唯有感情戲。採訪:黃曉妍攝影:仇志德


■兆尊表示3位紅顏知己甚少到片場探班。資料圖片

■曾淑雅拍網絡電影《失業皇帝》時,獲老闆向展邦到場探班。



來源: http://hk.apple.nextmedia.com/entertainment/art/20170410/19985171
會幫 幫祥 祥嫂 籌建 伶王 紀念 館兆 兆尊 尊論 紅顏 啲係 係我 老闆
PermaLink: https://articles.zkiz.com/?id=329959

齊人福唔易享兆尊嘆串燒 遭三女友夾計頂撞

1 : GS(14)@2017-06-23 02:58:28

【人強馬壯】■鄧兆尊日前偕三位女友一起去銅鑼灣嘆串燒,之後一起步行回家。





【銅鑼灣→灣仔】慈善伶王「新馬師曾」鄧永祥已經去世20年,他去世後老婆洪金梅與四名子女關係十分惡劣,但經過歲月流逝,雙方關係得以改善,而鄧兆尊和小艾等三弟妹一直感情很好,依然同住在灣仔永祥大廈,而兆尊與正印女友Carmen就一直在永祥同居,至於其餘兩位女友車厘子和Claire為方便與兆尊見面,兩女都搬了在永祥大廈附近居住。聽講兆尊盡量做到公平,一星期裏面,他會每個女友陪伴兩晚過夜,周日就是自己私人時間。



【雞啄唔斷】■Claire去年始跟兆尊戀上,二人沿途傾不停。

【忽然變陣】■行到去鵝頸橋街巿,原本企最開的車厘子(中),可企兆尊隔籬。


「公平自然唔會嘈」

日前晚上約8時許,《蘋果》記者巧遇兆尊與三位女友現身銅鑼灣黃金廣場,原來他偕女友們一起去了一間日本串燒店開餐,在串燒店內,三女完全不像是情敵,有說有笑,感情看來不俗,一行四人在餐廳逗留了約一個多小時,席上隱約聽到三女會聯合一起頂撞兆尊,搞到他為之語塞。其實兆尊算是御女有術,可以令三位女友和平共處,沒有發生爭風呷醋事件令他頭痛。兆尊受訪表示:「只要做得公平,對佢哋個個都咁好,佢哋自然唔會嘈,?家佢三個都不知幾好姊妹,有一個Chat互通訊息,我嘅行蹤佢哋係完全了解。」兆尊一行人於晚上約9時許埋單離開,落樓後他們選擇一起步行回家,當行到灣仔鵝頸橋街市生果檔口,三女突然叫停兆尊,說要買水果,不過他就沒自己落手揀生果,只是三女自己在生果檔左揀右揀,揀完之後,三女各自買了一袋,然後兆尊負責付錢。



【企出馬路】■等過馬路期間,兆尊似不耐煩企出馬路,Carmen即傍實他。

【情敵和好】■車厘子(左)與兆尊新女友Claire由情敵變成好姊妹,飯後一起步行回家。


車厘子Claire勁好傾

買完生果後,兆尊與Carmen就向永祥大廈方向行返屋企,而車厘子和Claire就與兆尊道別後,向另一方向離開,沿途見到車厘子一直與Claire雞啄唔斷,直至到家門,車厘子再與Claire道別,Claire就過一條馬路返上樓。採訪、攝影:羅德光、梁繼光




來源: http://hk.apple.nextmedia.com/entertainment/art/20170622/20063998
人福 唔易 易享 享兆 兆尊 尊嘆 串燒 遭三 女友 夾計 頂撞
PermaLink: https://articles.zkiz.com/?id=336619

鄧兆尊街頭媾女抄牌

1 : GS(14)@2017-07-01 10:50:23

有3個女友的鄧兆尊,近日復出電視圈為奇妙電視主持新節目《Learning男》。昨日兆尊便與其他主持李尚正、曾志豪上堂學「媾女」,之後並在戀愛導師指導下於觀塘街頭實習「媾女」向女士攞電話,他先後向三位女士埋手,最後成功問到兩位電話號碼。



■鄧兆尊日前在戶外拍攝曬到燶。

兆尊透露節目要求他們每日都學習不同事物充實自己,目的都是要識女仔。問到可擔心紅顏知己們會呷醋?兆尊說:「佢哋都唔信我會啦,都唔敢。」他自言自己識女仔技術不高:「因為我淨係識得識女仔,唔識得飛,食咁多會好滯㗎。」問他可有「滯」的感覺?他苦笑:「我唔會再重複犯錯㗎啦。」採訪:曹家誠攝影:陳俊強




來源: http://hk.apple.nextmedia.com/entertainment/art/20170701/20074635
鄧兆 兆尊 街頭 媾女 女抄 抄牌
PermaLink: https://articles.zkiz.com/?id=337538

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019