ZKIZ Archives


唔排除同G.E.M.發展馮允謙:夾咪嚟囉

1 : GS(14)@2015-02-08 18:14:55





據馮允謙身邊好友透露,前晚原本相約馮允謙去燒烤,但馮允謙表示「有嘢做」臨時甩底,原來他佳人有約,秘密陪G.E.M.去嘉年華。其實馮允謙於兩周前已在Instagram貼相去嘉年華玩,前晚為G.E.M.又再去。昨晚,馮允謙現身灣仔擔任林志美演唱會嘉賓,問到和G.E.M.的緋聞時,他說:「唔係,我哋只係普通朋友,喺教會識,一班朋友出去玩。」談到G.E.M.,他即大讚對方:「好欣賞佢,跳得唱得,我覺得佢係好人。」有否發展機會?他強調希望在工作上有進步:「冇諗拍唔拍拖,如果好夾咪嚟囉!focus音樂度先。」他坦言出席過對方的生日會。至於沒被邀請去玩的李蘊,昨在電話中透露,曾在好姊妹G.E.M.生日派對上見過馮允謙,讚兩人有共同興趣。





來源: http://hk.apple.nextmedia.com/entertainment/art/20150208/19033644
排除 G.E.M. 發展 馮允 允謙 夾咪 咪嚟 嚟囉
PermaLink: https://articles.zkiz.com/?id=287674

馮允謙驚女友高過自己

1 : GS(14)@2016-03-08 00:08:38

馮允謙昨日參與荷里活廣場舉行第七屆「美麗狂奔」競賽,穿了吋半高踭鞋的他,初時顯得戰戰兢兢步步為營,經過幾次試跑後就放膽急步行。回憶5歲時因覺得媽咪穿高踭鞋好靚而偷偷試穿,他覺得女性穿高踭鞋顯得雙腳修長,非常性感。他指女友平日甚少穿高踭鞋,因兩人身高相若:「第一次見面時覺得佢心地好但就好高,唔敢追佢,之後朋友講佢同我差唔多高,之後約會佢就冇再着高踭鞋。」他奉勸女士遇到心儀男性時,若果跟對方身高相若就不要穿高踭鞋免尷尬。對於前緋聞女友鄧紫棋跟華晨宇傳緋聞,他有聽聞過但沒有求證,但覺得對方較之前開心。採訪:馬建華攝影:陳俊強





來源: http://hk.apple.nextmedia.com/entertainment/art/20160307/19519201
馮允 允謙 謙驚 女友 高過 自己
PermaLink: https://articles.zkiz.com/?id=297164

G.E.M.同吳若希爭輸 馮允謙情陷嫩版朱咪咪

1 : GS(14)@2016-03-23 16:27:28

2016-03-16 EW
一一年,憑住在《超級巨聲3》奪亞而入行的馮允謙(Jay),既高大有型,又是運動健將,充滿陽光氣息,難免成為搶手貨。

早前,宇宙G.E.M.(鄧紫棋)就狂貼與Jay的「蜜」照到社交網;而「發電廠」吳若希亦不輸蝕,與Jay開完工,更主動做「柴可夫」管接送。緋聞女友氹氹轉,關係立立亂,似乎嚇怕了Jay;近日,他就公開承認已經有女朋友。

日前,約晚上八時,工作後的Jay,立即到鰂魚涌會合貌似朱咪咪的女友Crystal。本刊就直擊到這對熱戀中的情侶,如何甜蜜地歎越南菜。兩大女神G.E.M.與吳若希鷸蚌相爭,結果由「嫩版朱咪咪」得Jay。

兩女爭奪

現年二十八歲的馮允謙(Jay),在一一年憑住《超級巨聲3》奪亞而入行,充滿陽光氣息的他,為保持偶像派形象,一直表示單身。不過,緋聞要來的時候,擋也擋不住!

與宇宙G.E.M.(鄧紫棋)過從甚密的Jay,每次提起對方時,便展現出一臉幸福的模樣。自去年八月,兩人被發現一齊睇方大同演唱會後,就時常黐在一起。早前,兩人與友人一起去行山時,更不避嫌地十指緊扣影「蜜」照;而最甜蜜的是,原本穿在Jay身上的藍色Nike風褸,瞬間轉移到G.E.M.的身上。兩人就連情侶勝地「中環歐陸嘉年華」,亦孖住去玩,認真是一日不見如三秋。此外,揚言喜歡吃日菜的Jay,就曾大讚G.E.M.下廚煮的日菜令他垂涎三尺,關係不言而喻。

其後,出名是「發電廠」的吳若希,又加入搶Jay戰。兩人早前一起工作後,吳若希竟做他的「柴可夫」。取車時,兩人談笑風生,吳若希又乘機發功嗲爆Jay。男方一臉受落,更偷偷用攝影機拍下女方的神態。

冧爆晚餐

一時之間,緋聞滿天飛,Jay最終被女友詐型,唯有公告戀情,「我女友係圈外人,發展得幾好,同G.E.M.只係好朋友啫!(會點討女友歡心?)唔得閒,遲啲食飯睇戲,女友話禮物都唔使送,唔好嘥呢啲錢;我同女友識咗好多年,幾個月前復合番,佢係好好嘅女仔。」其實,Jay的正印叫Crystal,來自加拿大,樣貌與年輕時的朱咪咪相似。日前,約晚上八時,Jay工作後,立即到鰂魚涌會合女友。原本,Crystal滿心歡喜,蹦蹦跳地揀選了一間西餐廳撐枱腳;可惜坐下時,Jay就發現有記者在場,於是從後門離開。最後,兩人移師附近的一間越南菜餐廳醫肚。席間,小情侶對望而坐,Jay情深款款的眼神,令女友邊食邊笑得甜絲絲。Jay冧女果然有一手,難怪女神氹氹轉。

撰文☆武儀 攝影☆楊北鉅、吳子生 設計☆李浩然
G.E.M. 同吳 吳若 若希 希爭 爭輸 馮允 允謙 謙情 情陷 陷嫩 嫩版 版朱 咪咪
PermaLink: https://articles.zkiz.com/?id=298556

馮允謙「十了大歲」錯詞照唱

1 : GS(14)@2016-05-08 01:56:21

■馮允謙(左)新歌《葡萄釀的淚》的一句「十了大歲」被指唱錯,林若寧認填錯詞。互聯網圖片


馮允謙新歌《葡萄釀的淚》其中歌詞「多一歲多一歲,十了大歲」,被網民指不明白,並在網上開帖問馮允謙「咩叫做『十了大歲』?」質疑是填詞人林若寧寫錯還是馮允謙唱錯,馮允謙昨回覆:「首歌講兩個朋友飲酒傾偈,醉咗講錯嘢,林若寧捉咗呢句幽咗一默,好似外國ABC講中文唔叻,飲醉會話『紅都面晒』。」不過林若寧卻承認錯誤:「其實係我打錯字,我疏忽冇再睇番歌詞。可能佢哋唔會覺得我會犯呢啲咁低級錯誤,如果大家聽到歌詞覺得好不安,我say sorry,唔關佢哋事,唔好意思搞到馮允謙。」之後英皇再解釋:「一直以為林若寧係咁寫,原來係美麗誤會。」採訪:皓騫





來源: http://hk.apple.nextmedia.com/entertainment/art/20160505/19598083
馮允 允謙 十了 了大 大歲 錯詞 詞照 照唱
PermaLink: https://articles.zkiz.com/?id=299870

隔牆有耳:讚Gin Lee 馮允謙唱得好 AO歌王:欣宜《女神》啱feel

1 : GS(14)@2016-05-24 10:40:05

年長一代總係鍾意話下一代點樣不濟、點樣唔夠上一代叻嘅,但有「AO歌王」之稱、已經退休嘅民政事務局前常任秘書長楊立門就唔係喇,仲識英雄重英雄,噚日出席活動時點名讚呢排有啲歌手唱得幾好,唔知幾時會同呢班靚聲王組隊演出,以歌會友呢?獲AO歌王大讚嘅包括一男一女,就係巨聲幫出身嘅馮允謙同來自馬來西亞嘅李幸倪(Gin Lee)。查實馮允謙出道5年嘞,最近一首《Keep On, Fight On》聽到人好雀躍;Gin Lee仲勁,今年已有《雙雙》同《月球下的人》兩首冠軍歌,證明楊立門好識貨。



話未夠班學黎明開騷

咁AO歌王有冇聽過近期熱播、欣宜嗰首《女神》呢?楊立門話有喎,呢首歌真係好啱欣宜唱,雖然首歌唔係話好好聽(嗯……),但啲詞就真係欣宜先至唱到出嚟。咁又係,唱歌都要講feel嘅,欣宜演繹嘅呢首歌,真係打動唔少人心㗎!原來楊立門下星期會同二胡王子王憓(Ray)再度合作開騷,「佢作咗啲歌等我唱,仲有一首黎小田嘅新歌,我要同佢唱,久唔久我就有呢啲concert」。過去幾年不斷開騷嘅佢話今年冇搞大騷,但透露密鑼緊鼓搞緊出年嘅騷。八方多嘴問句,幾錢唱一首歌?楊立門話佢而家統統都係義工、為公益唱歌,但揚言「遲啲會睇吓係咪搞番屬於自己嘅音樂會」。咁會唔會好似黎明咁喺中環海濱開個唱?楊立門好謙咁話自己未夠班,有歌唱就心滿意足啦!



李八方
mailto:pf_lee@appledaily.com





來源: http://hk.apple.nextmedia.com/news/art/20160523/19623763
隔牆 有耳 Gin Lee 馮允 允謙 謙唱 唱得 得好 AO 歌王 欣宜 女神 feel
PermaLink: https://articles.zkiz.com/?id=301327

【馮仁昭四圍超】馮允謙欣賞G.E.M.改編

1 : GS(14)@2016-07-13 05:15:46

馮允謙噚日喺銅鑼灣以代言人身份出席耳機體驗會,講到緋聞女友鄧紫棋(G.E.M.)先後改編Beyond主唱嘅《喜歡你》同BIGBANG首歌而被網民鬧爆,馮允謙話:「我好鍾意Beyond個版本,亦欣賞人哋嘅創作,呢個比賽同韓國PSY一齊改編呢首歌,係幾特別,當然有啲歌曲要小心處理,始終係首經典歌,但係我個人聽就覺得幾得意。」撰文:馮仁昭





來源: http://hk.apple.nextmedia.com/entertainment/art/20160713/19692156
馮仁 仁昭 四圍 馮允 允謙 欣賞 G.E.M. 改編
PermaLink: https://articles.zkiz.com/?id=303555

亞博睇騷一杯兩份飲馮允謙翻版劉佩玥交換口水

1 : GS(14)@2016-08-17 08:01:28

【好好傾】■馮允謙上周五與「翻版劉佩玥」Jude到亞博捧英國樂隊Disclosure場,似有講不盡的話題,特別投契。DV圖片





【赤鱲角】現年28歲的馮允謙入行5年,星運平平,人氣度極低,除了去年跟宇宙巨G.E.M.鄧紫棋傳緋聞,其實還有一位拍拖4年的「隱形女友」Crystal。不過,英國樂隊Disclosure上周五來港於亞洲博覽館開騷,本報記者發現馮允謙與一位相貌似足劉佩玥的長髮露膊女齊齊睇騷。更有眼利讀者發現,原來這位「翻版劉佩玥」就是華納上年的新人曾若華(Jude)。


離場腳浮浮

馮允謙除與Jude一齊睇騷外,同行還有一對男女友人,但馮允謙似乎與「翻版劉佩玥」明顯比較投契,與對方孖住去飲品換領處拿飲品,之後二人又碰杯對飲,馮允謙更不介意與女方交換口水,拿對方的飲品來飲。一行人睇騷之後,玩到凌晨12時左右才離開會場,馮允謙與「翻版劉佩玥」更越行越埋,女方又不時望着馮允謙甜笑施以冧功,馮允謙亦都好受落,更一度輕掃女方背脊,飲到醉醉哋的馮允謙更疑似腳步浮浮,四人約凌晨一時再轉場去中環繼續玩。採訪、攝影:楊浩賢、陳辰



【一齊飲】■馮允謙在亞博與「翻版劉佩玥」Jude孖住隊酒。DV圖片

【口水尾】■馮允謙還拿了Jude杯飲品來飲。DV圖片

 


【孖住行】■馮允謙全晚跟Jude黐到實,女方亦經常向他撒嬌。DV圖片

【輕攬腰】■Jude上車時馮允謙輕托對方纖腰,女方亦全無抗拒。DV圖片



來源: http://hk.apple.nextmedia.com/entertainment/art/20160817/19739108
亞博 博睇 睇騷 一杯 兩份 份飲 飲馮 馮允 允謙 翻版 劉佩 交換 口水
PermaLink: https://articles.zkiz.com/?id=306245

同G.E.M.有過一段情?馮允謙緋聞勝事業

1 : GS(14)@2016-08-17 08:01:28

入行5年,28歲嘅馮允謙星途嚟講,參加過《超級巨聲3》都算係講得出佢個名,不過就冇乜代表,返而感情生活就相對好睇好多。馮允謙外型斯文、官仔骨骨夠晒煞食,最為人所認識嘅緋聞女友就一定係宇宙巨G.E.M.。佢同台灣歌手林宥嘉分手之後,馮允謙成為G.E.M.嘅緋聞男友,佢哋不時喺instagram post大家嘅相出嚟o添!不過雙方就堅稱對方係好朋友。而去年有傳原來馮允謙同G.E.M.發展咗嘅同時,其實有一位拍拖四年嘅女友Crystal,不過為咗男友事業甘心做「隱形女友」,仲刪走埋fb入面嘅合照。除此之外,馮允謙曾喺《實習天使》同劉佩玥合作,佢哋仲有一夜情嘅戲份,亦有傳佢哋戲假情真撻着o添!




來源: http://hk.apple.nextmedia.com/entertainment/art/20160817/19739842
G.E.M. 有過 過一 一段 段情 馮允 允謙 緋聞 事業
PermaLink: https://articles.zkiz.com/?id=306246

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019