ZKIZ Archives


買樓玩神秘 張玉珊持貨億五

2011-8-4  NM




近年三分二時間都留守國內,發展 其修身堂內地市場的張玉珊,上月尾在助手陪同下,現身ICC,到樓上的新樓盤瓏璽睇示範單位,貴客到,發展商安排獨立時間讓張玉珊慢慢睇,避免受騷擾。張 玉珊睇的2,640呎單位,樓價近億。近幾年,她手上持有的五個物業,全部升值,總市值一億四千多萬,升幅超過一半。有錢買樓,張玉珊卻神神秘秘,除了用 BVI公司,又搵阿媽阿哥個名登記,掩人耳目。大客專用時間

早個禮拜六(七月二十三日)上午十一時半,本刊發現張玉珊坐駕停在圓方的W酒店門外,一名地產經紀上車後,七人車駛上鄰座的ICC環球貿易廣場。原來張玉 珊要睇樓,一干人等跟隨地產經紀上了位於ICC十樓,新開賣的瓏璽示範單位。距離開放睇樓的時間早半小時,發展商卻特地撥出獨立睇樓時間,招呼張玉珊,地 產經紀為成功開單殷勤講解,全程講解冇停口。雖然瓏璽坐落大角咀地段,但因為面向維港景,低層細單位,呎價都過萬元,張玉珊睇的是二六四○呎高層單位,呎 價要四萬元,樓價過億,十分揦脷。

鍾意長揸

投資有道的張玉珊,自03年沙士之後,一口氣掃了多個豪宅,因為眼光獨到,賬面賺超過8,000萬。

阿Sa做鄰居

「Shirley有好多時間都喺內地,不過佢對投資國內房地產興趣始終唔大,反而每次返香港,撞啱都會睇樓,樓價升到癲晒,但佢仲好有信心,話睇定入貨差 唔多。舊年政府加百分之二十印花稅,打擊炒家,但Shirley買樓唔在意急放,對佢無影響,只要睇準就入市,嗰次佢都有即刻入貨,買咗跑馬地慧莉苑一個 二千呎單位,咁啱阿Sa又喺嗰時買咗隔籬單位,兩個做埋鄰居,佢鍾意速戰速決,買樓都一樣。」張玉珊身邊人說。對大型屋苑豪宅情有獨鍾,張玉珊在瓏璽示範 單位睇足四十五分鐘,之後轉場到圓方附近的另一豪宅天璽繼續睇樓。「Shirley鍾意無敵景,○四年佢買入松柏新邨,就俾成個馬場景吸引,因為單位無遮 無擋景觀好,依家間屋升咗四千幾萬。所以佢買樓都專吼高層單位,景觀同位置都好緊要。」

唔用自己名

唔豪唔吼,張玉珊的物業資產值,近年累積升幅不小,賬面已經賺近億。此外,她亦習慣用BVI公司,及親人名義買樓,掩人耳目。就有意購買近億的瓏璽,記者 上週日(二十四日)在書展向張玉珊求證,她卻大耍太極:「我成日都睇樓,呢啲係香港人嘅節目,今次咁啱俾你見到啫!(嗰日你睇埋天璽,係咪想再入貨?)未 有決定喎!(你近年買樓賺咗 成億?)你哋查到乜就寫,我無意見。」

增持股份

01年張玉珊退出娛樂圈投身商界,創辦修身堂控股有限公司(8200),成為香港最年輕的上市公司主席。04年,她為當時230磅的欣宜成功減掉100 磅,成功為公司打響名堂。近年,張玉珊積極開發內地市場,先後在杭州、北京、上海、深圳等地開設六間旗艦店,內地加盟店達101間,生意遍布全中國。今年 7月,她再購入608萬股公司股份,個人佔股權41.5%,市值6,142萬,而整間公司則市值約1.43億。此外,張玉珊早前亦成功取得SK-II內地 代理權,生意愈來愈多元化。


買樓 樓玩 神秘 張玉 玉珊 珊持 持貨 貨億 億五
PermaLink: https://articles.zkiz.com/?id=26808

人行實施臨時操作料釋放7,000億五大行變相獲降準

1 : GS(14)@2017-01-22 02:14:25

【本報訊】為防息口過年前抽高,人行昨公佈向國有大行提供為期28天的短期放水安排——「臨時流動性便利操作」。財資界指等同降低五大行臨時存款準備金率1個百分點,料釋放近7,000億元(人民幣.下同)資金。記者:劉美儀



分析表示,新做法亦較28日逆回購或其他操作,成本更低又直接有效。人行本周已經在市場大舉放水,首四天連續透過逆回購操作,淨投放逾1萬億元資金,創史上最大單周淨投放記錄。



人幣滙價應聲跌

昨午約2時半,路透社報道五大行日前獲准短暫下調存準率1個百分點至16厘,人幣應聲回落約100點子;傍晚6時在岸及離岸價,分別報每美元兌6.8804及6.8553人幣,每百港元兌88.37人幣。下午4時人行透過微博公佈,為保障春節前現金投放需求,促進銀行體系流動性及貨幣市場平穩,人行通過「臨時流動性便利操作」,為現金投放中佔比高的幾家大型商銀提供臨時流動性支持,操作為期28天,資金成本與同期限的公開市場操作利率大致相同。內地春節假由下周五(27日)至2月2日止,期間外滙及利率市場休息。有滙商指中資行昨在離岸市場拆入資金興趣頗大,或與內地資金偏緊,故在港拆錢回流舒緩母行頭寸有關。


擬放鬆跨境融資

對於央行新安排,恒生銀行(011)執行董事馮孝忠指,是因時制宜的一次性操作,相比採取逆回購,成果受制於國債市場供應,常設借貸便利(SLF)又屬恒常動作,惟國有大行佔存款市場最大分額,在交稅及提款等過節前繁忙期,直接向大行放水,形同降準讓其庫存央行的錢,快捷有效。外界對此詮釋為臨時降準,及釋放多達7,000億元資金推算,均為合理描述。上商經濟研究部主管林俊泓亦指,新措施資金成本與公開市場操作相若。另外,有內媒報道,央行近日下發《關於全口徑跨境融資宏觀審慎管理有關事宜的通知》,進一步放鬆跨境融資政策,要點包括在全口徑跨境融資宏觀審慎管理下,將境內企業的跨境融資額度上限從一倍淨資產,擴大為兩倍淨資產。




來源: http://hk.apple.nextmedia.com/financeestate/art/20170121/19903897
人行 實施 臨時 操作 釋放 000 億五 大行 變相 獲降 降準
PermaLink: https://articles.zkiz.com/?id=323518

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019