ZKIZ Archives


公平貿易 Coffee 林芊妤

1 : GS(14)@2015-06-11 12:48:32

2015-05-28 NM




望着拍攝用的小道具,林芊妤有點手足無措。「其實,我不懂得沖咖啡,甚至不喝咖啡。我叫Coffee,只因為小時候的膚色似咖啡。」沒所謂,動機只是安排個動作給Coffee
公平 貿易 Coffee 林芊 芊妤
PermaLink: https://articles.zkiz.com/?id=290801

Coffee冒寒街頭開工

1 : GS(14)@2016-02-08 03:00:16

【銅鑼灣】林芊妤(Coffee)果然由年頭忙到年尾,啱啱外遊返港嘅佢,前日下晝4點幾,喺銅鑼灣街頭幫now TV免費台拍節目,現場所見Coffee相信係節目嘅主持人,另外仲有兩位年輕人喺街頭表演賣唱。前日市區氣溫都好低,所以平時開工好多時都性感出現嘅Coffee,前日都要着番件羽絨,不過就依然畀大風吹到眼眨眨,好多學生妹見到佢都好開心咁搵佢影相,證明佢一直努力工作洗底係冇白費嘅。採訪、攝影:吳耀輝





來源: http://hk.apple.nextmedia.com/entertainment/art/20160205/19479982
Coffee 冒寒 街頭 開工
PermaLink: https://articles.zkiz.com/?id=295416

Coffee拒男學生包養

1 : GS(14)@2016-03-06 16:12:15

林芊妤(Coffee)、陳婉衡(Alycia)、李美琪(牛雜妹)及丁悅等,昨日在西九龍文化區出席千人瑜伽活動。Coffee透露平日教授私人瑜伽班時,通常是女學員比男學員更主動聯絡,有否男學員約她?她說:「冇呀,唔好諗邪嘢。」至於感情生活,Coffee現時較獨立:「有男仔話養我,不過我覺得拍拖又好結婚又好,都要有事業,唔養我咪斷手斷腳?」而Alycia在無綫節目中飾演女侍應,被網友指「唔知做乜」,她說:「我本身個角色真係叫抹枱妹㗎,其實以前都做過居酒屋,有試過客人叫過我一齊飲酒,不過我唔飲,會叫經理頂。」採訪:盧妹 攝影:仇志德





來源: http://hk.apple.nextmedia.com/entertainment/art/20160306/19518168
Coffee 拒男 學生 包養
PermaLink: https://articles.zkiz.com/?id=297037

Coffee世界巡迴教瑜伽

1 : GS(14)@2016-03-08 16:12:49

■穿上三點式泳衣的Coffee,在迷人的海灘景色下做出高難度瑜伽動作。


熱愛瑜伽的林芊妤(Coffee)去到邊做到邊,早前她到馬爾代夫旅行,便在陽光與海灘迷人景色襯托下,穿上性感三點式做出多個高難度瑜伽動作,她說:「因為喺YouTube開咗個頻道教人做瑜伽,所以而家有時間就會拍啲片放上去,之前去泰國同馬爾代夫都有拍,好靚呀,唔好嘥咗個景吖嘛!」另外,Coffee早前表示會繼續修讀瑜伽課程,增值自己。她笑言:「要幫屋企手供樓,增值吓自己,希望可以搵多啲錢。」撰文:小米





來源: http://hk.apple.nextmedia.com/entertainment/art/20160308/19520283
Coffee 世界 巡迴 瑜伽
PermaLink: https://articles.zkiz.com/?id=297262

揮低兩大索女 Coffee溝掂半億筍盤

1 : GS(14)@2016-03-16 16:13:18

2016-03-09 EW

現年二十六歲的林芊妤(Coffee)桃花旺盛,不時有狂蜂浪蝶在身邊出現。早前,更被發現跟逾半億身家的筍盤Jeff同行逛街,兩人關係耐人尋味。

本刊發現,近日Coffee和Jeff的感情似邁進一大步,兩人餐廳密會撐枱腳之外,她更帶男方見家長。據悉,Coffee已成功fight低兩大情敵:趙哲妤和鄭伊娜,將金龜釣到手!

投資公司老闆

早前,林芊妤(Coffee)被發現跟半億身家的筍盤Jeff孖咇逛街,當時她聲稱對方是自己的瑜伽學生,兩人只是普通朋友。消息曝光後,年約四十歲的Jeff迅速被大起底,男方被指是出身銀行世家的金融才俊,現職投資公司的老闆,坐擁逾半億身家。

而男方過去的情史,亦艷福不淺,曾與前中國小姐趙哲妤傳緋聞,兩人經常被影到出雙入對斷到正。此外,在兩人交往期間,Jeff又被傳移情別戀,狂追前亞視藝員鄭伊娜,兩人還頭貼頭影合照,關係認真七國咁亂。

不過,筍盤Jeff疑似一腳踏三船,Coffee卻似乎最遲來先上岸。早前,本刊發現,Coffee和Jeff密會開餐,相約於灣仔一間韓國燒肉店撐枱腳,兩人食飯食足兩小時後,才結伴離開,然後一同步往附近的「灣仔188」商場,探望在商場內開鋪賣電玩遊戲的Coffee母親。兩人接Coffee媽收工離開,並送她到附近的港鐵站,Jeff與Coffee兩母女同行時,邊行邊傾表現熟絡,睇得出Coffee帶同Jeff見家長,肯定不是第一次。

送走阿媽後,Coffee和Jeff繼續漫步行往金鐘方向,兩人在港島香格里拉酒店一間室外酒吧坐低,燭光下摸住酒杯底歎紅酒,浪漫談心。記者所見,Coffee不時更將身軀挨近Jeff的肩膀, 耳邊喁喁細語,態度親暱,關係殊不簡單。

跟買股票贏錢

據悉,Coffee身邊雖然不乏有財有勢的裙下之臣,但跟Jeff卻發展神速,原來是因她近月備受家事困擾,男方不時從旁開解,打動芳心。知情者說:「Coffee屋企人唔生性,早排有啲財務問題,搞到佢情緒都幾低落,梗係想有個男人喺身邊挨傍吓,咁就撻着咗。」知情者又透露,Jeff投資股票非常在行,Coffee跟他買「冧把」屢有斬獲,自然十分欣賞對方的本事,「Coffee不嬲話唔會靠男人,Jeff唔係現兜兜畀錢佢使,係畀股票貼士佢贏錢,佢咪更加覺得個男人尊重自己囉!」近月,Coffee更常被發現出入男方位於跑馬地寓所過夜,見面為名,mark住筍盤為實,防再有「閒花」埋Jeff身。

江湖猛人狂追送厚禮

身材惹火的Coffee,一直桃花大旺,前年六月,與利達國際集團接班人林知譽(Will)傳出緋聞。

其後,Coffee和羅天宇多年之前的親嘴密照,突然流出,揭發兩人舊愛關係,她澄清是被朋友出賣。

去年十月,傳出江湖猛人「上海仔」郭永鴻狂追Coffee,開派對為她慶祝生日,更送馬讓她榮登馬主,但她否認跟對方交往,更聲稱大家是「唔熟朋友」。

撰文☆錢慧 攝影☆錢慧、吳子生 設計☆李浩然
揮低 低兩 兩大 大索 索女 Coffee 溝掂 掂半 半億 億筍 筍盤
PermaLink: https://articles.zkiz.com/?id=298202

【索女做運動】Coffee倒吊辣舞 鋼管初體驗

1 : GS(14)@2016-05-21 19:04:19

【Outside leg hang】【難度:★★★】■這個「Outside leg hang」要將整個人倒轉,再依靠大腿夾鋼管及手臂捉緊才能做到。


林芊妤(Coffee)作為專業瑜伽導師,金雞獨立、拱橋、一字馬等動作絕對難不到她,但對於初次接觸的火辣鋼管舞(Pole dance)、還要穿上8吋高踭鞋在鋼管上攀高攀低擺出優美動作,甚至要倒吊,讓Coffee大叫辛苦,最後她花了兩小時隨導師Tiffany上速成班,雖然雙腳多處撞傷變瘀黑,但被導師讚她成績超班,Coffee亦說好值得!採訪:草津



林芊妤承認之前沒有細想過鋼管舞有多難,還以為自己有瑜伽底子會較易上手,到真正跳才了解瑜伽和鋼管舞大不同:「鋼管舞同做瑜伽都要用力,但用嘅力係唔同,瑜伽動作係用力推出去,鋼管舞就啱啱相反,係要用力拉埋嚟去支撐自己身體,基本上少啲臂力都做唔到,同埋初學一定會撞瘀晒。」



【Tuck】【難度:★★】■Tuck需要一定臂力及腰力,可說是Sit的進階版,做了Sit動作後再用手提起雙腿。

【Climb up】【難度:★】■要做Climb up這個動作,首先要用雙手緊捉鋼管,躍起後要用手臂的力量及雙腿夾緊鋼管。

【Sit】【難度:★★】■動作Sit看似容易,其實一樣需要臂力及腰力去支撐身體,導師正指導Coffee如何將動作做得更優美。



冇得護膚

鋼管舞導師Tiffany指一般學生會花7星期學一首歌,初班由基本動作Fireman開始做起,而Coffee的速成班已包括一般學生第7個星期學的動作,故Coffee雖不算純熟,但已經可以做到sit、outside leg hang、tuck等動作已經好叻,相當有潛質。
Coffee笑言:「雖然今次着嘅衫未必係最合規格,但係都照足導師指引,之前一晚手腳都沒有塗潤膚霜,因為導師話跳鋼管舞要盡量令身體黐得實鋼管,呢啲導師唔講真係唔會注意。」



■Coffee指着撞瘀的小腿叫痛。

■鋼管舞新手的Coffee笑指第一日上堂雙腿即瘀晒。



撞瘀扁嘴


由於Coffee之前完全沒有接觸過鋼管舞,導師第一個動作教她如何攀上鋼管,以為輕而易舉的Coffee用力一跳即痛極尖叫,原來她用雙腿夾鋼管時撞到小腿內側,痛到瞇晒眼的Coffee扁晒嘴說:「瘀咗喇!真係好痛,即刻瘀晒,有啲頭暈,可唔可以走先?」Coffee又笑指自己只是地上最強,但離地的動作對她來說很有難度,終在導師悉心教導下,由基本的Fireman做起,再學轉圈及倒轉。


■Coffee輕鬆做出一字馬動作。


原來Coffee早有學鋼管舞的念頭:「之前一直都喺度諗學瑜伽好定鋼管舞,但嗰時我仲喺電視台,好多時都好大壓力,完全瞓唔到覺,有朋友提議我揀瑜伽,可以幫到我平復到自己,心靈平靜啲,將所有嘢都放慢啲,所以最後我揀咗學瑜伽。」Coffee又指現在台灣好流行將瑜伽融入鋼管舞,她對這方面很有興趣:「我會開始喺呢方面研究多啲,一來有興趣,二來想多學一技旁身。」場地提供:Melody Pole Studio導師:Tiffany





來源: http://hk.apple.nextmedia.com/entertainment/art/20160521/19621378
索女 女做 運動 Coffee 倒吊 吊辣 辣舞 鋼管 體驗
PermaLink: https://articles.zkiz.com/?id=300981

Coffee高難度瑜伽落敗

1 : GS(14)@2016-05-21 19:04:20

林芊妤(Coffee)正式接觸瑜伽雖然只有5年時間,但不得不承認她的潛質頗大,昨日她更獲今年30歲、已有兩項健力士世界紀錄的印度瑜伽大師Yogaraj CP邀請,合作參加在香港視覺藝術中心舉行的「India got talent」比賽,勝出者更有機會到印度出賽。Coffee表示:「認識到Yogaraj CP因為佢本身喺香港都有開瑜伽學校,主要教啲比較高層次嘅瑜伽動作,佢係嗰間學校嘅老闆,有次佢見到我做瑜伽,覺得我幾有潛能,所以叫我同佢一齊出賽。」


Yogaraj CP(右)


昨日有30多隊參加比賽,雖然最後未得勝出,但Coffee說:「輸咗都唔緊要,今晚成個演出都好順利已經好開心,因為之前都唔係好多時間練習,可以做到晒啲動作已經好好。」採訪:小米攝影:陳慧安





來源: http://hk.apple.nextmedia.com/entertainment/art/20160521/19621386
Coffee 高難度 高難 瑜伽 落敗
PermaLink: https://articles.zkiz.com/?id=300983

龔嘉欣罕晒三點式Coffee真空迎戰

1 : GS(14)@2016-07-09 06:36:03

26歲嘅龔嘉欣形象不嬲健康,喺佢微博post相啲look一向都keep住健康為主,間唔中真係間唔中會露下腰仔咁已經係佢最性感,不過呢條例昨日就打破咗喇!事關龔嘉欣post咗張三點式泳衣相,雖然睇落呢張似係廣告造型相,不過嘉欣輕輕地show咗事業線,又好大幅度畀佢條纖腰大家睇!今次真係宅男福音,真係要好好珍惜!嘉欣初試性感,行開性感嘅Coffee林芊妤梗係要出嚟迎戰啦!去咗峇里嘅Coffee昨日就着住一件吊帶針織縷空背心,咩話?睇慣咗?小子你太年輕了!Coffee出招點會小兒科,睇真啲件縷空背心入面係真空o架!





來源: http://hk.apple.nextmedia.com/entertainment/art/20160707/19684333
龔嘉 嘉欣 欣罕 罕曬 三點式 Coffee 真空 迎戰
PermaLink: https://articles.zkiz.com/?id=302906

34D Coffee沙灘撩仔 失手以笑遮醜

1 : GS(14)@2016-07-09 07:02:11

夏天到,除咗為大地帶嚟美腿,當然唔少得着比堅尼嘅美女。昨日林芊妤(Coffee)喺Instagram貼相又貼片,大晒佢喺印尼龍目島開工期間嘅花絮,着住粉橙色比堅尼嘅Coffee喺海邊漫步,真係好慢嗰種,個焦點,自己落喺佢34D嘅上圍,同埋佢啲腹肌。
Coffee喺漫步期間,遇到小朋友泳客,佢諗住行埋去摸吓個細路仔個頭,點知個男仔……應該係未夠年齡未識貨,見到Coffee接近自己就即刻攬實個水泡掉頭走,Coffee見狀追咗幾步,都係失手,佢對住鏡頭大笑遮醜。而佢仲預告自己會曬黑先返香港,又笑言「我保證返到香港你地都見我唔到」。睇番Coffee個Ig,佢話自己今次係同台灣性感女星、擁32E上圍嘅鄭家純(雞排妹),以及中國模特兒小兔去當地拍嘢,佢哋入住一間有私人游池嘅villa,入面有桌球枱等設施,唔少網民都讚靚,問Coffee個地址喺邊,想去住吓咁話。





來源: http://hk.apple.nextmedia.com/entertainment/art/20160709/19688158
34D Coffee 沙灘 撩仔 失手 以笑 遮醜
PermaLink: https://articles.zkiz.com/?id=303133

【馮仁昭四圍超】Coffee師兄傲兒今戰OH!運

1 : GS(14)@2016-08-07 01:48:25

四年一度嘅奧運今屆喺巴西舉行,將於香港時間後日揭幕,全城期待。由《蘋果動新聞》主辦、今日下晝3點喺灣仔修頓室內場館搶先舉行「明星OH!運會」,邀得王宗堯、劉浩龍(師兄)、周家怡、羅霖、何佩瑜(Jeana)、鄧洢玲(阿旦)、何傲兒、范振鋒、陳蕊蕊、林芊妤(Coffee)、唐紫睿(Hazel)、Kevin Boy(李健宏)、張建聲、蔡瀚億(BabyJohn)、陳詩慧、女子組合As One、崔碧珈、楊尚斌、唐貝詩同鄭妍之等參加。眾星會分成藍神大軍團、紅霸天下會同黃金聖衣隊共三隊,並由王宗堯、周家怡同劉浩龍出任隊長,率領隊員、粉絲同觀眾角逐多項競技比賽,考考佢哋嘅反應同體能,除咗爭奪冠軍殊榮之餘,仲可以齊齊熱身迎接巴西奧運。



■黃金聖衣隊隊長劉浩龍,今日率領同門落場比賽。資料圖片

■出鏡斯斯文文嘅藍神大軍團成員何傲兒,其實都非常熱愛體育運動。資料圖片

■紅霸天下會成員阿旦笑言近排捉小精靈,練得身手敏捷。互聯網圖片



競技遊戲練身手

參賽藝人平日都有做運動keep fit,競技起嚟必有一番龍爭虎鬥。近日沉迷玩Pokémon GO嘅阿旦就晚晚落街捉小精靈,佢噚日喺電話講笑話:「呢排練得身手敏捷,玩競技當然係冇難度。」撰文:馮仁昭





來源: http://hk.apple.nextmedia.com/entertainment/art/20160804/19721638
馮仁 仁昭 四圍 Coffee 師兄 傲兒 兒今 今戰 OH
PermaLink: https://articles.zkiz.com/?id=304494

師兄領軍OH!運捧盃Coffee勇猛扯大纜 狼擒宗堯

1 : GS(14)@2016-08-07 02:03:47

■眾星昨日參與《蘋果動新聞》主辦的「明星OH!運會」,結果劉浩龍任隊長的黃組奪冠。




為迎接明日清晨於巴西里約熱內盧揭幕的奧運會,《蘋果動新聞》昨日在灣仔修頓室內場館搶先主辦「明星OH!運會」,邀得王宗堯、劉浩龍(師兄)、周家怡分別擔任藍神大軍團、黃金聖衣隊及紅霸天下會的隊長,其他組員包括羅霖、林芊妤(Coffee)、唐紫睿(Hazel)、何佩瑜(Jeana)、Kevin Boy(KB)及范振鋒等,最終由黃組以480分奪冠。採訪:盧妹、馬建華、比華利、皓騫攝影:陳慧安、陳俊強



戰吧!人肉坦克

每隊派四人進入人肉坦克接力來回球場四次,藍組由頭帶到尾,Coffee在勝出一刻更興奮得跳上王宗堯懷中。



■Coffee勝出後興奮用雙腳箝住隊長王宗堯。




進擊之巨蟲

每隊派四人坐在巨蟲上接力來回四次,紅組的Hazel及阿旦雖然出盡力拉,但仍不敵有KB護駕的黃組,慘成包尾。




你扯吧啦

三組進行拔河,雖然藍組的Coffee投入到擘髀,紅組的陳蕊蕊亦不慎擦傷腳,但最終還是黃組勝出。




泡泡龍門陣

黃隊的崔碧珈及藍隊的Jeana穿上吹氣波波互撞試玩,Jeana被崔碧珈撞到成個人彈開。黃組憑攻擊力甚強的KB,最終入4球大比數勝出。





來源: http://hk.apple.nextmedia.com/entertainment/art/20160805/19723246
師兄 領軍 OH 運捧 捧盃 Coffee 勇猛 扯大 大纜 狼擒 擒宗 宗堯
PermaLink: https://articles.zkiz.com/?id=304582

扯到走樣都唔怕 Coffee奮力作戰仍飲恨

1 : GS(14)@2016-08-07 02:03:47

第一個項目「戰吧!人肉坦克」由藍組輕易勝出,勝出的Coffee興奮撲上王宗堯懷抱。進行「波蘿波蘿Me」時,各人開始打茅波將波放落自己一隊籃中,或取走其他組的波,連美魔女羅霖也禁不住投訴說:「藍神組好茅,計分時攞晒我哋啲波出嚟。」及至「進擊之巨蟲」,Hazel出陰招拉住藍組蟲尾,場面搞笑。另外,扯大纜時Hazel雖已出埋「奶力」,但仍不及擘髀喪扯的Coffee搶鏡,Coffee笑說:「我估到自己個樣走晒。我比較癲比較投入,一玩就乜都唔理。」





來源: http://hk.apple.nextmedia.com/entertainment/art/20160805/19723875
扯到 走樣 都唔 唔怕 Coffee 奮力 作戰 飲恨
PermaLink: https://articles.zkiz.com/?id=304583

酒吧Gathering施迷魂電眼Coffee攬啜爆肌新歡

1 : GS(14)@2016-08-09 07:33:00

【緊拖不放】■上周五着熱褲的Coffee十指緊扣拖爆肌男行銅鑼灣,高調放閃。DV圖片








【銅鑼灣】因「廁格Gathering」事件出位的林芊妤(Coffee),下月踏入27歲的她感情生活多姿多采,廁格舊愛林知譽今年升呢做人夫,雖然Coffee仍是等嫁的女人,但仔去仔還在的她,好快已經又有新歡上場。日前Coffee跟爆肌男十指緊扣遊銅鑼灣,當街又攬又啜斷正,這位新歡擁42吋胸肌,跟Coffee的34D巨乳有得揮。



無綫前藝人林芊妤入行數年寂寂無聞,直至前年跟有絲綢王子之稱、達利國際集團創辦人林富華兒子林知譽爆出「廁格Gathering」事件,全城熱話,無綫召她返公司照肺,之後她不但被解約,還跟林知譽的關係告一段落,不過,樣靚兼身材正的Coffee不愁寂寞,先後跟江湖猛人「上海仔」郭永鴻、半億有米闊少梁耀鵬(Jeff)傳緋聞,但原來都是無米粥,她的真命天子是6呎高爆肌猛男。



玩掟波自隊

上周五晚上約10時半,着背心熱褲騷白滑長腿的Coffee,跟新歡十指緊扣現身銅鑼灣,着藍色tee的新歡身材高大健碩,不但比Coffee足足高了大半個頭,而且手瓜起
酒吧 Gathering 迷魂 電眼 Coffee 攬啜 啜爆 爆肌 新歡
PermaLink: https://articles.zkiz.com/?id=305110

【食咗先講】廣東道Pacific Coffee升呢 賣埋牛肉湯炸雞翼

1 : GS(14)@2016-08-10 07:55:28

Pacific Coffee於1881開設全新概念店Monogram,大賣炸雞翼,$78。



平日去幫襯連鎖coffee shop,最多也只是點杯Latte或檸檬撻,這次來到位於前尖沙嘴廣東道前水警總部1881的Monogram,終於有少許不同。這間café其實是Pacific Coffee最新開的概念店,亦與1881互相輝映,店內裝潢也大玩英倫風。而最大特色是店家設有廚房,與其他分店不同,食物無須預先製作或翻焗,大部份也是即叫即製,甚至新加幾款只有此店限定的食物,如炸雞翼、窩夫及牛肉湯等。不過來用餐可要有心理準備,皆因每款小食平均也要70、80元,以連鎖咖啡店來說不算太便宜。


Pacific Coffee Monogram九龍尖沙嘴廣東道2號A18812樓208A號舖記者、攝影︰黃依情



精選餐湯配多士$48

店家亦有肯亞、哥斯達黎加等的手沖咖啡。

煙三文魚凱撒沙律配巴馬芝士及香草麵包粒$88



概念店位於廣東道1881,暫時人流並不算多。



來源: http://hk.apple.nextmedia.com/su ... t/20160810/19729863
食咗 咗先 先講 廣東 Pacific Coffee 升呢 賣埋 牛肉 炸雞
PermaLink: https://articles.zkiz.com/?id=305307

【馮仁昭四圍超】大馬男友任職銀行高層Coffee遊澳門變大媽

1 : GS(14)@2016-08-13 14:50:19

■前兩日Coffee同家人去咗澳門玩,仲喺網上大晒三點式泳裝照。互聯網圖片





【爆相爆片】林芊妤(Coffee)啱啱宣佈「封杯」,皆因佢啱啱識到個6呎高爆肌男朋友,有愛情滋潤嘅Coffee,前兩日同屋企人去澳門玩,仲好好心情咁喺Instagram向網友派福利,大晒三點式泳裝照。



■大媽Look嘅Coffee大前晚現身澳門官也街。讀者提供圖片

■Coffee話放假去旅行,所以冇化妝。讀者提供圖片

■Coffee嘅爆肌新歡Weng Chak原來係澳洲出生嘅馬來西亞華僑。資料圖片


放假冇化妝

不過,讀者馮小姐前日透過本報「爆相爆片」分享咗佢喺澳門官也街影到Coffee嘅相片,冇男友喺身邊嘅Coffee,個樣同平時真係有好大反差,忽然變咗大媽樣。馮小姐仲話:「9號晚9點鐘喺官也街見到佢,同行有男有女,佢企喺鉅記門口,個樣有少少唔耐煩。」馮仁昭搵過Coffee,佢話嗰日係同哥哥、阿嫂,仲有兩個姪仔去澳門玩,因為放假所以冇化妝。至於Coffee個爆肌男友亦好快被起底,原來佢叫Weng Chak,今年36歲,係澳洲出生嘅馬來西亞華僑,而家喺匯豐銀行總行做副總監,爆料人仲話Weng喺交友網好活躍,不過Coffee話完全唔介意,又話好信任男友,唔使由人哋把口講咁話。撰文:馮仁昭




來源: http://hk.apple.nextmedia.com/entertainment/art/20160812/19732538
馮仁 仁昭 四圍 大馬 男友 任職 銀行 高層 Coffee 澳門 大媽
PermaLink: https://articles.zkiz.com/?id=305544

越操越弗34D Coffee噴血有料着得少

1 : GS(14)@2016-08-13 14:50:20

有34D魔鬼身材嘅Coffee除咗上圍好好睇,其實佢整體身形都唔錯,加上佢勤做瑜伽,身形線條越操越弗,而佢又毫不吝嗇經常性地着比堅尼同bra top騷身材,視覺上好有刺激,唔講太講,去片。




來源: http://hk.apple.nextmedia.com/entertainment/art/20160812/19733373
越操 操越 越弗 34D Coffee 噴血 血有 有料 料著 著得 得少
PermaLink: https://articles.zkiz.com/?id=305547

Coffee新歡被起底喺滙豐總行做副總監

1 : GS(14)@2016-08-13 14:50:20

林芊妤(Coffee)上星期俾《蘋果》影到拖住42吋爆肌新歡,喺酒吧玩遊戲輸咗嘅Coffee,更加喺爆肌新歡陪伴下,豪情暢飲,離開時兩個人仲依依不捨攬到實,當街放閃晒恩愛。事後Coffee接受《蘋果》訪問,亦直認同佢手拖手嘅係佢男朋友,但就話對方唔係圈中人,佢哋拍咗拖幾個月,叫大家俾啲空間佢。不過,話口未完,就有人報料,話Coffee男友叫Weng Chak今年36歲,喺澳洲出生嘅佢係馬來西亞華僑,o依家喺滙豐銀行總行做副總監。報料人仲話Weng喺交友網站好活躍添!翻查佢喺facebook嘅自我介紹,佢05年喺墨爾本大學畢業之後,曾經喺摩根大通同荷蘭銀行做過。男友被起底,Coffee回應《蘋果》時話:「我係完全信任佢為人,同一個人相處係自己去了解對方,去認識呢個人,唔係由人哋把口講,正如我自己嘅過去,好多人點樣講我,佢都唔理,呢啲就係信任囉!」至於喺交友網站識朋友,Coffee就覺得好小事:「佢嚟咗香港幾個月,香港冇乜朋友,想識啲朋友有乜問題呢?」句句都幫住晒,睇嚟Coffee真係好緊張呢段感情喎,好啦好啦,就祝你快啲做翟師奶啦!




來源: http://hk.apple.nextmedia.com/entertainment/art/20160812/19733269
Coffee 新歡 起底 總行 做副 總監
PermaLink: https://articles.zkiz.com/?id=305550

Coffee被男友笑醜

1 : GS(14)@2016-08-16 06:11:28

林芊妤(Coffee)、林雅詩與馮鎵瀅(Naomi)昨日出席旺角一家美容院活動,Coffee跟任職銀行的男友拍拖五個多月,男友已見過家長。對於日前遊澳門變成「大媽」,笑指連男友都問為何一秒變身,她說:「無諗過喺澳門都有人影,男友平時都鍾意我唔化妝。」而Naomi認識被傳是李思捷新歡的彭湘淇,但她覺得兩人並非拍拖,只是飲醉酒。採訪:馬建華攝影:陳順禎




來源: http://hk.apple.nextmedia.com/entertainment/art/20160815/19736150
Coffee 男友 笑醜
PermaLink: https://articles.zkiz.com/?id=305960

晒家中比堅尼 Coffee親示範:冰山一角咋

1 : GS(14)@2016-08-20 11:41:48

嘩嘩嘩,男士請準備大量紙巾,今個星期會嚴重失血!平時林芊妤(Coffee)已經好鍾意放啲性感泳衣相上網,唔係騷香肩就係露下腰,當然唔少得嘅梗係一對長腿同一條好成功嘅事業線啦。啱啱Coffee更新微博,唔係放相,今次係玩升級版,佢貼咗條着住唔同比堅尼嘅片,前後總共換咗5套比堅尼,仲套套都非常惹火,鼻血點止都止唔住。但流完鼻血要好好休息下,因為Coffee昨日同《蘋果》講之後陸續有嚟:「其實平時好多人都問我,想我分享下啲比堅尼有咩款式咁。所以我拍咗條片,示範好多唔同類型嘅比堅尼,不過呢次只係花絮,正式會喺星期六放上YouTube。」Coffee仲話:「其實我只係show咗冰山一角出嚟,但已經擺到成枱都係。」




來源: http://hk.apple.nextmedia.com/entertainment/art/20160820/19743784
曬家 中比 堅尼 Coffee 示範 冰山 一角
PermaLink: https://articles.zkiz.com/?id=306631

Coffee玩瑜伽秒殺小強

1 : GS(14)@2016-09-24 23:30:47

■Coffee本身是瑜伽導師,壓腿當然沒難度。



林芊妤(Coffee)、連詩雅(Shiga)和Super Girls前晚在尖沙嘴The ONE為運動品牌示範最新秋冬系列,大會邀請林德信(Alex)擔任導師教瑜伽。Shiga和Super Girls穿上密實外套,只有Coffee被安排穿露腰bra top騷身材。



在活動進行中,突然多了一隻不速之客「小強」,當Coffee發現的時候,小強已來到她身邊,她身手敏捷應聲彈起,定過神後,她拾起身邊的鞋,用力一拍將小強殺滅。被問到迅速殺滅小強,Coffee反問記者:「小強係咪你哋放入嚟㗎?」原本都是瑜伽導師的Coffee,被指踩場,她解釋說:「Alex都係我師兄嚟,瑜伽可以繼續進步。我同Alex唔同派別,冇得比較。」採訪:卓寶花攝影:仇志德


■Coffee發現小強突襲(紅圈示),即身手敏捷用鞋對付。

■連詩雅(左)和Super Girls穿上外套做瑜伽。



來源: http://hk.apple.nextmedia.com/entertainment/art/20160924/19780223
Coffee 瑜伽 秒殺 小強
PermaLink: https://articles.zkiz.com/?id=309855

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019