60歲米路第9次做老竇
1 :
GS(14)@2016-09-18 10:52:00現年60歲荷李活影星米路吉遜(Mel Gibson)昨日宣佈26歲女友Rosalind Ross有喜,今次是米路第9次做老竇!米路與Rosalind拍拖兩年,女友雖然比起米路的5名子女年輕,比大女Hannah更細10年,不過米路喜愛女友夠獨立,有自己生活之餘,亦享受米路的生活。米路的朋友向《People》雜誌透露:「米路與女友都為有BB感到高興,米路享受做人父親,很期待與女友一齊做父母。」
Hannah
米路與前妻Robyn Moore育有7名子女,包括36歲Hannah、34歲孖仔Christian及Edward、31歲William、28歲Louis、26歲Milo及17歲Thomas,與前女友Oksana Grigorieva育有6歲女兒Lucia。撰文:泰米
來源:
http://hk.apple.nextmedia.com/entertainment/art/20160918/19773618
賭王77歲生超欣許晉亨48歲做老竇
1 :
GS(14)@2016-12-01 08:06:45成日講高齡孕婦,其實娛圈都有唔少高齡爸爸,其實蘇永康is not alone。何鴻燊(相差77年):澳門賭王何鴻燊老而彌堅,於77歲之年,四太梁安琪為其誕下孻女超欣。滾石樂隊主音米積加(Mick Jagger)(相差72年):72歲嘅米積加,今年7月宣佈其29歲美國芭蕾舞蹈員女友Melanie Hamrick有喜,做高齡爸爸。郭台銘(相差64年):08年,當時已經58歲嘅郭台銘,同細佢24年嘅曾馨瑩結婚。兩人婚後火速造人,連生三個。04年三女曉嬡出世,父女年齡相距係64歲。鍾鎮濤父女(相差63年):愛國鐘鍾鎮濤57歲那年,妻子范姜誕下幼女鍾幗。今年佢63歲。劉鑾雄(相差61年):2012年,甘比為大劉誕下兒子仲學,當年大劉61歲。梁錦松(相差56年):梁錦松與妻子伏明霞育有3名子女,幼子家瑋出生時,梁錦松已56歲。劉德華(相差51年):55嘅劉德華,愛妻於2012年為其誕下女兒劉向蕙(Hanna),近年頻傳劉氏夫婦想再追仔。任達華(相差49年):「卡士蘭」任達華都係年近半百得女,現年61歲嘅任達華,於49歲那年初為人父。許晉亨(相差48年):同方中信一樣個樣唔識老嘅許晉亨,48歲之齡造人成功,太太李嘉欣為李家陀男丁,轉眼Jayden都5歲喇。
來源:
http://hk.apple.nextmedia.com/entertainment/art/20161201/19850787
聖誕前榮升做老竇 福山雅治見BB 開心爆喊
1 :
GS(14)@2016-12-24 10:55:40現年47歲的日本型佬福山雅治,去年9月跟34歲女星吹石一惠閃婚,直至今年8月宣佈太太懷孕消息,前晚福山透過歌迷會網站報喜,透露BB已經出世,母子平安,但未有公佈BB的性別與出生日期等資料。現正在橫濱開騷的福山雅治,趁前晚休息不用演出,率先在聖誕前向歌迷公佈已榮升做爸爸的喜訊。福山指一直祈求BB可以健康誕生,又謂自己一直陪產。曾揚言BB出世當日一定會爆喊的他,果然興奮得一提到BB已經忍不住流淚,他謂:「第一次聽到哭聲、看到BB的時候原來真的會哭,在寫這篇文章時又忍不住再度流淚。」福山昨日繼續在橫濱開騷,舉行只招待男粉絲的演出,現場接受眾人的祝福。至於吹石一惠昨日亦在官方網站透露已誕B的消息,但同樣未有透露關於BB的資料,貫徹夫婦低調作風。其實吹石一惠上月曾被目睹在東京代官山的高級嬰兒車專賣店,購買了價值6萬日圓(約4,000港元)的BB車,早已做好準備迎接小生命來臨。
■福山雅治與吹石一惠去年9月結婚。
■水野美紀與唐橋充(小圖)婚後半年被爆有喜。
水野美紀被爆有喜
日本近日喜事連連,曾與福山合作劇集《Love Song》的42歲女星水野美紀亦被爆有喜,預產期為明年夏天。水野美紀今年6月與39歲男星唐橋充拍拖3個月後閃婚,據日本報章《報知Sports》報道,水野美紀現正屬懷孕初期,因接拍了下月首播的朝日電視台新劇《奪愛、冬》,已告知電視台懷孕的消息。《奪愛、冬》劇情講述不倫戀涉及四角關係,可能會有激動或大動作場面,相信劇情會因為水野美紀有喜而有所調整。撰文:程芬
來源:
http://hk.apple.nextmedia.com/entertainment/art/20161224/19875179
【馮仁昭四圍超】下月做老竇Tommy唔認大肚老婆
1 :
GS(14)@2017-01-21 03:36:49■Tommy(右二)噚日同E-kids隊友出席演唱會記招,提起老婆又扮儍。
組合E-kids成員阮民安(Tommy)上月被爆同大肚女友張倚雯(Eva)秘婚,但被問到婚訊就玩神秘,不過日前佢嘅大肚老婆終曝光,下月生得嘅Eva陪Tommy到中環Gucci血拼,臨盆在即仍染粉紅髮,一身粉紅look搶眼過戴黑超嘅Tommy。
■Tommy同肚大如籮嘅老婆日前去中環行街。
■任達華(右)咁啱喺店內,Tommy夫婦即把握機會集郵。
向譚詠麟道歉
剛巧任達華同老婆琦琦都喺店內,Tommy見到華哥主動打招呼,又向華哥抄牌攞電話、合照同擁抱,之後華哥夫婦拖手恩愛離去。Tommy喺店內試衫褲又試鞋,買咗一大袋戰利品,離去時同Eva行到離行離列,同華哥夫婦嘅十指緊扣好大對比。事後Tommy喺電話繼續死口唔認做咗人夫:「嗰日同形象指導Eva去揀衫,因為想做場好好睇演唱會,等咗超過14年,我絕對唔係富貴,仍係貧困歌星仔,去名店買衫咁大膽係因為想回饋歌迷,我哋三個自願唔收歌酬,將錢放晒製作同衫上面,希望大家記得香港有隊組合叫E-kids。咁啱撞到華哥,我哋合作過電影《PTU》,佢係好好前輩,所以交換番電話,希望可以搵佢幫手做少少嘢。」此外,E-kids噚日喺灣仔為演唱會舉行記招,譚詠麟(譚校長)錄咗段片為佢哋打氣,Tommy話有段時間令校長失望,一直想搵機會道歉。問到老婆Eva會否捧場?Tommy扮儍說:「邊個Eva?嗰個KOL,佢好多人follow,睇吓邀唔邀請到。」撰文:馮仁昭
來源:
http://hk.apple.nextmedia.com/entertainment/art/20170120/19902578
Next Page