ZKIZ Archives


你對人好,人對你唔好呀! 人在中環

http://manincentral.blogspot.com/2011/10/blog-post_08.html

「你對人好,咁人又對你好囉!」呢句係我時不時都會衝口而出既口頭禪。

做左咁多年人,我當然清楚,呢句說話響好多時候都唔係真既。特別響利益關頭前面,你對人好,人地當然未必會對返你好。

過去當我口快快將呢句說話講出口既時候,好多時都會有好心既朋友提醒我,做人唔可以咁天真,唔可以期望人家對你會如你所願地好。呢個場面,好似一個充滿 生活經驗既老人家,勸戒一個初出茅廬,不知天高地厚既年輕人小心世途險惡一樣。但係我有一個有趣既發現,就係曾經對我作出如此「勸戒」既好心朋友,通常都 唔係咩老人家,反而大部份都比我年輕,只係二十出頭既大有人在,反而生活經驗豐富既「老人家」,卻從來未對我呢句「口頭禪」有過意見。

奇怪嗎?

大家有冇試過,被自己認定為「朋友」既人出賣?我有,試過唔止一次添。全部都係發生響N年前仲好後生既時候。被朋友出賣既感覺當然痛,而且我亦曾經得出 「你對人好但人會對你唔好」呢個答案。引伸出黎既結論係:「為免因人地對你唔好而讓自己受傷,所以你千祈唔好對人咁好。」emm,呢個結論看似理所當然, 但係咪真係咁?

受傷既源頭,並唔係因為你「對過人好」。真正既原因,其實係你「投入過感情」。

年輕既時候,「對人好」同「投入感情」,當中有割不掉既關係。假如我唔當你係朋友,我就不能夠對你好。年輕人既世界,黑與白、敵與友對相當分明。隨住年紀 既增長,灰色佔人生既比例變得越黎越多,「絕對朋友」和「絕對敵人」既數目急劇下跌,取而代之,係一大班「亦敵亦友」既人。

對人好一點,與投入感情跟他/她相處,長大後慢慢發現原來當中唔需要有等號。對一個「並非朋友」的人好,基本上問題不大。但對人好一點既同時,也會啟動「防人機制」,當中原來也冇抵觸。

人與人之間既相處,係一個又一個既循環。你對人好,「大部份」既正常人通常都會以「對返你好」作回敬。當呢個循環不斷運作,加上長時間既相處同了解, 大家既關係可能會昇華變成朋友。年輕人認定一個「朋友」既時間一般相對比較短,然而在對人好之後受到傷害既機會自然亦較高。對人好不會讓你受傷,太輕率投 放感情,先至係讓人受傷既元兇。

我諗,呢個正正係,點解只有後生仔先會勸我,叫我「唔好期望人地會對你一樣好」既原因。真正天真既老鬼們其實少之又少,或者真正讓人婉惜既係,年紀大左之後,要從新認定一個「朋友」,有時比中六合彩仲困難。

祝大家有個愉快既週末。

你對 人好 人對 對你 你唔 好呀 人在 中環
PermaLink: https://articles.zkiz.com/?id=28402

「激箭」上演你唔死就我死!

2014-12-01  NM

 

金像影后珍妮花擔任主角的《飢餓遊戲3》剛上演,戲中她為求存,用弓箭四圍殺敵,角色瘋魔全球。熱愛射箭的吳家麟(Pig)、余文釗(Edmund)及林浩維(Terry)亦乘勢推出game room「激箭獵人」,提供場地予客人以箭代槍打war game,務求食住《飢餓遊戲》帶起「大逃殺」熱潮 。其實,一場真人殺戮戰早在商業市場上演。今年八月,Pig創立「激箭」(「激箭獵人」前身),讓客人分兩隊較量,模式簡單。隨後三個月,四間弓箭公司加入市場。「激箭」收費較高,只能捱打,收入由三萬急跌至一萬。Pig決定加大投資,加入《飢餓遊戲》元素,令其更好玩刺激,他更發出一股「唔係你死就係我亡」的氣勢:「其他老闆唔識射箭,我始終有優勢!」過去本欄訪問過不少game room老闆,同樣面對激烈競爭,有些轉型,勁賺幾倍;亦有捱不住執笠。記者找他們回顧並分享心得,讓Pig參考如何在「大逃殺」中生存。

週日下午,荃灣一間室內足球場傳來陣陣尖叫。記者推門一看,一堆人像獵人上身,個個彎弓搭箭,場上箭雨橫飛,原來他們在玩「激箭獵人」。十名玩家戴上眼罩,分成兩隊各站一邊;能在五分鐘內「射死」最多敵人的一方,為之勝利。「唉,差少少就射中你啦!」看着對家阿亮閃身避開,玩家Ivy激氣道。事實射弓箭和用槍打war game不同,射箭玩家只要身手敏捷,即使面對面,也可避開對手的攻擊。要在執拾弓箭及上箭時避開對方攻擊,玩家要全場不停走動及閃避,玩了一場只五分鐘的比賽,各人已汗流浹背。記者計算,訂一次場,最好要有十二至十五人,夠分成三隊,才有足夠體力來輪流比賽。除了玩家精力很快消退,這生意還有兩個危機。

危機一:開業門檻低

射箭war game雖夠噱頭,但其實開業門檻相當低,首先是裝備便宜,用膠造的輕型弓箭及箭靶,都是從德國入口,但收費不算貴,當初pig買十多套器具,只是花了十萬元,損耗率亦低。記者見有對家甚至自製箭靶,Pig亦承認,「其實好簡單,有塊膠板都OK,我都做到。」「激箭」亦沒有租用固定場地,Pig與幾間室內足球場合作,每次有客人報名參加,他才帶同器具去set場,十五分鐘「搞掂」,做物流的Pig亦不須為生意辭職,返工的日子,就找兼職代勞。創業模式簡單,隨即吸引行家抄襲。過去三個月,香港已開了四間射箭war game場,玩法一模一樣,其中一間在器材上比他們更專業,Pig不屑地說:「佢哋攞咗外國射箭遊戲『Archery Tag』嘅香港代理,但呢隻弓拉力有成廿八磅,只啱鬼佬體格,香港人或者初學者嚟講就太重啦,邊走邊射,好難射得出,我揀嘅拉力只有十五至十八磅。」Pig強調自己是香港箭會會員,在指導客人上,有信心做得比對方好,「我夠膽講佢哋都唔識射箭!」

危機二:頂爛市

「激箭」主力做公司、團體客,每小時收費全包三千元,不限人數;四個競爭對手加入戰場後,隨之「頂爛市」。Pig無奈說:「有一間,甚至係扮客人玩完之後,睇住我哋嚟抄,而且價錢仲平過我哋少少。」對手收費比其便宜一百至五百元不等,其中對家「箭火」收費平四百元之餘,更讓玩家玩多半小時。由於玩家要有一定人數,平日個個要返工,故生意高峰期只集中在假期,星期一至五多數「拍烏蠅」。當初未有競爭對手,「激戰」試過月賺三萬元,但現在營業額只剩四萬多,每月只做十五小時生意,扣除成本,利潤只得萬多元。

解決:加入更多道具

Pig為保優勢,會請有教練牌的弓箭手指導客人,予客人更專業的感覺。為了保持新鮮感,改名「激箭獵人」,找來老友Edmund及Terry入股,加碼十多萬元投資額,買更多器材,「唔只箭,仲有鎚同騎馬機,客人可以一邊騎馬一邊射箭。」亦加入《飢餓遊戲》元素,他解釋新玩法更刺激,「唔再分成兩隊,場內個個都係敵人,好似套戲咁,要為咗生存而殺死晒其他人。」場地布置上更會講求主題,「會同幾間war game場合作,布置成草原咁;員工仲會不時移動場內嘅障礙物,增加遊戲難度。」他預了對手隨時會再抄,「唯有自己不斷創新!」本刊找來曾上《壹盤生意》的其他game room老闆分享經驗,希望Pig在做生意時,千萬不要人如其名!

開業資料(11/14)#

辦公室租金^:$33,000 器材:$100,000 宣傳:$15,000 行政費用:$20,000 總投資:$168,000^二按一上#以Terry及Edmund入股後計

營業資料(11/14)

營業額:$45,000 租金:$11,000 #人工:$15,000 *器材損耗:$5,000 盈利:$14,000 #放置器材倉租*4名兼職

Game Room大回顧

泡泡足球+400%

租場接Party

今年暑假因世界盃掀起熱潮的泡沫足球「Bubble Soccer」,開業時賺得一、兩萬,其生意模式出現三大危機,包括場地難求、競爭大、欠新鮮感。問題可謂與「激戰」一樣。開業九個月,老闆姚志斌(Rodolfo)成功化解危機,令利潤大增四倍,每月賺五萬!他說:「我哋特登整咗夜光Bubble Soccer,喺全黑嘅場地玩,更加有視覺效果。」他亦在黃竹坑租了自己的場地,除了不用四圍撲場,亦可在淡季大搞其他活動賺錢。記者走到這個新場,發現除了人造草地足球場外,更有桌球枱、掟鏢機、電視遊戲機甚至夾band房等。Rodolfo坦言目前這盤生意已不只是Bubble Soccer,「仲可以玩吓閃避球,嚟緊開聖誕party,仲會同人合作開小型音樂會,有咗個場,就有無限可能性。」

異類教育+54%轉玩心理戰由「巨聲幫」劉威煌在油塘工廈開設玩解謎的「異類教育」,由於地點太偏僻、玩家人數限制等問題,令生意增長有限,一直只賺數萬元。為踏前一大步,劉威煌在遊戲玩法上,決定作出重大改變,異類教育亦改名成為心理鬥室,他說:「客人玩完一次,拆穿晒條橋,就唔再幫襯。」宣傳亦局限,「以前做訪問,都唔敢講玩法俾傳媒知!唔解謎啦,同咗一班心理學專家合作,將遊戲四成內容改為玩心理戰。」例如新增的「審判之輪」,玩家要扣除自己在其他遊戲賺到的分數來救人,「你可以選擇救定唔救,朋友可以睇得出你係自私定大方嘅人。」他指不能再靠「巨聲幫」三個字吸客,而是向社福界埋手,「多咗同社工合作,嚟緊會同保良局同埋小童群益會合作,收費平少少,但客源會穩定啲。」異類教育生意額亦增長近一倍,而每月利潤由最初的七點八萬升至約十二萬元。

Running Games+$30萬提升玩法層次去年照抄韓國人氣節目《Running Man》的Running Games老闆莊偉豐(Billy),當初以為食住《Running Man》熱潮,就會有客幫襯,誰知節目人氣未有幫到手,最後每月蝕十萬元。Billy痛定思痛,決定淡化Running Games的元素,雖然保留「撕名牌」環節,但加入更多機關及裝置,「好似激光,玩家要小心穿過才會贏。又或者地板上會突然有陷阱。啲機關係請I.T.專業人士整,行家想抄都抄唔到。」玩法比以往更要求用腦,並不只要客人在場內跑來跑去。現已成功轉虧為盈,高峰時月賺三十萬元。雖有錢賺,但每月花在新器材上的開支亦不少,「不斷加新裝置,損耗都幾高,煙霧機都壞咗兩部,成五千蚊部。賺三十萬,都要使番十幾萬投資新嘢。」

照相館不敵競爭執笠在日新月異的市場上如缺乏創新,便會遭到淘汰,例如今年六月在觀塘工廈開業的「山寨版」輕鬆一下3D照相館,兩位老闆蕭頌妍及鄧嘉琪畢業後向家人借六十萬元開鋪。不過位置偏僻及畫布製作「山寨」,損耗高,每月蝕五千元。兩人當時接受訪問,曾預期很快會收支平衡,不過照相館在九月初開始卻在其網站上宣布暫停營業,指將物色較大及交通更方便的場地。記者嘗試透過電話及WhatsApp聯絡,但二人拒絕透露詳情。

 
激箭 上演 你唔 唔死 死就 就我 我死
PermaLink: https://articles.zkiz.com/?id=123166

胡孟青:升到你唔信?﹗

1 : GS(14)@2012-01-26 22:37:37

http://www.sharpdaily.hk/article/index/15307/20120126/45405
得炒作時且炒作,短線反彈雖已屆假期前高位,俗稱吊頸之陰燭錘頭,配合慢隨機指標超買兼成交縮,足以叫淡友有理由繼續睇淡,好友也會有藉口唞一唞。恒指於假期前,就憑一股提振股市信心的念力,成功推上兩萬,單周升足905點,總算理想達到;說實在,港股真的要癲起上嚟,要單周甚至單日或一、兩日內要升過千點,又何難之有!要立竿見影,一切還要待阿爺發落。
完成震倉再挾上

此刻,假如有人講上望兩萬一即日線圖250天線大限所在,就會被笑「冇新意」;但只要大市歸位後,再翻炒歐債危機,回吐至19000/19300點,又會有人認為,兩萬點當真果然係銅牆鐵壁所在,惟只要指數不再穿萬九,資本大戶要舞高,空間仍不俗;難得連風水指數都話睇足21700點目標,即係話博取心理上,仍半信半疑的普羅投資者,在忐忑之間,隨時可能再度失諸交臂,神龍見首不見尾,大家相信負面因素還未在股價裡反映嗎?
新春團拜最大發現,係癡癡呆呆、坐埋一枱,難得人人冇貨,有者都只屬望鄉貨色,如此一算,大市隨時完成震倉再挾上,升到你唔信,到你眼白白見250天線亦獲收復,痕癢難耐之際,才是最危險時候。傳說中,龍的身材正好就是扭身扭勢,全年走雙底雙頂來來去去就係另外幾千點上落,恒指日線圖好似好棧,但周線及月線就唔係好妥兼走樣。當然,經濟基本面有目共睹,六千蚊easy money也不見得可循環再用之餘,乘數效應也七七八八,節後的金融界仍一片風聲鶴唳,連C9都背得出的負面因素,難道股票市場,仍會懵然不知未反映出來嗎?
由希臘以至美國都在人窮思舊債,政府不願意再津貼富人,好彩仍有會計制度,樂於賦予走棧位。現實是,能夠年賺上百萬美元者,多屬有辦法之人,情願付錢大搞tax planning,都唔想益庫房,說到利益輸送,來者不拒,但要付出當然免問,讓政府代你做善事,就要問多句有幾多有錢佬願意做無名氏。

胡孟青
獨立股評人
胡孟 孟青 升到 到你 你唔 唔信
PermaLink: https://articles.zkiz.com/?id=277415

好不主席:「跳」你唔死?

1 : GS(14)@2012-02-16 00:05:59

http://hk.apple.nextmedia.com/te ... 62&coln_id=15523466
好不 主席 你唔 唔死
PermaLink: https://articles.zkiz.com/?id=277770

「你唔怕死 但你一定怕硫酸」

1 : GS(14)@2012-07-28 14:32:35

http://hk.apple.nextmedia.com/news/art/20120728/16554922
婚姻如噩夢
事主陳小娥(28歲)昨以噩夢形容與被告邸瀚(44歲)的婚姻。曾在四川經營時裝店的事主供稱,08年結婚後結束生意,後來跟被告誕下一子。前年她曾遭被告毆打,去年3月她申請離婚,被告起初拒絕簽字,後來提出取得居港權後才會離婚。
今年5月18日,律師樓一名行政文員通知事主,需轉交被告的信件給她。翌日兩人到旺角一酒樓見面,事主拆信閱讀後決定報警。案件下月8日續審。
案件編號: KCCC2193/12
你唔 怕死 但你 一定 硫酸
PermaLink: https://articles.zkiz.com/?id=280537

八方人物--Tree根笑看惡搞: 我勇猛時你唔在場

1 : GS(14)@2013-02-11 18:23:22

http://hk.apple.nextmedia.com/news/art/20130209/18161277
91年起當選東區區議員的鍾樹根,直至去年循港島區直選晉身立法會才被網民「like爆」,有關其卡片上的英文錯字,以及在facebook錯寫「焚書坑孺」等惡搞圖層出不同,「你哋鍾意笑料,梗係記錄呢啲,冇乜嘢吖……新聞自由嚟㗎嘛,冇問題呀。」
鍾樹根對這些惡搞,似乎看得相當開。甫晉身立法會即鬧笑話,是大打擊嗎?「唔會喎,我只覺得佢哋搵唔到我其他弱點,所以搵啲咁無聊嘅嘢出嚟啫……查實都係好minor嘅mistake啫,冇乜出錯吖,我發現同事甚至媒體都會寫錯字啦」,說完還不忘加一句:「將啲minor嘢重複講,係對我嘅提醒,多謝傳媒對我嘅厚愛。」
口說不介意,鍾樹根心裏還是有些失望──至少他認為,市民看不到他被惡搞外的威猛相。他如數家珍地說曾在不同會議發火,與長毛及張超雄等開戰,可惜「你哋未捕捉到我另一面,我表現勇猛嗰時,你哋又唔在場。」
有言「唔怕生壞命,最怕改壞名」,樹根一名則輕易俘虜不少東區居民歡心,「啲(東區)漁民覺得樹根好親切,我發覺每個灣頭都有好多人叫樹根㗎,有人話我老竇又叫,阿哥又叫,老公又叫,同人距離拉近好多。」
差點成為劉江華二號
年輕時,樹根卻對樹根避之則吉。鍾爸爸當年怕這個貧困家庭下排第十三的孻仔養不大,特別改名樹根,粗生粗養,「我以前讀書,唔鍾意呢個名㗎,成日俾人笑,覺得好老套,所以中學時改咗英文名(Christopher),出嚟做嘢都係用英文名。」
不知是巧合抑或天意,樹根這個名,套在這個「區佬」身上份外貼切,奠定歷屆區選幾乎不敗之身,除卻31歲的一場敗仗。
1988年,鍾樹根首度披甲上陣,在柴灣北挑戰時為反對派的革新會猛將貝納祺,敗選結果當然不意外,參選細節卻耐人尋味,「我當時搵過呂大樂(欲加入匯點),佢問我砌邊個,我話砌貝納祺,可能佢覺得我砌唔到貝納祺,所以唔受我玩。當時冇所謂嘅政治理念,基本個個都左傾,李柱銘、楊森都親中,學聯都係啦。」
匯點其後與港同盟合併,只差一點點,鍾樹根可能是第二個劉江華;93年加入民建聯,事前深思熟慮,「民建聯92年創建時已有人叫我加入,我想觀察吓,一年後發現啲老友、好似王國興都入晒去,我見運作ok,咪決定加入。」
名字草根生活中產
人到55歲才「升呢」,鍾樹根說沒所謂,最重要有服務機會。入會後最不慣是用上太多時間「拉布」,另一大發現則是長毛原來不外如是:「我以為佢真係好威猛,點知都係鬧嚟鬧去嗰三幅被,o依家會由得佢自己鬧,佢都唔係我對手啦,同佢爭論、影低咗我,冇謂啦。」
別看樹根好草根,他的生活其實好中產,經常購買貴價攝影器材。本地劇集非他那杯茶,較愛看國家地理頻道或Discovery Channel,「簡單啲嘛,睇啲海豚走嚟走去,睇一半又得,睇成集又得,relax吓又吸收到知識。」
他看的書,種類繁多,甚至挑戰自我看《易經》,「但係睇極都睇唔明,唔明就問我老婆,我老婆教書,喺中學教中文,梗係問佢啦。」
28歲女兒則是英文教師,「(有冇笑你錯英文?)佢會笑埋一份,但我唔係錯英文噃,係cut and paste錯啫。」
唱歌,則不要預他一份,連他也自嘲「唱歌走音,連咪嘴都錯」,「成個東區都知我唱得好差㗎啦,民建聯籌款晚會要新丁唱歌,我咪濫竽充數囉。」
唔會靠搞旅行搵選票
「我爭取支持,唔係靠唱歌㗎喎。」同樣,他說非依靠蛇齋餅糭搶位,「我真係搞好少,但年尾派花、月餅,我都有做,旅行真係十幾年冇搞。」
不搞旅行原來是為免得不償失。「搞旅行其實好蠢,參加嘅人實會話你:有冇搞錯呀,部車咁硬㗎,啲位唔好坐,冇冷氣,連個位都會爭一輪,我都費時理佢哋,搞嚟做乜?
如果諗住搵選票,永遠搵唔到,反正街坊邊到有着數都會去,呢個係人之常情。」
記者許偉賢
八方 人物 Tree 根笑 笑看 看惡 惡搞 勇猛 時你 你唔 在場
PermaLink: https://articles.zkiz.com/?id=282309

哄四條化骨龍瞓覺超級媽媽唔到你唔服

1 : GS(14)@2016-02-09 12:14:26

母愛可以有幾偉大?看看網上一段加拿大媽媽哄四名年幼子女睡覺的過程可知一二。片段中的加拿大安大略省劍橋媽媽科里(Corrie Whyte),把2歲的埃米莉(Emily)和8個月大三胞胎杰克遜(Jackson)、奧利維婭(Olivia)、利瓦伊(Levi)抱到床上,逐一為他們換上睡衣。聽落很容易,但做起來一點也不簡單,尤其是對着蹦蹦跳的埃米莉,看後妳一定會佩服全程掛着笑容的科里之耐性過人。片段上載兩天,在facebook吸引至少1,800萬人次收看。26歲的科里接受美國廣播公司訪問時表示,湊小孩樂趣無窮,會「嘗試享受每一個經歷」。她不諱言隨着子女漸曉得四處走動,她將要打醒十二分精神看管他們。科里說,現時最難做的,是在埃米莉和三胞胎的需要之間找到平衡,指四小孩都需要她關心,但四人各有不同需要。科里表示急不及待看到子女快高長大。很多人看到片段後,都覺得科里有條不紊,駕輕就熟,但科里說自己無甚特別:「每位媽媽都是超級媽媽。」美國廣播公司





來源: http://hk.apple.nextmedia.com/international/art/20160209/19485069
哄四 四條 條化 化骨 骨龍 超級 媽媽 唔到 到你 你唔 唔服
PermaLink: https://articles.zkiz.com/?id=295637

【港情港趣】又係你呀?估你唔到是紅A

1 : GS(14)@2016-03-11 13:32:31

1949年他們由製作牙刷及梳子起家,然後制作一系列家庭用品,到大中細燈罩、筲箕、水桶、水壺與擺設,塑造我們的A膠生活。但這次除了大家身邊熟口熟面的生活用品外,還多添了許多估佢唔到的膠製品。


如50年代只出過一款的膠風扇;60年代流行玻璃製品,但價格高昂,捨不得,就買閃閃亮仿水晶膠壺膠盤,刻了花,染了淡粉色的瓶瓶罐罐,同是當年潮物。97年禽流感爆發,他們停下部份生產線,趕製三萬個易清洗的雞籠,代替易發霉及藏污的竹籠,作運輸雞隻之用。游水出海嗎?喂又係你呀紅生!他們還是全港浮波的獨家生產商,連我們的海都級A膠團團圍住了。不過浮波上只得康文署字樣而不見招牌A字。兩位紅A第三代接班人馮梁慕蘭Veronica及梁馨蘭Jessica都說:「細個家裏真的都是膠製品。」根本整個ShowRoom搬了回家。不過她們各有所愛,姐姐Veronica:「書喼啦,因為小學時真的很多同學用。我就幸運些,常可有不同顏色的書包,書喼可拿回校除了放書放文具關起當椅坐,等校車放學時都好方便。」這個書喼,當年廣告畫到明又丟又踩都不爛,攝影師興奮說小時候坐著它滑斜坡,塑膠收藏家個個見到都如獲珍寶,但連紅A本身都只珍藏一個,Jessica則愛手上的漏斗椅。當年的漏斗椅較矮,中間或座位可以打開,「小時候會自以為避得過爸媽眼光,把糖,玩具等東西揭起蓋收起。但多數事敗。」另外還會把筲箕當軚盤扮的士司機。但原來這筲箕可利害了,多年來穩佔銷售榜首,以現年年銷30萬個計,50年來賣掉1,500萬個!近年為蝸居而設的新線Cre-A,改良型筲箕還可調較漏水度。洗完扭開盤子就可放水,不用像以前準備多個粗孔幼孔的多個筲箕,貼合今日屋細省地方的原則。



Veronica最想念經典書喼,有人說記得七十年代賣29元一個,一般中小學一班得幾個有。

展場有紅A常見地點,六十年代屋企同街市。

璃櫃裏的膠水壺、膠風扇、杯盤碗碟只剩一、兩件,是連出品商都珍藏的展品。



1997年沙士之時,他們停下部份生產線,全力生產3萬個膠雞籠載雞。

原來浮波都係紅A出品,不過上面只有康文署標誌。

1960年代彩虹箒喱杯,到今日都在用;



2000年代出的透明箒喱杯多了壓花。

1963年制水,他們趕制了十萬個膠水桶,且話明不會坐地起價。



紅A「香港人。撐起香港情」歷史展地址:元朗三聯文化生活薈二樓日期:即日起至四月五日記者:陳慧敏攝影:劉永發





來源: http://hk.apple.nextmedia.com/su ... t/20160311/19525350
港情 港趣 又係 係你 你呀 估你 你唔 唔到 到是 是紅
PermaLink: https://articles.zkiz.com/?id=297637

【圖解新聞】特朗普係乜水?喪到你唔信

1 : GS(14)@2016-03-17 14:51:52

美國總統大選提名戰,共和黨當地時間周二將在佛羅里達州等多個主要州分舉行初選,由4名參選人爭奪300多張代表票。其中地產大亨特朗普(Donald Trump)多地支持率領先,亦是黨內目前出線機會最大的參選人。究竟這位言論惹火、不少人又愛又恨的紐約大富豪,是如何走上總統參選人之路?他又是甚麼來頭可以舉世注目?圖解新聞為你一一解構這位狂人。《蘋果》圖解新聞





來源: http://hk.apple.nextmedia.com/international/art/20160317/19533360
圖解 新聞 特朗普 特朗 係乜 乜水 喪到 到你 你唔 唔信
PermaLink: https://articles.zkiz.com/?id=298252

警促記者離開:啲槍打中你唔好意思

1 : GS(14)@2016-05-21 17:54:39

【本報訊】香港眾志衝出馬路向張德江示威被警員制服,在場採訪的《蘋果》攝影記者希望爭取有利拍攝位置,警員卻聲稱護送張德江的車隊「啲槍攞晒出嚟」,急急催促攝記返回行人路,「真係誤打中你就唔好意思」。香港記者協會主席岑倚蘭形容警方如驚弓之鳥,又擔心日後有更高級別領導人訪港,情況會再惡化。《蘋果》攝記昨接報在場守候,全程直擊眾志成員衝出路面示威。《蘋果》攝記當時置身有利拍攝車隊的安全島位置,僅與車隊路線相隔約兩條行車線,遂稍作逗留希望近距離拍攝最佳鏡頭。有警員突趨前勸喻攝記遠離馬路,態度友善卻語出驚人:「Alert咗,啲槍攞晒出嚟,真係誤打中你呢就唔好意思喇……我唔想整傷你」,又解釋指「一級嚟嘛呢個,唔係平時嗰啲,平時嗰啲梗係畀你影啦」。攝記相信警員是指護送張德江的車隊已獲悉示威,已持槍進入戒備狀態。



3日來「有採冇訪」

記協主席岑倚蘭認為攝記的採訪工作合理,形容警方反應之大猶如驚弓之鳥,亦將護送張德江的安全尺度定得太高。她回顧張訪港3日行程的採訪安排,批評是大失衡、大倒退,「有採冇訪,咁多日嚟都冇機會直接向張德江提問,之前李克強、胡錦濤訪港都有」,指警方提升至反恐級別保安,恍若無限賦權封殺採訪。■記者馬志剛





來源: http://hk.apple.nextmedia.com/news/art/20160520/19620041
警促 記者 離開 啲槍 打中 你唔 好意思 好意
PermaLink: https://articles.zkiz.com/?id=300779

濕平好環保?行路會發電估你唔到

1 : GS(14)@2016-07-06 07:58:18

「個人一小步,人類一大步」是美國首位踏足月球的太空人名言,其實在地球也一樣,有沒有想過你購物時每走一步,都足以照亮街道呢?動能變電力,玄機在於一塊僅5毫米厚的發電板上。它是英國科技公司Pavegen研發的發電板,最新版的三角型設計,每踏一步3個角都可以轉化動能,產生最大電力。每踩一下產生8w動能,踩9下已足以令一個燈膽持續照明1小時。公司之前將設計安裝在尼日利亞一個球場上,足球員跑來跑去爭入波之餘,也順道為場館電燈供電。現時在英國倫敦奧運公園、希斯路機場、還有法國北部火車站等多處,也有這個發電板蹤影。公司指發電板可裝在室內室外,安裝又容易,途人看到地上有動能發電板,也很喜愛踩它。負責倫敦公共運輸的部門計劃在著名購物區牛津街附近,安裝動能發電板為街道環保供電。不過當然動能發電板暫時不及傳統發電那麼強勁,好像我們一生人大約會行1.5億步,以現時科技轉化成電能計算,亦只是相當於一個普通家庭3周的用電量。所以除了希望未來科技可以「開源」,轉化更多再生能源之外,亦記得要「節流」省電。美國《赫芬頓郵報》/Power Technology/Pavegen網站





來源: http://hk.apple.nextmedia.com/international/art/20160705/19682143
濕平 平好 環保 行路 發電 估你 你唔 唔到
PermaLink: https://articles.zkiz.com/?id=302553

廣告經綸:就怕嚇你唔死

1 : GS(14)@2016-09-09 05:05:46

許多廣告,都是叫人買呢樣買嗰樣,做東做西;有甚麼廣告,要用恐怖或恐嚇手法叫人不要做一些特定的行為?你大概會想到,例如吸煙(雖然大部份已經被禁)、醉駕、吸毒、貪污、盜竊、圍標等等……當中有多少能夠有效地讓人們在做這些行為之前,三思而不行?小時候,做錯事的後果大不了是罰企、罰抄、寫手冊,再嚴重的就是見家長、記缺點、記小過甚或記大過,好彩從來都無發生過在我身上的就是被趕出校……Anyway,再差也都只不過是發生在家中或學校。但當人大了,犯錯面對的後果也會變大,由疾病與死亡、害人又害己、到坐牢或後悔終生。嘩,多麼可怕!話雖如此,可怕歸可怕,後果當自付,人人皆知吧!無論如何賣廣告,老實說,功效有多大,真的值得商榷。上星期,行過中環置地廣場,實質上,我只是路過,卻真的被一個產品的window display嚇呆了。那是一間源自瑞士的高級雪茄店,賣的是優質雪茄,廣告message是「探索和述說生命中每個小細節,享受生活藝術」。如此細膩,你又如何想像店舖櫥窗所展示的雪茄包裝招紙,佔了多於一半的畫面及文字,正正寫着政府的禁煙標語:「吸煙引致致命」、「吸煙可加速皮膚老化」;不單是文字,那些嚇人的圖片原來也會因應包裝大小而變得盲的都看得到的那麼清楚。當時,我雖然趕時間,也不禁停下腳步,拿出手機,拍下了幾張照片。雖然,今期原本打算寫一下小麗老師的形象塑造以致她如何贏得漂亮,但最終也選擇了這個topic。廣告有它的功能,這個不容置疑,識得用其實好好用,不懂得用其實就真的一無所用。可能,買得煙仔或雪茄的顧客,就根本不管什麼warning,一於當睇唔到。然而,作為一個高檔品牌的櫥窗設計師或品牌管理人員,怎可以讓這麽嚇人的東西展示在全港甲級商場的櫥窗?說到底,這也算是一個賣廣告的窗口啊!文廸晞
mailto:heyadmen@gmail.com




來源: http://hk.apple.nextmedia.com/financeestate/art/20160908/19763574
廣告 經綸 就怕 怕嚇 嚇你 你唔 唔死
PermaLink: https://articles.zkiz.com/?id=308151

仲捉你唔到黃子華

1 : GS(14)@2016-11-14 01:00:08

2016-11-10 NM

做歌手要搵大錢,一定要開到演唱會,至於演員,片酬唔係發哥朝偉劉華級數,一樣賺到笑嘅,只得黃子華!靠做棟篤笑,已經好似印銀紙咁!

除咗公事,黃子華幾乎將私生活包得密不透風,就連平時出街,都成個神秘人咁,帽、眼鏡、口罩一定上齊,務求大家認佢唔出。早個禮拜,《壹》仔喺中環見到頸以上都包冚,口罩拉到有咁高得咁高僅僅露出一對眼嘅黃子華,企咗响置地廣場出面個報檔買雜誌,跟住過馬路行咗去都爹利街,上咗幢商業大廈。等紅綠燈期間,黃子華目及到《壹》仔,立即踩行對摩打腳,差在未喪跑。典解咁?八珍冇答案,可能,或者同佢個show一樣,「唔黐線唔正常」啩!

撰文:八珍
仲捉 捉你 你唔 唔到 到黃 子華
PermaLink: https://articles.zkiz.com/?id=315396

【又到聖誕】迪士尼聖誕換新裝《蘋果》直擊教你唔使排長龍

1 : GS(14)@2016-12-24 10:42:34

距離聖誕節只剩下三天了,在這個一年中最重要的節日裏,美國人無不抓緊機會,希望感受節慶氛圍。其中,美國的迪士尼樂園也在這段期間換上冬裝,除了超高聖誕樹之外,也把其中幾個人氣遊樂設施以及巡遊「改頭換面」,希望來到這裏的遊客能夠體驗聖誕節的迪士尼。駐洛杉磯記者:陳志豪像是經典設施「幽靈大宅」(Haunted Mansion)就把館內大規模改裝,換成知名導演添布頓(Tim Burton)《怪誕城之夜》(The Nightmare Before Christmas)的主題體驗。片中主角Jack Skellington以及女主角Sally都現身「幽靈大宅」,怪誕離奇的裝扮加上充滿「添布頓風」的背景音樂,讓本來小小恐怖的「幽靈大宅」化身為歡樂節日鬼屋。另外迪士尼知名的歡樂巡遊也都搭配節日,推出聖誕版本。米奇、米妮以及其他知名卡通人物,都換上聖誕毛衣,在花車上大跳節日舞蹈。而園區內原本以墨西哥與森巴舞蹈為主題的遊行,也都加入聖誕元素,把熱帶風情跟冬日聖誕做了完美結合,參與的遊客感受到這樣的氣氛,個個笑得合不攏嘴。在加州長大的Tanner從小就是迪士尼樂園的超級粉絲,已經來了超過十次之多。他認為迪士尼是每個人心中的夢想樂園,不論大人小孩,都可以在這裏找到自己喜歡的那一塊天堂。Tanner十分推薦大家在聖誕節期間前來,因為特別有節日的感覺;他表示:「這邊很好玩,我以前也常在聖誕節期間來玩。這時候不管是燈光、裝飾、聖誕樹、或是華麗的吊飾,都讓這裏充滿了歡樂的節日氣氛,真的會讓你體驗到聖誕節的感覺」,「我希望大家都來,這個時間(聖誕期間)很好玩,絕對值得一遊」。不同於Tanner,來自華盛頓的Krimson則是第一次來到迪士尼的新手。對於初次體驗的她,園區裏的一切都顯得十分新鮮。能夠見到童年卡通裏的角色出現在現實生活中,她也感到十分興奮。她表示自己很喜歡看《反斗奇兵》,所以最開心的就是能夠實際看到這些動畫人物,「當然,我最喜歡的是遊樂設施就是『巴斯光年』,因為我喜歡競爭,我也喜歡射擊,當然我也喜歡贏的感覺!迪士尼太好玩了,我絕對會再回來這裏」。不過氣氛歡樂之餘,高人氣帶來的人潮,對園區的娛樂品質也是一大考驗。許多熱門的遊樂設施像是過山車「飛越太空山」(Hyper Space Mountain)、「馬特洪峰雪橇」(Matterhorn Bobsleds)、以及「奪寶奇兵」(Indiana Jones Adventure)等,排隊一等就要一小時以上。而馬特洪峰雪橇還一度發生故障,甚至出動工作人員人力推車的情況。維修期間也讓遊客望穿秋水,所幸故障很快就修好,立刻又是長長的排隊人龍。雖然這段期間總是人潮洶湧,來到迪士尼的遊客也依然是興致高昂。然而,有沒有方法讓我們更盡興的暢玩迪士尼呢?《蘋果》記者也特地整理出六項要點,讓讀者遊迪士尼遊的輕鬆、遊的歡樂。1.詳細研究,做好計劃在出發之前,先把地圖以及相關資訊研究好,可以幫助你省下很多時間。這樣一來,不但可以少走很多冤枉路,也可以充分了解巡遊的時間和地點,都讓你能夠提前做好安排。2.提早入園一切都研究好了,提早到迪士尼絕對可以幫助你避開大部份的人潮。迪士尼每天的入園人數可是將近6萬人,能夠成為前20%入園的人,一定會讓你玩得比較盡興。3.睇App做research知識就是力量!現在迪士尼官方提供的App中,有許多實用資訊。包含等候時間以及地圖等,都可以直接查閱,好好利用這些App,你再也不用光憑運氣傻等了!4.善用Fast Pass大部份迪士尼的遊樂設施都提供遊客領取Fast Pass,《蘋果》建議讀者一入園就直奔人氣設施,攞咗先算!雖然Fast Pass有領取時間間隔的限制,但是如果安排得好,絕對可以讓你跳過長長人龍。5.別在意當個Single Rider所謂的Single Rider,顧名思義就是一個人去玩這些遊樂設施。許多美國遊樂園為了有效利用空位,都會將空位塞滿,這時就是Single Rider上場之時了!記者實測人氣設施Radiator Spring Racer,發現Single Rider只需等待12分鐘,居然比抽了Fast Pass的人還更快玩到。6.下雨天去12月是加州相對較多雨的時候,如果你不在意下雨天去,人潮也有可能會少了大半,只不過貼心提醒你,別忘了雨具雨衣,否則就算人少很開心,感冒了可就划不來了。




來源: http://hk.apple.nextmedia.com/international/art/20161223/19874795
又到 聖誕 迪士尼 新裝 蘋果 直擊 擊教 教你 你唔 唔使 使排 長龍
PermaLink: https://articles.zkiz.com/?id=319865

【估你唔到】終於有國產原子筆 整筆頭難過上太空

1 : GS(14)@2017-01-14 07:55:30

幾蚊一支的原子筆原來暗藏極精細技術。



內地新聞大肆報道,山西太原鋼鐵集團經過5年反覆實驗,成功生產第一批原子筆頭,強國終於有100%自家製原子筆了。當下反應是「乜話?大陸每年生產的400幾億支原子筆都唔係made in china?」才知道幾蚊一支隨手就丟掉的原子筆原來需要極精細的工序才能生產。



原子筆發明之前,西方主要靠鋼筆(或稱自來水筆)寫字,但鋼筆需要不時添加墨水,而且只能在紙上書寫,有相當限制。1930年代匈牙利記者László Bíró覺得帶着鋼筆採訪極不方便,於是利用印刷用較快乾的油墨,利用滾珠發明了世上第一支原子筆。原子筆的原理是透過滾動的鋼珠,一邊沾上油墨,一邊在紙上留墨,令墨水筆長寫長有。



發明原子筆的原來是位匈牙利記者。

製造直徑1mm的鋼珠不是最難,製造包着鋼珠的碗口才是最難。

幾蚊一支的原子筆製造技術其實不簡單,筆頭鋼珠極小,直徑只有1mm甚至更小,而最難製造的是筆頭包裹鋼珠的碗口,碗口厚度只有0.3-0.4毫米,而且遍差只能是微米級,否則墨水便不能暢順流出,如物料不夠堅固甚至會斷裂出現漏墨情況。中國能夠製造鋼珠,卻沒有製造碗口的精細技術,於是一直只能由瑞士、日本等少數擁有製造碗口技術的國家進口筆頭造筆。去年9年,山西太原鋼鐵集團成功生產第一批筆頭,筆頭通過連續800米不斷書寫測試,末來兩年有望大量生產。至於原子筆為何叫原子筆,有說是因為筆頭極細,細得似原子,因而名之;亦有說是二戰後,原子彈象徵着勝利和高科技,而利豐當年將原子筆引入香港時原子筆還未有中文名,於是以原子名之,簡單來說即是marketing為商品命名而已,後來還有原子褲、原子印等等商品湧現,其實都和原子無關。記者:曾冠輝




來源: http://hk.apple.nextmedia.com/su ... t/20170113/19895110
估你 你唔 唔到 終於 國產 原子筆 原子 筆頭 難過 太空
PermaLink: https://articles.zkiz.com/?id=322544

【迷幻特首選戰】人生太迷幻 有得揀你唔揀?

1 : GS(14)@2017-03-03 00:59:52

選擇人生。選擇生存。選擇打份牛工,朝九晚十二。趕尾班車返天水圍,同南亞醉酒佬爭關愛座。選擇射波,但同事快你一步。選擇睇急症,發現等十粒鐘原來攰過返工。選擇lunchtime游水,再潛水,畀老闆扣薪水。選擇食譚仔,要勿演凍鍊死。選擇儲蓄計劃,月儲二千,三十年先夠首期,最後選擇去日本。選擇勇武。選擇支持本民前、青政。選擇做鍵盤戰士。學做YouTuber,開fan page呃like。學做KOL,直播食屎但冇人睇、冇人share。選擇單身。選擇住劏房,call班毒男housewarming,先發現開唔到麻雀枱。選擇上高登,上香討,上facebook,睇瓊姐有冇update,再睇ex有冇update。選擇聽達哥唱歌,睇坤哥打機,睇自己打機。選擇ThisAV,但share咗條link出whatsapp group。選擇信耶穌,再去黃大仙求簽。選擇做港豬,食玩瞓再俾大財團奴役。選擇和理非非。選擇做左膠。選擇含淚。選擇啞忍。選擇妥協。選擇認命。選擇麻醉,一覺瞓醒當冇事。然後,選擇性失憶。選擇改變命運。選擇炒樓,炒股,再炒老細魷魚。選擇拎綜援住公屋,花百萬裝修再買架Benz。選擇種金做傳銷,氹公公婆婆落叠。選擇媾番個MK妹。選擇Apple Watch,iPhone7+,256G鋼琴黑,先達唔收焗用。選擇UBER。選擇脫貧。選擇靠把口搵食。選擇舔共,加入愛字頭、共青團,埋禮義廉堆。選擇做打手、做五毛。選擇勾結官商鄉黑。選擇食大茶飯。選擇做舉手機器。然後買到私樓,二百呎,豆膶客廳選擇擺部60寸4K電視,只有膠劇冇其他選擇。選擇打通廁所同睡房,唔裝門。選擇生細路,但想個仔贏在起跑線,所以選擇飛MK妹,媾富婆咬老軟。選擇幫個仔揀好學校,但避唔過TSA、國民教育同普教中。最後選擇接受個仔講普通話,同選擇放棄選擇。然後……冇選擇啦。香港人,根本好多嘢冇得選擇。高鐵超支撥唔撥款冇得選擇。起唔起三跑冇得選擇。西九起乜冇得選擇。地鐵加唔加價冇得選擇。連特首都冇得你選擇。不如今日起,選擇抵抗,選擇唔認命。選擇積極,要有獨立思考,自由意志,選擇愛惜身邊人,選擇生活,選擇未來,選擇人生。




來源: http://hk.apple.nextmedia.com/entertainment/art/20170302/19944265
迷幻 特首 選戰 人生 有得 得揀 揀你 你唔 唔揀
PermaLink: https://articles.zkiz.com/?id=327465

【蘋果照相機】鼎鼎鼎…你唔順

1 : GS(14)@2017-05-19 05:33:10

一張照片勝過千言萬語!攝影師每日以相機拍下千百萬張照片,將一些大家看似熟悉的東西,以用不同的觀點與角度,讓你重新細看。【蘋果照相機】為大家呈現新聞重要時刻,以細膩照片,分享鏡頭背後的甜酸苦樂。蘋果攝記fb:http://bit.ly/1OlyZxX




來源: http://hk.apple.nextmedia.com/news/art/20170519/20026571
蘋果 照相機 照相 鼎鼎 你唔 唔順
PermaLink: https://articles.zkiz.com/?id=333587

「你唔孤單,我一直喺你身邊」林二汶咀盧凱彤宣佈at17重組

1 : GS(14)@2017-06-10 12:40:55

■盧凱彤(左)前晚舉行尾場演唱會,邀林二汶任嘉賓,二人一見面即咀嘴(圖)。



盧凱彤(Ellen)在灣仔藝術中心舉行一連四場演唱會,前晚去到最後一場,昔日隊友林二汶擔任嘉賓,二人即場宣佈at17重組,今年底將舉行成軍15周年紀念演唱會。而另一位嘉賓是麥浚龍(Juno),不過Juno因要拍戲無法到場,事前拍片在現場播放,又隔空與盧凱彤對唱,繼而再播出林夕和周耀輝兩個填詞人的分享,以寫歌經歷勉勵盧凱彤,還有居於多倫多的盧凱彤哥哥PJ,兩兄妹用facebook直播對唱。



盧凱彤(左)、林二汶

■盧凱彤以學生look彈結他打頭陣出場。


重提患躁鬱

盧凱彤表示唱歌彈結他是師承哥哥,學識後即參加歌唱比賽:「點知老師話,如果我唔入佢嘅chorus,就冇得入round2,好多人話娛樂圈係大染缸,其實早喺讀書時就有呢樣嘢發生。」繼而她感觸說:「機會嚟到又點?金曲歌、金像獎得獎又點?都係患上躁鬱症。」臨近尾聲,奏起at17的《三分鐘後》,林二汶出場,兩人合唱後即熱情擁抱再親嘴,林二汶說:「我第一場嚟睇,發覺Ellen講嘢都係唔叻,雖然佢話呢幾年單獨去行去闖,得到好多嘢又點呢?我想同Ellen講你唔孤單,因為我一直喺你身邊。」盧凱彤即感動地從後擁抱林二汶,林二汶續說:「我正式宣佈at17,10月正式合體,再開騷!」



■at17於02年出道,翌年舉行小型演唱會獲陳奕迅支持。資料圖片

■盧凱彤前晚與Juno隔空對唱。


拗撬更加勁

於演唱會結束後,盧凱彤接受訪問時說:「一個人孭4場騷好攰,真係夠晒皮,好彩中間有啲嘉賓錄片間場,畀我唞吓。」她稍後會到台灣舉行6場巡迴演唱會,再出席台灣金曲獎頒獎禮後,便會返港全程投入準備at17的演唱會,她說:「?家開始錄歌,再一齊嘅火花比以前更犀利,但都拗得更加勁,但一如以往,我哋有自己嘅方法去解決,只會更加有火花,今年係at17嘅15周年,加上又係2017年,所以想喺年底開騷。」採訪:馬建華攝影:仇志德




來源: http://hk.apple.nextmedia.com/entertainment/art/20170606/20045460
你唔 孤單 一直 喺你 身邊 林二 二汶 汶咀 盧凱 宣佈 at 17 重組
PermaLink: https://articles.zkiz.com/?id=334732

習總3天豪華團阻到你唔好意思

1 : GS(14)@2017-06-25 10:29:57

國家主席習近平與夫人彭麗媛將訪港三天,據悉兩人會在本月29日星期四抵港,當晚先到禮賓府接受行政長官梁振英宴請,翌日早上到石崗軍營檢閱駐港解放軍,傍晚會與政商界晚宴,包括立法會議員。消息指習近平在7.1當日將出席慶祝回歸典禮,為候任行政長官林鄭月娥監誓,中午就會離港。習近平訪港期間,亦有機會視察港珠澳大橋、高鐵西九總站或西九文化區。警務處長盧偉聰表示,無收到確實消息有國家領導人會來港出席回歸周年慶典活動,但按過往經驗,每逢回歸5年或10年都有領導人訪港,他指已就慶典活動前後做好保安部署,警方會預留足夠人手應付。



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170625/20068253
習總 豪華團 豪華 阻到 到你 你唔 好意思 好意
PermaLink: https://articles.zkiz.com/?id=336949

金手指:息口加到你唔信

1 : GS(14)@2017-07-05 03:41:01

上周中,花旗國銀行監管機構宣佈最新一輪壓力測試下,所有大銀行都通過。市場直覺係可以任派息,令銀行股升,帶動連滙控(005)都升咗轉。聯儲局主席耶倫,又係喺上周中,忽然話佢相信有生之年「唔會再有金融危機」。挑戰命數,仿如鐵達尼被評為unsinkable般唔信邪。點都好,孫柏文當然唔信,亦唔信你哋作為我多年嘅粉絲,會信個底花到有佢哋咁花嘅判斷。不過,今日要分享呢兩單新聞,係因為對政策預測非常有用。雖然有啲似個千度近視四眼仔喺盲人世界般,不過大家要承認,喺眾多中央銀行中,聯儲局係全球最收緊嗰個。問題係,點解美滙指數對上半年咁弱?首先,美滙指數一半比重係歐元,歐元之前跌到落去反映歐元、甚至歐盟會即死嘅可能。咁只要死亡日延遲,歐元都要彈,令美滙指數受壓。不過更緊要嘅係,美國雖加息,不過冇因信聯儲局夠吉士真係大力加,起碼債市信佢哋加加吓要停甚至減。點解?因為短息越加,長息係咁落,令長短息差大幅收窄,即賭佢好快加完。點知,就係喺上周中嗰兩件事後,美長債息突飆。連我偶像Gundlach都喺周五話要睇實升穿200日平均線嘅十年債息,下個關鍵位係2.32厘。而穿的話,長息就有望去3厘。如果真係咁,聯儲局有望每兩個月收緊一次嘅步伐,今年、出年、大後年,即至金融危機再臨。呢個係現在冇人信,不過到真係發生時,耶倫都可能已byebye。孫柏文獨立股評人
http://www.fb.com/shuen本欄逢周二刊出




來源: http://hk.apple.nextmedia.com/financeestate/art/20170704/20077797
金手指 息口 加到 到你 你唔 唔信
PermaLink: https://articles.zkiz.com/?id=337854

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019