ZKIZ Archives


馮仁昭四圍超:顏仟汶為老友出山

1 : GS(14)@2016-03-30 14:42:09

顏仟汶曾經拍過一系列三級片,近年鮮有喺幕前曝光,專心幫老公阿Lo打理餐廳生意。近日顏仟汶應好友梁焯滿邀請出山,為微電影《變身愛》做女主角。顏仟汶噚日回覆時話,認識老公前已經拍過三級片,所以今次拍親熱戲唔使備案,梁焯滿就話同顏仟汶一向都熟,見角色啱佢所以誠邀對方幫忙:「佢演一間公司嘅大老闆秘書,同海俊傑有一段戀情。」撰文:馮仁昭





來源: http://hk.apple.nextmedia.com/entertainment/art/20160330/19549361
馮仁 仁昭 四圍 顏仟 仟汶 汶為 老友 出山
PermaLink: https://articles.zkiz.com/?id=298754

自投羅網杜汶澤撞正舊愛顏仟汶

1 : GS(14)@2016-04-15 04:32:11

2016-04-14 NM

一班台前幕後前亞視人,上週舉行每年一度的「A記同學會」聚會,由於撞正亞視熄機「頭七」,參加人數踴躍,當中包括已過檔無綫的江美儀、陳煒等人,至於去年被指為避前度顏仟汶冇蒲頭的杜汶澤,以為今年亦缺席,但就送出一萬蚊作抽獎獎金,不過在臨散席前,阿澤玩驚喜突然出現,撞正前度未走,合照避無可避。阿澤陳煒科水抽獎

上週五(四月八日)晚,「A記同學會」包起尖沙咀一間酒樓搞聚會,知道仍有舊同事未有糧出,發起人之一江美儀感觸表示長痛不如短痛,結束是另一開始,兼且公開呼籲業界,以亞視員工忠心,作為聘用優先考慮,聲援一眾舊同事。「亞視終於玩完,所以今年大家特別踴躍,有成五百人參加,但其實個場都擺唔落咁多人,有啲遲嚟嘅都要打游擊周圍黐位坐,不過大家都係志在見吓敍舊。阿澤一早講咗唔到,但佢拎咗一萬蚊出嚟抽獎,早走嘅陳煒同朱慧珊都有拎錢出嚟抽,分咗好多個幾百蚊嘅現金獎,大家開心!最特別係安排鮑(起靜)姐特別頒個最佳女配角獎俾(吳)浣儀姐,補償佢喺金像獎輸咗!」一名有出席的前亞視員工說。

大塊田講明唔到

據了解,為避開前度顏仟汶,去年缺席「同學會」的杜汶澤,今年亦講明同老婆田蕊妮繼續甩底,差不多到散席時,阿澤又失驚無神出現,自製驚喜的他一踏入酒樓,即被大家輪住集郵,又取笑他是「TV Buddy」,搞到平時牙尖嘴利的他唔識反應。「好多亞視人都知,當年阿田係阿澤同顏仟汶嘅第三者,所以阿澤兩公婆會盡量避開三個人同場出現。顏仟汶今年都有報名,阿澤亦講咗話唔到,不過後來有人係咁打電話俾佢,叫佢點都趕嚟影張相;阿澤十一點半左右趕到嚟,雖然兩個人都有一齊影大合照,但分到好開,亦冇傾過偈。」

葉家寶不受歡迎

田蕊妮避席外,前高層葉家寶以及公關黃守東,當晚亦意外未有現身。「亞視拖糧呢段時間,好多同事都覺得佢兩個講嘢好官腔,完全冇企喺員工嗰邊,所以大家唔like佢哋,好似阿東早幾日仲講緊見過司榮彬,話有消息會通知同事,但大家根本都冇奢望會有乜好消息。其實佢哋自己都知,明知不受歡迎,所以都冇報名參加,費事嚟到面懵懵。」一名前亞視人說。

顏仟汶代還賭債

杜汶澤與顏仟汶已經分開十六年,雙方各有家庭,但時至今日,阿澤仍會刻意迴避前度。二人97年在亞視結緣,雖然拍拖只有一年多,但顏仟汶對杜汶澤火裡火裡去,即使他只是亞視「霉菜」藝員一個,又經常欠下賭債,不過顏仟汶卻無限包容,甚至代還債項。無限付出,換來是被狠撇。99年,因為田蕊妮介入,杜汶澤即離棄與自己甘苦與共的顏仟汶。有指有日杜汶澤瞓醒,就跟枕邊的顏仟汶說分手。過去顏仟汶也曾在訪問中重提舊事。「杜先生好絕,話分手就分手,用四個鐘就將屋企所有屬於自己嘅嘢搬走。」顏仟汶說分手後,她仍有跟痛錫她的澤媽保持聯絡,而澤媽亦永遠不會在她面前提杜汶澤三個字。分手不再是朋友,00年顏仟汶在公開活動碰上田蕊妮,記者要求影合照,阿田左閃右避,受傷的顏仟汶反而大方接受。

撰文、攝影、攝錄:娛樂組
自投 羅網 杜汶 汶澤 澤撞 撞正 舊愛 顏仟 仟汶
PermaLink: https://articles.zkiz.com/?id=299266

顏仟汶復出除剩Bra

1 : GS(14)@2016-05-08 14:54:04

顏仟汶、袁潔儀和蔡國威等昨日到太古城出席電影《把她帶回家》首映,積極復出拍電影的顏仟汶剛完成三齣電影,其中在電影《變身愛》中與海俊傑有「肉搏」場面,她說:「除剩個bra啦,不過而家拍戲都想有戲做嘅,需要先少少性感啦,勁嗰啲留畀後生做。」另外,袁潔儀自爆去錯金鐘,為慳錢要轉乘港鐵到場,問到她與無綫簽約,潔儀表示是合約藝員:「多勞多得,不過都講明出面嘅工作唔會抽佣,只係需要請假,唔影響我接內地工作嘅。」威仔明日將為無綫首次拍外景,他坦言有點緊張:「我驚會失眠,呢個係為慈善節目拍嘅,希望大家見到我會捐多啲。」採訪、攝影:盧妹





來源: http://hk.apple.nextmedia.com/entertainment/art/20160508/19602420
顏仟 仟汶 復出 除剩 Bra
PermaLink: https://articles.zkiz.com/?id=300089

顏仟汶與夫分居冇第三者

1 : GS(14)@2016-12-07 08:01:02

■顏仟汶稱與丈夫要時間沉澱,給大家空間。資料圖片



現年46歲的顏仟汶早年憑性感形象在影圈發展,08年跟圈外男友阿Lo結婚,兩人在西貢經營餐廳,閒時仟汶會到內地登台搵真銀。昨日有報道指仟汶跟丈夫阿Lo已經分開,她昨日透過WhatsApp回覆未離婚,她說:「只係搬開住,未簽紙,未離婚只係分居。大家相處咗16年,兩個人相處到一個位kick住,如果再共處一室嘅,會將件事情更加惡化,不過唞一唞氣,畀大家一啲空間。覺得咁樣做對大家日後關係更加好,好過逼埋去死角。」問到仟汶復合的可能性,她表示自10月分居後,關係都好好,經常透過WhatsApp、傾電話關心對方,她說:「日後嘅嘢將來嘅嘢真係未知,或者畀啲時間我哋沉澱一下。」更強調沒有第三者存在。採訪:何永寧




來源: http://hk.apple.nextmedia.com/entertainment/art/20161207/19857171
顏仟 仟汶 汶與 與夫 分居 第三者
PermaLink: https://articles.zkiz.com/?id=318629

顏仟汶被男友騙財

1 : GS(14)@2017-04-22 10:49:50

顏仟汶近年主力在內地發展,早前拍過梁焯滿導演嘅《社團風暴》,演黑社會大家姐。可能演得入型入格,在另一部網劇《洪興十三妹》中,她再飾演黑社會大家姐芳姐,同劇還有內地網紅紋身女Amy演出。在另一部網劇《夜戰風雲》,仟汶又以農村姑娘身份演出,故事講她被男朋友騙財之後,認識了歌手張啟輝飾演的拳手,開始另一段戀情。愛情線外還會有連場拳擊動作戲,當中因為張啟輝不肯打黑拳,被黑社會報復。在危急關頭,仟汶替她擋槍,她說:「其實我真係訓練班出身,乜嘢角色都想挑戰,唔想被人限死。」最開心是可以跟高佬權陳國權合作,又撞番十多年前合作過港片《發電俏嬌娃》的對手曹查理。採訪:李森



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170422/19997357
顏仟 仟汶 汶被 男友 騙財
PermaLink: https://articles.zkiz.com/?id=331338


ZKIZ Archives @ 2019