📖 ZKIZ Archives

新地（016）郭氏兄弟決裂、南豐姊妹反目，單單精采幕幕新鮮。全港市民等睇戲，估吓下一家反面嘅係邊個望族。船王之後、自己亦已創一番事業嘅卓能（131）主席趙世曾話，絕對唔希望自己嘅仔女，第日都會係咁。

佢話：「我都有各種準備同分配，做得好仔細o架，三個仔女唔同媽咪嘛，更加小心啲同佢哋做好善後準備，唔可以馬馬虎虎……內容唔講得，而且遺囑隨時可以改得o架嘛，所以做得清楚啲，將來唔會有糾紛。」

做好準備免子女爭產

「每個人都希望自己事業成功，賺多啲錢o架，到咗下一輩就會產生啲爭產嘅問題，如果你無幾多財產，咁咪無人爭囉，大家兄弟姊妹反而和諧啲。」

南 豐陳家發生嘅事，趙世曾形容係「不幸」，「人生就係咁o架喇，你想成功，又賺多個錢，後面就會有啲咁嘅問題發生……o依家唔係淨係遺產嘅問題，係太太要求 離婚喎，唔使睇張遺囑都分咗畀你先喇，有份分遺產嗰啲梗係反對，咁睇吓個官點睇喇。照計太太要求離婚，無理由唔畀佢離喎，只係唔知佢嘅財產，有無做到入基 金入面，如果喺基金入面，太太都郁唔到。」

o依家仲係「單身」嘅趙世曾話，純粹以法律角度睇呢單嘢，因為人哋嘅家事，佢都唔清楚，雖然佢以前同陳廷驊好熟。

離婚後遺多現擁5女友

離婚可以導致俾人分一半身家，呢個可能係趙世曾唔結婚嘅最大理由，「我都有啲朋友係接近啲嘅（指關係親密、穩定嘅女朋友），但結婚機會就細啲，受制於香港嘅法律，如果婚姻失敗，會產生好多後遺症」。

「一個男人可以唔結婚，但仔女就一定要有，有啲人因為唔結婚而無仔女，就唔好……唔結婚都可以好happy，一種種人嘅choice啫，有啲人鍾意結婚，有啲人唔鍾意，我就屬於比較自由嗰種人，但係仔女一定要有！」

趙 生呢套理論都幾多人buy，至少城中兩大鑽石王老五──李澤楷同李家傑都係咁諗，只不過後者搞到有啲論盡。據趙世曾講，男人真係要步入戀愛嘅墳墓，四十幾 五十歲先係「適當死亡年齡」，千祈唔好後生結婚，佢教自己個大仔都係咁；但係open嘅另一面就出乎意料咁封建，「個女就唔同嘞，女仔一定要結婚，仲要越 早嫁人越好！」

單身自由到爆，但係又有仔有女，趙世曾已經做到，佢仲經常拖住唔同嘅女伴穿梭社交場合，咁樣亦係佢嘅養生之道，「做多啲運動，人生開心啲，交多啲女朋友喇……」最後，佢默認約有5個穩定嘅女朋友，其他拖住畀大家影嗰啲，唔係喎！

對股票專一九成長揸

趙世曾嘅「專一」似乎只適用於股票，而唔係喺女人身上。「基本上，我九成股票係長揸嘅。」但強調無話死古古，「起得快，就賣咁啲；跌得快，就買番啲；如果我揸嘅股票唔到價，就永遠唔會賣，係三個大原則喇！」

有無必殺技呢？「最弊係跌嗰陣，（如果）個個去搶，你又去搶；（如果）跌到嚇親，你又去『揼』，咁係無辦法翻本嘅……除非買到一隻好差嘅股票，否則好難5年10年都唔起嘅，好少好少……總之有得賺我會走，呢個世界無撈底呢樣嘢。」

呢 幾個月股市風高浪急，但係趙世曾話投資策略無乜變，唯一唔同嘅係投資組合，「以前係藍籌多，o依家係紅籌同H股多啲，佔一半以上，香港就買公用股收息，滙 豐（005）就長揸。」趙生最長情嘅，原來係大笨象而非美人，唯一同佢絕緣嘅應該係地產股，「地產股好，即係地產好；地產好，我做地產嘅都好，所以唔需要 揸地產股。」

講開地產，卓能嘅地皮好早買落、又唔係做地產代理，所以趙世曾可以準時5點收工去打波，「政府干預基本上係OK嘅，香港政府同大陸一樣，做緊宏觀調控之嘛，呢次藥就重啲，啲地產代理好唔happyo架，點搞？修正吓囉，加到7%至唔超過10%就夠啦。」

講到發水限制，「發水兩成都OKo架，啲樓起出嚟靚啲之嘛！政府一味出口術，出唔到就落重藥，又嚇你唔減就再重啲……有少少打錯好人，太犀利係會整『彎』個市道……要收手嘞！」

後記

下晝5點做完訪問，74歲嘅趙世曾，趕住由灣仔過海去何文田打籃球；30出頭嘅攝影師，趕住去睇跌打，醫膝頭哥舊患；視年齡如秘密嘅華華，一走出門口就幫發炎嘅左手手筋搽藥膏。養生之道，都係得個聽字。

李華華

[email protected]

特首曾蔭權的領導班子管治危機沒 完沒了，兩年多內已有六名高官患病。上月被踢爆去年底已患有腎衰竭、六十七歲的教育局局長孫明揚，原來早於兩、三年前患上家族遺傳糖尿病，暗藏患腎病的機 會。去年底證實患腎病後，子女更一度考慮讓他換腎，健康狀況未必如他所說般「良好」。孫太鍾小芬向本刊披露，孫公現由港大腎科權威，以中西醫合璧療法治腎 病。

上週四，即孫明揚被揭發患腎病翌日，在下着微雨的中午，孫明揚與友人在香港會所吃午飯後，獨自步行回政府總部。記者問他不少醫生指他的腎臟僅餘一成半功 能，應該辭職休養，他依然面帶笑容回應：「我自己個身體，好唔好我自己知呀！係有時有啲攰，但係我好夠瞓，夠休息！啲醫生喺出面好多嘢講嘅，佢哋又唔係我 個主診醫生，我個醫生唔係咁講喎！」孫早前曾表示自己「健康狀況良好」，記者追問他有否隱瞞病情及講大話，他終按捺不住發??：「邊有隱瞞啫？咩講大話 啫？講晒啦！我呢啲都市病，高血壓、食吓藥，個個都有o架啦！我唔係狀況良好係咩呀？呢啲唔使公布啦！係咁啦！」

孫太認家族遺傳

「起初聽到都覺得得人驚！以前有呢個病好似end of the day、好慘，但好彩而家醫學昌明，好多辦法overcome。」孫太接受本刊電話訪問說，丈夫孫明揚早於兩、三年前，已證實患上糖尿病，屬家族遺傳，其 老爺孫器之生前亦有糖尿病、血壓高，孫明揚及其子女也有定期檢查血糖、血壓是否過高。「佢舊年check時，血糖同膽固醇都低，仲正常過我，以為佢無事。 點之十月，喺QM（瑪麗醫院）先發現。」孫太說孫公知道患有腎病後，已立即向護士學習如何自己「洗肚」（即腎衰竭病人的腹膜透析治療），不需要他人協助， 亦沒有聘請看護，「個護士教佢要好小心，以免受感染。」

錯食麥皮

孫明揚患病後，孫太十分注意其飲食，煮餸也會清淡一點、少肉、少糖及少鹽，她更自爆起初不知道丈夫患病，還以為麥皮對健康有益，可以降膽固醇，二人常吃， 「後來問醫生先知對腎病病人嚟講，係剛剛相反！」腎科專科醫生何仲平解釋，麥皮含高磷質，若腎功能正常排出沒有問題，相反腎衰竭病人，若食含磷質食物，無 法排出，會導致鈣質下降及令副甲狀腺升高等，可能引發併發症，包括全身痕癢、神經線萎縮等，不建議腎病病人食麥皮，「如果要洗肚，本身已經需要食藥去磷， 更加唔應該食。」

孫太形容孫公腎衰竭如「silent disease」，但何醫生說腎衰竭非突發性疾病，初期已有跡象。腎衰竭可分為五級，若腎功能餘下一成半以下，屬最嚴重的第五級，須要洗肚或洗血。患有糖 尿病的病人，一半以上均會引致腎衰竭，醫生會建議他們檢查身體時驗尿及微蛋白，以便及早接受治療。

每日早晚食冬蟲草

為協助孫明揚治病，孫太四處訪尋中西腎科名醫，現時由瑪麗醫院腎科權威黎嘉能教授任其主診醫生，同時找到港大中醫藥臨床研究中心的高級中醫師蔡潯遠，調理 身體。蔡為國內知名專醫腎衰竭及男人病專家。黎嘉能則為本港腎科權威，曾出任瑪麗醫院和威爾斯親王醫院的內科主管，但他將於六月離開瑪麗，轉投養和醫院， 擔任醫務總監。孫太透露，孫公服食多種西藥，加上洗肚，身體較易疲倦及虛弱，故須食中藥及冬蟲草調理身體。「而家早晚都會俾佢食冬蟲草，食咗之後，個孫仲 話見到爺爺最近出番啲黑髮，好似真係幾好。「佢照樣週末唱歌、打麻雀。現在無嘢改變，佢洗肚時條喉可以伸延到十呎長，有部機插住，但佢照樣可以去睇 DVD、睇書、紀錄片等。」

曾班子患病成員

時間/官員/職位/健康問題/去留2008/馬時亨/商務及經濟發展局局長/混合靜脈動靜脈畸形症/辭職2009/曾俊華/財政司司長/心臟血管栓塞，須 通波仔/留任2011/劉兆佳/中央政策組首席顧問/泌尿科疾病，須做手術/留任2011/林瑞麟/政制及內地事務局局長/心臟血管栓塞，須通波仔/留任 2011/劉吳惠蘭/商務及經濟發展局局長/結腸癌，須切除腫瘤及化療/辭職2011/孫明揚/教育局局長/小腸氣、糖尿病、腎衰竭，須洗肚/留任

曾考慮換腎

她坦言，起初知道丈夫患病後，子女頗擔心，考慮過叫他接受換腎手術，但主診醫生則認為孫明揚情況未需要。孫公已在港府任職達四十五年，孫太說他仍希望做人 有始有終，可以完成尚餘的十四個月任期，「有時唔係就咁話唔做就得。如果佢afford得到，無理由唔俾佢做！醫生都話佢可以正常做嘢、生活，咁係對佢最 好，淨係夜晚瞓覺時洗肚。」其實，孫明揚除患有糖尿病、腎病，今年初亦因小腸氣手術入院，早前出訪越南前兩、三週，亦疑因工作太繁忙及冷親而感冒，健康狀 況令人擔心。

公幹頂酒捱到病

高官相繼患病，孫明揚已是曾蔭權班子第六位患重病的成員，令人關注一眾問責官員所承受的工作壓力。「官員相繼患病，反映咗政府嘅架構滯後，應付唔到香港嘅 需要。」曾經擔任保安局局長的葉劉淑儀，以上月初因腸癌請辭的商務及經濟發展局局長劉吳惠蘭為例：「劉太真係捱病，佢個局其實職權過廣，係以前資訊科技及 廣播局、工商及科技局同經濟發展及勞工局三個局嘅工作合併而成，要管嘅嘢實在太多，佢又多無必要嘅外訪，試過有次為咗簽份協議，要特登飛去瑞典，四日來 回，對佢嚟講係好頻撲，喺香港同領事簽咪一樣。」葉太慨嘆。商務及經濟發展局工作量大，除了局長，即使是公務員的常任秘書長，亦同樣捱到病。政界人士透 露，前常秘蔡瑩璧因須與內地官員打交道，經常飲酒應酬，蔡亦因「飲得」而須代劉太頂酒，商界立法會議員黃宜弘曾在記者面前盛讚蔡是千杯不醉。不過，據知蔡 因工作辛勞及長期飲酒，健康每況愈下，即使劉吳惠蘭辭職後，政府欲拉攏已退休的她任局長，她也以健康為由拒絕。

副局長「幫倒忙」

政府聲稱為減輕局長工作，於○八年設立政治「四不像」：副局長及政治助理職位，效用卻一直受質疑。前公務員事務局局長王永平批評：「直情係成效不彰啦！比 較好嘅只係得梁卓偉（食衞局副局長）同黎棟國（保安局副局長）！」他評兩位病重局長的副手：「陳維安（教育局副局長）本身就無教育經驗，搞電子書同教科書 問題都無成績；至於蘇錦樑（商務及經濟發展局副局長），你見劉太辭職後都無乜聲音支持佢上就知啦！」

葉劉淑儀亦質疑副局長的作用：「以前局長都會有個『大保』（Superintendent Undersecretary），局長唔喺度就要睇晒成個局嘅事務，但係而家副局就淨係識幾樣，好似蘇錦樑淨係做競爭法，其他嘅唔識，又駕馭唔到啲公務 員，仲要劉太教佢，仲加重咗局長嘅工作！」副局長難成大器，葉劉淑儀認為政府要找接班人十分困難：「呢屆政府剩番十四個月，如果公務員升上去好大風險，萬 一下屆特首唔要佢就即刻失業；而且而家政府民望低，社會要求又高，都幾難搵人願意接手。煲呔都無得揀，一定要孫公留任。」

美台總統健康須公布

特區政府問責官員並無健康申報制度，高官健康狀況一般不向外公布。特首曾蔭權所說的「完善機制」，只是高官自行判斷，若病情影響工作，才向公眾交代或請 辭，惟今年四名高官有病全部由傳媒踢爆，政府才被迫公布。美國和台灣正、副總統則每年均有公布健康檢查結果，如美國總統奧巴馬去年有交代他膽固醇偏高；台 灣的總統馬英九肥了一點一公斤、腰圍瘦了六公分，做了心電圖、腸胃、心臟冠狀動脈等檢查，右膝開刀後情況也有公布。葉劉淑儀及王永平建議，港府應仿效外 國，公布官員健康狀況，以增加政府透明度。

現年四十歲的黎瑞恩，○二年嫁給比她大七歲的金利來三少曾智明後全面退出娛圈，奉老爺之命趕造人的她，分別於○三年及○五年誕下現已十歲的長女凱栭及八歲幼子浩儒，三年抱兩湊成「好」字。

看似幸福少奶奶，原來黎瑞恩一直啞忍老公有內地密友的傷痛。據悉，近年曾智明冷待妻兒情況變本加厲，被穿透底線的黎瑞恩，數月前一度帶埋一對子女，搬離九龍塘大宅。

面對一段褪色婚姻，丈夫又無丁點補救之心，傷痛的黎瑞恩被追問婚變，觸動傷痛神經，強忍眼淚頂住。

搭上廣州妹

豪門新抱表面風光！入門十一年，作為金利來集團新抱的黎瑞恩，無豪宅揸手，生活跟一般家庭主婦無分別，與老公的感情也一年比一年冰凍。據悉，近年曾智明與黎瑞恩的夫妻關係已有名無實。兩個月前，黎瑞恩復出舉行兩場慈善個唱，另一半完全冇影；為顧夫家面子，黎瑞恩以老公要公幹作為掩飾，但實質二人婚姻已經破裂。為父親打理集團生意及履行內地公職的曾智明，數年前開始長駐廣州總公司。分隔兩地，初期仍會每星期返港一次，與家人共聚；但兩年前開始，有指他在廣州跟一名任職投資，在飯局認識的廿二歲姓陳內地女子過從甚密後，曾智明漸漸對自己的家庭愛理不理，之後有傳該女子索性辭去工作，並過住富泰生活。「嗰個女仔個樣生得幾清純，不過手段就好犀利，又會成日周圍同人講自己遲早會坐正，只係有人霸住個正印位唔放。」知情者爆。

02年個唱陪實

臨嫁前，黎瑞恩舉行告別演唱會，曾智明由個唱記招、開騷到慶功宴陪到足。可惜十一年後此情不再。

去年個唱冇影

去年11月隱瞞婚變復出開個唱的她，唱到首本名曲之《發誓》：「強忍心裡說話，就當作算吧！」便感觸落淚。輸掉婚姻，但贏到友情，其中不做其他個唱嘉賓的學友，破例撐她。

寶記小花

當年被稱寶麗金三小花之一的黎瑞恩，憑《一人有一個夢想》成名，九七年與富二代曾智明拍拖後，她為應男家要求，放棄仍盛的幕前事業轉做保險。○二年黎瑞恩舉行告別個唱，之後嫁入曾家，並三年抱兩；○七年她再接再厲，可惜懷孕四個月便小產。貴為億萬集團的豪門新抱，黎瑞恩僅於○七年以四百萬買入曼克頓山，四個月後便微賺轉手。十一年來以家為重，但換來只是婚變傷痛。

成個月唔見人

心不在家，縱使坐中港車由廣州回港，車程只需兩小時，但曾智明返屋企見妻兒的次數愈嚟愈疏落；一年前，更加變成每個月只返港一次，很多時還是即日來回，留家半天，就急住返廣州，敷衍了事。念及一對子女，黎瑞恩一直啞忍老公冷待；可惜對方反而變本加厲，有指剛過去的聖誕及除夕，他完全無蒲頭，不顧夫妻情分，也不放一對子女上心。一家四口三缺一的場面，近年司空慣見，她在微博放上的全家福，也是前年長女九歲生日時影的。據悉，夫婦二人曾於一年前為雙方關係攤牌。「傾完都冇用，個男人依然態度照舊，根本冇放老婆在眼內。小恩子好傷心，但睇在老爺份上，仲有一對仔女，佢一直撐住忍落去。有時出嚟做慈善活動仲要扮到冇事笑晒口，其實佢好辛苦。以前老公逢場作戲，所有人都知，得佢一個唔知，佢仲話兩公婆要互相信任。直到個老公放假都唔願返屋企，一切都太遲。」知情者爆。

老爺出面苦勸

容忍有底線！據悉數月前黎瑞恩終於爆發，帶埋一對子女搬離與老爺奶奶同住的九龍塘大宅，入住方便子女上學的沙田凱悅酒店幾近一個月。老婆擺出分居姿態，但曾智明對家變照舊無動於衷。至於早已把生意交曾智明打理的七十九歲曾憲梓，唯有親自出馬，勸新抱保住頭家。「小恩子對呢段婚姻已經心淡，但老爺奶奶年紀大又錫對孫，佢唔想老人家傷心，到最後都答應老爺搬返九龍塘；所以早排小恩子舉行復出個唱，老爺奶奶都有去撐場。」

愛國家族

現為金利來集團行政總裁的曾智明，是富二代亦是官二代，職銜包括全國政協委員、中華全國青年聯合會成員之一，並擔任社會和法制委員會專委。其父是曾任港區全國人大代表及常委的曾憲梓，也是金利來集團的創辦人。92年開始至今，曾憲梓多番捐出億元給國內建立教育基金、中國航天發展，08年又以億元設立「曾憲梓體育基金」，獎勵北京奧運會中國金牌運動員。打正愛國旗號的曾家，96年集團北上發展多個項目包括香煙及眼鏡等產品，並在廣州設立集團總部，估計市值身家近百億。曾憲梓育有三子，曾智謀、曾智雄及幼子曾智明。有傳79歲的曾憲梓近年已欽點幼子曾智明為接班人。次子曾智雄於06年跟妻子吳嘉寶分居，女方在香港報章刊登一篇「分居啟事」，指丈夫與一位楊姓女藝人有婚外情，令18年的婚姻破裂。

辭公職搬英國

老父出手保住頭家，但曾智明並無珍惜，繼續不聞不問。哀莫大於心死，隱退十一年的黎瑞恩，去年忽然復出開個唱，雖然是做慈善，歌酬及百萬收益全數捐到兩個慈善機構，但黎瑞恩其實是為將來隨時復出養家試水溫。據了解，近日黎瑞恩已辭去所有慈善公職，準備隨時帶埋子女遠走英國，早前她為個唱接受訪問，也曾透露為子女學業着想，打算定居英國；甚至提到在當地搞小生意，自給自足。「一旦要分開，小恩子唔會要任何嘢，只係要對仔女，佢唔想留喺香港，搬去英國一來陪仔女讀書，二來俾自己重新開始。」知情者說。

提婚變眼紅紅

老公變了心，一對子女是黎瑞恩最後防線。上週六、日（一月十一、十二日），一連兩天她都揸車外出，先與一對仔女到尖沙咀午膳，之後再送他們返課外活動，親力親為。本週一（十三日）送完細路返學，黎瑞恩過中環約老友林漪娸午飯，離開時，本刊記者上前求證她與丈夫關係有變一事，婚變、是否忍得好辛苦等問題觸動黎瑞恩的傷痛，只見她拳頭緊握，強忍眼淚。記者追問她老公是否有第三者及長期唔願返屋企，眼都紅埋的黎瑞恩沒有否認，只拋下一句：「唔好問我！」接着黎瑞恩急call司機盡快到場，並與林漪娸去了跑馬地一間美容院，留至傍晚六時許才離開。

手尾長

女人夢想嫁個有錢人！但豪門少奶並非人人啱做，尤其當婚姻亮紅燈也大把手尾，唔似得尋常人可以快手解決，話走就走！

朱玲玲

有「最美麗的港姐」之稱的朱玲玲，77年當選香港小姐冠軍後，翌年便與霍英東長子霍震霆閃婚並誕下三名兒子。自九十年代起，屢傳二人婚變，直到06年老爺霍英東病逝前一個月，朱玲玲才讓好友葉蒨文向外公布自己早在04年已離婚及於97年已搬離霍家，九年來守住婚變事實，全為了顧全霍英東面子。

羅霖

生了三個仔的羅霖於96年嫁給香港富商劉坤銘後淡出娛樂圈，二人結婚17年，傳出婚變多年，但二人極力否認。12年，羅霖終於承認與丈夫已分居，並透露結婚以來一直強忍對方的行為，更試過被動粗。去年羅霖與劉坤銘上演一幕爭仔風波，並暗示收到恐嚇訊息，希望前夫給她一條生路。