ZKIZ Archives


關二歌:音樂的尊嚴 林二汶

1 : GS(14)@2013-07-23 00:41:25

http://www.sharpdaily.hk/article/sup/20130722/214355
                                                    
                                            剛看到新聞,Radiohead的主音Thom Yorke炮轟收費音樂網站Spotify沒有公平對待新晉音樂人、新人的歌曲,就算點擊率再高,也得不到應有的報酬。對於這件事,我很有感受。我想,在世上,音樂或其他藝術行業也面臨很多不公平的對待。做音樂,似乎真的很難賺錢。這十年,大家都在談論這件事。賣唱片賺不到應有的回報,以為在網上收費平台可得到公平一點的待遇,偏偏連這個地方也可讓人失望,有時我真的想問問,音樂何價?做Show,從Print歌詞的助手到樂手也可賺到錢,偏偏在台上的人卻收不到應有的報酬,不知道大家是否覺得名氣是可吃飽人的。做音樂,不是窮理想,音樂為人類心靈帶來的價值高得很,這應該是很值錢的東西,為甚麼偏偏用心做好音樂卻如此坎坷呢?這明明就是不合理的事情,但大家都好像接受了,音樂的尊嚴去了哪裏?
錢雖然不代表全部,不過,錢,是基本的尊重。
關二 二歌 音樂 尊嚴 林二 二汶
PermaLink: https://articles.zkiz.com/?id=283567

【馮仁昭四圍超】二汶極速減30磅

1 : GS(14)@2016-09-13 00:19:20

林二汶下個月21號喺麥花臣連續3日開騷,之前佢為咗影演唱會海報,更地獄式喺兩個月內減咗30磅,由高峰期190磅減到160磅,到而家3個月,體重直線回落到136磅。二汶話張海報效法小鳳姐經典海報,用一塊布包全身:「肥妹仔比較難買衫,做衫只係用一次我又覺得好貴,某次聽到小鳳姐原來可以咁,我咪突然間諗自己得唔得呢?真係要多謝小鳳姐教路,又平又正,又唔失禮。」撰文:馮仁昭




來源: http://hk.apple.nextmedia.com/entertainment/art/20160912/19767723
馮仁 仁昭 四圍 二汶 汶極 極速 速減 30
PermaLink: https://articles.zkiz.com/?id=308786

減磅二汶攬教練示愛:我嫁畀你

1 : GS(14)@2016-10-24 06:12:16

■林二汶前晚開騷時落淚感謝健身教練好友Wallace,更與對方攬攬。



林二汶前晚在旺角舉行一連兩場音樂會,獲哥哥林一峰、林嘉欣、卓韻芝及黃耀明等撐場。減去60磅的二汶,以全黑貼身裝出場,當她除下圍巾時,台下粉絲大叫除衫,二汶笑說:「Sorry低咗少少,因為太熱。我身材好,亦都有福氣。」個唱中段,二汶換上T恤牛仔褲出場後高呼:「我着到嘞!」她並感謝認識多年的營養師兼健身教練好友Wallace,兼大講曖昧說話:「呢啲唔止係朋友,係真愛,我陣間落台就嫁畀你!」說罷唱出《漣漪》時更感動落淚,Wallace即上台與她抱抱,二汶說:「I love you!我話咗唔喊,但係為咗你。」二汶騷後受訪時被問到和Wallace的關係,她笑說:「我哋識咗好耐,如果要嫁嘅都會嫁畀呢啲男人,但佢好搶手,我搶唔切,只能成為密友。」採訪:羅慧敏攝影:陳俊強


■二汶完騷時鞠躬,全場觀眾拍掌支持。

■減去60磅的二汶換上T恤牛仔褲出場後高呼:「我着到嘞!」

■黃耀明及何韻詩(右)現身支持二汶開騷。



來源: http://hk.apple.nextmedia.com/entertainment/art/20161024/19810076
減磅 二汶 汶攬 教練 示愛 我嫁 嫁畀 畀你
PermaLink: https://articles.zkiz.com/?id=313425

林二汶激減60磅張繼聰變完美body震波王

1 : GS(14)@2016-12-21 23:41:58

潮流興做gym減肥,唔少藝人都操埋一份,令自己身形firm啲上鏡好睇啲!林二汶雖然大家見二汶好似仲係一個肥妹仔,不過其實佢俾咗好多心機減咗60磅,而且仲解決咗膝頭痛嘅問題,真係一個好勵志嘅例子!張繼聰近排喺大台曝光率增加嘅張繼聰,仲有「震波枚王」呢個朵。其實佢為咗呢個body下咗好多苦功,喺佢instagram經常都見到自拍佢副完美body俾大家睇,真係睇到人流晒口水。鄧月平(Larine)擁有35F逼爆上圍嘅鄧月平,係唔少宅男心目中嘅女神,只得19歲嘅佢有樣貌有身材,真係好多人都恨唔到。雖然佢攞唔到ViuTV美選冠軍,不過身材還是要Keep的,所以佢都有打拳做運動。




來源: http://hk.apple.nextmedia.com/entertainment/art/20161221/19872011
林二 二汶 汶激 激減 60 張繼 聰變 完美 body 震波
PermaLink: https://articles.zkiz.com/?id=319672

林二汶呻搞騷難搵贊助

1 : GS(14)@2016-12-28 08:12:28

林二汶前晚在九展擔任歌唱比賽評判,提到黃耀明、劉以達的達明一派演唱會找不到贊助,她認為「達明」仍然受樂迷歡迎:「我好鍾意明哥個答案『我哋唔受歡迎,所以冇贊助』,不過我覺得明哥喎?其實at17出年都計劃喺紅館開演唱會,我哋都有壓力,得幾千人我都食屎㗎啦!」有指沒有贊助和政治有關?她說:「唔知係咪市場唔好定轉型,好多騷都難搵贊助,係咪咁只有贊助先知。」對於英國殿堂級歌手佐治米高(George Michael)離世,二汶感慨謂:「今年好多巨星走,不過巨星係唔會殞落,身體會消失,但精神長存。我好鍾意佢,好唔開心。我有聽過2016年係200年嚟最壞嘅一年。」採訪:盧妹攝影:仇志德




來源: http://hk.apple.nextmedia.com/entertainment/art/20161228/19878653
林二 二汶 汶呻 呻搞 搞騷 騷難 難搵 贊助
PermaLink: https://articles.zkiz.com/?id=320365

【馮仁昭四圍超】二汶擇偶揀方中信類型

1 : GS(14)@2017-01-26 07:44:06

林二汶(左)早前為有線《雞年食得喜》節目擔任嘉賓,雖然二汶減磅成功,但依然好鍾意食。嗰日二汶同節目主持黃芳雯食西班牙菜之餘,話眼見身邊朋友個個都嫁咗人,覺得自己都係時候結婚,但佢話好着重另一半嘅外表,二汶話:「我鍾意方中信呢類型,多鬚但要剃。」有傳佢同盧凱彤嘅at17會重新合體,二汶話有咁嘅事:「我哋希望今年可以推出新歌。」撰文:馮仁昭




來源: http://hk.apple.nextmedia.com/entertainment/art/20170124/19906565
馮仁 仁昭 四圍 二汶 擇偶 揀方 中信 類型
PermaLink: https://articles.zkiz.com/?id=324017

「你唔孤單,我一直喺你身邊」林二汶咀盧凱彤宣佈at17重組

1 : GS(14)@2017-06-10 12:40:55

■盧凱彤(左)前晚舉行尾場演唱會,邀林二汶任嘉賓,二人一見面即咀嘴(圖)。



盧凱彤(Ellen)在灣仔藝術中心舉行一連四場演唱會,前晚去到最後一場,昔日隊友林二汶擔任嘉賓,二人即場宣佈at17重組,今年底將舉行成軍15周年紀念演唱會。而另一位嘉賓是麥浚龍(Juno),不過Juno因要拍戲無法到場,事前拍片在現場播放,又隔空與盧凱彤對唱,繼而再播出林夕和周耀輝兩個填詞人的分享,以寫歌經歷勉勵盧凱彤,還有居於多倫多的盧凱彤哥哥PJ,兩兄妹用facebook直播對唱。



盧凱彤(左)、林二汶

■盧凱彤以學生look彈結他打頭陣出場。


重提患躁鬱

盧凱彤表示唱歌彈結他是師承哥哥,學識後即參加歌唱比賽:「點知老師話,如果我唔入佢嘅chorus,就冇得入round2,好多人話娛樂圈係大染缸,其實早喺讀書時就有呢樣嘢發生。」繼而她感觸說:「機會嚟到又點?金曲歌、金像獎得獎又點?都係患上躁鬱症。」臨近尾聲,奏起at17的《三分鐘後》,林二汶出場,兩人合唱後即熱情擁抱再親嘴,林二汶說:「我第一場嚟睇,發覺Ellen講嘢都係唔叻,雖然佢話呢幾年單獨去行去闖,得到好多嘢又點呢?我想同Ellen講你唔孤單,因為我一直喺你身邊。」盧凱彤即感動地從後擁抱林二汶,林二汶續說:「我正式宣佈at17,10月正式合體,再開騷!」



■at17於02年出道,翌年舉行小型演唱會獲陳奕迅支持。資料圖片

■盧凱彤前晚與Juno隔空對唱。


拗撬更加勁

於演唱會結束後,盧凱彤接受訪問時說:「一個人孭4場騷好攰,真係夠晒皮,好彩中間有啲嘉賓錄片間場,畀我唞吓。」她稍後會到台灣舉行6場巡迴演唱會,再出席台灣金曲獎頒獎禮後,便會返港全程投入準備at17的演唱會,她說:「?家開始錄歌,再一齊嘅火花比以前更犀利,但都拗得更加勁,但一如以往,我哋有自己嘅方法去解決,只會更加有火花,今年係at17嘅15周年,加上又係2017年,所以想喺年底開騷。」採訪:馬建華攝影:仇志德




來源: http://hk.apple.nextmedia.com/entertainment/art/20170606/20045460
你唔 孤單 一直 喺你 身邊 林二 二汶 汶咀 盧凱 宣佈 at 17 重組
PermaLink: https://articles.zkiz.com/?id=334732

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019