中環在線：華爾街華人返中國打工 李華華
2008-09-22 AppleDaily
雷曼兄弟破產之後，華爾街又多人失業，當中仲有唔少華人精英。呢個消息對祖國金融機構講，可能係好事。話說祖國金融機構，無論國營或者民營，一直都好缺國際金融人才。原因係祖國金融市場冇外國咁成熟，本土人才經驗不足等。花旗國呢一次金融危機，正好間接令到金融人才回流我祖國。
高層親往招兵買馬
華華噚日睇到新浪財經報道話，好多國內金融機構高層已經把握機會，豐厚回報不在話下，更親自飛過花旗國招兵買馬，誠意十足。報道引述國內一家知名保險公司人力資源總監講，最吃香係有豐富實戰經驗，對國際金融市場同埋國內金融產品規則都清楚了解高級人員。良禽擇木而棲，華華覺得，祖國經濟前景好過美國，機遇比美國多，都係令到華爾街金融圈華人願意減薪返祖國幫手原因。
中環在線：裁員減薪潮殺入中國 李華華
2008-10-16 AppleDaily
一 場金融海嘯，搞到全球金融市場大亂，華爾街大行周身蟻，間間都即時減開支削人手。家吓裁員減薪風潮吹到祖國，傳聞指中金裁六分一人手，中信證券就「不裁員 只減薪」，減幅最多兩成，東航（670）更被指要全體員工齊齊減薪。據《每日經濟新聞》報道，中金同中信證券都話冇聽聞裁員或減薪。中金仲話一直請緊人， 尤其o依家正係吸納華爾街人才嘅大好機會喎。
傳中金炒六分一人手
之不過家陣市場萎縮，中金自己都出過研究報告，預計內地股市 每日成交額會由1200億（人民幣．下同）跌到600億銀，申銀萬國甚至話會縮到500億o忝。所以傳聞未必空穴來風，報道仲話券商減薪，其實係業內公開 嘅秘密。就好似東航要全部員工減人工，雖然公司照例否認，發言人仲話：「（就算有）減薪，都只係為咗控制成本。」
中信證券、東航走唔甩
不過，新浪財經引述東航員工講，上個月嘅內部會議，高層話，今年底公司嘅負債率會去到100%，仲話會實行全員減薪。
兩岸三地：金融海嘯中國獨活？ Uncle Ray
2008-11-04 AppleDaily
由 於金融海嘯，對有關國內企業的報道比平常更留意，原因是要評估一下，中國經濟能否「遺世而獨立」，還是「羽化而登仙」？10月28日，中糧地產（集團）有 限公司派發第三季度成績表，淨利潤約為12億元（人民幣．下同），比去年同期大跌98%。中糧地產的項目主要在深圳，08年3月，母公司中糧集團把長三角 地區約240多平方米土地注入中糧地產。一葉知秋，從中糧地產的業績，可以估計到其他內房股盈利情況。
企業盈利急插水
另一隻 在港上市，壟斷中國保險市場、向為一眾基金及散戶的愛股平保（2318），第三季度業績錄得78億元虧損，主要是對富通集團（Fortis）投資撥備 157億元。從08年1月至9月30日止，平保虧損約7億元，與市場憧憬公司高速增長的期望，落差很大。一直以高盈利增長來justify（合理化）國內 壟斷企業高P/E的神話，又一次幻滅；第四季，情況只會更差。其他如江銅（358）、紫金（2899）等資源股，盈利亦會江河日下，難怪上海A股插穿 1900點。
單靠內需難救市
世界銀行高級副行長、首席經濟學家林毅夫早前表示，中國受金融危機影響，相信會比其他發展中國家 小，況且，中國有強大的外滙儲備、外滙管制，及龐大的內需市場，能通過投資基礎建設、公共開支等項目，刺激內需，保持經濟增長。作為「首席」經濟學家，如 此這般的「高見」，未免把經濟問題看得過份簡單。如果政府「燒錢」就能刺激內需、改善經濟，世界上就不會有像柬埔寨、越南等窮國。官僚腦袋構造之特別，又 一例證。Uncle
[email protected]
中國澱粉(3838)報導選輯
2008-11-04 香港商報
中澱成本受惠玉米跌價
于英全又指，集團澱粉產品至今已達至去年銷售額的8成。不過，由於今年進行收購，前期投入的成本較多，預計今年較難達到去年純利增長。該公司去年純利急升2倍至2.04億元。
賴安酸業務方面，集團指其毛利率達20%，較玉米澱粉的14%為高，今年賴安酸亦已達到去年的銷售額。但當地電費加價11個點子，影響其毛利，加上其產品 的銷售市場較細，未來暫時不考慮擴充業務。現時公司的收入有60%來自澱粉及相關產品，20%來自賴安酸。明年將會增加澱粉比例。公司現時手持1.3億元 現金，銀行額度達2.2億元，未有現金壓力，未來亦有可能於西北地區進行收購。
2008-11-04 AppleDaily
中澱毛利率維持14.5%
【本報訊】中國澱粉（3838）執行董事于英全表示，今年首9個月公司整體毛利率維持在中期業績時的14.5%，因原材料價格下跌、產能錄得正常增長和產品成功提價，均有助降低經營成本上升的壓力。
今年加價一成
他 在山東省壽光市會見記者時解釋，佔公司逾40%收入的玉米澱粉，生產成本八成來自玉米，而玉米原粒每噸來價，已由高峯回落約7%至1600元（人民幣．下 同），但因公司玉米澱粉質素較佳，即使原先價格已較同業貴50至100元，但年初至今仍可提價10%。今年首9個月，該公司主營的玉米澱粉銷售量已達去年 全年的80%，今年底止年產能可升至85萬噸，去年全年約33萬噸。至於首9個月的賴氨酸產量，更已達去年全年整體100%，今年底止年產能將增逾1.1 倍至5萬噸；不過，未來不會再擴充，反而會力谷用途更廣泛的玉米澱粉業務。于英全指出，玉米澱粉產量在中國每年增長雖達18%，但實際用量只是日本的 12.5%，及美國的5%，因產品可令粉絲更滑口、令紙張更光白、令布匹更堅韌，並非僅限於釀酒及工業製作，故發展潛力可觀。他指該公司手頭現金1.3億 元，未動用銀貸額度2.2億元。
2008-11-04 SingPao
求過於供中國澱粉接單理想
【記 者黎小華濟南報道】全球經濟下滑，然而內地需求仍然強勁，中國澱粉(3838)財務總監梁兆康更指，截至今年9月底止，澱粉業務之接單量已經到達去年全年 水平，而賴氨酸的接單量亦達到去年全年的80%。他續稱，內地對於澱粉的需求仍然高於供應，故此對集團的前景有信心。然而在經歷兩年免稅安排後，今年首次 要繳交12.5%稅項，執行董事于英全坦言會對盈利存在部分影響。
玉米價跌成效明年 顯見
玉米價格自6月每浦式耳800美仙下調至上月27日低位364美仙，跌幅高達50%。于英全指，玉米價格下降有利減低成本，然而中國澱粉的訂單早於3個月 前訂下，有可能至明年初才能體驗降價的成效。其又剛完成附屬公司德全金玉米的技術改造，目前玉米澱粉的產能達85萬噸，要視乎原材料配合，才能決定何時把 產能提升至85萬噸水平。
據集團08年度中期業績報告指，由於煤碳價格不斷飆升，佔集團總收入約20%的電力及蒸汽業務之毛利率下跌逾半，至剛逾14%水平。然而國際煤碳價格自6 月高位每噸152美元，急挫逾三分一至上月底的每噸87美元水平，有利減低相關業務成本。集團會計魏國英指，目前電力及蒸汽業務只有30%為上網電力對外 銷售，隨着內地上調上網電價，集團所生產的電力電費亦上調11點子，預期今年全年相關業務毛利率亦能夠維持上半年水平。
市場傳聞中國澱粉正洽購多個新項目，于英全指，收購合併是壯大集團最好的方法，然而不會為收購而收購，儘管其一直有留意收購項目，最終亦要視乎協同效應，目前未有項目處於成熟階段。
中環在線：潘石屹「中國自身難保」 李華華
2008-11-07 AppleDaily
金 融海嘯演變成全球經濟危機，歐美老外見中國外滙儲備咁叠水，都期望中國科水救市做白武士。SOHO中國（410）主席潘石屹喺最新一期自家月刊《SOHO 小報》話，早前去咗一轉花旗國，上機前喺coffee shop買嘢飲，個sales同佢講：「你哋係中國人，真好，你哋有錢，全世界都等住你哋嚟拯救。」
泥菩薩靠唔住
佢返到北 京，一落機就喺停車場聽到兩個煤炭運輸工人講，煤炭由每噸130蚊人仔，減到40蚊都冇人要。潘石屹覺得，兩件事後者係中國市場嘅實況，前一件只反映老外 嘅幻想。佢話老外誤以為中國人有錢，一廂情願當中國係救星，根本唔了解中國都係泥菩薩過江，自身難保。佢仲打咗個比喻，話如果經濟體系上中國係地球，美國 就係太陽，美國出事，中國點會唔受波動？以為美國繞番中國轉？更冇可能，中國仲未有咁大本事！
中環在線：搶中國頭啖湯冇着數星交所公開認低威 李華華
2008-11-20 AppleDaily
內 地滬、深交易所成日都話會推出指數期貨，但講咗幾年都係只聞樓梯響，到家吓依然影都冇。新加坡交易所就有理冇理，兩年前搶先內地推出「新華富時A50指數 期貨」。不過星交所搶飲頭啖湯，未必一定有着數，星交所市場部副總裁周星前日喺內地出席一個期貨論壇時，首次認低威，話搶先推出A50指數期貨係「錯誤嘅 決定」。
離岸期貨交投疏
周星話，當初星交所如意算盤，係諗住新華富時A50指數期貨推出後，內地會隨即推出滬深300股指期 貨，但等咗兩年幾，依然冇聲氣落實推出；加上爆出上海證券交易所控告新華富時指數公司嘅違約官司，造成負面影響，拖累A50指數期貨嘅流通性同成交量萎 縮。講真，星洲隻A50指數期貨係離岸期貨，內地資金要投資點都唔係咁方便，所以周星都話，如果等中國本地指數期貨先推出，A50指數期貨會有更好發展 喎。話說星交所06年9月5號推出新華富時A50指數期貨交易，即時喺內地掀起一輪A股指數期貨「保衞戰」。
內地掀侵權官司
當 年上交所控告新華富時指數公司違反合約，指新華富時05年同佢哋簽訂合約，未得佢哋許可，唔可以私自用佢哋嘅資料同其他人合作推出衍生產品，結果新華富時 被上海法院判罰2萬銀美金。其實星交所不嬲都快人一步推出離岸指數期貨，唔單止搶飲中國頭啖湯，仲快過日本同台灣，推出當地指數期貨。至於香港嘞喎，港交 所（388）又點敢快過阿爺，推出A股指數期貨咁大逆不道呢？李華華
[email protected]
Next Page