ZKIZ Archives


龔嘉欣罕晒三點式Coffee真空迎戰

1 : GS(14)@2016-07-09 06:36:03

26歲嘅龔嘉欣形象不嬲健康,喺佢微博post相啲look一向都keep住健康為主,間唔中真係間唔中會露下腰仔咁已經係佢最性感,不過呢條例昨日就打破咗喇!事關龔嘉欣post咗張三點式泳衣相,雖然睇落呢張似係廣告造型相,不過嘉欣輕輕地show咗事業線,又好大幅度畀佢條纖腰大家睇!今次真係宅男福音,真係要好好珍惜!嘉欣初試性感,行開性感嘅Coffee林芊妤梗係要出嚟迎戰啦!去咗峇里嘅Coffee昨日就着住一件吊帶針織縷空背心,咩話?睇慣咗?小子你太年輕了!Coffee出招點會小兒科,睇真啲件縷空背心入面係真空o架!





來源: http://hk.apple.nextmedia.com/entertainment/art/20160707/19684333
龔嘉 嘉欣 欣罕 罕曬 三點式 Coffee 真空 迎戰
PermaLink: https://articles.zkiz.com/?id=302906

三點式海邊拍寫真 崔碧珈曬燶36G

1 : GS(14)@2016-07-09 07:02:10

■擁導彈胸的崔碧珈,首次推出寫真集大賣健康美。


書展又到喇!擁有36G魔鬼胸、有「崔big瓜」之稱的崔碧珈(Anita),今年首次推出寫真集胸戰一眾僆模。問平時出席活動或拍電影已有超性感演出的Anita,今次影寫真是否會破底線?她透露:「今次本書雖然都有三點式泳裝,但成個feel係想走運動風格同健康,希望畀人知道運動係健美最好方法。」跟眾僆模胸戰可有壓力?Anita則相信每個人都會有自己風格,會用平常心面對,又說今次拍攝都很順利,唯一是去海灘拍外景時,經常被蚊叮及曬傷了皮膚。



■崔碧珈的寫真集包括沙灘系列,她自爆拍攝這輯相後手腳曬甩皮。

■崔碧珈表示將來最想出關於運動及烹飪的書籍。



望推出不同書籍


除了身材出眾,畢業於英國中央蘭開夏大學(University of Central Lancashire),擁市場學大學學位的Anita,可有考慮將來在書展推出其他書籍?她即表現興奮,笑說:「我本身有健身教練牌,其他運動好似行山、跑步、打排球都鍾意,仲有係煮飯畀自己食,所以如果將來有機會,我都想出關於呢啲類型嘅書。」另外,同樣首次出寫真,今年21歲的姚紫茵(Bonnie),昨日於銅鑼灣舉行寫真發佈會,為其半裸無露點的寫真集造勢,同場還有黃榕、趙哲妤、程芷渝等人。


■有男粉絲昨日上台讓姚紫茵餵食熱狗。

姚紫茵唔想太膠

Bonnie昨日以一身性感造型出現,餵現場男粉絲食熱狗。Bonnie受訪時更自爆影寫真後去了做整形手術,包括割雙眼皮及修眼袋,她說:「同以前個樣係唔同咗,不過冇開刀,亦冇乜地方想執,唔想太硬膠,今次影呢本寫真係希望各界多關注乳癌,會將部份收益捐畀乳癌基金會。」採訪:張俊銘攝影:陳志嵐





來源: http://hk.apple.nextmedia.com/entertainment/art/20160709/19687181
三點式 海邊 寫真 崔碧 碧珈 珈曬 36G
PermaLink: https://articles.zkiz.com/?id=303132

藤井Lena大晒三點式池邊晒股益街坊

1 : GS(14)@2016-07-13 05:15:47

日本女模藤井Lena曾經以索爆形象冧盡男女紛絲,可惜佢自走紅後負面新聞多多,除咗曾經被電視台踢爆違例泊車70次,又拖欠近48,000港元嘅罰款,之後再傳佢曾被一名年過半百嘅阿叔包養,搞到形象越來越差,趕走唔少支持者,近年佢就開埋微博,實行放眼內地市場。藤井Lena啱啱喺7月2號過咗32歲生日,連日嚟佢都獲好姊妹一齊慶祝,前日佢仲喺Instagram公開咗着去泳池嘅相,藤井Lena話呢次係今年首次去泳池,身材火辣嘅佢當然不忘公開三點式照,坐喺池邊又趷籮益吓街坊。





來源: http://hk.apple.nextmedia.com/entertainment/art/20160713/19692484
Lena 大曬 三點式 池邊 曬股 股益 街坊
PermaLink: https://articles.zkiz.com/?id=303557

【馮仁昭四圍超】大肚李樂詩晒三點式

1 : GS(14)@2016-07-15 05:16:37

李樂詩(Joyce)有咗第三胎,預產期係10月,陀仔6個月嘅Joyce同老公Ted日前一家五口去布吉度假。Joyce話小朋友好enjoy,佢哋坐車酒店轉酒店都好開心。Ted熱愛水上運動,所以每到一間酒店都要參觀泳池,Joyce着三點式泳衣由老公Ted操刀拍大肚寫真,Joyce話:「前兩胎都係老公負責影,佢都好專業,影出嚟好有自然美。」撰文:馮仁昭





來源: http://hk.apple.nextmedia.com/entertainment/art/20160715/19695265
馮仁 仁昭 四圍 大肚 樂詩 三點式
PermaLink: https://articles.zkiz.com/?id=303837

消失的大奶奶仲未搵得番周秀娜三點式晒iPad

1 : GS(14)@2016-08-19 06:55:50

曾幾何時,一張倒奶刷牙相吸引萬千宅男嘅女神周秀娜,o依家佢已經冇以前咁慷慨經常展示佢傲人嘅身材,最多都係騷下長腿。娜姐最近又趁暑假去旅行喇,今次例牌有同朋友飲嘢吹水相,唔少得嘅當然仲有泳衣相!昨日娜姐仲貼咗張着黑白間比堅尼嘅上半身照,雖然係着住比堅尼,但佢瞓咗喺到自拍,令兩邊山峯拉平咗,真係想唱:「如何回到當時」。講到呢度,真係不禁想幫娜姐報失,搵番佢原來有嘅嘢。




來源: http://hk.apple.nextmedia.com/entertainment/art/20160819/19741728
消失 的大 奶奶 仲未 未搵 搵得 得番 番周 周秀 秀娜 三點式 iPad
PermaLink: https://articles.zkiz.com/?id=306516

同細妹齊晒三點式34C吳亞馨selfie縮肚

1 : GS(14)@2016-09-01 06:12:06

34C火辣身材嘅台灣性感女星吳亞馨,舊年4月被人影到人肉速遞到港,共度春宵,日前同跳舞歌手狄易達和平分手,年半情已經玩完!吳亞馨未知係唔係為療情傷,就四圍去玩,不時貼出性感相,昨日佢又喺Instagram貼出同友人嘅合照,原來出海睇海豚,又喺船上甫士影相,跟手又po咗啲攤喺沙灘椅嘅相上網,大晒纖腰,噴血指數爆燈,之但係有眼利見網民見佢影相有啲縮肚!!!




來源: http://hk.apple.nextmedia.com/entertainment/art/20160831/19754764
同細 細妹 妹齊 齊曬 三點式 34C 吳亞 亞馨 selfie 縮肚
PermaLink: https://articles.zkiz.com/?id=306913

一到外地大解放女星旅行愛晒三點式

1 : GS(14)@2016-09-01 06:24:22

女星們,一時好性感、一時又好密實,想知佢知道佢哋幾時多布幾時少布,除咗睇活動嘅酬勞同要求之外,仲可以睇佢哋喺咩地方,因為通常啲靚女,一去到外地就會大解放。周秀娜曾幾何時都係宅男們嘅女神,不過上晒位之後,佢收起咗唔少性感,不過早前佢去咗馬爾代夫渡假,貼咗張三點式嘅相出嚟,仲瘦到變埋iPad胸,將兩座D奶山峯移走。沈卓盈間唔中演出都會著得性感,但佢去外地旅行叉電嗰時,就嚟個大解放,有三點式泳衣、及全白透視一件頭泳衣,,件件都無番咁上下好身材都著唔起。人妻吳雨霏(Kary)後卻頻頻大解放,經常去渡假著三點式,大晒「優質股」,得到唔少好評。人妻陳自瑤之前同老公王浩信,一齊去咗旅行,仲影咗勁多三點式嘅相,大晒佢fit到爆嘅身材!何傲兒喺馬來西亞享受假期,當然嚟個泳裝大解放,貼咗唔少三點式泳照,晒出逼爆嘅S型嘅身材,更在泳池中展露白滑玉背,真係好誘惑。萬綺雯同老公陳十三一齊嘆緊世界渡假,陳十三仲連po幾張蚊蚊著住噴血三點式嘅相,有幾張仲喺床上影。




來源: http://hk.apple.nextmedia.com/entertainment/art/20160901/19756546
一到 外地 大解 女星 旅行 愛曬 三點式
PermaLink: https://articles.zkiz.com/?id=307023

港姐港男結果出爐胡㻗搭三點式佳麗膊頭有反應?

1 : GS(14)@2016-09-13 00:19:17

《2016香港小姐競選港姐決賽》昨晚舉行決賽,今次大台就搞搞新意思,玩港姐同港男玩crossover,喺問答環節入面,港男四強之一嘅胡㻗,同港姐候選佳麗5號蘇韻姿同台。問題講到,本身雙方當大家兄弟,蘇韻姿越嚟越鍾意胡㻗,問蘇韻姿點辦好。叻哥問完問題後,胡㻗隻左手一嘢搭落,身穿三點式嘅蘇韻姿膊頭,話:「我哋係好朋友」。之後即刻彈開向後縮,冇幾耐就用左手遮住自己下體,乜咁敏感呀?蘇韻姿睇嚟都feel到唔對路,睥咗胡㻗一下,但係又即刻入戲,輕輕掃佢左臂,仲叫胡㻗做BB o添!至於港姐同港男結果,昨晚亦一同宣佈。港男三甲分別係:冠軍—4號黎振燁、亞軍—9號丁子朗、季軍—1號鍾君揚。港姐三甲分別係:大熱奪冠—6號馮盈盈、雙料亞軍—2號劉穎鏇、季軍—7號陳雅思。




來源: http://hk.apple.nextmedia.com/entertainment/art/20160912/19768223
港姐 姐港 港男 結果 出爐 三點式 佳麗 膊頭 頭有 反應
PermaLink: https://articles.zkiz.com/?id=308768

陳敏之影大肚三點式

1 : GS(14)@2016-09-13 08:04:22

■陳敏之相約好友去旅行,更大晒索爆泳裝相。微博圖片



陳敏之陀B差不多六個月,最近與梁烈唯兩夫妻等一班朋友去旅行,更與同樣大肚的唯唯老婆一齊打乒乓波。敏之昨日在微博貼出與友人的大合照,並留言:「那些年,爆友們一起去旅行,目的是相聚,慶生,babies moon,真的爆開心!每天都笑到喊!我只能說每年一定要舉行一次這樣crazy的旅行吧!你們都太牛吧!」此外,敏之又大晒索爆三點式相,雖然陀B六個月,但肚皮仍未算太大,手腳亦依然纖幼,但上圍則明顯比以前升了cup,索上加索!撰文:小米




來源: http://hk.apple.nextmedia.com/entertainment/art/20160913/19768726
陳敏 敏之 之影 大肚 三點式
PermaLink: https://articles.zkiz.com/?id=308911

【馮仁昭四圍超】沈卓盈三點式出海

1 : GS(14)@2016-09-27 07:14:51

「沈大師」沈卓盈噚日喺社交網貼噴血比堅尼相,着粉紅色三點式嘅沈大師坐遊艇出海曬太陽並寫道:「好耐冇出海玩,今日陽光特別燦爛,希望冇曬黑到啦!」皮膚白過白滑雞蛋嘅沈大師,當然怕曬啦,網友留言大讚:「真係索到爆!」、「我喜歡你的腳,好性感。」之前傳沈大師同有米男友打得火熱,對方家族經營內衣褲出口生意,唔知沈大師係咪坐男友遊艇出海呢?撰文:馮仁昭




來源: http://hk.apple.nextmedia.com/entertainment/art/20160926/19781714
馮仁 仁昭 四圍 沈卓 卓盈 三點式 出海
PermaLink: https://articles.zkiz.com/?id=310154

方中信睇三點式相提神

1 : GS(14)@2016-10-10 00:43:53

方中信(中)、李佳芯、曹永廉、黃智雯、張曦雯和蔣志光等,昨日為劇集喺將軍澳宣傳,講到方中信在拍攝期間不時以同劇女演員的三點式相片來提神,他解釋道:「一拍廠景就頭暈,惟有用呢啲開吓玩笑,仲有郭少芸,佢上咗年紀,搵番亭亭玉立嘅相出來,真係精神為之一振,智雯就近啲,少芸同我差不多年紀,所以都難搵,佢好玩得。」




來源: http://hk.apple.nextmedia.com/entertainment/art/20161008/19794307
中信 三點式 提神
PermaLink: https://articles.zkiz.com/?id=311183

【馮仁昭四圍超】Kary三點式晒平肚

1 : GS(14)@2016-10-10 16:14:39

人妻吳雨霏(Kary)暫別樂壇享受悠長假期,噚日喺社交網晒黑色泳衣相,佢坐喺池邊擺chok甫士曬太陽,藍天白雲真係見到都心情靚,難怪Kary露燦爛笑容晒酒窩。Kary留言:「請勿打擾!」之前有傳Kary戒凍飲又着平底鞋,疑似懷孕,不過睇佢着三點式嘅苗條身材,大肚之謎不攻自破,網友都留言讚佢:「七成熟的Kary」、「好索啊!」撰文:馮仁昭




來源: http://hk.apple.nextmedia.com/entertainment/art/20161010/19795967
馮仁 仁昭 四圍 Kary 三點式 曬平 平肚
PermaLink: https://articles.zkiz.com/?id=311408

【馮仁昭四圍超】李思欣解禁着三點式

1 : GS(14)@2016-10-24 06:12:24

李思欣自嫁咗畀范振鋒升呢人妻後,衣着大受老公監管,性感款式全部被「退貨」,思欣噚日過澳門度假,落酒店泳池嬉水,佢立即解禁,換上三點式泳衣,無懼秋意,思欣仲將相片貼facebook分享並留言:「寫意的一個下午,可以浸到日落吧!」思欣噚日笑言老公尺度太高,所以買三點式泳衣有難度:「而家買少咗,不過我呢套泳衣同寫真僆模比,好濕碎。」撰文:馮仁昭




來源: http://hk.apple.nextmedia.com/entertainment/art/20161024/19810241
馮仁 仁昭 四圍 李思 思欣 解禁 三點式
PermaLink: https://articles.zkiz.com/?id=313448

三點式激露晒泳姿Sulli性感冇底線

1 : GS(14)@2016-10-27 06:02:41

韓國女團f(x)前成員Sulli日前喺Instagram晒相又出事,因為真空着住件白衫而搞到飛釘,更惹嚟唔少網民抨擊。不過Sulli就未有收歛,呢兩日繼續喺Ig上載新相新片,當中佢就孖認識11年嘅女性朋友去咗希臘同意大利旅行,佢又大晒泳照,展示喺水中嘅泳姿,可見着上比堅尼嘅Sulli喺海中暢泳,不過鏡頭一向下移,原來Sulli喺好淺水嘅地方,佢雙手仲掂到地下,不過粉絲都大讚佢好勇敢,事關佢一直都好怕水,睇嚟佢終於克服心魔,終於唔怕水。而其他片段都可以顯示佢同女性朋友玩得好開心,兩人不時喺街頭跳舞,Sulli又留言:「雖然對你來說我係好鬱悶好蠢嘅朋友,但從我剛到首爾嗰時候開始,謝謝你一直喺我身邊。」




來源: http://hk.apple.nextmedia.com/entertainment/art/20161027/19813338
三點式 激露 露曬 曬泳 泳姿 Sulli 性感 底線
PermaLink: https://articles.zkiz.com/?id=313691

嘉欣着三點式陪囝沖涼「分享症」阿縈禁康堤開fb

1 : GS(14)@2016-11-16 05:10:15

人人話贏在起跑線,就算有些家長明知人生其實係一場馬拉松,都會着緊自己仔女,畢竟望子成龍係每個家長嘅心願。就正如小朋友好比一張純白嘅紙,所以家長嘅身教都好重要,前年林嘉欣就帶長女Kayla親到金鐘,一齊體駛佔中。原來圈中都有好多非常父母,用非常方法教導小朋友。李嘉欣、梁政珏「大美人」李嘉欣前年就着住三點式泳衣,同囝囝Jayden洗白白,親身示範另類親子活動。除咗大美人着三點式同囝囝親子洗白白,仲有「咪神」梁政珏,佢就着住三點式泳衣,同只有9個月大嘅囝囝Johnson,邊沖涼邊教佢學英文字母。王菲一向唔係好鍾意講嘢嘅阿菲,佢教女都係用一套「唔囉嗦」嘅方法,之前佢個大女竇靖童接受訪問時就講過阿媽係佢16歲前有一個10點門禁,遲到就會微信佢。童童仲話阿媽對佢管教有嚴有鬆,但就好重視禮貌,仲好開通咁俾佢任紋身。徐濠縈俾何超儀話有「分享症」嘅阿徐,原來佢個女康堤,o依家都仲未有facebook,到今年升中,先有一部電話,同俾佢開一個instagram account,但個account就要限制私人,而佢仲會睇吓佢個賬戶嘅followers,保護阿女個私隱做得好足。魏駿傑魏駿傑同大陸嫩妻張利華嘅教小朋友方法,就比較奔放,好似喺2012年,《蘋果》就影到佢哋一家三口喺西貢,當時佢哋兩公婆就好開放咁,由得當時只有兩歲嘅囡囡Jessica,大街大巷咁赤腳狂奔,同當街換尿片。趙薇趙薇同新加坡富商黃有龍結婚後,就生咗個女「小四月」,但佢哋真係一對模範父母,12年,佢哋就俾2歲幾嘅小四月幫手洗筷子,完全唔使工人服侍,認真精乖。




來源: http://hk.apple.nextmedia.com/entertainment/art/20161114/19833335
嘉欣 欣著 三點式 陪囝 沖涼 分享 阿縈 縈禁 康堤 fb
PermaLink: https://articles.zkiz.com/?id=315664

【馮仁昭四圍超】陳寶珠三點式嚟啦

1 : GS(14)@2016-12-31 01:06:41

陳寶珠噚日喺中環出席新書《青春的一抹彩色影迷公主陳寶珠》記者會,獲七公主馮素波同沈芝華,以及近百名粉絲到場支持。套書共有三冊,最吸引係有唔少珍貴相片,由寶珠姐6歲登台到?家共200張,唔少係佢嘅珍藏,第一次刊登,當中有一張寶珠姐着泳衣嘅相,佢話係自己無聊影。



■寶珠姐話書內有好多珍貴相片,包括呢張從未曝光嘅三點式相。

■寶珠姐獲(左二起)七公主沈芝華及馮素波提早慶祝生日。


預祝生日

寶珠姐說:「張相未出過街,嗰時天經(兒子)返咗學,喺屋企冇嘢做影相留念。」後日係寶珠姐70歲生日,所以大會安排咗個大蛋糕預祝。講到今次出書係好朋友汪曼玲拉攏,又多得好多fans提供番一啲舊相,寶珠姐話:「睇番啲相可以話係百感交集,回顧一生行過好多路,有歡樂有唔歡樂,明白人有順逆境,好多謝身邊朋友畀到正能量我。」又透露今次賣書收益,會全數捐去血癌基金。至於另一冊名為《玉女沒有秘密》嘅書,就搵咗寶珠姐一班好友做訪問。撰文:馮仁昭




來源: http://hk.apple.nextmedia.com/entertainment/art/20161230/19880735
馮仁 仁昭 四圍 寶珠 三點式 嚟啦
PermaLink: https://articles.zkiz.com/?id=320688

王浩信靚仔又識影相幫老婆影靚靚三點式

1 : GS(14)@2017-01-12 08:03:27

一個女仔,身邊有一個識影相嘅男朋友,絕對係一種幸福,因為留住自己最靚一刻,好緊要㗎嘛!如果唔係刻意去認識啲攝影師,真係要幾幸運先可以做到,而以下呢幾位女士,就做到喇!陳自瑤老公王浩信,最近就人氣急升,雖然攞唔到視帝,不過就好多網民都覺得佢應該嘅,都叫做「民間視帝」。王浩信除咗好戲,仲係好老公,一年前佢同老婆去旅行,王浩信就幫老婆影咗輯靚相,已為人母嘅陳自瑤係以三點式上陣㗎!何佩瑜(Jeana)自從同翁子光公開戀情之後,成日都晒恩愛,之前佢哋兩個去咗馬爾代夫,翁子光就化身「私家」攝影師,幫Jeana影咗輯寫真,有水着,又有背心短褲造型,睇到心心眼。林峯堂妹林夏薇,同拍拖兩年嘅45歲才俊莫贊生(Jason)結婚後,早前兩公婆出海玩,莫贊生仲幫林夏薇影咗輯泳裝相,fit嘅程度拍得住未結婚嗰時。喺節目做司儀好叻嘅陸浩明(6號),女朋友就係專業模特兒Ayan,之前《蘋果》影到佢同埋個朋友一齊去街,6號仲攝影大師上身,教埋女朋友擺甫士,識影相又識教,仲係難得。




來源: http://hk.apple.nextmedia.com/entertainment/art/20170111/19893373
王浩 靚仔 又識 識影 相幫 老婆 影靚 靚靚 三點式
PermaLink: https://articles.zkiz.com/?id=322191

江若琳出三點式相集

1 : GS(14)@2017-04-22 10:49:50

江若琳昨日到新城宣傳新歌《小燈塔》,為紀念今年入行十年,她決意重返樂壇,表示已籌備下一首歌,並以愛情做題材,希望今年9月底踏入30歲時舉行一個演唱會,江若琳心思思想在旺角麥花臣球場開騷,她說:「雙重意義,麥花臣係細型場地,可以拉近同歌迷之間嘅距離。」江若琳還想籌備推出30歲寫真集:「我20歲入行時出過一本,30歲想出半熟靚相集加散文,記錄自己,40歲就帶住兩個仔女又影一本。呢十年我好多嘢值得紀念,希望用文字同大家分享我心底話、人生觀。」江若琳不介意健康三點式示人,近年愛上潛水的她,笑言不妨半熟潛水look出鏡。問到江若琳跟寰宇老闆林小明的合約糾紛?她說:「未搞掂,仲進行中,冇進展。」撰文:楊定



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170422/19997345
若琳 三點式 相集
PermaLink: https://articles.zkiz.com/?id=331337

唐詩詠三點式濕身誘惑高寧普通話教《孫子兵法》

1 : GS(14)@2017-05-07 15:29:03

大前日嗰集《不懂撒嬌的女人》有唐詩詠當住王浩信面前換衫,露出一件白色小背心,以為好吸引眼球喇?No la,因為前日唐詩詠為咗接近大老闆「游生」袁文傑,換咗件三點式泳衣游水。呢一幕睇得出大台好有心思,因為大大隻嘅袁文傑游自由式,唐詩詠就游背泳,點解咁樣?你懂的,因為咁影出嚟效果好啲嘛。至於「Mall姐」宣萱同林文龍兩個仲為公司權力周旋中,點知真正嘅高手原來係高海寧,新入職第二日,已經冧掂宣萱同林文龍兩位上司,一面假意同林文龍食飯,一面就話要幫宣萱打贏呢場辦公室鬥爭。高海寧搶晒鏡嘅原因唔只係得身材,仲識教番宣萱用《孫子兵法》,得意嘅係講到《孫子兵法》,高海寧就要用普通話講對白,唔通咁樣會專業啲?




來源: http://hk.apple.nextmedia.com/entertainment/art/20170507/20013656
唐詩 三點式 濕身 誘惑 高寧 寧普 通話 孫子 兵法
PermaLink: https://articles.zkiz.com/?id=332389

馬爾代夫Babymoon胡杏兒三點式浸水遮肚

1 : GS(14)@2017-05-19 05:43:49

胡杏兒喺母親節當日,就同大家宣佈懷孕4個月喺消息,早前佢就同老公李乘德(Philip)喺馬爾代夫Babymoon,真係好鬼sweet。前晚Philip又喺instagram再放閃,今次就係上載咗老婆杏兒着住三點式嘅泳衣相,但見到杏兒半個人浸喺泳池入面,所以就唔能夠清晰見到佢個肚肚,Philip仲留言:「Hot(pregnant)wife alert。」好多網民見到都同佢講恭喜,仲提醒杏兒喺陽光充沛嘅馬爾代夫,記得搽太陽油防曬。




來源: http://hk.apple.nextmedia.com/entertainment/art/20170519/20026509
馬爾 代夫 Babymoon 胡杏 杏兒 三點式 浸水 遮肚
PermaLink: https://articles.zkiz.com/?id=333661

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019