母親節報喜杏兒宣佈陀B「寶寶在肚裏做仰卧起坐」
1 :
GS(14)@2017-05-18 02:14:13■37歲胡杏兒和老公結婚兩年成功造人，昨趁母親節公佈懷孕喜訊，老公親吻腹中胎兒幸福滿瀉。
現年37歲的人妻胡杏兒跟老公李乘德結婚兩年趕生B，原來已經靜悄悄造人成功，懷孕超過三個月度過危險期，昨日杏兒趁偉大的母親節，公佈將為人母的喜訊，笑言「李寶寶已在我肚子裏做起仰卧起坐了」，問到BB是仔定女？杏兒說：「?家最緊要係佢健康！」
參選99年港姐奪得季軍兼三料視后的胡杏兒，於2015年嫁給沙頭角圍村王子、現為獵頭公司行政總裁的李乘德，兩人舉行「祝李杏福」浪漫婚禮，經過兩年努力趕造人，昨趁母親節的大日子，在社交網貼BB超聲波相公佈喜訊：「今年的母親節太特別了，感恩上天送給我們的禮物。我們的李寶寶已在我肚子裏做起仰卧起坐了。」
作悶胃唔舒服
原來兩人飛到馬爾代夫享受Babymoon，在藍天碧海下甜蜜合照放閃，李乘德更跪地親吻老婆腹中胎兒，杏兒接受《蘋果》訪問分享喜悅：「之前一直唔講得，老公都擔心，因為三個月之前都有危險，大家都要保守秘密，好多人都冇講，最尾先同好close嘅朋友同屋企人講，?家順利過渡可以同大家講。」
■超聲波相中，屈起雙腳的BB遮住性別。
■杏兒成為胡說八道會第一位媽咪，五位閨蜜成員都要做契媽。互聯網圖片
首次大肚的杏兒表示，懷孕初期經常作嘔作悶：「初初陀嗰時會辛苦啲，成日想嘔，好似個胃唔舒服，又冇乜胃口咁，但我諗唔算好嚴重，因為冇嘔過出嚟。」問到會否停工待產？她說：「當然你話拍劇好長時間，又唔係孕婦角色，就梗係接唔到啦！不過唔會全面停工，會揀囉，有啲自己應付得到都會做，不過都要問過老公先，屋企人都擔心，尤其係奶奶，多謝奶奶好錫我，日日喺屋企煮好多嘢畀我食，好照顧我。」至於BB的性別，杏兒笑說：「老公話唔好咁心急住，等佢大個啲再問醫生，?家最緊要係佢健康。」
一齊上湊仔班
杏兒榮升「胡說八道會」第一位媽咪，幾位閨蜜成員都戥她開心，胡定欣昨回覆傳媒送祝福：「終於可以唔使守秘密啦，當然戥佢開心，佢一路好期待，但一路有工作在身，我哋都有叫佢快啲完成工作，好好調理身體。」曾跟李乘德拍拖的舊愛李施嬅，笑言希望五位成員齊做契媽：「我哋都OK㗎，但契唔契我哋都好錫杏兒嘅BB，我仲諗緊想同佢一齊上湊仔班㖭。」問到是否學定做人母？她說：「唔係，我學嚟照顧朋友嘅BB。」
■杏兒今年初拍內地劇《那年花開月正圓》時，已懷有身孕。
■杏兒在馬爾代夫享受Babymoon，輕撫微隆的腹部充滿溫馨。
另一位人妻成員胡蓓蔚就爆杏兒懷孕後滴酒不沾：「我哋都估到嘅，因為佢都比較錫身，呢排出去飲一杯半杯，佢都話唔飲酒啦，要飲啲暖嘢。中國人傳統未過三個月要保密，我要快啲恭喜佢先，我就嚟做契媽喇！我係大家姐，?家變大契媽！」問她跟老公單立文（豹哥）有否計劃生BB？胡蓓蔚笑說：「我同豹哥近期冇乜時間見面。」採訪：唐心悠、皓騫、魯吉、嵐山
來源:
http://hk.apple.nextmedia.com/entertainment/art/20170515/20021289
大肚都要靚 胡杏兒跌膊花裙look宣佈有喜
1 :
GS(14)@2017-05-18 02:14:14胡杏兒在昨日母親節宣佈有喜，於instagram放上照片同大家分享好消息。正在馬爾代夫同老公李乘德度假的杏兒放上在海灘拍攝的baby bump靚相，看到她雙手輕掩微隆的大肚，但手臂依然好纖幼。杏兒特別選穿了一件鬆身的連身裙，但大住肚都仍然要騷下香肩，單邊跌膊着法配合一朵鮮花作頭飾營造度假風。杏兒身上的花裙是美國名牌Mara Hoffman的新一季出品，品牌的設計主打七彩繽紛的印花，有不少明星捧場客如美國女星Blake Lively、Rihanna與劉嘉玲。
來源:
http://hk.apple.nextmedia.com/entertainment/art/20170515/20021983
馬爾代夫Babymoon胡杏兒三點式浸水遮肚
1 :
GS(14)@2017-05-19 05:43:49胡杏兒喺母親節當日，就同大家宣佈懷孕4個月喺消息，早前佢就同老公李乘德(Philip)喺馬爾代夫Babymoon，真係好鬼sweet。前晚Philip又喺instagram再放閃，今次就係上載咗老婆杏兒着住三點式嘅泳衣相，但見到杏兒半個人浸喺泳池入面，所以就唔能夠清晰見到佢個肚肚，Philip仲留言：「Hot(pregnant)wife alert。」好多網民見到都同佢講恭喜，仲提醒杏兒喺陽光充沛嘅馬爾代夫，記得搽太陽油防曬。
來源:
http://hk.apple.nextmedia.com/entertainment/art/20170519/20026509
宣佈陀B後首現身 凸肚杏兒想三年抱兩
1 :
GS(14)@2017-05-27 00:06:48■大肚胡杏兒昨首度出席公開活動，仍然貪靚腳踏2吋高踭鞋。
胡杏兒、陳瀅及王陽明昨日在葵涌出席佛羅倫斯小鎮開幕活動，宣佈有B的杏兒首次現身，她一身桃紅連身裙示人，上圍明顯豐滿，肚子也微凸，不過她仍然腳踏兩吋高踭鞋。杏兒接受訪問時，問她是否已經懷孕4個月、預產期是否聖誕？她表示：「都係差唔多，不過想保持神秘感。」再問她是否知道BB性別時，她表示：「?家諗緊去照超聲波時睇，定係生嗰時留番驚喜畀自己，暫時都未知。」
「老公鍾意女」
問到第一胎想順產還是開刀，杏兒表示想順產，因想爭取時間再生，記者笑她想三年抱兩，她表示：「都想，唔知自己搞唔搞得掂，handle到就生多個。」提到老爺奶奶會否想抱男孫，她說：「老公鍾意女，我就冇乜所謂，終於感受到人哋話BB健康最緊要，老爺奶奶都冇所謂，冇話催要知仔定女。」問到懷孕後是否放縱飲食，杏兒表示：「唔係呀，不過放假時感受到肚真係大咗、脹咗好多，個人又腫咗，個肚都實咗好多，係越嚟越硬，休息夠長胎。」她自言胃口不太好：「以前愛食嘅酸味食物同飲湯都唔鍾意，會三更半夜叫老公買魚蛋粉畀我食。」
■大會送嬰兒用品給杏兒，十分貼心。
■準媽媽杏兒在活動上開心祝酒。
收Bosco短訊
講到體重，杏兒表示重了5磅，體形有腫脹，但笑言未谷奶，亦未有需要換大碼內衣：「醫生話BB size比正常大咗少少，自己都驚佢大得滯好難生。」杏兒更提到現在工作要與老公商量：「拍劇走幾個月唔得，去活動坐飛機都OK，自己都鍾意做嘢。」談及舊愛黃宗澤（Bosco）傳短訊恭喜，她表示：「有呀，你哋一問佢，我就收到喇，好多朋友、一啲好耐冇聯絡嘅朋友都有。」採訪：盧妹攝影：陳俊強
■杏兒坦言老公喜歡生女，自己則冇所謂。資料圖片
■陳瀅恨做媽媽想生3個，但表示要先拍拖後結婚生B。
來源:
http://hk.apple.nextmedia.com/entertainment/art/20170526/20033599
胡杏兒嘆住陀B
1 :
GS(14)@2017-06-10 13:46:47■陀B五個月的胡杏兒上圍明顯升cup，身形圓潤。
陀B五個月的胡杏兒與上山詩鈉女兒Hilary，昨日到寶雲道出席法國品牌ba&sh的私人派對，準媽媽杏兒上圍明顯升cup，她受訪時說：「醫生話佢體形比實際日子大少少，照咗超聲波，手長腳長似爹哋。」問到BB性別，杏兒笑謂BB好鬼馬：「一照重要部位，佢就摺埋睇唔到，醫生都話唔敢肯定，不過我自己就仔女冇所謂，最緊要佢健康，反正我唔止生一個。」她大晒幸福自認太嘆，謂有奶奶每日照顧三餐，現時正準備育嬰用品，又考慮是否順產。
至於剛從美國放暑假回港的Hilary，澄清早前被拍得夜蒲的男伴，只是舊同學。問到是否有意入娛樂圈發展？她說：「都想，不過等讀完書先，都仲有兩年要讀，我都有興趣做model。」採訪：卓寶花攝影：仇志德
■上山詩鈉囡囡Hilary透露有興趣做model。
來源:
http://hk.apple.nextmedia.com/entertainment/art/20170610/20050726
杏兒老公IG勁貼老婆相晒恩愛智雯感情好低調
1 :
GS(14)@2017-07-09 03:39:08喺大台有唔少周邊組織，就好似以前嘅「至八會」、「Cry Runner」、「處女黨(官方名為Amazing Esther)」等等嘅團體，不過講到現今最大影響力嘅就有「胡說八道會」，佢哋嘅成員包括胡杏兒、胡定欣、胡蓓蔚、黃智雯、姚子羚、李施嬅等等。佢哋個個喺事業上都有番咁上下，喺感情上胡蓓蔚同胡杏兒都已經成為人妻，胡蓓蔚就唔使講啦！豹嫂、豹哥不嬲都係恩愛嘅代名詞。而胡杏兒喺前年同李乘德（Philip）結婚，佢哋真係非常之咁恩愛，一睇Philip個instagram就知，事關做咗人夫之後，Philip嘅IG十張有九張都係佢老婆杏兒嘅靚相。而黃智雯、姚子羚呢，雖然都係未婚，不過各自都有個穩定男友，其中姚子羚就有綽號「的士邦」嘅鄭子邦，仲有指佢哋同居咁話；至於黃智雯，佢嘅緋聞少之又少，查實佢男友詹文天（Anthony）都幾犀利，係謝瑞麟珠寶集團高層。最後，就有胡定欣同李施嬅，雖然佢哋都未有另一半，但佢哋美貌與智慧並重。
來源:
http://hk.apple.nextmedia.com/entertainment/art/20170708/20082907
【露兩手】胡杏兒老爺係調酒師 自創最快倒酒法調Tiki雞尾酒
1 :
GS(14)@2017-10-15 18:39:26李樹華今年65歲，但依然對調酒充滿着熱情。
全新旅遊專頁，即like籽想旅行：
https://fb.me/travel.appleseed中環「Wahtiki Island Lounge」開幕時，傳媒爭相報導，皆因老闆之一是胡杏兒老公李乘德（Philip），但當大家都將焦點放在他們身上時，反而忽略了這間酒吧的靈魂人物，即李乘德的爸爸李樹華。
Original Mai Tai是經典的Tiki雞尾酒，創自Trader Vic's的創辦人Victor Bergeron，$165。
Tahitian Delight混合冧酒、白蘭地、檸檬汁、橙汁，充滿着熱帶氣息，$160。
「一班明星去，一班名人去，然後很多人跟着去，他們不是去你這間酒吧，是去看明星。」Wahtiki調酒師顧問李樹華說：「如果你說沒有明星那天，就沒有客人沒生意，我覺得這不是成功的酒吧。」他在這行45年，廿多歲就已經在世界知名的Tiki酒吧「Trader Vic's」倫敦分店做調酒師，後來做到經理，訓練由其他分店調來的調酒師。有日兒子Philip跟朋友閒談時知道現在Tiki酒吧很火紅，於是就打電話問他究竟在做甚麼酒吧，華哥答他：「Tiki酒吧。」Philip一向知道父親縱橫餐飲及酒吧界，故萌生了開間Tiki酒吧請他做顧問的念頭，「我說你知道開間酒吧是很辛苦的嗎？訓練員工調酒也很難，因為他們對Tiki酒吧及飲品完全沒有概念。」李樹華說。
Tiki雞尾酒充滿着熱帶風情，口感強勁、味道濃烈是它的特色，但其實識得調正宗Tiki雞尾酒的人，真的少之又少，「我跟Philip說過了，但他仍然想做，他跟我說：『爹嗲，真的沒人懂做。』我亦知道是沒人懂做，就勉為其難地做了。」李樹華今年65歲，其實已經退休了幾年，但他不介意幫兒子一次，只不過他只會教員工調酒，很少會真的站在吧枱調酒給客人，「我都會調酒，但我調酒是給員工看，因為這行業，個個都懂得說，但只懂說是不夠的，你一定要做給他們看。」對於Tiki雞尾酒，他要求用最近距離最快速度做出來，所以他發明了一種倒酒方法──用拇指食指扣着量酒器，郁動中指倒酒。一般調酒師但求動作有型，不會講求速度，但華哥這個倒酒方法，可以一秒倒出精準的兩安士，相信很多調酒師都做不到。「我很簡單，如果你認為自己最叻最快，我叫全部調酒師跟你學，但直至現在，我可以跟你說，還未有人快過我們。」他信心滿滿地對我說。不過他最想的，並非將華哥這個稱號帶回香港，而是後繼有人，將傳統的Tiki雞尾酒繼續傳承下去，「我現在多數都在酒吧，直至有一天，我覺得他們可以了，那我就可以讓位了。」
Wahtiki Island Lounge地址：中環雲咸街22-28號四寶大廈3樓記者：黃子卓攝影：鄭明川
來源:
http://hk.apple.nextmedia.com/su ... t/20171015/20183337
Next Page