魚樂無窮：今年點樣炒落去
1 :
GS(14)@2018-03-11 23:43:13雖然2018年只是過了兩個月，但股民的體會已足夠講一年甚至更長。1月份雞犬皆升，恒指幾乎日日創新高，夠膽買定離手，贏錢易過食生菜，衍生工具變成印鈔機。2月份形勢大逆轉，美股由高位急插，道指跌千點變成家常便飯，港股作為世界級提款機，自然首當其衝。恒指最新跌穿30000點，睇睇自己倉位，表現是否較指數優勝？如果答案係yes，你已經KO唔少對手，唔信問問身邊的朋友，今年由贏變輸的例子肯定不少。老老實實，冇人能夠預知高位在哪，創新高之時繼續在市場打拼，一定要有輸最後一注的心理準備。點樣先可以在退潮時仲有底褲着？關鍵在於以整個倉位決定去留，而非用個股去衡量，即是我經常提到的每日也要為portfolio計數，如果有跟足指引去做，全身而退其實唔難。仲未學識呢個股市求生術？快快重溫過往專欄吧。餘下10個月會點樣？從心理學角度出發，人心虛怯下贏錢會變得更難，事關你唔敢再重注坐貨，取而代之的是游擊戰。講真，有幾多人可以靠短炒發達，唔輸已經偷笑啦。在走勢未明朗前，繼續用注碼控制風險吧。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180306/20323837
魚樂無窮：一來一回輸死人
1 :
GS(14)@2018-03-12 00:11:46港股周初兩日走勢南轅北轍，雖然我正在外遊中，但也感受到無定向風的威力，旅行當然主力吃喝玩樂，所以倉位幾乎原封不動，只是小注加碼逆市企穩的績優股莎莎（178），以及做了少許期權動作。暫時從股市抽離，在忽上忽落的市況絕對唔係壞事。試想想，如果星期一跌市被震走，星期二的升幅便完全唔關你事，在逐漸難玩的形勢下，一來一回其實非常傷。用足球比賽術語來說，榜首大戰是一場六分波，足以影響大局。最大鑊的是，你永遠會記住止蝕離場的價位，一定要以較平價才肯重新入場，但往往這就是調整的低位，意味隨時永遠補唔番貨，往後升幅完全唔關你事，才是整場比賽的致命傷。講到尾，現階段保持輕倉上路，雖然贏得較少，但輸的機會率同樣大大降低，除笨有精。遊玩不忘工作，通告還是晚晚睇。國美金融科技（628）最新發盈喜，預期全年由虧轉盈賺2,000萬至2,500萬元人民幣，主要由於商業保理經營業績以及貸款質量大幅改善，另少了上市證券和商譽減值虧損等。集團主要股東之一，更是近期動作多多的高振順，觀乎股價在低位徘徊多時，不排除會趁好消息炒作一番。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180308/20325831
魚樂無窮：新股遊戲點玩好
1 :
GS(14)@2018-03-19 04:37:16仍在歐遊的唐牛，雖說日日繼續望股價、睇新聞、刨通告，但明顯跟不上市場節奏。冇計，由於時差關係，睡覺時間正好為港股交易時段，即日鮮固然冇我份，就連吼位走上落的機會也欠奉。當然，遇上上星期「日升日跌」的市況，暫時抽離肯定無傷大雅，起碼不用被左一巴右一巴咁摑，更難得的是可用旁觀者的身份觀看全局。明顯地，市場消息現正主導後市走勢，風頭更蓋過企業成績表，講到尾即係冇得估。不過，如果倉位坐得舒適，波動市況其實難唔到你，掌握到即市動態的，更可透過短炒拉低平均成本，增添坐貨籌碼。論短炒，有概念的新股一定最好玩。何謂有概念的新股？細細粒容易食、認購熱爆令貨源歸邊乃基本要求，如果有埋名牌效應，更是如虎添翼。明日上市的賓士國際（1705），市傳公開發售超額認購逾2,600倍，上市市值只得4億元，更是經營港人最愛的天仁茗茶，大炒絕無難度，只是幅度問題。冇入飛抽或者分得唔多點算好？建議大家睇實首日上市表現，如果能夠企穩暗盤價樓上，證明市場消化力強，值得入場跟進。都係那句，新股只炒供求，能否贏錢要視乎閣下的心理質素及運氣了。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180313/20330466
魚樂無窮：炒賓仕睇兩個位
1 :
GS(14)@2018-03-19 04:45:11挾着名牌奶茶概念嘅賓仕國際（1705），首日掛牌不負眾望，狂升3倍，主板新股首日有如此驚人升幅，印象中絕無僅有。本欄提過開市價較暗盤價高的話，則值得放手一博，如果有跟住做，賬面計都有近五成利潤。冇貨嘅話仲博唔博？瘋狂炒作誘惑當前，叫你忍手好似阻人發達，吼實重要價位操作更實際。第一個係全日平均價3.087元，保守的可等調整至呢個水平才入場；第二個係上市高位4.05元，呢個操作模式更簡單，升穿便合埋眼衝，然後自訂止賺止蝕。你話咁同賭大細有乜分別，我話你知真係冇分別，但氣氛旺爆及趨勢向上，贏面相對較高。記住，新股只炒供求，風險與回報是共存的。眾安在綫（6060）日前宣佈將修訂公司章程，爭取成為首批全流通H股，迎合中證監政策，消息一出股價即踢穿70元大關，從炒作角度出發，持有眾安8,100萬股內資股的百仕達（1168）更值博，無他，總值57億元持股有機會套現，較其市值41億元還要高，一石足以擊起千重浪。百仕達今日放榜，已有盈喜護身，雖然盈利屬一次性，但肯定不會有驚嚇場面出現。眾安本月26日開會前，百仕達點都要睇實！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180315/20332499
Next Page