【美圖晒晒】索主播樣靚聲甜 遇日本大叔抄牌攞LINE
1 :
GS(14)@2016-05-19 02:33:40台灣壹電視《繞著地球跑》主播沈泳吟，外型可愛，報新聞時聲線甜美，令網民封為主播女神。她日前搭捷運時遇到一位日本觀光客，對方用英文問路，她也熱心回應。沒想到該日本大叔「打蛇隨棍上」，不但要求沈和他自拍、加碼要LINE，甚至以「感謝台灣人幫助日本地震」為由，邀沈泳吟一起到台南遊玩，嚇得她落荒而逃。沈泳吟事後回想，「當下腦子一片空白，沒想到對方這麼主動，嚇死我了！」沈泳吟說，常在街上被人問路，尤其遇到日本人的比例不低，「有了這次經驗，以後會更留意，不過基於助人為快樂之本，還是會報路啦！」台灣《蘋果日報》
來源:
http://hk.apple.nextmedia.com/international/art/20160517/19615485
主播黃曉明嫁得豪
1 :
GS(14)@2016-05-19 02:33:56■黃曉明雙手戴上8對龍鳳鈪襯豬乸金牌，閃爆全場。互聯網圖片
跟Angelababy老公同名同姓的無綫娛樂新聞女主播黃曉明，前晚豪嫁銀行公司高層鄔崇山，在金鐘港麗酒店筵開60多席，新娘配戴多款首飾，包括8對龍鳳鈪襯豬乸金牌、鑽石頸鏈襯鑽石后冠，閃爆全場，由於她的老爺是房協主席鄔滿海，所以特首梁振英夫婦都有出席。黎芷珊和許文軒擔任婚宴司儀，簡淑兒、范文雅、黃建東、前港男吳雲甫等現身飲宴，曉明和老公在台上致辭時都感動到喊，吳雲甫昨在電話說：「因為以前做娛樂新聞台，大家住港島，放工成日車埋黃曉明，佢老公話多謝我順手車埋佢老婆。」採訪：皓騫
來源:
http://hk.apple.nextmedia.com/entertainment/art/20160517/19614553
【add】紅人主場：方健儀 非主播時代
1 :
GS(14)@2016-05-21 17:49:48Ports1961條紋上衣白褲、白鞋
傳媒寒冬越吹越寒，進入大洗牌轉型時代。記者轉行或被轉行？39歲的方健儀(Akina)，由TVB新聞主播，轉做ICAC，打個圈四年後的今天，又坐上得啖笑的毛記主播之位。「我覺得香港其實係冇主播嘅！用主持或者報道員，比較中肯。」兼職做歌手、做演員拍片，轉行不是末路，正能量希望在明天。「希望選擇留低嘅朋友，繼續努力！」撰文：林妙萍造型：陳蔚渝攝影：周樂恒攝錄：郭賢興、陳志嵐髮型：Vincent Yeung of Salon Osmosis化妝：Herman Ng「多謝支持，後會有期，再見。」2012年2月24日報完最後一日TVB新聞，方健儀告別了第一回合的主播生涯，投考ICAC。「嗰時係唔捨得，因為我知自己係好鍾意做記者，但真係愉快地離開，嗰時諗法，係做咗十幾年記者，重投勞工市場，未必有人會吸納我㗎喎，結果證明到自己唔會被淘汰。」
Max Mara粉紅套裝Ports1961恤衫、白鞋
Giorgio Armani拼色外套、黑色長褲
我是真‧報道員
傳媒出現一體化汰弱留強新生態，方健儀寄語同行，「而家分界好模糊，係一個整合階段。大家都好辛苦，選擇留低嘅朋友，畀心機繼續努力，毋忘初衷，鬥快之餘，也要快而準。」在TVB年代、港台年代，以至毛記電視「永遠榮譽女主播」，方健儀和主播已經畫上等號，「好多時啲人仲會介紹我係前主播乜乜乜，我話，千祈唔好咁叫！我覺得香港係冇主播嘅！」她認為，主播之名被濫用，主播應有掌控及主宰新聞時段的權能，「我哋報新聞係逐字逐句去讀，冇咁嘅權限去改字、加分析，我覺得用主持比較貼切，所以你形容我係一個新聞報道員，比較中肯，或者形容我本業：記者。」
偽‧主持好厲害
顏值年代，主播或主持都要求靚女、年輕，跳得唱得，「毛記就係玩，冇乜後顧之憂，得啖笑，開心吓！佢哋主持個個好厲害，百般武藝，盤菜瑩子唱歌又得，真係飆高音！ViuTV嘅Angela，我認得個樣，幾有型。」當年做正規電視台，一字一句，用字嚴格，遺體不能用不尊重的「運送」，應用「移送」；交通意外後車撞前車，也只可報道「兩車相撞」，不能未審先判，方健儀職業病未改，「有時睇新聞聽到，會諗，嘩，咁都出街！」
■2012年2月主持最後一晚TVB新聞，當時仍是長髮及肩。
《導火新聞線》
■由無綫主播變毛記主播。
淡定姐‧撈過界
方健儀台前形像太正面，加上廉署打過工「身家清白」，後主播工作，全部正派正氣，客串電影《寒戰２》，就做女警。「我係做一個談判專家，一個小腳色，臨尾先出現，最初副導cold call搵我，話叫我報價，我仲以為電話騙案，到現場見到唐寧、黃德斌，再見到對手梁家輝，先知係真！」唱《中東與綜》騷歌喉後，今年有份做演唱會，主持旅遊節目、拍片，「總之，我每日都係一個新鮮人，有得試就試，唔識就要問，唔好充大頭鬼！」
宅女愛柴犬
「我係一個幾宅嘅宅女。」外表精明幹練，off duty最愛着花綠綠民族衫，跳跳鄭多燕、郊外踩單車、西貢飲咖啡睇狗仔，「我好鍾意狗，但我唔敢養。今日咁啱係我隻狗仔生忌，死咗十二年喇，由小學六年級開始，到我英國讀完書返嚟，送佢離開，養咗16年，就算而家過咗咁耐，我都過唔到嗰關。」特別鍾情柴犬，因為眼細細似笑，樣子更似足老公！
■方健儀愛狗愛喝咖啡，假日節目四處搵柴犬玩。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160519/19617529
林日曦撐方健儀：沒有問題繆美詩斥前主播 將專業淪笑話
1 :
GS(14)@2016-05-22 12:16:10■方健儀曾以輕鬆形象為《100毛》做節目，「腦細」林日曦當然力撐。資料圖片
前亞視主播、其後開公關公司的繆美詩，前日在《信報》專欄撰文，題為《新聞主播的最底線》，文中直指有前主播食老本拍廣告搵錢，破壞整個行業的專業及公信力，寫着：「當年家喻戶曉的新聞人仍以同一主播形象兼用同樣報道手法，反過來去嘲笑新聞報道這專業，令專業淪為笑話橋段，形同向同行摑了一個大巴掌。」文中亦特別提到，除了離職主播的底線「低處未見低」，更開名直指《100毛》「學生幾乎完全不看電視新聞。」
■前亞視主播繆美詩在專欄上，斥前主播食老本拍廣告，破壞行業的專業及公信力。資料圖片
■柳俊江認為現今新聞質素下降，最大責任是新聞部的總監。資料圖片
柳俊江：我唔會咁做
雖然未有指邊個主播，但方健儀曾為《100毛》做節目，身在韓國的方健儀昨透過短訊回覆稱不清楚繆美詩的看法。而繆美詩昨日在電話中否認針對方健儀，她說﹕「當然唔係啦，我都認識方小姐，我講緊成個現象。我喺自己fb都冇named任何人。我嘅年代training一路都係，如果我離開呢個崗位，咁我就卸下呢個光環。」她覺得新聞從業員轉任何行業都不是問題，但要有底線，她解釋：「我都有睇毛記電視，覺得好好笑。但當一個曾經從事新聞嘅人用番呢個形象手法，稿件已經唔係新聞稿，咁就有問題。」林日曦用短訊回覆：「每個人都有投訴嘅權利。不過香港人好少就呢啲嘢投訴，因為我哋都有基本思辨能力。正如我哋睇《足球小將》，唔會話投訴『新一代誤以為《足球小將》就是足球之宗師』……有關方健儀，我認為完全沒有問題。難道李麗珊不可以以前運動員身份賣廣告嗎。阿明（黎明）以歌手專業甚至唱歌形式去賣咖啡廣告，也應該沒有影響音樂專業吧。」柳俊江說：「我唔會咁做，但亦唔覺係罪大惡極嘅一件事。」可覺得拖低新聞質素？他說：「新聞質素而家普遍都降低緊啦！我覺得最大嘅責任都係新聞部嘅總監，新聞部嘅編採人員身上。」陳珍妮則說：「佢嘅value係冇錯，但個market係改變緊，我冇資格去講啱定錯。」採訪：嵐山、皓騫、林妙萍
來源:
http://hk.apple.nextmedia.com/entertainment/art/20160522/19622377
美霍士新聞爆醜聞前主播控主席性騷擾
1 :
GS(14)@2016-07-09 06:46:53美國霍士新聞（Fox News）爆出涉及高層的性醜聞，前女主播卡爾森（Gretchen Carlson）前天入稟，控告主席兼行政總裁艾爾斯（Roger Ailes）性騷擾，指因為拒絕配合對方的性要求而被投閒置散，甚至炒魷。艾爾斯否認指控；母公司21世紀霍士將作內部核查。現年50歲的卡爾森畢業於史丹福大學，年輕時當選過美利堅小姐，2005年加入霍士新聞，訪問過總統奧巴馬、前國務卿希拉莉等政要；去年出版的回憶錄中，卡爾森特別鳴謝艾爾斯，給予她前僱主哥倫比亞廣播公司（CBS）不能提供的機會，讓她參與全國晨早節目《Fox& Friends》。
■1989年，卡爾森當選美利堅小姐。
拒性要求被炒魷
然而這段維持了11年的賓主關係於上月23日突然結束，卡爾森向新澤西州法院入稟的文件指，她於2013年被調離《Fox& Friends》至「入屋度」較低的午間節目，到後來被減薪，以至最終不獲續約，全都是拒絕滿足艾爾斯的性要求所致。她指艾爾斯一直對她色迷迷，經常評論她雙腿，又叫她穿凸顯身材的服飾；去年9月她跟艾爾斯表達不滿，他回敬一句「你我早該發生性關係就沒這些問題」。卡爾森又控訴經常遭《Fox& Friends》男拍檔（Steve Doocy）性別歧視，被當成「金髮女道具」，跟艾爾斯投訴時對方卻着她「學習跟男人相處」。
專家料賠錢了事
艾爾斯現年76歲，是美國傳媒界老行尊。他回應指人事調動是基於卡爾森主理的時事節目《The Real Story》收視低，批評她入稟是為了報復，否認一切指控。21世紀霍士發聲明強調對艾爾斯有絕對信心，同時認真看待事件，會作內部核查。專家相信，案件若開審少不免會公開一些霍士新聞不見得光的內幕，「任何僱主，在這個案即是傳媒大亨梅鐸及他的團隊，相信都不願見到」，估計最終賠償了事。2005年，霍士新聞因一宗性騷擾指控，向平等就業機會委員會繳付22.5萬美元（175.5萬港元）和解。路透社/美聯社
來源:
http://hk.apple.nextmedia.com/international/art/20160708/19686529
那些年我當主播的日子 林燕玲
1 :
GS(14)@2016-08-03 02:12:142016-07-27 EW
每朝起牀，開電視看《香港早晨》，或許已成為不少打工仔的例行習慣，女主播亦自然成為節目的一大賣點。
一代新聞之花、前無綫主播林燕玲（Ruby），其綽號「小飛俠」被嗌到路人皆知，就算事過十多年，她依然擺脫不了主播形象。「 家仲有好多人覺得我係主播，係（新聞）小花， 家老花就有我份，哈哈！」
要脫下主播光環，惟有破釜沉舟。離開新聞界後，她做過財經節目主持，又從事過金融界，現則為麗新集團傳訊事務副總裁，力求轉型成功。「無論去到邊，我總會聽到好多批評，啲人會覺得一個前主播會識得啲咩吖，但我唔介意，人哋叫得我去做，就代表我有能力勝任。佢哋都信我，我又有咩好怕？」
經過那些年，林燕玲才有現時的視野和胸襟，身份大概已不成問題了吧！
愛上女主播
比起十多年前於電視上正經八百報道新聞，眼前的林燕玲多了一份親切感，惟獨一頭清爽短髮，始終沒變。「我啱啱入無綫嗰時有試過留長頭髮㗎，但真係唔好睇，千祈唔好睇番我長頭髮個樣！」
畢業於香港科技大學生物化學系的她，初出茅廬時乜都敢試，一畢業即到港龍航空面試做空姐，不夠一年，又轉到生物科技公司做商業發展工作，其後更踩過界，應徵做記者，結果一擊即中。
「嗰時我（做科技公司）個直屬上司好錫我，但佢要離職，我又唔想跟其他人，所以就同佢一齊離開。當時（〇三年沙士）好難搵工，我寄咗好幾份CV（求職信）出去，得TVB有回覆，因為當時銀河衛視（無綫收費電視前身）準備開台，要請好多人， 咁啱我個人好有正義感，鍾意儆惡懲奸，想做正義嘅化身；但我又怕死細膽，唔敢去做警察，覺得做記者可以為人民出聲， 所以就去試吓，算係無心插柳！」
受訓後，林燕玲被調到無綫翡翠台，與當時同期出道的趙海珠及羅若安等人，齊齊擔正做主播，出道不久，更被捧為新聞小花，破例報黃金時段的《六點半新聞報道》。
「做《六點半新聞報道》，比做《香港早晨》或《晚間新聞》係仲大嘅榮譽！當時我係一個新人，可以報黃金時段，簡直係夢寐以求嘅事。我一直覺得係最勁嘅前輩先有得做， 發夢都估唔到自己都有份，但好可惜我報咗兩日就無做咯！ 因為嗰時已經有第二份工（now財經台）搵我過去，雖然佢哋有挽留，但我都堅持辭職！」
唔止得個樣
同樣都要上電視，不過轉工後再也不是報新聞，而是講財經，還要作現場直播，對於毫無財經知識經驗的她來說，這個跳板未免跳得太遠。
「我由細到大都好怕醜，連講嘢都會面紅嗰隻，唔好話要我做主持講財經，我連股票都未買過，只係 妹一名。呢個挑戰真係好大，但人哋既然畀得機會我，我梗係捉住，佢哋都信我咯，我有咩好怕？」
網上不時會看到有女主播講錯說話，或偷食餅乾的蝦碌片段，林燕玲笑言自己有睇過，不過自己卻是「零蝦碌」。
「我個人好嚴謹， 去到主播枱係唔會帶手機同食嘢，加上嗰時我咁細個就去到咁高級嘅位（首席主播），做事要更加小心，唔想畀人話，所以好大壓力。」林燕玲甚至會上論壇看網友對她的評價，「我成日走去睇Forum（論壇），見到有好多網民都質疑我，話我得個樣，又唔係新聞或傳理出身，無料到！」
不過最難受的，莫過於是節目監製的當面批評。「當時唯一對我唔好嘅就係監製，佢好惡，直情會即時撳我耳仔（耳機）鬧我，咁我啱啱入去，真係咩都唔識，佢就會話點解我咩都唔識都可以坐到呢個位，累到其他人做嘢，聽到我都唔好意思，好唔開心，自己匿埋一邊喊。但隔咗好多年後，畀我輾轉知道佢有喺其他人面前讚我做嘢OK，呢個算係我做嘢最大嘅回報！」
近年新聞小花是非多多，先有黃紫盈被張文采恰，含淚報新聞的事件；後有林小珍與周嘉儀傳不和，講到是非，林燕玲就顯得略為避忌，「我怕啲人覺得我抽水！」她僅以個人經驗打圓場：「其實間間公司都係咁，人多自然是非多，實有呢啲嘢發生。我嘅處理方法係盡量少說話，如無必要唔好講太多私人嘢，可能啲人會覺得我好cool，不過咁未嘗唔係一個方法。」
私生活檢點
三年主播經驗，加上六年財經主持生涯，林燕玲認為已到達職涯樽頸位，於是把心一橫，決定轉行，一一年被渣打銀行挖角，擔任認股證銷售副董事，「金融業視野比新聞業廣闊好多，亦都高薪好多！」
以為做金融業夠吃香，會長做長有，怎料好景不常，去年她就第一次嘗到被炒魷滋味。
「 嚿年年頭有消息話會炒人（結束衍生工具部）時，我仲定過抬油出嚟（同傳媒）講，我哋嗰team唔會有事，因為我嗰team喺窩輪業界排行Top 3， 點知到十月第二波炒人時就出事。雖然我事前都已經估到啲，但都接受唔到，唔想發生嘅嘢發生咗， 好odd（驚奇）， 我完全無搵定後路，亦都好難再搵番同行嚟做，只可以見步行步！」
有實力又點會愁無後路？去年十二月，她便加入麗新集團當傳訊部副總裁，經常於公開場合亮相，間中更會上娛樂版，成為傳媒追訪對象。
「以前做記者已經會被人追訪，我好抗拒、好唔慣， 第一次被人追訪，我直頭喊咗出嚟，唔明點解狗仔隊要去跟一個記者，我又唔係明星，所以公司都會特別提醒我哋，私生活同個人形象要檢點啲。
「到我出嚟做金融，有次有個記者無啦啦走嚟問我羅生係咪我上司？ 我公司有三個羅生，其中一個的確係我上司，我無諗咁多，就答係，之後就見到有新聞話我同上司（羅志輝）傳緋聞，仲偷影埋我哋返工同食飯啲借位相，我同上司都得啖笑，可能已經習慣咗。反而 家我成日出嚟（event），啲記者對我無興趣添！」
不過當我正想追問她感情生活狀況時，警覺性高的她即時落閘：「感情事我唔答喇！」依然夠謹慎！
鄭紹康（Francis） 著名公關公司「天機」ＣＥＯ，每年主理超過二百個中港項目，有「天下第一關」之稱。在公身兼專欄作家、經理人；在私為不少名人、名二代閨密。藉本刊專欄「紹看風雲」，揭開名二代、名三代不為人知的一面。
文字處理 蔡安儀 攝影 何國豪 設計 林文俊
至索前主播報喜 蔡雪瑩誕7.2磅B仔 母子齊喊
1 :
GS(14)@2016-08-19 06:55:48■蔡雪瑩承認想再追囡囡，但會待囝囝長大一點再計劃。
恭喜添丁！現年29歲的前新聞小花蔡雪瑩（Snowy），在無綫新聞部時曾有「至索主播」之稱。今年4月嫁給全國政協朱銘泉兒子、上市公司太子爺朱威霖（William），在灣仔君悅酒店筵開70席，當日Snowy已自爆陀B仔5個月，轉眼間B仔已於昨日出世。從Snowy公開的BB相，可以看出屬鼻大唇厚的得意B，眼仔睩睩十分可愛，Snowy表示全家上下都一早到醫院等見B仔，大家都好開心。
Snowy昨日接受《蘋果》訪問表示：「全部人都到齊呀，嫲嫲、爺爺同婆婆都嚟晒見孫仔。」她又說：「囝囝朝早差唔多八點出世，重3.3kg（約7.2磅），俾醫生之前預計輕咗啲，但係好健康呀！」
■B仔出世重7.2磅，眼仔睩睩十分可愛。
■蔡雪瑩今年嫁上市公司太子爺朱威霖，昨日一索得男生了個男B。資料圖片
餵母乳增免疫力
剛升呢做人母，Snowy透露產前一晚心情好緊張，昨日麻醉藥過後，傷口開始隱隱作痛，但她和老公心情都好興奮，她說：「我今次係開刀生，老公有陪產，我一聽到阿仔喊，已經流晒眼淚，醫生抱BB畀我哋睇，佢就即刻唔喊喇，仲好搞笑喺度玩口水。」笑問她「卸貨」後是否感覺輕鬆了？她笑謂：「我有偷偷地摸吓個肚呀，真係扁咗，好開心呀！」問她覺得囝囝似自己還是老公？Snowy指助產士說BB跟老公如餅印，她自己就未看清楚。此外，Snowy透露她會以母乳餵哺囝囝，希望餵半年，令囝囝免疫力會更好。至於囝囝是否已改名？她表示：「未改，呢啲咁重要嘅嘢等長輩去改，但都有少少概念，希望個名比較氣宇軒昂啲，大佬啲嘅名，因為始終係大哥哥，英文名等改咗中文名先諗吓，有冇啲差唔多音，不過近排興Pokémon GO，老公就成日講笑話叫佢Peka。」採訪：小米
來源:
http://hk.apple.nextmedia.com/entertainment/art/20160819/19741682
又捲三角戀苟芸慧落錯盤 陸恭和有前主播正印
1 :
GS(14)@2016-08-20 11:41:46■苟芸慧被傳秘戀陸恭和，但陸恭和早有無綫前主播女友張頌恩。資料圖片
苟芸慧最近與富三代陸恭和傳緋聞，不過日前有讀者爆料指陸恭和已經有一位正印女友、無綫前主播張頌恩，據聞兩人拍拖數年，張頌恩經常在社交網貼與男友合照晒恩愛。苟姑娘與陸恭和感情疑幻似真，死敵莊思敏即八卦向陸恭和「收風」，前晚出席活動時笑說：「期待佢（陸恭和）個答案！」
現年33歲的苟芸慧減磅後狀態回勇，短短半年已先後傳她撻着好友朱璇男友湯珈鋮，又秘交經濟發展及勞工局前局長葉澍堃細仔葉瀚華，緋聞男友排住隊上。日前苟姑娘第三號新歡、現年43歲的陸恭和正式登場，有周刊影到苟姑娘去銅鑼灣行完街，陸恭和就做柴可夫揸Benz接載她。本身是馬來西亞錫礦大王陸佑後人的陸恭和，與苟姑娘一樣喜歡賽車，經朋友介紹下一拍即合。其實兩人已不是第一次被影到，早於今年2月陸恭和去苟姑娘有份投資的點心店食飯，之後更送女方返家。
■陸恭和與苟芸慧同樣喜歡賽車，可謂志趣相投。微博圖片
■張頌恩摸住陸恭和大髀影相，賽車蛋糕擺明是投男友所好。
張頌恩陪男友賽車
以為苟姑娘終於找到真命天子，可惜日前有讀者丁先生爆料，指陸恭和早有一位拍拖多年的女友，女友正是無綫前主播、有「翻版梁詠琪」之稱的張頌恩。由2011年開始，張頌恩不時在facebook貼與陸恭和的合照，除了旅行、食飯相，張頌恩還會陪男友周圍賽車。兩人合照時，女方一隻手搭在陸恭和大髀，大合照又搭膊頭，情侶關係好明顯。據了解，張頌恩最後一次貼與陸恭和的合照已經是2014年的事，丁先生說：「朋友間都知道佢哋一齊，聽講到而家都未分手。」苟姑娘與陸恭和昨日至截稿前仍未回覆。張頌恩好姊妹、同是無綫前主播的「小飛俠」林燕玲，被問到張頌恩是否與陸恭和拍拖？她昨在電話說：「張頌恩係我好朋友，我只係答到你呢樣嘢，其他答唔到你。」問知不知道陸恭和與苟姑娘傳緋聞？她說：「唔知喎！」
【好友守秘密】■岑麗香昨自言要守好多秘密，謂不清楚苟姑娘的戀情。攝影：陳順禎
【死敵食花生】■莊思敏前晚出席活動，笑言要八卦苟芸慧和陸恭和是否真的拍拖。攝影：陳順禎
莊思敏追問陸恭和
曾與苟姑娘為點心店股份鬧不和的莊思敏前晚在銅鑼灣出席活動，對有傳苟姑娘因心散冇打理食肆遭股東踢出局，莊思敏笑說：「我有聯絡其他股東，冇乜大影響，大家八卦苟姑娘係咪真係拍拖。我都有聯絡陸恭和，但就冇聯絡苟姑娘，相信好多人會問佢，期待佢個答案。」苟姑娘好友岑麗香昨在尖沙嘴出席活動，問她苟姑娘是否與陸恭和拍拖？她說：「Confirm未㗎？大家唔好問呢啲，我有好多秘密要守。」有傳苟姑娘是小三，她說：「唔清楚，要問番佢。」採訪：嵐山、王連連
■張頌恩早前相約林小珍等一班主播去看五月天演唱會。微博圖片
■「小飛俠」林燕玲（中）封口護好友張頌恩（左）。互聯網圖片
來源:
http://hk.apple.nextmedia.com/entertainment/art/20160820/19743272
Next Page