滬迪士尼缺德客偷「糖」歌手怒插：係精神問題
1 :
GS(14)@2017-01-18 08:04:18大陸又爆缺德遊客行為。近日有網民在微博爆料，指上海迪士尼樂園農曆新年前，在樂園內擺放一個大型賀年佈置，供遊客拍照。然而短短一星期內，唐老鴨手中全盒上的糖果，竟被遊客幾乎取光，原本寓意「盤滿砵滿」的擺設，最終變成「空空如也」。相片上傳上網，即時引來網民狠批缺德遊客。有人提出全盒上全都是假糖果，難以理解取走糖果的意義。有人建議放辣椒糖果在全盒上，以懲戒小偷。網民意見：用戶5767198864：現在一個都沒了喬喬家的宇樂：上樑不正下樑歪，怎樣的孩子就有甚麼樣的爹媽。要是吃了毒死人估計還要迪士尼索賠呢
seki_zhu：這，這，這也太誇張了，弄下來有甚麼用？633餡兒：拿它做甚麼，又不能吃狗寶寶1號夢瑤Echobaby：真的是為中國感到悲哀-雲行止：可以考慮以後上面放辣椒味、芥末味、黃蓮味的糖我要去看大千世界：中國式思維：我花錢買了門票進來不帶走點啥就虧大了，決不能吃虧！哪怕帶走一塊石頭，一朵花，一片樹葉。小氧菌：真的感覺，要不是唐老鴨太大，估計都搬走了新浪微博
來源:
http://hk.apple.nextmedia.com/international/art/20170117/19899899
被退出《歌手》壓力爆煲軒仔傳抑鬱復發
1 :
GS(14)@2017-01-23 07:45:16■張敬軒為湖南衛視錄影了第一集《歌手》後，就突然被飛。資料圖片
張敬軒傳被內地封殺，早前參加湖南衛視的歌唱比賽節目《歌手》，豈料只錄影了第一集，就突然「被退出」該節目。近日有報道指，軒仔因為今次事件深受壓力，令他的抑鬱症再度復發，但軒仔下月將與王菀之在紅館舉行一連四場「The Magical Teeter Totter演唱會2017」，所以情況令人擔心。而軒仔「被退出」事件當晚，曾被本報獨家拍得與英皇高層晚膳，表情輕鬆。雖然之後未有公開亮相，但就在Instagram留言睡到自然醒，亦未見異樣。
■張敬軒被退出當晚，曾與英皇高層晚飯，神態輕鬆。資料圖片
幕後代寫愛國宣言
由軒仔爆出參加《歌手》到「被退出」期間，曾出現了一封公開信，軒仔透過微博發表了篇全簡體字的愛國宣言，堅決反對一切分裂國家的行為，又謂：「我想再次重申，我是一個中國人，我由始至終都不是『港獨』。」近日有周刊報道，傳聞該篇宣言是由湖南衛視幕後代筆，又指軒仔曾考慮過修改，但最後都是原文照錄，結果內地網民傳了逾三千封電郵轟炸湖南衛視，揚言杯葛。但軒仔所屬的英皇高層霍汶希，則聲稱不實報道不作回應。撰文：葉綠悠
來源:
http://hk.apple.nextmedia.com/entertainment/art/20170122/19904705
同憶蓮《歌手》師徒對決 杜麗莎：說明我是好老師
1 :
GS(14)@2017-01-24 03:00:14前晚借住「被消失」嘅張敬軒成功炒番熱嘅《歌手2017》（前名《我是歌手》）終於播咗第一集，一如以往，台下反應一樣咁「熱烈」，觀眾交足戲，又喊又嘟嘴又係咪都起身拍手掌歡呼……真係想頒個最佳新演員獎俾呢班觀眾呀！而台上嘅7位歌手（未計軒仔），其實都係落力演唱嘅，其中就有唱功絕對係頂尖、教唱歌嘅杜麗莎！佢喺節目入面排喺光良後面出場（原本兩人中間係軒仔唱），揀咗唱約翰連儂（John Lennon）嘅英文歌《Imagine》，先唔理台下觀眾聽唔聽得明英文，但就俾同場嘅歌手互選中，成為咗並列第一位。講起同場嘅歌手，其餘幾位參賽者入面，就有林憶蓮同袁婭維跟過杜麗莎學唱歌，三位喺《歌手》入面師徒對決，第一集就俾林憶蓮領先排第二位，杜麗莎就得第三，袁婭維暫時就包尾。其實杜麗莎之前喺大陸記招已經講過，要同林憶蓮分勝負唔會尷尬，仲超級大方話：「如果真的被她打敗了，說明我是個好老師，教出的學生夠棒。」
來源:
http://hk.apple.nextmedia.com/entertainment/art/20170123/19906207
張敬軒《歌手》刪剩膊頭
1 :
GS(14)@2017-01-24 03:00:15■軒仔於前晚播出的《歌手》被cut走，只見其膊頭。互聯網圖片
張敬軒傳被內地封殺，近日更被湖南衞視《歌手2017》踢出局，原本軒仔已錄影的第一集已被刪剪。該集前晚播出，軒仔當然不見蹤影，但無論劇組如何努力，鏡頭也見到軒仔的紅頭髮和膊頭。而節目公佈結果指杜麗莎和迪瑪希奪得歌手互投第一名時，迪瑪希走向杜麗莎握手，原本坐在光良與杜麗莎中間的軒仔，竟變成一個空隙，估計電視台利用CG特效將軒仔「消失」。至於前晚首回合賽果，杜麗莎與林憶蓮師徒對決，由憶蓮領先排第2，杜麗莎排第3，首名是迪瑪希。曾是憶蓮唱片監製及男友許愿昨表示也有收看比賽，但認為憶蓮與杜麗莎唱功不同難以比較。採訪：魯吉
來源:
http://hk.apple.nextmedia.com/entertainment/art/20170123/19905652
【歌手變笑匠】扮女人拍戲翻身
1 :
GS(14)@2017-01-29 10:31:35現年44歲的鄭中基，從小喜歡音樂，其父鄭東漢曾是寶麗金唱片亞洲太平洋區總裁及多間唱片公司高層。96年鄭中基最先在台灣推出國語碟，曾跟張學友合唱《左右為難》，及與陳慧琳合唱《製造浪漫》，入行初期被視為最有前途新人。不過2000年他在機上醉酒鬧事，令事業直插谷底。
《行運超人》劇照
其後鄭中基被充滿喜劇細胞，靠拍電影翻身，於2003年在楊千嬅主演的《行運超人》中飾演風水師「斷蟹」，扮女人造型獲激讚，之後再擔正《龍咁威2003》等笑片。
來源:
http://hk.apple.nextmedia.com/entertainment/art/20170129/19911988
憶蓮《歌手》衰太穩陣 迪瑪希升Key飆高音攞第一
1 :
GS(14)@2017-01-31 03:13:29張敬軒被爆遭內地封殺，喺湖南衛視節目《歌手》被消失，於是大家再關注呢個節目！上個禮拜播出嘅第一集，唔少網民都金睛火眼去搵軒仔喺邊。結果就算CG點勁，劇組點努力剪走有佢嘅片段都好，總會喺畫面某個角落，發現紅頭髮嘅軒仔！由於軒仔喺第一集已經被消失，所以前晚出街嗰集《歌手》畫面睇落舒服好多，少咗突如其來嘅大特寫，又少咗啲偏左偏右冇中間嘅鏡頭，而且仲可以見到一班歌手坐定定喺休息室wide shot。不過有啲嘢，點都唔會變，就係台下觀眾嘅反應！當歌手們喺台上獻唱，台下觀眾都表現得勁入戲，都唔知佢哋係咪真係聽得明。無論係迪瑪希、定係林憶蓮唱緊歌，觀眾照舊如痴如醉、喊晒口，唔講仲以為節目叫《我是觀眾》。大陸歌唱節目嘅特色，點可以唔提「X叫」！歌手聲嘶力竭地飆高音，台下觀眾跟住high！第一集唱《一個憂傷者的求救》嘅迪瑪希，喺第二集佢又揀咗俄羅斯歌手Vitas嘅作品《Opera2》，相信台下都冇乜邊個聽得明歌詞。不過迪瑪希多次「X叫」硬爆高音，連升3次Key，觀眾就high到企晒起身，完全符合國情！反觀一向被公認唱功一流嘅林憶蓮同杜麗莎，喺冇「X叫」加持之下，都係輸畀迪瑪希。賽果係迪瑪希第1位、第2位係譚晶、第3位係林憶蓮、第4位係獅子合唱團、第5位係杜麗莎、第6位係袁婭維，排第7位嘅光良於首輪淘汰賽出局！
來源:
http://hk.apple.nextmedia.com/entertainment/art/20170130/19913062
首度講《歌手》事件致抑鬱軒仔：好多人問我食藥未
1 :
GS(14)@2017-02-07 05:16:01張敬軒昨晚現身奧海城，出席有份配音的電影《LEGO蝙蝠俠英雄傳》首映，同場還有陳倩揚、姜皓文等人。軒仔早前為湖南衛視《歌手2017》錄影了一集，可惜最後被飛出節目，之後他一直沒開腔回應，直至昨日凌晨，他忽然在其新歌《下次愛你》的網上音樂平台留言，透露錄這首歌前一晚，他剛知道會「被消失」。
「唔煩就假嘅」
昨晚軒仔受訪時提到在Instagram的留言，他說：「其實因為公司同我講首歌要上架喇，咁錄歌嗰時又真係知道節目被抽起嗰日，所以希望用呢件令大家知道件事係咁，唔煩就假嘅，估唔到會牽連大波，令屋企人、歌迷同公司都擔心我，上一個節目平地一聲雷，好多過程唔知點講，但對我嚟講係一個小故事。」軒仔指沒有刻意了解被飛原因，又謂節目組當日好有誠意邀請他，他被感動才參與節目。有指他在微博寫愛國論仍被飛起？軒仔說：「我只係重申自己係中國人，雖然?家係香港人身份，咁香港人都係中國人啦。」是否節目組要求？他續謂：「唔係要求，係嗰時好多聲音，14年要講嘅都講晒。」不過，問軒仔文章是否出自他手筆，節目組可有參與意見？他苦笑謂：「細節我都唔記得，對於節目得失，唔會睇得太重，今次有林憶蓮，抱住追星去做。」
■陳倩揚一家昨晚去看首映。
■姜皓文表示跟魯芬都算熟朋友，覺得離世消息好突然。
「困擾好多年」
至於傳他抑鬱症發作？軒仔認為有必要澄清：「關心我係好，但呢個名困擾咗好多年，傳媒冇查詢我本人同問公司，好多人問我食藥未，有冇睇醫生，覺得好怪，要澄清，令好多人擔心，呢件事冇影響情緒。」他還笑說屬猴的他已過本命年了，今年一切會好。採訪：盧妹攝影：葉君海
來源:
http://hk.apple.nextmedia.com/entertainment/art/20170207/19919864
等足四季克勤阿Lam幫口王祖藍成功舉薦杜麗莎登陸《歌手5》
1 :
GS(14)@2017-02-12 15:24:192017-01-19 NM
宇宙G.E.M.憑《我是歌手2》（現易名為《歌手》）紅爆大陸後，古巨基、李克勤和容祖兒都先後參與節目演出，至於第五季有份出戰的杜麗莎，雖然是唱得之人，但登陸《歌手》舞台過程艱巨，王祖藍、李克勤和林子祥均曾為她出盡牙力。機會來了，早前《歌手》監製洪濤來港，終有機會一睹杜麗莎唱live功力，更決定開綠燈，讓她硬撼林憶蓮，師徒對決。唔夠人氣
出戰《歌手5》的過江龍除了林憶蓮，還有歌齡超過四十年的杜麗莎。據了解，她在今個二十一日播出的首集已開腔，更力壓同場對手，技驚四座。簽了杜麗莎的王祖藍，對她可以出征《歌手5》，更加功不可沒。「祖藍跟過Teresa學歌唱，佢一直想內地人知道老師係幾咁唱得，早响第一季已經向洪濤推薦Teresa，但可能佢喺內地人氣唔夠，所以推咗。其實唔只祖藍，克勤同阿Lam都有向製作單位sell過Teresa。直到舊年兩師徒喺《跨界歌王》合唱，令洪濤留有印象，後來祖藍知道監製嚟咗香港，機不可失，即刻安排他出席一個Teresa唱live的活動。」知情者說。
師徒互片
杜麗莎唱服洪濤的演出，其實是她紀念母親逝世一周年的私人聚會。「Teresa搞咗個小型私人party紀念媽咪，出席嘅都係至親同朋友。Teresa答應返內地演出錢其次，佢覺得內地多高手，可以重燃自己對舞台嘅熱誠。而佢媽媽係上海人，佢覺得返內地唱歌，會令亡母好安慰。」由第一季等到第五季，錯有錯着，造就杜麗莎和林憶蓮師徒對決。「其實憶蓮係Teresa第一個學生，八十年代已經跟佢學唱歌，如今師徒互片，都係一個賣點。」知情者說。
鑽研蔬果汁
生於音樂世家的杜麗莎，父親Fernando Carpio為六、七十年代爵士樂鼓手，堂妹是韋綺姍。成名於七十年代的杜麗莎，先後移民到美國及加拿大，回流後，她轉做歌唱導師，主力培育後輩，學生有林憶蓮、鄭秀文、許志安、關心妍、薛凱琪及梁詠琪等。近年杜麗莎又埋首鑽研健康蔬果汁，在朋友圈開心share。
撰文、攝影、攝錄：娛樂組
【來龍去脈】錄一集《歌手》刪剩膊頭
1 :
GS(14)@2017-02-18 09:51:44張敬軒於兩年前因為發表佔中言論：「眼前的香港，陌生得不能再陌生。人民是無辜的！堅決反對暴力鎮壓民眾！」當時他「被退出」內地節目《我是歌手4》，直至今季趕上尾班車，成功取得該節目第5季參賽一席位，其後他在個人官方微博，以千字文發表對內地矢志不渝的堅定立場，結果遭陳淨心狙擊，中港兩地網民亦鬧爆他。終於，本來已「入閘」為《歌手》錄好第一集的軒仔，最後亦冇得留低，所有他的鏡頭都被節目刪除，剪無可剪也只能見到他的紅色頭髮及膊頭（箭嘴示）。
來源:
http://hk.apple.nextmedia.com/entertainment/art/20170218/19931739
Next Page