取代鍾嘉欣吳若希簽星夢Hana要守子宮10年
1 :
GS(14)@2017-02-12 15:23:302017-01-19 NM [table=100%]
[table=100%]
|
|
[td=3,1]
去年出道的創作女歌手菊梓喬（Hana），只是花了大半年時間，已經成功在各大頒獎禮中橫掃多個新人獎，新一年，她更得到星夢一紙合約，老闆何哲圖（Herman）更講明讓Hana接吳若希棒，點名力捧。
為免新寵再步同門的鍾嘉欣和吳若希生B停工後塵，傳聞Hana賣身契列明條款，嚴禁結婚生B。早前本刊發現已年屆三張嘅Hana去了佐敦一座醫務所林立的大廈睇婦科，有指她此行除了例檢，另一目的是了解「凍卵」手術資料，為10年後生仔未雨綢繆。禁結婚生B
破格以三十歲之齡闖樂壇的菊梓喬（Hana），身材無甚睇頭，但勝在樣子十足內地女星劉亦菲，加上唱得又彈得，去年出道火速成為宅男新一代女神。
踏入新一年，Hana正式泊碼頭加盟星夢娛樂。今個月七日，公司隆重其事為她舉行加盟記者會，獲星夢一眾師兄師姐包括鄭俊弘、許廷鏗等拍短片歡迎。
分屬同門的鍾嘉欣和吳若希分別為生B停工，搞到老闆Herman（何哲圖）冇晒符！雖然Hana不如吳若希青春，但Herman有意將她打造成另一個吳若希，務求紅歌又紅人；但首要條件，是要Hana守住子宮，合約期內嚴禁結婚生B。
已經三張的Hana為錢途着想，但又怕將來做高齡產婦，惟有預先「凍卵」，為未來做媽咪作準備！
葉璇都凍卵
上週六（一月十四日），Hana在尖沙咀出席完活動再會合友人行街醫肚後，再行去位於佐敦的嘉賓商業大廈，在大堂水牌看了一輪，便直上樓上一婦產科醫務所，等見醫生期間，Hana更與友人傾到有關「凍卵」的話題。「識Hana嘅朋友都知佢好鍾意小朋友，不過呢幾年係事業搏殺期，加上合約講明唔俾生B，所以佢都唔諗住拍拖；但女人將來最終係要有個家，所以我哋提議佢考慮『凍卵』，聽講葉璇都做過兩次呢種手術，大家驚佢甩漏，仲介紹埋醫生俾佢。」Hana身邊友人說。
撰文、攝影、攝錄：娛樂組
吳若希陀B患女王病
1 :
GS(14)@2017-02-19 13:59:55吳若希為澳門闊少男友Alex懷孕6個多月，昨日她在facebook寫下懷孕心情，自稱由公主病進化到女王病，在這段懷孕期，有時會無緣無故想發脾氣，但吃碗飯或吃碗麵就會突然心情大好，然後又會乖乖上床睡覺。自認未懷孕前已是辣妹子的吳若希寫道：「已經從公主病進化到女王病，慶幸的是身邊那個還是依然會容忍你的壞脾氣，你睡不着他會陪你睡不着、你餓他就陪你吃、你無理取鬧他會抱緊你親親你（對，女生無理取鬧時並不是要男生跟你說道理，而是要你抱抱她親親她就夠啦。）所以，謝謝你愛我！」3小時後，她又貼出「遺體捐贈卡」。撰文：葉綠悠
來源:
http://hk.apple.nextmedia.com/entertainment/art/20170219/19932878
大肚吳若希谷奶半裸照流出男友話肥美
1 :
GS(14)@2017-03-22 00:47:13十月懷胎咁辛苦，o依家好多人都會趁住大肚影番輯孕婦相留念，今日晏晝生仔嘅周汶錡兩胎都有影，葉翠翠日前都貼咗輯新嘅大肚相。專心養胎嘅吳若希，預產期喺5月就快生得，呢排成日都喺instagram貼新相或者片。今日就到佢男友Alex提供新近照喇，仲要好有睇頭o添！因為張相係Alex攬住半裸嘅吳若希，親吻咗女友一啖。尺度咁大，Alex就留言話：「無論你變得幾肥美，我都會一樣咁錫妳～～」仲打咗幾個tag「#張相無咩點執」、「#我真係咁大隻」、「#第一次俾妳影半裸相」、「#第一次亦都係最後一次」
來源:
http://hk.apple.nextmedia.com/entertainment/art/20170321/19965300
Kay吳若希 產前飯敍
1 :
GS(14)@2017-03-23 06:51:13■許廷鏗前晚陪3個孕婦Kay（右二）、吳若希（右一）及化妝師（左一）食飯。互聯網圖片
大肚人妻謝安琪（Kay）、吳若希（Jinny）前晚相約許廷鏗和化妝師飯敍，問到臨盆在即的Kay有否向Jinny分享懷孕心得？她昨在電話說：「Jinny特登澳門返嚟，我哋食飯傾偈講吓笑，幾開心呀，我冇乜點分享心得呀，唏！邊有咁叻呀。」原來三人是同一化妝師，剛巧化妝師又大肚，Kay說：「覺得呢件事好有緣份，好有紀念價值好難得，我哋就任性少少，個肚籮咁大都出嚟食餐飯。」
Kay的預產期是本月尾，她說：「其實所有嘢準備好晒，我心情都準備好，當然越嚟越近，少少緊張。但好開心，可能之前生過第一個小朋友，所以好多嘢都淡定啲，食嘢瞓覺休息各樣都好好，純粹體重飆升好多，醫生話合乎標準，所以成個過程都係好開心。」採訪：皓騫
來源:
http://hk.apple.nextmedia.com/entertainment/art/20170323/19966853
吳若希忽然晒巨肚：史迪仔送個星球俾我
1 :
GS(14)@2017-03-23 06:51:19昨日許廷鏗喺fb貼咗一張驚人七人大合照，原來佢係約咗三個大肚婆謝安琪(Kay)、吳若希(Jinny)同化妝師朋友，而Kay BB昨日就回覆咗《蘋果》話：「總之好難得，我哋兩個同廷鏗都係同一個化妝師，覺得呢件事好有緣份，好有紀念價值好難得，我哋就任性少少，個肚籮咁大都出嚟食餐飯。」唔知係咪呢次飯局嘅焦點集中咗喺Kay BB身上呢，身在澳門嘅Jinny BB就喺晚上，放咗一張肚肚相，佢留言話：「關於大肚相點解唔見肚~~我想還攝影師一個清白！曾幾何時史迪仔話送個星球俾我~應該就係呢個！」咁睇落史迪仔送俾Jinny嘅星球又的確好大喎！
來源:
http://hk.apple.nextmedia.com/entertainment/art/20170323/19967394
蔡瀾微博問答日賺10萬人仔吳若希10蚊爆私事
1 :
GS(14)@2017-04-05 23:56:50■在家安胎的吳若希，在微博答網民問題賺奶粉錢。資料圖片
藝人轉戰內地賺人民幣已不是新鮮事，皆因酬勞比香港高出以倍數計算。不過，要經常往返中港兩地，時間都是成本之一，最近不少藝人都轉攻微博賺快錢，而蔡瀾就是其中一位。
■吳若希收10元平民價，向網民自爆私事。
■蔡瀾收39元人民幣答問題，有網民大膽問他性經歷。資料圖片
■麥玲玲亦有在微博答問題，每條收138元人民幣。資料圖片
自己定平民價
其實，微博最近興起找藝人或名人回答網民問題，一問一答就有錢分，至於每條問題要多少錢，原則上由一班藝人、名人自己定價，只要網民願意付錢，基本上問甚麼都可以。近日蔡瀾、麥玲玲及吳若希等，已經開始玩了兩個月，腹大便便的吳若希，坐在家賺奶粉錢，每條問題定價亦相當平民，只要10元人民幣便可以發問一條，有網民問她私事，如生完何時再生？吳若希也回覆，並說：「最好三年後再生個娃！」現時微博粉絲達970萬的蔡瀾，最近在自己專欄中透露，他在農曆新年開始答網民問題，一夜之間已有兩、三千條問題殺到，以每題他收39元人民幣，一晚便賺過10萬。最難得是網民問的問題極之簡單，包括有人問「長得太胖？怎麼辦？」、「先生，你吃狗肉嗎？」直至最近才有人開始問性事問題，蔡瀾依然有問有答。
玲玲月收兩萬
有份玩的麥玲玲就表示：「我都係最近呢個月先開始玩，原則係微博粉絲要有番咁上下人數，咁就會有人邀請你去玩，好似我咁，我set每題問題收138人民幣，之後如果有其他網民想睇我答啲乜，就要畀1蚊先有得睇，到時我同問問題嘅網民，每人都可以得到一半收益。即係話條問題有100個人睇，我就收到額外嘅50蚊。其實都幾好賺，我只係搭吓車或者喺屋企臨瞓前，答幾條問題，一個月就賺咗兩萬幾蚊。」採訪：王梓嫚
來源:
http://hk.apple.nextmedia.com/entertainment/art/20170405/19979894
扭計要勁食吳若希挺巨肚 逼電車嗲男友
1 :
GS(14)@2017-04-22 10:49:43【低頭族】■隨時生得的吳若希日前戴着口罩，孖男友Alex電車河，幾乎全程低頭撳電話。讀者提供圖片
【爆相爆片】下月便25歲的吳若希，去年撻着澳門闊少男友何兆鴻（Alex），同年底便未婚懷孕，為了安胎即停工，下月就是預產期，肚大如籮的吳若希活躍網上，不時在社交網站發佈孕記，還替囡囡改英文名Giselle。本報讀者羅小姐日前透過《蘋果》「爆相爆片」，分享了戴着口罩素顏的吳若希孖男友Alex坐叮叮遊電車河，羅小姐日前在電話中說：「禮拜三（19日）傍晚大約6點半，我喺金鐘上車，已經見到佢同男友坐喺度，電車係去筲箕灣，吳若希幾乎全程都係耷低頭撳手機。」
唔識路周圍望
從相中看到，大肚吳若希都潮用名牌Chanel斜孭袋，不過懷有９個月身孕的她肚子越來越大，名牌手袋都遮不了，戴了口罩的她低頭時頭髮披面，身邊的Alex左手拿着相機，一家「三」口溫馨遊電車河，Alex右手緊握扶手，雙腿夾實。羅小姐續說：「見到佢男友周圍望，好似唔清楚地方，吳若希同佢講『灣仔』，之後又好嗲咁同男友講：『哦，好吖！』，架車多人幾迫，唔見佢哋有親密行為，都有啲人眼望望。」
【勁溫馨】■吳若希帶澳門男友Alex平遊香港，一家「三」口溫馨坐叮叮。讀者提供圖片
■去年宣佈未婚懷孕的吳若希，早前為囡囡改英文名Giselle。資料圖片
■吳若希早前與Alex上產前育嬰班。資料圖片
攝期７月開騷
吳若希前晚在facebook發大肚婆牢騷：「我不開心……因為我想剪腳趾甲，但是我剪了10分鐘，還沒有剪完，然後我又突然發現我餓了，我好想好想吃格仔餅，兩塊！多奶！多醬！還有蛋撻！還有魚蛋，辣的！」大肚婆召喚，不知Alex可有立即行動做外賣仔？此外，有意產後復出的吳若希，有傳她會頂上鄭俊弘的７月紅館檔期騷，其實計算日子，她產後坐月，時間啱啱好。早前挺住巨肚的吳若希，抽空返公司與星夢高層何哲圖吹水密密斟，空穴來風，未必無因。採訪：皓騫
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997343
Next Page