超雲街市買餸一腳踢超蓮搭港鐵勁低調
1 :
GS(14)@2017-03-24 17:08:02何家三房兩位千金不嬲都貼地開，超雲唔止今次喺銅鑼灣買手機殼，其實佢喺早前已經試過買餸。今年初，超雲喺灣仔街市被捕獲，當日下晝5點左右，雖然係家庭主婦買餸嘅高峰，不過超雲都冇理咁多，唔怕同人迫咁勇闖濕漉漉嘅街市，佢一去到先主攻菜檔，之後佢再轉戰魚檔買魚，佢唔怕濕之餘，仲主動請教檔主點揀靚魚同點煮條魚先係最好味，最後仲去埋買生果，總共買咗半個鐘就走人。而妹妹超蓮都一樣咁貼地，佢曾經被影到自己一個著住便服look喺中環港鐵站，佢喺下晝3點幾唔識同人迫搭港鐵，一身便服legging look非常低調，仲自顧自咁戴住耳筒聽音樂，之後佢去咗金鐘站落車，原來約咗朋友去太古廣場行街。
來源:
http://hk.apple.nextmedia.com/entertainment/art/20170324/19968705
超蓮北上捧G.E.M.
1 :
GS(14)@2017-04-05 23:56:49何超蓮除了跟何超雲姊妹情深，相交亦滿天下，閨蜜就有鄧紫棋（G.E.M.）和李蘊，大前日超蓮和李蘊就上廣州捧好友G.E.M.演唱會場，前日超蓮在微博貼相並留言：「昨天跟蘊妃分開坐的原因，是貼心的鄧寶貝給我留了張5月9日生日的座位票，演唱會很成功，很為你驕傲。」
■G.E.M.（中）抱着李蘊B女，齊齊嘟起金魚嘴。互聯網圖片
李蘊則貼了抱女的睇騷相，寫道：「我們當然有來支持鄧乾媽啦，Good show！」而G.E.M.完騷後感謝團隊、同事和親友支持，感性留言：「連續兩場眼淺得不得了，因為現實是我並不是每天都是皇后，但你們一直都在！」撰文：皓騫
來源:
http://hk.apple.nextmedia.com/entertainment/art/20170405/19979914
貓奴超雲家貓洗版超蓮集氣溫書考試
1 :
GS(14)@2017-04-05 23:56:50何家三房超雲超蓮呢對姊妹感情好好，早排又孖住出去行街街。兩姊妹冇將戰利品放上IG開心share，咁佢哋平時會放上啲咩相上網呢？家姐超雲好鍾意小動物，幾乎成個IG都係佢三隻愛貓，毛毛、包包、蠢蠢輪流出現，其中毛毛最貪玩，蠢蠢最天然呆。超雲除咗會幫啲貓貓沖涼同搜羅零食，仲會幫佢哋開生日會，仲訂制過一個貓型蛋糕俾包包。至於阿妹超蓮IG就多啲相睇，有時會影啲功課相，溫書前後會上網集氣，有時又會同成班朋友食飯，唔少得梗係兩位好姊妹李蘊同G.E.M.啦。超蓮仲參加好多慈善活動，之前去咗尼泊爾幫「點滴是生命」做地區探訪有貼相上IG，早兩個星期佢去潛水，仲幫手執埋海洋垃圾。
來源:
http://hk.apple.nextmedia.com/entertainment/art/20170405/19980494
【馮仁昭四圍超】超盈半年賺2千萬派花紅單身超蓮：唔覺Dry
1 :
GS(14)@2017-04-08 19:39:50■何超盈（右）同何超蓮前晚以黑色色系打扮撐好友。
賭王兩位千金何超盈同何超蓮前晚喺上環撐好友陳雪鈴搞嘅網上購物平台Goxip活動，當中「薯片」曾俊華都有嚟撐場。超盈之前拎咗當代藝術家曾梵志嘅名畫「面具」拍賣，佢話：「破晒紀錄，幅畫賣咗1億，公司呢半年已賺咗2千萬，會派花紅畀員工。」超盈講到自己有投資app生意，之前美圖秀秀上市前已買入股份獲利，問到感情生活如何？佢就笑言：「顯然冇，自己放幾年時間搏殺，?家講生意多過講感情，講金唔講心。」超蓮提到感情生活已封盤年半：「?家做嘢先，媽咪覺得幾好，少咗緋聞，踏實啲，都唔覺得dry，可以陪多啲屋企人。」
■三太陳婉珍（左二）噚日帶超雲（左）同超蓮去撐猷啟做東華總理。
三太讚猷啟女友
另外，超蓮噚日同家姐超雲、媽咪陳婉珍出席東華三院董事局就職，支持細佬猷啟做總理，超雲之前28歲生日，而三太亦剛過63歲生日，一家人早前已慶祝，猷啟嘅模特兒女友Angelika有現身見家長。超雲提到生日願望希望賭王身體健康。問到近況？超雲話返公司幫手打理生意，現時冇拖拍，亦唔心急。三太見過Angelika，佢話：「幾好呀！好好禮貌。」問到介唔介意係外國人？三太話：「佢鍾意就得。」撰文：馮仁昭
來源:
http://hk.apple.nextmedia.com/entertainment/art/20170407/19982165
超蓮黑色小泳衣激罕三點式晒優質股
1 :
GS(14)@2017-05-21 13:16:13昨日香港天陰、有雨，仲凍凍地，完全唔似5月應該有嘅天氣，好彩有一班靚女，好似陳婉衡、張曦雯咁，去咗旅行都影啲泳衣相，俾番個夏日feel大家。最新一位同陽光玩遊戲嘅名人，係賭王何鴻燊三房千女何超蓮，佢同幾個女仔朋友去咗泰國布吉，慶祝生日，仲好有默契咁襯晒白色衫去旅行。嗱嗱嗱，去布吉喎，冇理由唔落水吖！所以超蓮就換咗一件黑色三點式泳衣，仲做埋影后，俾班女仔朋友影相！超蓮應該對張相都好滿意，仲放埋上ig，靚靚身材超級火辣，真係唔怕俾人欣賞，只係半個鐘，就有好多網民出嚟讚佢sexy添！
來源:
http://hk.apple.nextmedia.com/entertainment/art/20170521/20028370
【何家戀事】超蓮晒火辣泳照
1 :
GS(14)@2017-05-21 13:16:14賭王三、四房子女條件優厚，絕對是城中的筍盤。
三房細女超蓮【多觀音兵】
與吳克群於前年結束四年情，現年26歲的她之後與霍啟山、劉根森及方力申等傳緋聞，現專注修讀會計課程的她，昨日遊布吉晒誘人泳照（圖）。
三房大女超雲【深閨玩貓】
28歲的超雲最近一段戀情，可算是與陳山聰的兩年情，二人於13年分手，之後一直未有新戀情，變得深閨的她，愛行街市下廚及玩貓為樂。
三房孻仔猷啟【前日甩拖】
同樣26歲的猷啟，前年與孖生家姐超蓮的好友G.E.M.傳緋聞，去年在Ig貼圖認與外籍索模Angelika拍拖，不過他前日公佈二人已分手。
四房大女超盈【做女強人】
與任職室內設計的男友Greg拍拖四年，於12年分手，26歲的她近年專注做商界女強人，與保利在澳門搞拍賣及發展藝術事業。
四房大仔猷亨【速撇陳瀅】
現時23歲的猷亨前年12月戀上宅男女神陳瀅（圖），發展姊弟戀，有傳因女方逼得太緊，二人拍拖半年便分手，去年10月他被影到與長髮女撐枱腳。
來源:
http://hk.apple.nextmedia.com/entertainment/art/20170521/20027891
Next Page