valuation 只能用呢套原則, 切勿存有 "增長是永恆"的幻想
1 :
GS(14)@2011-09-14 19:26:07http://www.inv168.com/phpBB3/viewtopic.php?f=48&t=64813
由 hw » 週二 9月 13日, 2011年 10:51 pm
坐唔坐貨就視乎個人的風險承受能力
不過呢個時間就係做功課既最好時間, 經濟周期下滑, 基本因素好難不變, 好難有股價可以完全獨善其身. 雖然呢道有好多大戶級既投資者, 但係我地唔係基金, 持100%現金都唔怕比人咋型.
"莫買當頭跌"呢句話唔係坐唔坐得起, 而係有無必要坐? 大跌市坐貨既心理質素要求好高,下下最底位買到既係運氣多於技術. 如果隻野在下一個up cycle真係有幾倍既upside, 就算買遲20%都唔係好蝕.
私營保險箱月租最平$50律師：不受監管 存有風險
1 :
GS(14)@2016-11-16 05:08:15■盈富保管箱提供約5,000個12種不同尺寸的保險箱。 李潤芳攝
【個人理財】銀行保險箱一箱難求，有私人企業經營的保險箱公司乘機崛起，投資過千萬建鬧市金庫，標榜「警司級」保安級數兼有保險承保，細箱月租最平僅50元。不過有律師提醒私人公司始終不如銀行般受監管，一旦經營不善甚至遭清盤，客戶寄存財物會有風險。記者：陳洛嘉 江靖然
■盈富財務集團執行總監 鄭家俊
銀行以商譽見稱，即使保險箱年年加價仍求過於供，可謂「有錢都租唔到」。今年續有兩間私營保險箱公司看準市場需求，開業挑戰銀行眼中利潤微薄的「雞肋」生意。位於尖沙嘴鬧市的盈富保管箱於今年7月開張，業主豪擲過千萬改裝3,000呎地牢自建金庫，提供約5,000個12種不同尺寸的保險箱，目前已租出近千個，細箱最平月租50元，至少要租三個月。若以一般可放下A4文件的保險箱計，一年租金介乎900至2,800元，價格稍低於銀行。至於位於機場富豪酒店的智富寶庫，其智能保險箱需以指紋開鎖，收費與銀行看齊，主打以商務旅客為主的中高端市場。
保險承保水浸盜竊損失
盈富財務集團執行總監鄭家俊指，公司開業緣起「老闆自己都搵唔到箱」，坦言銀行未必志在「賺個一千幾百」，但市場對保險箱確有大需求，故決心於自己物業開業一試。盈富聘用退休總警司開設的保安顧問設計金庫，已改建特厚外牆、地板，同時使用三套獨立保安監視系統，稍有異樣會立即通報警方，保安顧問亦會每月巡視金庫。銀行保險箱值錢之處在於夠穩陣，鄭坦言，私營保險箱公司毋須特別申領牌照，但公司已向附近警署報備，希望加強保安，「有咩事5分鐘內已經有警察到」。盈富於客戶租約內亦已包保險，由MSIG三井住友承保水浸、火災、盜竊等損失，保額為2萬元，客戶可自費加大保額。「珠寶行都有同我哋租，亦有客覺得銀行個箱太遠轉過嚟」。比較盈富的出租條款，基本上與銀行相若，銀行甚至未有包含保險，並列明除非故意失當或人為疏忽，否則一律不予賠償。不過，大律師陸偉雄指，銀行着重商譽且受金管局監管，即使有免責條款、寫明有賠償上限等，「其實到頭來都會賠足」。他以星展香港當年誤拆客戶保險箱為例，「最後都係逐一傾賠償」。他提醒，私人公司始終不受監管，一旦經營不善甚至遭清盤，客戶寄存財物會有風險，故消費者選用時宜先了解公司背景，並額外購買保險。
【市民意見】
■梁婆婆
梁婆婆：「本身用緊滙豐，唔係好信得過私人嗰啲。銀行都無乜保障，但信得過佢，用咗廿幾年喇！」
■Betty
Betty：「用咗十幾年銀行保險箱，收費越嚟越貴！但始終銀行會好啲、穩陣啲，私人嗰啲講佢就叻。」
來源:
http://hk.apple.nextmedia.com/financeestate/art/20161114/19832918