【財圈花生－青龍之戰】陳承龍炮轟青姐：我不嬲臭朵 有冇錢唔關佢事
1 :
GS(14)@2017-10-09 02:59:38股票市場波譎雲詭，財演界嘅戰事亦冇一刻停過。最新一場戰事，係港股策略王社長陳承龍，決戰「青姐」胡孟青，史稱「青龍之戰」。戰事嘅始末，要數到公元2017年9月18日，「青姐」喺嘅一篇專欄《股玩你人亦會玩你》。內容主要係講「有人」自稱上個月賺千萬，令到「青姐」喺文章連環放箭！第一箭，先係質疑錢咁易賺，點解仲要出力宣傳。呢一箭唔到肉？再來一箭，話有老行尊直言，「此人正欠他寶號的股票孖展融資。」暗示呢個人吹水，仲話佢「搵傻仔墊屍底」。至於「青姐」講嘅人係邊個，根據形容，係「自誇食得招積、住得舒適、超跑遊艇代步、O靚模成群。」根據種種明示暗示，就觸動咗陳承龍嘅神經線。佢主動向「青姐」WhatsApp，問「你係咪講緊我？」青姐就回覆，叫陳承龍唔好對號入座。去到呢個Moment，戰事真係一觸即發！勢估唔到，導火線竟然係來自一個WhatsApp！原來兜兜轉轉，陳承龍收朋友Forward，青姐原來將佢哋兩人之間嘅對話Cap圖Send出去！結果遍地花生！去到呢個Moment，陳承龍爆了，最新喺Facebook出Post，指名道姓話要《給青姐的信》，直斥文章影射佢之餘，仲「周圍傳我口訊給別人看」，「反正我一向在行內聲名狼籍，不過我最失望是你莫視我對你的尊重和信任。」陳承龍接受《蘋果》訪問時表示，就覺得文章影射佢，「佢話我輸多贏少咪失實囉…最大問題係，其實你每朝都會見到我，如果想寫我，點解唔兜口兜面問我，你就成日鬧記者做得差，點解你自己都唔問？」佢話最失望係，青姐周圍Send佢嘅WhatsApp出去，「我係好客氣問佢，漠視我對佢的尊重和信任，你咁小家周圍Send咁辛苦，不如我公開左佢啦……我臭朵就不嬲，但真係，我光明磊落，寧做真小人，莫做偽君子，呢個通行都知。去到呢個Moment，我不如將佢公開，等大家知邊個錯……你咪問我係咪欠人街數囉，我有冇錢其實都唔關佢事。」佢仲話，「我結婚都搵佢，我唔知佢嬲我乜嘢。」本報曾嘗試聯絡青姐，但冇人聽電話。
來源:
http://hk.apple.nextmedia.com/financeestate/art/20170920/20158675
【iPad Pro實測】升級iOS 11 有冇伏？
1 :
GS(14)@2017-10-09 03:18:02iPad升級iOS11後會比較好玩。
iOS11剛剛推出，記者已第一時間將iPad Pro及iPhone6s升級，雖然更新檔案約2GB，但由下載到安裝需時約二十多分鐘。
相對地iPad Pro升級後會比較好玩，如加入設計一如macOS Dock的應用程式，這個新設計亦令操作更簡易，只需從Dock中拉出應用程式，就可以Split View（分割畫面）方式顯示，亦能夠自行調校畫面比例。另外只要將視窗拉下就能做到Slide Over功能，理論上Slide Over跟背景應用程式可以同時運作，不過試用YouTube應用程式時就出現問題以致Hang機。
最抵讚是只需在按鍵上向下拉即可輸入數字。
但新系統都有抵讚之處，就是只需在虛擬鍵盤按鍵向下拉，就能輸入數字及符號，比以往要切換至數字鍵盤再作輸入明顯省時。更新完後試用了一小時，感覺上iPad Pro耗電速度好像比之前為快；另還有一個小問題，就是配對Apple Pencil時未能連線，未能試到新增的鎖機輕點寫入備忘等功能。始終每次有全新iOS推出，初時總會有少許問題，若不太趕急要用的話，可考慮待除錯更新版本推出後才更新iOS11。記者：布偉倫攝影：梁志永2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170922/20160212
趣blogblog：跟住甘比搵食有冇伏？
1 :
GS(14)@2017-10-09 03:49:47■陳凱韻
今年表現最好的板塊，非內房股莫屬。88隻港股年內累計升了一倍或以上，其中內房股佔18倍，比率達到兩成。而全年升幅最勁的，不是創板股、不是細價股，而是曾為內房股中的負債王恒大地產（3333），不足三季內飆升五倍，市值接近4,000億元。
10隻表現最好港股中，華置（127）創辦人劉鑾雄（大劉）及其配偶陳凱韻（甘比），今年中了3隻，分別是恒大、融創（1918）以及佳兆業（1638）。上周三晚甘比牽頭的財團，聲稱持有94億佳兆業債券，每年穩收息近9億元，刺激佳兆業兩日爆升27%。回帶今年3月下旬，甘比牽頭家族及幾位投資友好，認購約78億元恒大債券，結果自當日至今，恒大股價累升3.5倍。甘比效應下，市場開始找尋下一隻甘比愛股。當日發言人亦透露了，除恒大及佳兆業外，亦持有其他6至7間內房股債產品，其中一間內房市值短期內由約500億元飆升至超過1,500億元。市值極速飆升至1,500億元，恐怕就是今年表現第三佳的融創，年內累升逾4倍，至於其他6至7間內房股有何線索，或者可以由8年前、大劉「鋤Dee會」朋友圈認購新股，可以捉到蛛絲馬迹。
延伸「鋤Dee會」投資
病逝近一年的鄭裕彤（彤叔），生前鍾情與中港富豪後輩「鋤Dee」，鐵腳有大劉、楊受成等。恒大主席許家印在自傳中自爆，曾每星期要與彤叔「鋤Dee」及與「純官」鄭家純鬥地主，據聞鋤Dee每隻一萬，一晚上落曾過千萬。及後恒大於2009年上市，彤叔大劉齊齊入股兼撐場。其後他們多次聯手抽新股及投資，坊間將他們歸類為「鋤Dee會」。統計2009年11月至12月，大劉曾入股了恒大、佳兆業、龍湖（960）、花樣年（1777）以及金沙（1928）IPO。正所謂唔熟唔買，甘比今年認購恒大股債、佳兆業高息債，某程度只是大劉8年前「鋤Dee會」圍威喂認購內房新股的伸延。當年一眾富豪甘願做IPO宣傳佈景板，隻隻內房招股反應相當不俗，還記得老父少有地抽佳兆業及花樣年的股票，就是大孖沙效應。結果是一上市就見頂，然後沉淪，佳兆業停牌兩年，今年始食正升浪報復式反彈。或者，大劉甘比大手投資恒大，已非單純投資角度，而是兩者已綁在同一條船上。如2015年華置天價125億賣總部萬通大廈予恒大，後者居然可以分6年付款。及至今年4月開始、恒大回購額度快用盡、基金大肆沽空之際，華置斥81億元在市場狂掃恒大股份，擊退淡友，恐怕是洗濕個頭焗住救，多於「鋤Dee會」成員間的情義。回應標題跟住甘比搵食有冇伏？或者很簡單問問自己，如果有必勝股、必賺之法，願慷慨地與陌路人開心share嗎，抑或背後另有目的，留待各位判斷。
股榮
http://www.fb.com/stockwing1
來源:
http://hk.apple.nextmedia.com/financeestate/art/20170924/20162558
【倫敦剪髮】蘇豪區剪碧咸頭 1小時換18次剪髮器有冇伏？
1 :
GS(14)@2017-10-29 23:39:33第一次在外地剪髮由女髮型師Kelly操刀。
全新旅遊專頁，即like籽想旅行：
https://fb.com/travel.appleseed去旅行時很喜歡到當地剪髮，曾經在柬埔寨以及越南剪髮也中伏，反而有一次在歐洲的波斯尼亞剪還好。今天我來到倫敦的剪髮舖，打算挑戰一個英倫風格的碧咸頭。
舖頭位於倫敦蘇豪區的小巷內，名為Wacky Barber，是一間古怪髮型店。店內播放Hip Hop音樂、免費任飲的啤酒和Red Bull，牆身貼滿潮牌貼紙以及各式各樣的海報。紅藍黃綠的大鐵皮箱以及簡陋的皮椅子，清一色滿佈紋身髮型師，凌亂中散發一鼓美感。舖頭細細也逼滿剪頭髮的人，一入去的感覺非常「chill」。剪髮不需要預約，walk-in即可，我等了差不多20分鐘，在外地剪髮第一次由女髮型師Kelly操刀。剪髮32英鎊起跳(約$350港元)，在倫敦不是最便宜的髮型舖，不過顧客以男性為主，相信有一定保證。想知我最後剪成點，立即去片！
牆身貼滿潮牌貼紙，紅藍黃綠的大鐵皮箱以及簡陋的皮椅子，最多容納5位客人剪髮。
Wacky Barber位於倫敦蘇豪區的小巷內。
髮型師清一色佈滿紋身。
Kelly非常有心機，不斷更換不同長度的剪髮器剷青。
查詢
Facebook@Wacky Barber Soho記者、攝影：翁怡富
來源:
https://hk.lifestyle.appledaily. ... e/20171024/20192331
【明年公佈】台北納入米芝蓮紅色指南 夜市小食有冇得摘星？
1 :
GS(14)@2017-11-13 03:35:31台灣曾於2011年發行過主要提供旅遊資訊的綠色米芝蓮指南（Le Guide Vert），而較多人關注、介紹酒店及餐廳的紅色米芝蓮指南，則是今年才確認將於明年推出，成為第30個被收入米芝蓮美食評鑑系統的地區。
台灣名廚江振誠上月明言想退還已奪之星給米芝蓮，此事亦成為米芝蓮記者會的提問焦點。
米芝蓮代表Bruno de Feraudy和台灣交通部觀光局今天（7日）下午召開記者會，確定紅色米芝蓮指南（Le Guide MICHELIN）會在今年12月曼谷米芝蓮的上榜結果出爐後才推出，預計時間約在2018年的第一季。台灣名廚江振誠在新加坡開設的法式餐廳Restaurant ANDRE曾奪米芝蓮二星，他上月宣佈想退還已奪之星，此事亦成為記者會的提問焦點。Bruno de Feraudy在記者會上回答記者：「米芝蓮星級評鑑是評價餐廳，再給消費者建議，非評鑑主廚。」他同時也表示暫時未有確實計劃及時間表，會在台灣的其他地區推出紅色米芝蓮指南。
台北出名多街頭小食，香港人最喜歡到夜市掃街，會否有機會摘星呢？得獎食肆會否同香港的小店一樣，遇上「米芝蓮咀咒」，同樣被陸客塞滿和被瘋狂加租呢？一齊等下年結果公佈後就有答案！記者：張佩君
來源:
https://hk.lifestyle.appledaily. ... e/20171107/20206415
Next Page