豪宅入伙催婚 鍾情麥明詩到馮盈盈林作媽咪要港姐新抱
1 :
GS(14)@2017-01-26 18:22:12■大少爺兼大律師的林作，為洗廁所折腰，出力洗邋遢。攝影：仇志德
【《蘋果》專訪】上屆港姐冠軍麥明詩的大律師男友林作，曾多次被踢爆背女友偷食，慈母林媽媽多次為兒子箍煲，因為她恨飲新抱茶和抱孫。新年將至，林作與媽媽日前在新入伙的豪宅接受訪問，即場被媽媽催婚，林媽媽開口點名大讚名花有主的應屆港姐冠軍馮盈盈合眼緣、乖巧又啱傾，林作即大爆媽咪恨做「港姐奶奶」。
現年27歲的大律師林作前年被爆戀上「十優港姐」冠軍麥明詩，林作的媽咪對這位「新抱仔」愛護有加，可是偏偏男方緋聞不絕，令麥明詩缺乏安全感。過去兩年，他們先後經歷情變、翻撻、掟煲唔掟蓋，近年就疑轉玩地下情。日前林作與媽咪在麥當勞道新居接受本報專訪，林作大爆母親恨有個港姐新抱。
■林作被媽媽催婚，林作笑言其實是媽咪恨有個港姐新抱。
■讀書時期的林作包包面。
■馮盈盈與男友Martin上月到林作新居開P，林媽媽見過馮盈盈竟大讚合眼緣。
讚馮盈盈乖
林作的新居，由他的富媽媽去年斥資6,500萬購入，準備給兒子結婚後做愛巢，可是林作和麥明詩的關係撲朔迷離，不認情侶互稱朋友，卻又不時密會，他們既用情侶車，過時過節又孖住食飯。雞年將至，林媽媽對兒子催婚，恨飲新抱茶恨到出口，她說：「新一年願望，希望個仔可以結婚，咁就最好啦，我好想抱孫，其實佢都差唔多年紀啦……唔好再拖落去啦！」林作沒預計母親公開催婚，頓時不懂反應。可是皇帝唔急太監急，林作的雞年願望並不是想拉埋天窗，他卻搞笑要媽咪生性，賺多些錢：「你做咗咁多年生意，係時候要發大嚟搞啦！」林媽媽講起兒子娶妻，份外興奮，可是提的港姐名字，卻不是麥明詩，而是她的師妹、應屆港姐冠軍馮盈盈，林媽媽說：「其實我幾鍾意馮盈盈，上次林作生日，佢都有嚟。」馮盈盈去年底帶同十優狀元醫生男友Martin孖咇出席林作生日派對，估不到當晚林媽媽就贒中馮盈盈，林媽媽更講到眉開眼笑：「佢好乖，同我好啱傾，總之第一次見就好合眼緣，可惜佢有個10A男友。」不過林作見勢色不對，即落閘制止林媽媽，卻將奶奶講成外母：「我同阿媽討論過，我懷疑佢（媽咪）嘅夢想，係做港姐冠軍外母。」對於林作媽咪大讚馮盈盈，麥明詩昨短訊回覆傳媒：「我都覺得係，佢幾好㗎。」而馮盈盈則答：「係咩？唔好意思，我未睇報道。」
少爺洗廁所
此外，後日大年初一，林作家中的外傭近日休假返鄉，平日做慣大少爺的他卻與媽媽夾手夾腳洗邋遢，林作更不介意彎腰洗廁所，他表示早年英國留學時，也有親手做家務，他說：「以前讀書自己住，邊度有人會幫你執嘢？煮飯洗衫都係自己嚟，不過我最鍾意洗碗，因為洗嘢會有一個莫名其妙嘅快感。」採訪：王梓嫚、嵐山攝影：仇志德
來源:
http://hk.apple.nextmedia.com/entertainment/art/20170126/19908607
麥明詩刻意行性感
1 :
GS(14)@2017-01-26 18:22:15麥明詩昨日穿着性感開胸連身裙在尖沙嘴出席宣傳活動，有傳和林作轉玩地下情的她，避談有否到訪過林作豪宅新居，只表示：「嗰間屋好耐之前買。」她又笑謂不會靠買桃花來催旺姻緣：「我覺得主動啲，多啲出去識吓朋友就OK。」現場見麥明詩面腫腫，她解釋剛剝了智慧齒所致，並笑言：「所以我用長髮遮面，又着得性感啲，可以轉移視線。今日啲牙肉最腫，不過應該好快消腫，遲啲都要同劇組請假，剝埋另一邊嘅智慧齒。」她坦言去年面對很多壓力，踏入雞年，希望新一年可以活得開心，以及習慣面對壓力。撰文：葉綠悠
來源:
http://hk.apple.nextmedia.com/entertainment/art/20170126/19908611
報稱傾合作商機 公私拍住上麥明詩坐街等約會 神算外孫：佢笑得好甜
1 :
GS(14)@2017-02-09 23:43:53【閒逛搵食】■麥明詩前日與董慕節外孫閒逛商場。
【淺水灣】25歲十優港姐麥明詩和林作疑轉玩地下情，身邊觀音兵卻排隊湧現，繼跟蔘茸藥房太子爺坐茶餐廳後，前日輪到鐵板神算董慕節外孫張存華上場，兩人被直擊在拍拖勝地淺水灣蜜會談心兩粒鐘，昨日神算後人接受本報訪問時，大讚麥明詩叻女、笑容又靚，印象好到加零一。
麥明詩於女拔挾10A成績入讀英國劍橋大學法律系，畢業後返港參選2015年港姐選舉，以大熱之姿壓倒性封后，但她跟律師男友林作的「明作戀」卻幾經風浪，去年傳出三年情疑似玩完，之後兩人多次被影到見面，似乎轉玩地下情，兩人身邊亦各自出現新歡，麥明詩的裙下之臣更加浪接浪，前日被本報直擊孖新歡大隻男浪漫遊淺水灣。
【玩機呆等】■麥明詩前日單拖現身淺水灣，不停撳手機似乎佳人有約。
【冧女有計】■麥明詩與神算外孫入了cafe撐枱腳，麥明詩不時露甜笑。
■麥明詩挾10A之銜當選港姐冠軍，有身材有樣貌有高學歷。資料圖片
調笑有一手
前日下午約4時許，記者發現麥明詩單拖現身淺水灣商場外，當時見到麥明詩神情有點悶悶不樂，獨個兒不停撳手機，似乎在等人打發時間，大約半小時後，一位外表俊朗的男士匆匆現身，麥明詩見到他即露出笑容，兩人還握手問好，似乎是新識的朋友，不過兩人揀在拍拖勝地淺水灣約會，似乎有無限發展空間。兩人首先閒逛商場，之後入了一間cafe撐枱腳，他們揀了店內後面的靠牆座位，全程互望談心足足傾了兩粒鐘。大隻男似乎好識冧女，見到麥明詩不時露出甜蜜笑容，埋單之後還並肩行到停車場。據知，麥明詩的新歡名叫張存華、英文名Emil，乃有「董半仙」之稱的董慕節外孫，他在體育公司擔任營銷經理，還為樂視做NBA評述及節目主持。前日麥明詩回應傳媒時表示：「同佢今次係第一次見面，佢做Marketing PR，約出嚟只係睇吓大家有冇合作機會，去淺水灣係因為方便我架車叉電。」至於林作回覆似劃清界線：「我啱啱新年同屋企人去咗蘇梅旅行，佢嘅嘢唔回應啦，我乜都唔知。」至於新歡Emil昨在社交網貼健身相晒肌，網友留言：「10A大隻仔男友」、「40吋巨胸」，Emil接受《蘋果》電話訪問表示：「梗唔係40吋胸，佢哋鍾意玩嘢，噚日第一次見啫，我哋喺活動上識。」問到何時認識？Emil支吾說：「唔好問啦，我好驚媒體影響我同佢嘅朋友關係。」是否想追十優港姐？他緊張說：「唔好咁講，好大壓力，我覺得佢好叻女，但唔可以見佢一面就即刻追佢，識耐啲先啦。」
「同女拔啱傾」
問到麥明詩是否他的那杯茶？Emil坦言：「佢係叻女，我係鍾意叻女，覺得佢好nice，好好人，好有才華，笑得好甜，眼又大。佢又英國返嚟，幾特別㗎，而女拔萃又出強人，我老細都係女拔，所以我覺得自己同女拔女仔幾啱傾，我好欣賞叻嘅女仔，?家香港咁複雜，女強人係一個魅力。」跟林作拗手瓜？Emil說：「唔會，唔會同人哋搶，我做好自己嘢先。」問到外公是否董慕節？他避答：「家庭事想低調一些，謝謝。」採訪、攝影：徐錦池、孔志豪
來源:
http://hk.apple.nextmedia.com/entertainment/art/20170209/19922043
麥明詩夾胸見甄子丹
1 :
GS(14)@2017-02-12 13:52:35麥明詩及甄子丹汪詩詩夫婦等昨晚現身中環海濱長廊的AIA嘉年華，出席Power of Film的慈善活動，當中麥明詩穿上黑紗裙，隱約透出谷胸的事業線，記者問到她性感解放，她笑言：「係效果，呢個活動非常重視，甄子丹係我非常尊重演員。」提到林作棄當律師做幕前，她表示：「職業無分貴賤，讀法律唔一定做律師，我感同身受，畀人覺得讀法律唔做律師嘥咗，如果話入娛樂圈嘥咗，即係潛意識做娛樂圈比唔上做律師，?家講貼地，呢個諗法離地。」
■（左起）蔡加讚、汪圓圓、汪詩詩及甄子丹齊齊出席慈善晚宴。
麥明詩透露曾與林作傾過做幕前，她表示不抗拒跟對方合作：「不過人始終都係情緒動物，試吓先知，等公司安排。」她更建議林作可向王祖藍學習，認為祖藍是有諗頭之人。採訪：盧妹攝影：陳俊強
來源:
http://hk.apple.nextmedia.com/entertainment/art/20170212/19925567
杜之克以舊帶新宣萱入局幫拖谷麥明詩
1 :
GS(14)@2017-02-12 15:25:562017-01-19 NM
去年大台人事變動後，以為可以一統天下的曾勵珍遭遇滑鐵盧，主力邵氏的樂大媽基本上已被移除，三分天下，珍姐同余詠珊各據山頭外，新揸弗人助理總經理杜之克亦自組班底，搵舊人宣萱、林文龍回巢力撐外，亦招攬十優港姐麥明詩，一年三套劇一部戲力谷，策略係：以舊帶新。話喊就喊
去年底為電視劇《使徒行者2》中、港兩邊走的麥明詩，日前拖喼出現圓方，準備坐直通巴出發北上；見未夠鐘上車，於是到商場內的便利店再補倉，早有目標的她揀了幾樣日用品，即俾錢走人。上深圳開工，冇助手同行的麥明詩變身大力士，一手拎喼上落樓梯，箭步到車站上中港大巴返內地。「Louisa（麥明詩）拍完《賭城群英會》緊接就埋位拍《使徒行者2》，因為杜生（杜之克）睇咗《賭城》啲片，發現佢做戲唔似一般新人咁生硬，戲入面佢同Dominic（何浩文）做夫妻，好多場感情戲都唔使眼藥水，話喊就喊。「其實好多選美出身嘅女仔，因為要顧住個樣，所以做戲會就住晒，驚自己唔靚，但Louisa冇呢方面嘅弊病，所以杜生覺得佢有potential，力薦佢俾《使徒2》監製。嚟緊公司部大製作《跨世代》，Louisa都有份，雖然戲份唔算多，但都係一個機會。」一名無綫人說。有指杜之克睇完《賭城》後，曾在王晶面前大讚麥明詩，因此間接促成她有機會接拍處女電影《失戀日》。「係王晶提議葉念琛用Louisa，佢自己亦講明造型方面可以點玩都得，因為佢喺戲入面做一個好癲喪嘅女仔。」
貴貴都值
以「優化」為大前提，杜之克插手曾勵珍揸弗的戲劇組，力谷麥明詩外，又將離巢多年的宣萱及林文龍收歸自己馬房。「宣萱同林文龍拍完《不懂撒嬌的女人》後，杜之克又即刻搵宣萱拍《使徒2》，仲要孭正女一，佢同林文龍都唔平，要幾萬蚊一集，不過老闆都識計數，賣到埠又可以墊起公司啲新人，貴都值嘅！」一名無綫人說。
撰文、攝影、攝錄：娛樂組
麥明詩質問「打人坐監不公義？」
1 :
GS(14)@2017-02-19 13:59:42■麥明詩就七警案的判決在網上質問：「點解打人後要坐監係不公義嘅？」。資料圖片
十優劍橋港姐麥明詩一向關心時事，對七警毆打公民黨成員曾健超一案前日被判罪成，眾被告獲判入獄兩年一事十分關注。麥明詩在facebook網頁分享報道，報道中訪問了警察隊員佐級協會主席陳祖光對判刑感到「非常驚訝且難以接受」，又認為司法判決不公道。而麥明詩在網頁留言：「點解打人後要坐監係不公義嘅？」同時寫了「真心唔明」、「一個人嘅說話唔代表所有警察」、「無論邊個打邊個都應負刑責」及「法治」等標籤。但有網民出言不遜：「關你X事咩？」有家教的麥明詩回覆：「香港嘅事，當然關我作為香港人事。」
■林作認為在法律面前人人平等。資料圖片
林作：警員加刑
本報找過有大律師資格的林作，他以短訊回覆對判刑看法：「警員跟其他人一樣，在法律面前人人平等。被判有罪，即使有強力求情理由，也還是要按照法律被判刑。更何況作為警員犯罪，其實有aggravating factors（加重刑罰的因素）。」日前宣佈懷孕三個月的孫慧雪，前日突然於fb寫道：「大家對七警案判決有何睇法？先唔追究邊個對錯，只係睇到一個社會，警員同市民形成對立局面，對香港來講，真係唔係一件好事，事件繼續升溫，對香港嘅未來真係好擔心！」即被網民群起叫她收聲。採訪：王梓嫚
來源:
http://hk.apple.nextmedia.com/entertainment/art/20170219/19932778
林作廁所稿累麥明詩
1 :
GS(14)@2017-02-26 13:24:05■林作自責敏感度不足，不應在專欄中提及。
林作昨日現身銅鑼灣時代廣場出席藝術展活動，問到他早前在專欄提及對麥明詩發表「七警」的睇法，卻被誤解借麥明詩幫自己增加知名度。林作再澄清：「嗰個專欄只係講教育，寫得唔係咁好，上廁所嘅時候趕稿解決，後來都知網上有啲惡毒評論，其實我唔係咁嘅意思，喺呢件事（七警）嘅立場上，我都係支持佢。」
麥明詩 資料圖片
由於專欄引起誤會，林作已再打一篇英文文章解釋，更自責敏感度不足，不應在文中提及麥明詩，問到被指他寫此文「呃like」，有否為此事聯絡麥明詩？他說：「如果係呃like仲有好多嘢可以做，有時有啲事實都唔係我自願。」採訪、攝影：王連連
來源:
http://hk.apple.nextmedia.com/entertainment/art/20170226/19940338
林作護明詩：係我戇居
1 :
GS(14)@2017-03-04 10:18:41林作日前為電影《江湖三傻》開工，昨日到商台接受訪問，他說：「其實中學同大學都有拍過嘢，都唔係陌生，基本上五take內搞掂。」早前他被拍到在中環飲醉酒，林作澄清已戒酒個多月，他說：「我好易上癮，唔單止係飲酒，聽歌同睇書都會。不過就未去到酗酒，但都feel到佢似毒品，我亂講嘢、把口唔收。」以前女朋友有否勸他戒酒？林作說：「喺唔講係邊個嘅前提下，係有嘅。」至於是否麥明詩？他即表示不回應：「上次喺專欄寫都係我戇居，嗰次俾人催交稿，但俾人覺得我講緊佢，所以我都抱歉。」採訪、攝影：盧妹
來源:
http://hk.apple.nextmedia.com/entertainment/art/20170304/19946655
【唔做大律師2】林作爆麥明詩有新仔？想寫醜聞做狗仔隊
1 :
GS(14)@2017-03-23 06:51:16返工第一時間刨熟新聞。
有大律師唔做嘅林作，近排動作多多，除咗客串拍戲，無綫同ViuTV都間中見到佢個飛輪海頭，遲啲林作仲做埋補習天王開班教英文，曝光率幾乎多過佢個10A好友麥明詩。
見到麥明詩個廣告，林作打咗個凸，話唔知對方有呢個廣告。
對Photoshop一竅不通嘅林作，一臉懊惱。
日前林作踩入蘋果大樓獻身做動主播，新丁第一日開工，由最基本嘅寫稿到用Photoshop、砌相整即時新聞keyframe，都要從頭學起。咪睇少砌keyframe，篇新聞吸唔吸引，全靠張keyframe吸唔吸引到你眼球。一埋位，林作就講明自己唔識執相，坐喺度?緊頭之際，就發現佢好友麥明詩啱啱出咗過好飄逸嘅髮型用品廣告，放喺Ig段片仲好鬼誘人，最後林作敲定就整呢段新聞。(新聞連結：
http://bit.ly/2o3c3x5）
好茫然…
林作第一日返工仲識萬歲請飲嘢。
麥明詩最近拍咗個髮型用品廣告。
不過原來講到尾，林作原來最想做狗仔隊爆名人醜聞，實行向高難度挑戰。
林作人生第一次整keyframe，究竟整成點？
呢個就係林作嘅製成品。
記者：王梓嫚、懷鈺攝錄：馮峰、Neo攝影：林德雄撰稿：阿仙剪接：Roy編審：Kaman
來源:
http://hk.apple.nextmedia.com/entertainment/art/20170323/19967392
麥明詩窒鄭俊弘：TVB首席男歌手
1 :
GS(14)@2017-04-08 20:44:19■麥明詩自言今日與鄭俊弘出騷唱歌很大壓力。資料圖片
鄭俊弘今日下午3時與麥明詩出席在銅鑼灣皇室堡舉行的「奇妙冰極樂園」活動，據悉由於活動合約一早簽訂，所以有關方面未及換人。前晚麥明詩於facebook貼上活動宣傳海報，並留言說：「大家要嚟支持我呀，到時我會唱歌！同TVB首席男歌手同台，真係好大壓力，唱功必相形見絀，唯有誠意搭救！」麥明詩一句「TVB首席男歌手」，似抽水暗寸鄭俊弘。
■袁偉豪指鄭俊弘和何雁詩公開認愛值得讚。
此外，袁偉豪昨日在牛頭角拍廣告，對於鄭俊弘與何雁詩承認拍拖，他說：「我睇到佢哋拖手張相，覺得好值得讚許！」採訪：黃曉妍攝影：陳慧安
來源:
http://hk.apple.nextmedia.com/entertainment/art/20170408/19983213
Next Page