朱智賢憑32C突圍而出自認有拖拍感情穩定
1 :
GS(14)@2017-04-06 07:41:36朱智賢(Ashley)參選13年港姐出身，同屆有蔡思貝、陳凱琳。朱智賢13年受訪時講過：「如果負面新聞同冇noise之間選擇，我寧願揀冇noise。」朱智賢話過寧願冇noise，不過佢憑住32C身材突圍而出成為「新咪神」，早前仲喺J2台節目《3日2夜》穿上比堅尼浸溫泉大晒身材，真係睇到一眾宅男嘩嘩聲！加上剛播放完畢嘅《千奇百趣特工隊》，佢就化身「特務朱」，就令到觀眾留下深刻印象。到16年朱智賢認同年約30歲嘅餐廳老闆拍拖，當時受訪表示都拍咗一段時間，感情好穩定，仲話唔怕嚇走男fans㖭。
來源:
http://hk.apple.nextmedia.com/entertainment/art/20170406/19981789
心穎馬國明 睇戲促進感情戥唐詩詠可憐
1 :
GS(14)@2017-05-19 05:43:463.【又孖咇】■馬國明與心穎非首次約睇戲，但心穎依然表示並非拍拖。
【觀塘】馬國明契妹唐詩詠與洪永城拍拖兩年半分手收場，被指與周焯華（洗米華）愛將盧啟邦暗撻一個月，前晚她接受記者訪問時落淚否認，同時呼籲外界不要將契哥馬國明擺入她的感情世界。馬國明前晚亦有外出，與黃心穎去觀塘apm睇戲，當晚10時許，馬國明與戴住口罩的心穎離開，二人邊行邊玩電話，其間更有密斟，馬國明更想拖她的手。
1.【密密斟】■心穎化淡妝戴上黑口罩，而馬國明離開時邊行邊玩電話。
2.【周圍望】■心穎BB全程相當高警覺性，去完廁所離開時不時周圍望。
4.【做司機】■馬國明做柴可夫，先送心穎返她位於鯉魚門的寓所。
相處舒服
搭電梯去攞車時，心穎提高警覺四圍望，更眼利發現傳媒，即企圖避開鏡頭左閃右避，記者問到馬國明是否有留意詩詠的新聞，他表示：「已經回應咗，唔再講。」再問心穎是否睇戲拍拖？馬國明護花代答：「已經影過好多次睇戲，冇乜特別。」之後，他先送心穎返家，然後離開。心穎昨日在中環出席香港小姐宣傳活動，表示兩人是普通正常約會，提到與馬國明關係時，她表示：「未正式一齊，現時仍然係朋友，相處舒服。」問到馬國明心思思想拖她手，她說：「應該冇！冇手拉手、冇牽手，只係行路行得好埋，因為環境好嘈，同埋我又戴咗口罩，所以講嘢嗰陣會近一啲聽。」
唔會過問
問到詩詠分手一事，心穎表示：「佢哋係好朋友，但係我唔會問，都想詩詠可以心情平復，睇到報道覺得佢喊得好可憐，女生喺呢一行成日被人咁寫。」對於網民想撮合馬國明追詩詠，心穎說：「我又唔會唔開心！其實我細個都有呢個諗法，好鍾意嘅男演員同女演員，好想呢個同呢個一齊，大個咗就知大家有各自生活，現實同想像係兩樣嘢，我唔會因為呢件事唔開心。」採訪、攝影：梁繼光、羅德光
來源:
http://hk.apple.nextmedia.com/entertainment/art/20170519/20025715
杏兒老公IG勁貼老婆相晒恩愛智雯感情好低調
1 :
GS(14)@2017-07-09 03:39:08喺大台有唔少周邊組織，就好似以前嘅「至八會」、「Cry Runner」、「處女黨(官方名為Amazing Esther)」等等嘅團體，不過講到現今最大影響力嘅就有「胡說八道會」，佢哋嘅成員包括胡杏兒、胡定欣、胡蓓蔚、黃智雯、姚子羚、李施嬅等等。佢哋個個喺事業上都有番咁上下，喺感情上胡蓓蔚同胡杏兒都已經成為人妻，胡蓓蔚就唔使講啦！豹嫂、豹哥不嬲都係恩愛嘅代名詞。而胡杏兒喺前年同李乘德（Philip）結婚，佢哋真係非常之咁恩愛，一睇Philip個instagram就知，事關做咗人夫之後，Philip嘅IG十張有九張都係佢老婆杏兒嘅靚相。而黃智雯、姚子羚呢，雖然都係未婚，不過各自都有個穩定男友，其中姚子羚就有綽號「的士邦」嘅鄭子邦，仲有指佢哋同居咁話；至於黃智雯，佢嘅緋聞少之又少，查實佢男友詹文天（Anthony）都幾犀利，係謝瑞麟珠寶集團高層。最後，就有胡定欣同李施嬅，雖然佢哋都未有另一半，但佢哋美貌與智慧並重。
來源:
http://hk.apple.nextmedia.com/entertainment/art/20170708/20082907
江美儀同男友彼此稱呼「BB」分隔兩地感情亮紅燈
1 :
GS(14)@2017-08-06 18:41:18江美儀最為人知嘅感情生活，就係有一個拍拖11年幾嘅男友吳君如胞弟吳君祥。吳君祥比江美儀大4年，彼此互相以「BB」稱呼，二人關係尤如老夫老妻，江美儀嘅父母都視君祥好似半邊仔咁。其實江美儀緋聞一向唔多，只係聽佢喺專訪講過自己喺未同吳君祥一齊之前，曾經有一段戀情，令佢有好大教訓。江美儀覺得失敗原因係太遷就前度，對方更加肆無忌憚，最終江美儀喺戀愛中失去自己，就係呢段經歷令江美儀認為一紙婚書，並唔能夠證明啲咩，所以其後佢同吳君祥拍拖兼同居，都冇計劃生B同結婚。不過2012年爆出吳君祥趁江美儀飛巴黎拍劇，疑偷會中女嚴淑明，喺夜店咀嘴，江美儀最後回應「當男友應酬」就算，力證情不變。佢哋又真係冇事，繼續人前晒恩愛。直到今年初爆出吳君祥因長居內地，兼喺北京開製作公司，同江美儀聚少離多，感情亮紅燈，江美儀更表示已有心理準備男友可能發展新戀情。
來源:
http://hk.apple.nextmedia.com/entertainment/art/20170806/20112986
【果籽人話】逼遷逼到入巷仔 理髮師：手作冇感情，冇永遠！
1 :
GS(14)@2018-01-08 00:43:00都成理髮廳因舊舖被收購後，搬進了對面的後巷繼續營業。
全新旅遊專頁，即like籽想旅行：
https://fb.com/travel.appleseed「我對住剪刀對了幾廿年啦，暴動前，63年我已經在做師傅了，當年試過轉行做保安，被太多人管了，轉不成，最後走回來拿剪刀。」上海理髮廳髮型師趙春暉說。年過半百的趙春暉，過去做貿易腳印遍佈全球，俄羅斯、西德、美國、法國、瑞士，遊歷過後還是回到老本行，在紅磡一家小巷中的理髮店做師傅。生活不急不趕，客人不算多，剛好體力也捱得到。
好景不常，這幾個年頭有地產公司一直在黃埔街一帶大展拳腳，收樓重建，毫無疑問，趙先生的落腳地同樣遭此一禍，因而由本來在大街的店面，搬進來後巷位置，人流比平常少很多，但趙春暉的心境依舊正面。
趙春暉小時候跟老爸從上海來港。
趙春暉當理髮師傅已數十年。
都成理髮廳位於黃埔街的舊舖，貼上了叫客人前往新舖的指示。
「沒有永遠的店舖，再大的公司也會倒閉。」他看了看現在在巷裏的店面，也直言這裏也會有這一天，就像上次被逼進來，其實不算逼，是大勢所趨，若是固執不走，那就是「阻住地球轉」。 「你不要以為剪髮很容易，你要很熟練，習慣了才行，你見人剷髮好像很簡單，但肯定你也剷不到，手要定，拿刀要準。」他自幼已跟從父親在跑馬地理髮廳打工，小時候跟老爸從上海來港，在北角蘇浙公學念至中三畢業。
新舖的面積不大，剛好放到四張理髮椅。
面對店舖因被收購而搬遷，趙師傅依舊保持正面的心境。
沒有客人時，趙師傅便會坐在店內看報紙打發時間。
趙師傅視手的技能為養生之道。
每日都會有兩位理髮師駐店。
趙師傅說剪髮手要定，拿刀要準。
他坦然過去的人找工作是以技能為主，做學師是為了讓自己手藝更精，「還要帶個母親出來被人罵」；但現在的工作都要看薪水，做學師都要看薪水福利。然而，他不是以老人家的態度來責怪，他也說小朋友這樣無可厚非，現在的生活環境轉變了，不是說比以往艱難，是薪水比以往看得重，理髮這行又未必是大好前途，沒新人入行也是不能怪人的。
不用剪髮時趙師傅也會與其他客人閒聊。
剪髮用的工具不算多，但卻講求熟練。
縱使已過退休年齡，趙師傅依然沒有放下剪刀，繼續理髮工作。
採訪：Justin Lun/ATUM Images攝影：Terry Wong/ATUM Images剪接：Terry Wong/ATUM Images
來源:
https://hk.lifestyle.appledaily. ... e/20171222/20251849
Can Bank：沽載通！感情對沖？
1 :
GS(14)@2018-02-20 20:54:44上周六大埔公路九巴翻車意外，造成19死66人受傷，九巴母企載通（062）噚日股價亦一度跌逾4%；埋單跌1.3%。實際上，這類意外對公司影響有多大？今次意外發生後，九巴高層先在當晚向公眾鞠躬道歉，再撥款1,000萬元，透過政府分配予死傷者家屬。FB網頁logo轉為黑白，噚日九巴與載通高層一同默哀。凡事有比較才會有高低。去年9月份，城巴深水埗車禍造成三人死亡的車禍，當時城巴第二日設立保險熱線，協助傷者及受影響人士查詢索償問題，並向死者家屬提供應急金錢。兩周後，再向傷者家屬每人發放3萬元。城巴母企新創建（659）在意外後首個交易日股價跌1.02%。回帶再遠一點，去年2月10日港鐵縱火案，雖然性質上略有不同，但港鐵態度上強硬得多，對傷者「照顧」亦有很大差距，首先與東華三院合作募捐，籌得247.5萬元（其中港鐵與員工佔200萬），其後再進一步捐出500萬元。港鐵（066）於意外後首個交易日股價無升跌。其實天災人禍、意外事故，屬保險承保範圍，對保險公司業績影響較大，對於發生意外交通工具母公司業績影響反而有限。所以意外之後，對專營公司而言，形象上影響較金錢上的損失大，因此，專營公司對意外發生後的應對尤其重要。從傷亡角度去睇意外嚴重性，確實是今次九巴翻車最嚴重，但九巴對今次事件反應不算太差，噚日載通股價受到沽壓，是車禍真的對公司業績有影響，抑或純感情對沖？散子
來源:
https://hk.finance.appledaily.co ... e/20180213/20304210
Next Page