【2016回顧】吳若希待產
1 :
GS(14)@2016-12-30 02:58:09圈中有不少高齡產婦，47歲伊能靜今年6月在美國生下七磅女，7月輪到捱過彭順出軌風波的40歲李心潔誕孖仔。39歲謝安琪年初停工，9月開心宣佈懷第二胎陀女；41歲車婉婉與38歲周汶錡陀混血B，即使是55歲的哈林、50歲杜德偉和49歲蘇永康做高齡爸爸同樣咁開心！
Angelababy、黃曉明
不過，24歲吳若希和27歲楊穎（Angelababy）就選擇有仔趁嫩生，吳若希與澳門闊少Alex分手後火速翻撻，11月承認有喜。陳豪、陳茵媺與陳浩民、蔣麗莎兩對夫婦繼續密密生，前者三年生三個，後者五年抱四，都在今年添女。
來源:
http://hk.apple.nextmedia.com/entertainment/art/20161229/19879450
吳若希床照有暗示？撇甩發燒Alex開P避菌
1 :
GS(14)@2016-12-31 01:06:37因為男友唔聽話，就算粗身大細都嬲到要離家出走，無他嘅，呢個女人都係為咗肚入面個BB着想啫！佢係邊個？咪吳若希囉！大前晚吳若希話男友Alex作病，但唔肯食藥，怕咗傳染影響到BB，吳若希選擇離開屋企，雖然佢講笑咁講話去咗保護兒童協會，但實情係好體貼咁買到成張床都係藥品，感冒藥、退熱貼、口罩、維他命、血壓計、肛探體溫計、暖包……總之乜都有啲啦。
Alex要養病，都要有人睇住大肚婆嘅。吳若希星夢幫好友譚嘉儀之前喺新城頒獎禮拎咗新人銅獎，近日出新碟，前日吳若希大住個肚，同鄭俊弘、何雁詩、許廷鏗、胡鴻鈞同譚嘉儀一齊敍舊。幾位女士明顯約好咗着粉紅色衫，不過吳若希就遮唔住個肚，大合照時有捧住個肚影相，佢貼相上Ig嘅時候仲留tag話「我有節目啦」，睇嚟呢位大肚婆行動不便，聖誕冇乜出去玩喎。吳若希貼完開party嘅相，無耐佢再放多張相影住佢同Alex張床，除咗一條淺藍色攬枕，就只係得隻狗狗瞓咗喺度，吳若希留言話：「一張床，明明得兩個人訓，但係要三個枕頭，你明唔明點解？o依家仲要多個#David~」David係邊個？吳若希噚晚開facebook live揭曉咗喇！就係佢個攬枕呀。
來源:
http://hk.apple.nextmedia.com/entertainment/art/20161230/19881530
雞年多星媽吳若希Baby輪住生
1 :
GS(14)@2017-01-09 08:11:28楊愛瑾十月底宣佈有喜，雖然佢冇正式公佈預產期，但推算會喺5、6月左右生B，而今年都有好多女藝人會升呢做星媽：
楊穎（Angelababy）
前年同黃曉明結婚嘅楊穎（Angelababy）同樣大約懷孕7個幾月，早排仲喺微博po千字長文，記錄待產嘅心情，坦承對於懷孕「還沒有做好準備」。
葉翠翠
葉翠翠早前透露懷孕近5個多月，佢個肚已經好大吓，又話自己已經比懷孕前重咗幾十磅。早前翠翠因為遭無綫減薪三分一，佢乘勢要求解約劈炮，全職做家庭主婦、照顧BB。
吳若希
未婚懷孕嘅吳若希現時懷孕約5個月，推算佢將會喺今年5、6月左右將會生BB。不過唔知係咪因為年輕嘅關係，吳若希做咗媽咪都仲有啲細路女，包括日前同未婚夫Alex着公仔衫慶祝聖誕節，日前仲講到「離家出走」o添！
車婉婉
42歲嘅車婉婉，之前接受訪問時承認同老公成功造人，預產期係明年4月。車婉婉話自從有咗BB之後，老公經常迫自己食嘢，又覺得有BB係「上天嘅恩賜」。到咗元旦日，車婉婉就喺facebook公佈話將會生個肥肥白白嘅男嬰。
來源:
http://hk.apple.nextmedia.com/entertainment/art/20170109/19891286
吳若希黐實王弼燮自拍
1 :
GS(14)@2017-01-26 18:08:27■吳若希被揭兩年前曾與王弼燮在豪宅自拍。讀者提供圖片
吳若希（Jinny）為澳門闊少男友何兆鴻（Alex）未婚大肚，兩人不時放閃，但有讀者贈興，提供了Jinny與曾傳出緋聞的「股壇狙擊手」王弼燮慶祝生日的舊照，二人頭貼頭，Jinny更幾乎胸壓男方。知情人士表示相片攝於兩年前，地點是王弼燮豪宅。
Jinny跟Alex拍拖前，曾跟幾位有米叔叔傳過情非泛泛，她前年與王弼燮傳忘年戀時否認戀情，指跟對方說話不超過十句。Jinny日前回覆本報：「咁人哋生日唔通唔影？唔熟，唔係唔識！」爆料者指是二人世界，她說：「冇可能，成班人食飯點會得我同佢慶祝？佢秘書仲同我一齊坐。」採訪：皓騫
來源:
http://hk.apple.nextmedia.com/entertainment/art/20170125/19907415
Next Page