伍詠薇揀劇本專心執導
1 :
GS(14)@2017-01-26 18:22:19■（左起）伍詠薇、方力申和盧覓雪昨日出席nowTV宣傳活動。
伍詠薇、盧覓雪和方力申昨日在銅鑼灣出席「nowTV2017第一季節目巡禮」，剛替ViuTV拍完《碌卡大導》的伍姑娘表示，節目出街後反應好好，收到不少導演朋友的祝賀電話，而且已有投資者願意出資讓她執導，她說：「已經有三個電影劇本喺度，等我消化吓先，如果真係拍自己唔會埋位演啦，做好導演角色先。」至於方力申就表示會陪家人返北京探親度歲，問到可擔心被親戚催婚？他說：「佢哋已經放棄咗我，加上啲表妹表弟有晒小朋友，掛住玩細路邊得閒理我。」可會到緋聞女友何超蓮家拜年？他說：「人哋嘅嘢唔講啦。」採訪：曹家誠攝影：陳俊強
來源:
http://hk.apple.nextmedia.com/entertainment/art/20170126/19908707
張堅庭父子檔寫劇本
1 :
GS(14)@2017-06-10 13:30:43張堅庭與大兒子張高銘昨日到金鐘出席芝柏錶活動，他們早前為品牌拍攝微電影《追風的女孩》，細仔張高翔亦有份演出，三父子首次合作，張高銘笑說：「電影上要求唔嚴，因為佢拍上集，我拍下集，可能我個下集要求仲高過佢。」他謂爸爸會為他擔任副導演：「我同佢一樣對講故事好有興趣，我欣賞佢嘅幽默。」張堅庭透露兩仔爺已合作寫劇本：「我處理中文版，佢就寫英文版，我都想同佢合作，今次都係個好好嘅紀念，令佢對拍攝同電影後期製作有經驗。」張高銘指如將來與爸爸再合作，主要是為家人爭取更多相處時間。採訪、攝影：盧妹
來源:
http://hk.apple.nextmedia.com/entertainment/art/20170609/20049222
【亂噏無秘笈】零劇本執生劇場 爆肚即Jam即演
1 :
GS(14)@2017-06-10 13:47:39觀眾給予意念前，演員都不知表演會變成怎樣，極考執生能力。
「檸茶走檸」，如果觀眾拋咁樣嘅古怪意念出來，演員幾秒間要度好對白，建構劇本，純即興，無得NG無得Pause，真係要魯芬急轉彎先得。短篇即興劇場香港一直有人做，有班人就打算挑戰做長篇。即興劇場演員童日陞（司馬丁）說：「想有個故事結構，起承轉合。」他與幾位腦筋可以扭擰伸直的朋友組成「含笑半步Jam」團隊，即將演出沒預設劇本，靠現場爆肚的即興劇場。「一晚之間，可以從愛情橋段到上太空，再穿越古代都做齊。」演員之一周千業（TT）說。到底呢班人憑乜戰勝無稿恐懼？「你要有嗰份自大，要有盲點覺得自己係得嘅！」吓，即係自我催眠？當然無咁簡單。司馬丁說：「一星期練足三次四次五次，練到有默契，free fall都唔驚。越花心機，你越唔敢自大，你見人哋好似好易做到，只係因為下咗苦功。」你必需非常用力，才看來不費吹灰之力，要有「功」，無「日子」點得？「重睇演出片段，有時都覺得好難睇，但都會逼自己睇番，睇吓點改善。」
戲劇表演段落之間，他們會與觀眾互動，請觀眾拿出隨身物品，他們再根據形狀即時把它幻化成多個不同事物。
如果觀眾冇反應，甚至露出煩悶面口，好難頂箒。「我做咗五、六年棟篤笑，見過觀眾玩手機、恰眼瞓。做即興已經好好，有對手同你一齊面對，做棟篤笑得自己黯然咋。」即興劇場每一步都似踩鋼線，永遠唔知下一秒會唔會踏空，好彩有拍檔補位。TT說：「有時虐待對手先有喜劇感。」司馬丁補充：「方丈份人要有啲大量，俾佢整蠱，又整蠱吓佢。」表演日期：10/6、24/6@油麻地德昌閣仔票價：$118（包一杯飲品）
facebook：含笑半步Jam記者：葉青霞攝影：劉永發2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170610/20050908
陳茵媺讀劇本復出
1 :
GS(14)@2017-08-02 05:59:37■陳茵媺多謝祖父母幫忙，讓她可專心讀劇本。微博圖片
陳茵媺嫁給陳豪後，火速三年抱三，之後專心湊三子女，做一個全職媽媽，所以，陳茵媺已經有一段時間沒在螢幕出現。她亦曾講過，一直都好鍾意做戲，所以是絕對不會放棄拍戲，她認為現代女性需要有事業和家庭，最新消息指，她準備今年底或明年復出拍戲。昨日凌晨時分，正在加拿大跟三個寶貝仔女放暑假的陳茵媺，在微博貼了一張正在讀劇本的相，並留言道：「安靜落嚟，溫習緊新劇本！」及表示多謝祖父母幫助她照顧了子女們幾個鐘，讓她可集中精神。撰文：非非
來源:
http://hk.apple.nextmedia.com/entertainment/art/20170802/20108613
遭撕劇本兼被鬧「星女郎」林允駁嘴惹怒星爺
1 :
GS(14)@2017-08-04 06:35:5521歲大陸女星林允因演星爺拍嘅電影《美人魚》，成為「星女郎」喺中國爆紅，亦曾同馮紹峰拍拖而為人認識，林允近排接受安徽衛視節目《非常靜距離》訪問，爆星爺喺片場唔鍾意跟劇本，亦曾試過俾星爺撕劇本。林允喺節目中爆，星爺喺片場成日唔跟劇本，有一種「天外飛來一筆的靈感」，令當時仲係新人嘅林允覺得無所適從。有次星爺要求林允照所講嘅去演，林允反問：「我剛才看劇本上面是這樣說的?」即場惹怒星爺，直接喺林允面前撕掉劇本，林允又透露星爺於片場用廣東話鬧自己，但林允唔識聽，直到入劇組一段時間後，林允開始慢慢聽得明，結果又令周星馳唔高興，話林允被鬧時聽唔明，閒聊時就聽得明。
來源:
http://hk.apple.nextmedia.com/entertainment/art/20170804/20111489
智取大市：升市高位的劇本
1 :
GS(14)@2018-01-22 05:52:38港股年初到而家升2,000點，以%計，升7%。至於2017年到而家升咗45%，以2016年低位至今近2年升咗75%。以級數計，同2003年牛一升市嘅68%相若，而同2009年金融海嘯後升足1倍比，就未有得比。講呢番話，只係想講家呢個升市，只係股市大周期裏面其中一個尋常嘅turnaround升市。即使小弟曾經統計過往50年恒指9個月RSI走勢，往績顯示長線仲有得爆升，但恒指9月RSI升到87.27，9日RSI89.62，係極之超買水平，以月為單位嘅中線調整係必然將會發生嘅事，而以月計嘅調整過程可以跌你幾千點，不得不防。不過與其畏高，持貨者進取、積極做法係預測高位摸出賺盡啲，安全、被動做法就係持有藍籌然後逢高減持。進取做法早前已講過，參考日股舊年10月至11月走勢，家配合埋睇上證50指數，為中短線「估頂」做更好準備。之前講恒指走勢同10月至11月日經平均指數極為相近，但近兩日觀察，發現恒指調整再破頂過程比當時日經更急，劇本照寫落去，3日內可能會Hit到個短期頂部了。配合埋上證50指數，噚日以超大成交向上突破、升逾2%後急回，日線圖睇大成交射擊之星好似見咗頂咁嘅勢，但睇小時圖，舊年11月升市亦試過小時圖大陽燭突破、然後小時圖再錄大陰燭，以為見頂？原來只要守得住10小時線，及後仲有兩三個交易日火速爆上先短線玩完。乜咁啱又3個交易日內？寫出呢個劇本，旨在令自己有心理準備迎接過山車走勢。截稿時港股黑期仲升到未識停，睇嚟仲有得亢奮多陣。劇本係咪會如預期發生？又能否高位食糊？就要執生，祝我們好運。晉佳
https://www.facebook.com/advanceguy1/
來源:
https://hk.finance.appledaily.co ... e/20180118/20277573
Next Page