港男珠海撞賓利被索賠179萬
1 :
GS(14)@2016-11-29 00:14:23珠海交警前日於官方微信通報，一名港人上月在珠海的高速公路駕車，在路口掉頭時，與一輛正在直行的百萬賓利豪車相撞！事後港男更被警方發現內地駕駛證及汽車保險均已過期，加上酒後駕駛，需負主要責任，將被索賠高達160萬人民幣（下同，約179萬港元）。
■肇事香港司機（右）酒精測試超標。
車牌過期兼醉駕
案情指，事發於上月28日傍晚6時多的繁忙時間，一名梁姓內地男子駕駛一輛白色賓利沿105國道行駛，當經過公路上一個掉頭口時，突然前面殺出一輛想掉頭的黑色農夫車，闖進賓利的行車線，導致兩車相撞，賓利還刮花了旁邊一輛巴士車身。交警到場後發現，農夫車司機是港人，其內地駕駛證已過期涉無牌駕駛；而且農夫車的保險也已過期，車主也非司機本人。港男司機更於酒精呼氣測試，被測出酒精含量為每100毫升30毫克，為標準的一倍半，屬酒後駕駛。警方最後認定港人司機要負事故主要責任，梁則負次要責任。港人司機指，自己當時正準備掉頭，對於捱撞感鬱悶。梁稱，自己的賓利價值300萬至400萬元（約336萬至449萬港元），並指初步估計港人司機至少要向自己賠償160萬元，以作維修費用。《蘋果》記者昨未能取得珠海交警回應。微信/《蘋果》記者
來源:
http://hk.apple.nextmedia.com/international/art/20161128/19848035
【LongD情侶】當鴨脷洲愛上元朗 港男：食得鹹魚抵得渴
1 :
GS(14)@2017-01-23 07:45:54Stan住鴨脷洲，Kathleen住在元朗，拍拖三年多以來，Stan每次約會完都會送女友回家，應該是男人公敵。
近幾年，不時看到與男女關係有關的網絡潮文，甚麼《一生人只為搵一個，與你相隔半小時車程的女友》、《本地Long D有冇將來》……有些住得很遠的本地情侶，往往都會將二人屋企相隔的車程，與香港去台灣的機程（約1.5小時）相比，甚至有巴打話，如果女神住得太遠，還是放棄吧，但愛情來的時候，係咪真係咁理智先？香港話大唔大，話細唔細，交通雖然方便，但假如由港島東去新界西，坐港鐵閒閒地要個幾鐘，如果男友送完女友再返屋企，都咪話唔辛苦。
任職海洋生物研究員的佘國豪（Stan）和女友何嘉欣（Kathleen）拍了三年半拖，男的住鴨脷洲，女的住元朗，拍拖以來，每次放工或去完街，Stan都會堅持送女友回家，一星期至少送五日，Kathleen還要住在需要轉乘接駁巴的錦繡花園附近，Stan每次一來一回，差不多要四小時，嘩……我相信他應該是男人公敵。
Stan說，「我因為工作關係經常都要潛水，好多人覺得危險，我都見過危險的事發生，有時就係爭嗰一吓就出事，我會覺得既然有能力、有辦法、有時間，點解唔送呢？有時我出去飲嘢都會飲到（凌晨）一兩點，但其實送佢返屋企都係一點，你都唔想俾個女仔有機會講『你自己去玩就得，送我返屋企就唔得』架？其實可以見耐啲傾多啲，都係情趣嚟嘅。」Kathleen也說：「有時見佢好攰，都會話唔使送啦，我落到樓下就有車坐返屋企，但佢都會堅持。」如是者，Stan就堅持了三年多。每次送完Kathleen回家，Stan就要開始長征歸家之旅，他要先坐村巴去元朗西鐵站，再坐西鐵去紅磡，然後再轉過海巴士回海怡半島的家，大約耗時1.5小時，車費接近$40。和他實試了一次，其實真心幾攰，他說有時晚上九時多開始起程送女友，自己再回到家中已經凌晨一點，「我以前讀書見身邊唔少外國人係跨城市拍拖，其實香港已相對好得多，只係我地相對其他香港人來講比較遠箒。」二人試過在節日玩得太夜，Stan錯過了尾班車，惟有坐八折的士回家，結果盛惠$288，所以要慳車錢，就一定要早回家。
Kathleen住在元朗錦繡花園附近，雖然有不少村巴接駁出市區，但中環回元朗的尾班車在晚上七時開出，錯過了就要花多一倍時間回家。
雖然送女友回家這動作真的很舟車勞頓，但其實都是一種情趣。
三件不可以做的事
Kathleen家教嚴，是個灰姑娘，不可太夜回家，加上兩人住得遠，所以拍拖以來都未試過一齊睇演唱會，因為散場後先回元朗的話，Stan之後就會錯過回家的尾班車，Kathleen又說，「我哋食完晚飯都唔可以去飲杯嘢，食個甜品，通常食完就要起程返屋企，接機都唔可以，特別係夜機，因為我接完佢，佢再送我返屋企，又拎住所有行李，咪好戇居囉？所以都傾好咗如果太夜機就第二日先見。」
Stan在港島長大，昔日經常在銅鑼灣一帶流連，去元朗的次數，五隻手指數得晒，「拍拖初期，最得意係摸索點樣離開元朗」，自此，二人約會地點變成了新界西及九龍一帶，他們現時多數集中在西鐵沿線食飯，漸漸發現了荃灣西是個新的拍拖好去處，他們又習慣在約會前想好一切，「會多咗計劃，就好似行山咁，會plan好路線，商量吓坐咩車好。」
車費貴八達通密密增值
一個星期來回元朗鴨脷洲五次，除了時間外，車費都幾誇張，Stan說：「最近有篇潮文講新界西居民坐車好貴，我都好有共鳴，會感受到真係好快就要增值八達通，已經唔識計嗰啲港鐵優惠，有時有，有時又冇，有時又九折……計咁多，不如諗辦法賺多啲、儲多啲錢去坐車好過。」現時坐任何交通工具，十個有九個乘客都係低頭族，但在很多人眼中，Stan應該是個原始人，因為他沒有智能電話，手機冇得上網，但幾乎日日坐長途車，到底點消磨時間？「我會先喺佢屋企下載email，坐車時回覆，之後返到屋企再send，或者睇下書，太攰就瞓囉，都三年幾，好多嘢慣架喇。」Kathleen插嘴說：「所以有時佢出trip會覺得時間好好用，因為唔使花時間搭車。」到底在他們心目中，男朋友送女朋友回家是否「老奉」？Kathleen想了一陣子，「我唔覺得係必定要，最緊要你appreciate呢件事，唔係每對情侶都要咁架，我都唔會迫佢每次都送，但會好多謝，感激佢咁做囉，屋企人都會好放心。」每次都管接管送的Stan，原來也不覺得一定要送，他只稱之為「禮儀」，「我知道一定會有人講閒話，話香港好安全，使乜送？都會有人話做壞規矩，但其實每段愛情都要有人堅持和犧牲，其實Kathleen都有犧牲的，佢為咗我而幫我做嘢，愛情一定要有堅持先可以維持落去，既然玩又夜，送又夜，不如今次送完下次先玩啦，外國人跨城市拍拖都係咁，香港相對來講好小兒科箒，都係嗰句，愛情呢家嘢，食得鹹魚抵得渴嘛。」記者：黃子配攝影：林栢鈞2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170122/19904782
【去片】南亞男激戰港男港鐵車廂大亂鬥
1 :
GS(14)@2017-02-03 02:50:37【本報訊】雖然初三「赤口」已過，但有人在港鐵車廂內大打出手！昨晚10時許，讀者陳生先在港鐵紅磡站乘西鐵綫回家，當列車駛入尖東站的月台時，3名身穿黑色衫的南亞男子滿身酒氣步入車廂，懷疑因肢體碰撞問題與4名港人男子爭執，南亞男取出紅酒樽擲向對方，雙方繼而大打出手，車廂內的乘客見狀大驚，按動緊急掣通知車長。港鐵職員趕至將雙方分隔調停，但3名南亞男子仍不斷拍打車廂玻璃挑釁「出去月台啦」，未幾其中一名南亞男子走近掌摑白衫港男，港男不甘示弱還擊，互相推撞，由車廂打到出月台。該名南亞男其後被打至跌倒，對方仍不肯罷休揮拳狂毆，南亞男頓時頭破血流，同行的友人亦被按地制服。警員持盾牌接報趕至戒備，由於現場情況混亂，須警犬到場協助控制場面。兩名傷者事後由救護車送院治理，警方正就事件展開調查。港鐵事後回覆《蘋果》表示，尖東站的港鐵職員在昨晚10時25分見到有乘客發生爭執，於是通知車長報警。
來源:
http://hk.apple.nextmedia.com/news/art/20170202/19915713
港男「廢攝」為歷史補白
1 :
GS(14)@2017-02-12 13:52:27■鍾情廢攝的港男Alex。 許頌明攝
廢墟攝影（簡稱廢攝 Urbex）近年在本港大行其道，在荒廢建築取景，主角是頹垣敗瓦、舊物品。港人Alex穿梭香港大街小巷，找尋香江被忽略的光影之餘，近日更北上深圳香蜜湖，透過鏡頭紀錄這個曾經輝煌，現在卻充滿破落、荒誕的樂園，逐步探索這裏已被遺忘的歲月。他認為，廢攝的意義其實是為歷史補白！
■鴨船被棄置草叢。受訪者提供圖片
七年前學攝影的80後Alex，去年7月偶然的機會下接觸廢攝，從此足迹踏遍廢棄學校、軍營、護老院等40多幢建築。對他來說，廢攝不只為拍照，過程中了解歷史才是重點，「我會睇佢（建築）嘅開始，佢可能曾經輝煌過，跟住之後倒閉，我透過局外人身份了解佢嘅歷史，就係廢墟探索」。他將內地首次廢攝經歷獻給深圳香蜜湖，發覺原來與想像差不多，熱鬧的遊樂場空置後變成廢墟，但令他最感觸的是，這個不少港人充滿回憶的樂園，現在到處開滿餐廳，與銹迹斑斑的摩天輪、過山車，形成強烈對比。《蘋果》記者
來源:
http://hk.apple.nextmedia.com/international/art/20170212/19925599
三女上車各有辦法拜金Seasun等人送樓 港男藐爆
1 :
GS(14)@2017-02-18 09:51:46■Seasun和Omi（右）曾於2013年參加過趙世曾贊助的《國際旅遊小姐》。資料圖片
無綫實況新節目《有樓萬事足》圍繞時下買樓問題，近日播出預告，自稱22歲的Seasun語出驚人，她的「有樓有高潮」、「冇樓唔好白撞」和公猴「洞穴論」，全城譁然，被封拜金港女。節目中另外兩女同樣出位，分別是死慳死抵成功上車的23歲「105%姐」Macy，以及32歲的「貼樓女」Inky。現職珠寶公關的Seasun被揭曾替趙世曾打工，參加過他贊助的《國際旅遊小姐》競選和入住「趙苑」，她期待獲男仔送贈2,000呎豪宅示愛，港男陳先生接受本報街訪時，不屑她說：「如果有個女仔話因為我冇樓而唔接受我追求，我會一巴打到佢返菲律賓，再將佢擺上高登。」至於曾跟Seasun同屆參加《國際旅遊小姐》的冠軍鄺芷凡（Omi），現於有線做主持，她踢爆Seasun改名又變臉：「佢當時叫Givanna（鄧寶怡），我都唔係好認得佢，靚咗！」
Seasun超級離地，與「貼樓女」Inky相反，Inky為求真愛可與另一半分享自己辛苦置業的成果。任職巿場推廣的她，勤力工作儲下100萬首期，早前以340萬上車，購入油麻地300幾呎細單位自住，並在節目中表示不介意買樓招親。
■港男陳先生（左）不屑Seasun「有樓有高潮」的言論。
■「105%姐」Macy因為黐家人和使男友錢，成功上車買樓。電視圖片
■「貼樓女」Inky靠自己買樓，並願意用樓招親。電視圖片
105%姐靠黐
介乎兩女之間的是「105%姐」Macy，她自稱每月儲到105%人工，儲凸人工的秘訣是衣食住行全靠黐，與家人同住慳一筆，又有男友肯照顧。她平日也會炒股票賺外快，月薪萬餘元，儲足3年也成功上車，以335萬買下旺角一個細單位。《有樓萬事足》節目編導岑應去年製作真人騷《沒有起跑線？》，當中大肚媽咪啜核金句「贏在子宮內」令人難忘，其實現年40歲的岑應有個消防員未婚夫，她都是未能上車一族。採訪：嵐山、楊定、譚倩宜攝影：馮峰
來源:
http://hk.apple.nextmedia.com/entertainment/art/20170218/19931924
【有樓有高潮街訪篇】港男不屑：要睇自己呎數囉！
1 :
GS(14)@2017-02-18 09:51:47陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」
港女Seasun喺大台實況節目《有樓萬事足》入面講嘅「有樓有高潮」同「冇樓唔好白撞」，成今日網民瘋傳嘅金句。有見及此，「蘋果動搞作」就問咗一眾港男港女對Seasun嘅偉論有咩睇法！記者：倩宜 攝影：馮峰
阿謙話男仔梗係睇自己呎數啦！
伍小姐：「係技術問題，有技術就會好啦！」
葉小姐唔認同無樓就冇高潮。
問：「無樓咪白撞？」
Raymond：「叫佢返屋企瞓啦！俾粒鈕佢算啦！」陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」吳先生：「佢都幾膚淺。」林女士：「幾十年前無呢個諗法，有份工就ok。」伍小姐：「無物業仲好，有樓仲煩，又要供又要交管理費。」林小姐：「佢唔駛同條仔結婚，同層樓結婚咪得！」
Step：「幫我問下個女仔駛唔駛睇醫生啦！佢應該有問題！」葉小姐：「佢買咗層樓，但係唔照顧我，都唔代表愛我。」
林女士話唔明依家啲女仔心態。
林小姐建議「無樓咪白撞」的話，不如直接同層樓結婚就算。
Step好好奇點解Seasun會咁在意高潮。
問：「有樓先有高潮？」
Raymond：「(翻白眼)」阿謙：「性高潮？關咩事呀？」林女士：「我就唔會咁樣諗。我唔係好明白時下女仔嘅心態。」陳小姐：「係咪真係有人咁樣講？」
Step：「咩料呀？點解咁在意高潮呀」
Lucky：「咁佢唔好要高潮囉。」陳先生：「如果個女仔咁樣講，真係好極有限。」
問：「二千呎屋入面做先有高潮？」伍小姐：「睇嚟佢好有經驗，我只可以咁講。我覺得細細地反而會好啲，安全感大啲。」陳小姐：「我唔想要咁大，會好驚。一百呎、一廳兩房已經夠。」
Step：「我怕鬼呀！」葉小姐：「我唔認同。」
問：「高潮指數同住屋尺寸成正比？」伍小姐：「關咩事？係技術問題，有技術就會好啦！」陳先生：「唔會囉。」阿謙：「唔成正比，睇自己嘅呎數嘛！」
來源:
http://hk.apple.nextmedia.com/entertainment/art/20170218/19932037
【紅到台灣】港男港女偶遇擦火花 《告白氣球》舞出千萬點擊
1 :
GS(14)@2017-03-23 06:28:12組合天堂鳥以及As One的成員，Kayan（左）及Tyrese。
近日在網上瘋傳一首周杰倫主唱的《告白氣球》跳舞片段，各大台灣傳媒相繼轉載，包括噪咖、東森新聞以及ETtoday旅雲遊等等，點擊率加起上來超過一千萬。男女主角並不是甚麼台灣偶像，而是來自香港的歐鎮源（Tyrese）和陳嘉茵（Kayan），他們分別是跳舞唱歌組合天堂鳥和As One的成員。
Kayan原意在情人節以及元宵節期間製作一段甜蜜的跳舞影片，分享給一眾粉絲，怎料回響比想像中大。Kayan：「內心感到很激動，一開頭放在YouTube上並不是很多人看，過了兩星期開始有台灣網站轉發，瞬間惹來很大的回響。」兩位也是唱跳組合的成員，當然有一定的跳舞底子。Kayan由6䰄開始接觸中國舞，10䰄轉戰跳拉丁舞大約8年，大專時更開始跳街舞，接觸的範圍十分廣泛。而Tyrese在20歲開始認真學習跳舞，至今也有5至6年時間。他們本身只是出席活動時碰面，點頭之交的朋友，可是不知為何兩人在街上經常偶遇，不論尖沙嘴或旺角。結果Kayan想為《告白氣球》編舞的時候，便想起老是常出現的Tyrese。一分半鐘的跳舞片段，兩人也爽快回應：「其實只是練習了兩次，第一次編舞，第二次練習，第三次直接拍攝。」每一次大概只需兩小時，效率十分高。不少網民讚好跳舞的片段，同時亦不乏批評者。Kayan表示：「所有的留言也會看，假若一些無理針對自己樣貌的，自己也沒有方法改變。如果批評舞蹈動作以及節拍不對，自己下次也可以改善。」或許不是一個最好的表演者或是歌手，但每個人為了夢幻也付出了很多，希望觀眾可以嘗試多一些欣賞的角度。跳唱組合從來也不是一件容易的事，特別是社會風氣以金錢利益掛帥，跳舞唱歌被視為沒有前途，亦沒有韓國的培訓學校，專門發掘跳舞唱歌有潛質新人。Tyrese表示：「香港是一個重視物質的地方，家人也不會鼓勵吹跳舞唱歌，不如讀好書做一些有用的職業。」記者：翁怡富攝影：徐振國（部份圖片由受訪者提供）2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
兩人合作的原因是街上經常偶遇，可謂十分無厘頭。
As One現時以個人發展為主。
天堂鳥即將在五月發佈新歌曲。
Kayan自小集舞，集合中國舞、拉丁舞以及街舞於一身。
來源:
http://hk.apple.nextmedia.com/su ... t/20170322/19965649
《RM》亞博騷開鑼智孝晒腿誘港男
1 :
GS(14)@2017-03-26 15:38:27韓國人氣綜藝節目《Running Man》（RM）五位成員宋智孝、李光洙、金鐘國、HaHa及池錫辰自上個月10日展開亞洲巡迴「RUNNING MAN2017 LIVE TOUR」，繼上月台北及澳門站後，昨晚終於跑到來香港亞博館會港迷，不過由於《RM》經歷話摺埋又唔摺，最終令粉絲熱情冷卻，昨晚入座率得八成。雖然全場未爆滿，但五位成員都瞓身落力演出，成員變身做天團BIGBANG揭開序幕，五人在台上又唱又跳演繹《Fantastic Baby》，全場粉絲即興奮得企起身。而穿上短褲的智孝晒腿示人，辣㷫現場港男。主持Donald即場問他們哪位成員的能力是智孝之下，問智孝是否一定贏池錫辰，智孝即說：「池錫辰哥哥其實好大力，這麼多人，要留點面子給他。」光洙亦抵死插嘴：「賭成副身家，他真的很弱。」
■智孝身穿短褲扮T.O.P，大晒美腿誘粉絲。
■金鐘國帶母親來港，更讓母親率先欣賞《RM》的綵排。
內地粉絲橫額支持
由於內地「禁韓令」持續發酵，令到《RM》今次亞洲巡演內地榜上無名，未有明顯多了內地粉絲到場，但現場有一個百度光洙智孝貼吧的橫額，以行動低調支持。而香港粉絲亦十分有心，刻意在場外放置了代表七位成員一條心的「RM7012」氣球，給其他粉絲拍照，亦有粉絲着上長頸鹿公仔衫撐光洙。
■香港粉絲準備「RM7012」氣球來撐偶像。
■現場不少粉絲排隊等同《RM》氣球影相。
金鐘國陪母睇綵排
另外，金鐘國此行原來與母親同行，昨日金鐘國更在Instagram上載帶母親欣賞《RM》綵排的短片，只見金鐘國母親在台下睇得十分投入，雖然乖仔不在台上，但金母仍不時舉V及拍掌。而光洙、智孝及金鐘國前日率先抵港，光洙抵埗後即外出醫肚，有不少粉絲都成功捕獲oppa，而光洙亦勁親民，即使上了車都落返車與粉絲影合照，更收下粉絲送給自己的可樂，並以韓文主動向粉絲說：「很久不見。」冧暈粉絲。而池錫辰和HaHa亦分別於前晚及昨日抵港，二人在機場亦表現親民，更有求必應同粉絲影相。採訪：梁展雯
來源:
http://hk.apple.nextmedia.com/entertainment/art/20170326/19969954
【動畫●港男福音】娶韓妹的理由 貼大床仲包家電
1 :
GS(14)@2017-04-22 10:49:44Gary2000年去韓國打工，識到韓國太太。
【尋找首爾的香港】港女嫁Oppa做人妻聽得多，事關韓國傳統男主外女主內，人妻嫁去嘆世界，之但係，如果倒轉係港男做人夫捱世界呢？港男Gary早喺2000年離鄉別井到韓國打工，順理成章識到韓國女生，喺當地結婚生子組織小家庭。佢話當年孭住香港人嘅身份「好吃香」，「17年前，當我同韓國人講係自香港，佢哋就會話『哦~張國榮、周潤發...』，當年香港係幾出名㗎，所以識女仔都容易啲！」
Gary話17年前，韓國人好鍾意香港，作為香港人就易啲識到異性。
又話全羅道嘅韓女溫柔啲，而太太出身於慶尚道釜山，就強勢啲。
韓國傳統由女方畀禮金，男方負責層樓同日後一切生活開支，所以Gary結婚嗰陣，傢俬同電器都係岳母送贈。
好少人會用「溫柔」形容韓國女生，但Gary話其實韓國好大，唔同地區嘅女生性格都唔同。韓國主要分六大區域，包括京畿道、江原道、全羅道、慶尚道、忠清道，以及濟州島。Gary話全羅道嘅女生最溫柔，反而大佢兩年嘅太太，係典型慶尚道女生，出身自釜山廣域市，相比下強勢得多，「全羅道嘅女仔比較識講嘢，婉轉啲，但係慶尚道嘅女仔就相反，硬崩崩又直接！」
Gary舉咗個例，話當年太太仲係女朋友嘅時候，已經對佢好嚴苛，「嗰時買咗部兩門嘅韓國現代跑車，佢同我講，『唉...你都廿幾歲人啦，點解仲揸埋啲死飛仔車呢？』雖然畀佢話，但係我又覺得幾甜。」所以婚後，Gary換咗部四驅車，太太就讚佢，「o依部咪好囉！擺嘢又擺多啲！」
異地戀始終有文化差異，好似港奶奶煲燕窩畀韓新抱，新抱就畀咗Gary飲。
Gary話如果講擔起頭家，做香港人夫好啲，因為兩公婆一齊搵錢無咁大壓力。
不過凡事都有兩面，教好小朋友就係太太嘅壓力，Gary大讚太太教得好，大女兩年都考第一。
正所謂「聽老婆講會發達」，Gary結婚嗰陣都慳咗唔少，「結婚嘅時候，泡菜雪櫃、雪櫃、微波爐、電視機，甚至張床褥，都係我岳母買嘅，即係貼埋大床！」咪以為咁講好似好衰，其實只係跟返韓國傳統，由女方畀禮金，負責新居嘅傢俬電器。至於買樓，以及日後一切開支，都由男方獨力承擔！雖則韓國傳統係男主外女主內，但係對於家中嘅婆媳關係，Gary都唔能夠置身事外！Gary話媽媽只係一年嚟韓國探望一次，所以婆媳相處時間唔多，尚算和平。Gary話最好笑係太太會嘗試同奶奶講廣東話，講到好似4、5歲小朋友咁，「奶奶，慢慢死(食)，死(食)多啲呀奶奶」。
家陣Gary已經榮升餐廳老闆，事事親力親為。
Gary喺韓國渡過半生，但毋忘自己嘅根，叫老婆喺佢百年歸老嘅時候，要擺佢返香港！
不過，婆媳關係能夠和平，都因為Gary喺背後好識做。佢舉例，有次佢媽咪買咗萬幾蚊燕窩，拎去韓國煲畀新抱飲，「當時韓國人唔知燕窩呢樣嘢，我媽遞碗燕窩畀太太，太太就笑笑口接住，講『唔該，唔該』，但係我媽一行開，太太就遞畀我，話『快啲飲咗佢！快啲飲咗佢！』當時我嘅反應係全部飲晒，唔使令兩邊都難做吖嘛！」一轉眼，結婚已經十幾年，究竟做韓國人夫好，定係香港人夫呢？Gary話如果講到承擔一頭家，就梗係做香港男人好啲，「始終兩公婆一齊出去搵錢，唔會有種無形嘅壓力。」不過佢話凡事都有兩面睇，認為太太都有壓力，「佢要承擔照顧小朋友嘅壓力，教得好唔好，都係因為佢。託賴啦！大女連續兩年都考第一，要多謝太太！」
Gary由20歲o靚仔，到為人夫，為人父；由打工仔，到同朋友夾份開餐廳做老細，喺韓國渡過半生，但毋忘自己嘅根，「香港係我屋企，始終做人都係要有根，有時同老婆吹水都會話，等我百年歸老都要返香港，叫佢要擺我返香港！」記者：鄒倩婷（阿仙）攝影：李錦鏵、陳家文剪接：Roy
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997666
Next Page