星爺賣製作公司四年包賺10億人仔
1 :
GS(14)@2017-01-07 00:27:46周星馳農曆新年又有賀歲劇上映，不過新戲未上畫，星爺公司就有好戲上演。新文化傳媒（深：300336）公佈，將與新文化實際控制人楊震華，共同斥資13.26億元（人民幣‧下同），約15億港元，買起周星馳旗下製作公司PDAL的51%股權。交易完成後，新文化及楊震華分別持股40%及11%，周星馳則持有49%。此表示，新文化系晉身PDAL最大股東，從星爺手中奪得公司話語權。今次交易，新文化與星爺有對賭嘅意味，周星馳承諾2016-2019四個財政年度，公司會淨賺共10.4億元，如果實際淨利潤不足，星爺將以現金補償或回購股份。換言之，其中2016-2019年的淨利潤目標分別不低於人民幣1.7億元、2.21億元、2.873億元和3.617億元。數據顯示，PDAL目前整體估值為26億元，2015年PDAL的收入為117.37萬元，淨利潤為34.84萬元，2016年首9個月的收入為8,117.51萬元，淨利潤為6,418.5萬元。截至去年9月底，其資產總值為8,422萬元。受消息刺激，周星馳旗下比高集團（8220）昨日炒起，收報0.177元，升0.014元或8.589%。
來源:
http://hk.apple.nextmedia.com/financeestate/art/20170106/19887767
果欄派西柚講《西遊》徐克出賣星爺愛情史
1 :
GS(14)@2017-01-14 07:54:31■周星馳昨日出巡到果欄為其監製的賀歲片《西遊伏妖篇》宣傳。
農曆新年見到周星馳，大概都猜到他今年有賀歲片。由星爺監製、徐克執導的《西遊伏妖篇》，將於大年初一（28日）上映。昨日下午1時，星爺、徐克聯同演唐僧的吳亦凡，齊齊殺入油麻地果欄進行「西遊派西柚」宣傳活動，吸引約300名粉絲圍觀，大部份都是吳亦凡的粉絲，人群由果欄企到出窩打老道，為免人車爭路發生意外，有警員到場了解。
■婆婆從星爺（中）手上拿到西柚，笑不攏嘴。
■（右起）徐克、星爺及吳亦凡向圍觀途人拋西柚。
■昨日活動有近三百粉絲圍觀，檔主叫苦。
徐克等足二十年
其實，電影公司今次只跟果欄其中一檔生果檔合作，但由於人太多，即使檔口已在最側位置，但其他檔口亦難免被人群攻陷，不少檔主都一臉愁容，怕生果被撞爛，大叫撞爛要照價賠償，但現場氣氛的確很熱鬧，星爺也說：「今次呢個《西遊》送西柚都唔知邊個諗出嚟嘅？」主持即說：「聽聞係你諗㗎喎！」但星爺就謙稱：「呢啲咁好嘅橋點會係我諗出嚟吖！」星爺在活動上被司儀問為何找徐克合作？是否因為徐克好正？星爺笑着回應：「係呀！就係咁嘅意思囉！」他還說笑謂：「其實我都搵咗佢三、四十年㗎喇！」徐克即表示：「其實都應該有二十年，我都等咗好耐，因為佢都打過畀我講過，但係我都唔知係真定假，就算佢本人講都唔知係真定假。不過最終都促成咗今次合作。」
吳亦凡受寵若驚
至於演唐僧的吳亦凡坦言收到星爺及徐克的演出邀請很激動，又爆他今次演的是個反傳統的唐僧。司儀又問星爺片中的愛情元素？星爺笑指這部份導演最耍家，徐克隨即笑說：「我將你嘅私人愛情史拍晒出嚟，我冇參與意見。」採訪：張俊銘攝影：陳慧安
來源:
http://hk.apple.nextmedia.com/entertainment/art/20170113/19894819
瘦虎肥龍重逢讚星爺好Nice
1 :
GS(14)@2017-01-18 22:21:21車保羅及施介強（肥施）這對孖寶，於90年代接戲接到手軟，除歷蘇主演的電影《香港也瘋狂》外，最令人深刻當然是《審死官》中的瘦虎肥龍。現年59歲的肥施，81年加盟新藝城及為港台做節目，現職港台節目編導，退居幕後。
■幸好Paul身邊還有個會雪中送炭的朋友，他就是肥施。
■當年Paul與肥施是最佳拍檔，常常一同演出。
■雖然雖未有時常見面，但肥施久不久就打電話問候Paul。
■施介強與拍檔車保羅重逢時不禁深情擁抱。
瘦虎肥龍日前在元朗重逢，二人因東芝效應而成好拍檔，車保羅說：「東芝廣告個拍檔本身做sales，但對方唔想入呢行，所以電影公司就諗到搵肥施同我拍檔。」二人最忙時期試過一日拍三組戲，包括與周星馳合作《審死官》，車保羅說：「佢好nice，冇鬧過我哋。」車保羅指圈中人現實，只有肥施雪中送炭，他說：「肥施好似醫生定期同我覆診咁，久唔久會打電話嚟問我死得未。有啲外國製片嚟香港，佢一定關照我叫我casting。」肥施說：「佢求生同生存能力好高，乜嘢都肯做，唔係個個做得到。」
來源:
http://hk.apple.nextmedia.com/entertainment/art/20170118/19900084
片場爭凳仔徐克喝令星爺行開！
1 :
GS(14)@2017-01-19 08:08:02■訪問時星爺（左）與徐克（中）互窒，各不相讓。
【蘋果動搞作】周星馳監製、徐克執導、吳亦凡演唐僧的《西遊：伏妖篇》將於賀歲檔上映，早前他們在尖沙嘴宣傳電影。近日網上經常流傳星爺演出的宣傳片，對於只拍宣傳片不復出幕前，星爺笑言較有興趣拍宣傳片，但不排除復出幕前：「一步一步啦，我拍咗宣傳片先，如果反應OKay嘅，我會考慮再進一步去到大螢幕。」
■星爺不想黐毛，所以不演孫悟空。
■徐克覺得吳亦凡應該做悟空，吳亦凡想看徐克做唐僧，但最終都是空想一場。
選角輸咗
訪問期間星爺跟徐克不時針鋒相對，星爺透露在片場時經常技癢，想搶導演位做，但都被徐克快一步阻止，星爺笑說：「我每一秒鐘都有咁嘅諗法，但其實每次我正想咁樣嘅時候，徐導演就已經畀我先一步『你行開啲啦，等我嚟！』最後完全冇機會。」不過徐克搞笑完一輪後，正經的表示：「其實我係好期待，我睇你點拍！」他們又自爆在選角時，已曾經歷一番龍爭虎鬥，徐克說：「當時周生就叫吳總（吳亦凡）做唐僧，我話不如吳總做孫悟空啦，咁就拉鋸咗一輪。其實我?家都好想知道佢演悟空係點樣。」在吳亦凡立場卻想星爺再次演孫悟空、徐克扮唐僧，吳亦凡說：「我內心中覺得徐克比較像唐僧，星爺比較像孫悟空。」不過星爺聲言不想再黐毛扮孫悟空，打斷了他：「喂你唔好講埋啲咁嘅嘢，我唔想黐咁多毛呀！」
吳亦凡
■吳亦凡很樂意剃頭演出。劇照
講轉髮型
講到星爺對一頭標記的白髮，情有獨鍾，不少人都想知他有否想過染黑，他以一貫無厘頭方式回答：「染呀？我有諗過轉髮型嘅，一係吳亦凡咁紅色，或者徐克咁灰銀囉。」在戲中吳亦凡要剃頭演出，他認為是很難得的經驗，所以義無反顧的答應。採訪：黃芷蔚、何永寧攝影：林德雄、馮峰、卓振輝
來源:
http://hk.apple.nextmedia.com/entertainment/art/20170119/19901084
【幕後花絮】星爺戲癮爆發臨場做埋導演教拍攝
1 :
GS(14)@2017-01-19 08:08:02星爺最初聽到扮記者問自己問題條橋，佢都話唔係好明。
周星馳果然魅力非凡，一舉手一投足即令到現場歡天喜地，日前星爺聯同徐克、吳亦凡出席《西遊：伏妖篇》記者會，佢哋接受《蘋果》訪問時仲客串扮記者，上演一場「自己問自己」嘅答問大會，場面極度搞笑！拍攝當日好多幕後花絮，為免讀者、觀眾睇漏星爺等人背後嘅搞鬼場面，我哋決定將訪問過程嘅花絮公開！
越玩越興奮，星爺突發要再問多幾條問題。多謝你呀！
星爺即場發揮導演功力，教我哋點樣走位連戲接shot。
星爺最初聽完我哋講解「扮記者亂入」呢個玩法後，原來都一頭霧水，仲問隔籬位嘅徐克導演：「你明呀？你真係明呀？我唔明喎，死火喇！但係我又唔好意思講我唔明。」做完專訪後，星爺、徐克、吳亦凡齊齊移位扮記者發問，星爺即刻戲癮爆發，飾演記者一角似到十足十，仲問到唔想走。「吓？冇喇？整多一兩條啦，問多兩個吖！」玩得盡興嘅星爺，仲教現場工作人員點樣走位連戲接shot，盡顯導演功架。至於為《美人魚》聲演珊珊的謝依晴（林允粵語配音），當日亦客串幫手扮記者，可惜遇到星爺、徐克同吳亦凡個個搶住發問，根本冇機會舉手。好彩，星爺等人最後都好有風度，畀依晴問到一條問題。
來源:
http://hk.apple.nextmedia.com/entertainment/art/20170119/19901351
星爺教譚俊彥強姦個嘴
1 :
GS(14)@2017-01-22 02:17:16由周星馳監製、徐克導演的賀歲片《西遊伏妖篇》，早前為電影配上廣東話，找來林一峰、火火、譚俊彥和李尚正分別聲演唐僧四師徒，星爺亦找來元祖級唐僧羅家英出山。配音期間，星爺親自指導四師徒演繹方式，當譚俊彥為孫悟空配音時，星爺教導對方配音術語「強姦個嘴」︰「即係話本來冇呢個嘴（形），我哋強行加落去，唔係真係強姦個嘴。」譚俊彥事後表示︰「雖然自小睇佢嘅作品長大，大部份佢嘅經典對白我都記得，不過仍然係四個字『受寵若驚』，還有四個字『戰戰兢兢』，試過上一次配《美人魚》，今次配音仲舒服。」撰文：李森
來源:
http://hk.apple.nextmedia.com/entertainment/art/20170121/19903769
星爺《西遊伏妖篇》賀歲被睇好
1 :
GS(14)@2017-01-26 18:22:20■《西遊伏妖篇》將會兩周足場上映。劇照
到戲院睇賀歲片，已經成為拜年打麻雀外，另一項主要活動。難得周星馳連續兩年都有作品面世，今年的《西遊伏妖篇》同樣安排在年初一上映。星爺只擔任監製，導演由徐克執導，雖然多少是食老本之作，但單是星爺的金漆招牌及發行商要求院商兩星期都足場上映的信心來看，就知來勢有幾洶。而勇奪7項金球獎兼挾14項奧斯卡提名的《星聲夢裡人》（La La Land）今日正式上映，同日還有另一部食老本作品，鄭丹瑞導演的《小男人週記3之吾家有喜》。小朋友選擇有動畫《寵物小精靈電影版：波爾凱尼恩與機關人偶瑪機雅娜》及《魔海奇緣》（Moana）。撰文：李森
來源:
http://hk.apple.nextmedia.com/entertainment/art/20170126/19908713
內地破華語片紀錄 香港封冠星爺《西遊2》開畫贏盡兩地
1 :
GS(14)@2017-01-31 03:13:29■吳亦凡在星爺監製的賀歲片《西遊伏妖篇》擔正做唐僧，被封為最帥唐僧。劇照
周星馳今年繼續有新戲攻賀歲檔，繼2013年《西遊降魔篇》後，今年由他監製及徐克執導的《西遊伏妖篇》在香港及內地上映，雖然卡士以內地演員吳亦凡、林更新及姚晨等為骨幹，但香港版就找來羅家英及林一峰等配廣東話版本，電影前日大年初一在香港及內地上畫，票房均排首位。
■星爺的《西遊2》打破自己去年《美人魚》的內地華語片單日票房紀錄。資料圖片
破《美人魚》紀錄
《西遊2》前日年初一在香港上映，單日收501萬排票房第一位，連優先場累積票房約560萬，在內地更橫掃全國，單日收3.65億人民幣（約4.11億港元）排第一，破了去年星爺監製及執導的《美人魚》單日收2.76億人民幣（約3.11億港元）創下的紀錄，截至昨日傍晚6時，《西遊2》票房累積至5.34億人民幣（約6億港元），至於西片的單日票房紀錄是《狂野時速7》的3.9億人民幣（約4.39億港元）。而前日的單日票房第二位是王寶強主演的《大鬧天竺》，成龍與李治廷的新戲《功夫瑜伽》就排第三（見附表）。
■《生化危機：終極屍殺》年初一以278萬票房成第二位。劇照
■《魔海奇緣》成唯一打入港票房頭五位的動畫片。劇照
《生化危機》緊貼
另外，香港年初一賀歲檔除《西遊2》奪冠，尾隨的都是西片天下（見附表），如排第二的《生化危機：終極屍殺》收278萬、《魔海奇緣》以222萬排第三，而挾着贏盡金球獎，獲奧斯卡14項提名強勢的《星聲夢裡人》則以204萬排第四，鄭丹瑞、周秀娜主演的《小男人週記3之吾家有喜》就排第五收166萬。撰文：唐如
《小男人週記3之吾家有喜》劇照
【香港年初一單日票房】1 《西遊伏妖篇》501萬2 《生化危機：終極屍殺》278萬3 《魔海奇緣》222萬4 《星聲夢裡人》204萬5 《小男人週記3之吾家有喜》166萬【內地年初一單日票房】1 《西遊伏妖篇》3.65億人民幣（約4.11億港元）2 《大鬧天竺》1.93億人民幣（約2.17億港元）3 《功夫瑜伽》1.41億人民幣（約1.59億港元）4 《熊出沒．奇幻空間》7,419萬人民幣（約8,367萬港元）5 《乘風破浪》7,030萬人民幣（約7,928萬港元）
來源:
http://hk.apple.nextmedia.com/entertainment/art/20170130/19912599
Next Page