📖 ZKIZ Archives

【《蘋果》專訪】「娜姐巨胸翠如身材都咁好」阿旦享受60歲禮物

1 : GS(14)@2017-01-26 07:44:04

由鄭丹瑞（阿旦）監製、導演兼擔正的賀歲片《小男人週記3之吾家有喜》，賣點是找來身材逼爆的周秀娜與「巨胸翠如」鄧月平（Larine）做女角，戲中娜姐內衣上陣勁騷魔鬼身材，大戰阿旦女兒Larine的半裸嬉水。早前三人接受本報專訪，談到兩位女神，阿旦說：「身材係一個賣點，小男人一定有當代女神，咁娜姐真係當仁不讓，Larine就係up coming嘅。」被阿旦讚女神，娜姐說：「其實我都驚㗎，《小男人週記》係好經典，睇過一同二好多女神，真係好正，搵我去做旦哥嘅情人，嘩，可以將自己同自己好鍾意嘅鍾楚紅、李美鳳做類似嘅位置，梗係即刻去做。」


「逼娜姐收少啲」

今次阿旦選擇拍第三集，原來是要送給自己的生日禮物，他說：「呢個係我送畀自己嘅60歲生日禮物，我覺得應該做一樣嘢畀自己，曾經有人叫我拍電視劇，但我想拍戲，想享受拍港產片嘅感覺，時間好少、好趕，但係一條心嘅精神，初初係想自己投資，逼娜姐收少啲，了一個心願，誰不知遇到蕭定一，佢話畀佢搞，我唯一條件係要港產片，我好享受。」



■鄭丹瑞拍小男人第三集，最想享受拍港產片的感覺。

■周秀娜在片中飾鄭丹瑞女友，二人有不少親熱戲份。劇照

片中主線是父女情，阿旦說：「經歷過兩個女出世，離開我去讀書，牽腸掛肚，初期返嚟嗰種陌生感覺，從呢啲感覺攞到靈感，13年冇見嘅女，點去handle，仲要身材咁好，個情人又身材咁好，咁點呀？」可有想過找回第一、二集的女神演出？阿旦說：「曾經有過遐想，當然第一個想搵紅姑，李美鳳都有打過招呼，但係佢哋個個幸福快樂嘅時候，都無謂打搞佢哋，永遠存喺我哋記憶入面。」採訪：羅慧敏




來源: http://hk.apple.nextmedia.com/entertainment/art/20170124/19906425
PermaLink: https://articles.zkiz.com/?id=324011

娜姐拍古裝呻難打

1 : GS(14)@2017-04-09 10:49:42

周秀娜和BabyJohn前晚在尖沙嘴出席C.P.U.旗艦店開幕，最近兩人拍電影《29+1》，BabyJohn表示跟周秀娜要搞one night stand，他笑說：「優先場已經滿咗，為答謝觀眾，要one night stand，企足成晚，企戲院同觀眾合照，可以解答觀眾問題。」周秀娜最近拍劇集《深宮計》，被指在無綫有特別優待，不用拍通宵戲，她說：「唔係，通頂我都試過，試過有一場打戲，打咗十幾個鐘，因為我個角色係好打得，NG都比較多，因為我要着妃子衫，所以好難打，而且又有舊患。」至於能否接受長時間的工作模式？她說：「拍戲有時十幾、二十個鐘，我都係第一次拍宮廷戲，最好都係拍時裝劇先。」採訪：黃曉妍　攝影：仇志德




來源: http://hk.apple.nextmedia.com/entertainment/art/20170409/19984249
PermaLink: https://articles.zkiz.com/?id=329832

【馮仁昭四圍超】娜姐認變態怕冇嘢做

1 : GS(14)@2017-04-22 10:43:46

周秀娜同鄭欣宜噚日到中環hmv宣傳電影《29＋1》，娜姐唔介意自己嘅年齡公告天下，不過拍戲時真係諗咗好多30歲前後嘅變化。問娜姐係咪忽略愛情？佢話：「全部都有，有得有失，以前好貪心，覺得乜都可以同時間兼顧，其實感情、愛情都需要時間維繫，自己將精力擺晒喺工作上，以前真係好變態，一有假放就覺得好奢侈，擔心冇嘢做。」撰文：馮仁昭



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170421/19996079
PermaLink: https://articles.zkiz.com/?id=331225

馬明抱娜姐嗌幸運

1 : GS(14)@2017-04-28 02:10:58

馬國明昨日在尖沙嘴宣傳活動，被同劇演員曹永廉大爆戲外艷福無邊，指他「戲外真的很多女孩子喜歡的，因為他有錢，又還未結婚」、「他有很多女朋友，不知道誰是真」，馬明更大方回應說：「那當然啊，男孩子嘛」。馬明最近跟周秀娜拍攝劇集《深宮計》，被指不停「NG」，他笑說：「每一個男生都想抱周秀娜，我很幸運。」不過當大家提到緋聞女友黃心穎，他隨即回神，表示希望跟對方食飯和睇戲。



■蔡思貝（左）與王君馨現身谷新劇。

同場的蔡思貝早前被報道指車牌號碼前後不一，她表示覺得很好笑，並解釋因早前把車子拿去維修，而車房老闆人很好，看到她的車牌被刮花，便幫她換掉，卻換了一個錯的數字。撰文：非非



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170426/20001383
PermaLink: https://articles.zkiz.com/?id=331683

娜姐帶愛貓抽血檢查

1 : GS(14)@2017-05-27 00:06:53

獨居的周秀娜與貓咪啵啵相依為命，視愛貓如寶貝仔，她日前在Instagram貼出用背囊帶啵啵出街去看獸醫的相，背囊有個透明圓圈，正好讓牠看世界，娜姐留言：「難得有一日假，帶大爺看醫生。」娜姐同時貼出她抱着啵啵與爸媽及胞弟，一家「五」口的溫馨相。娜姐昨短訊回覆：「我見啵啵嘔，就帶牠看醫生，替牠抽血檢查，啵啵經常舔身，吃下過多貓毛，令腸胃不適。」娜姐稍後到橫店為劇集《宮心計2深宮計》開工，又要跟啵啵分開，所以她會爭取時間「母子」團聚，問到啵啵是否很重？娜姐說：「不重，牠應該胖一點，多重我也願意揹着牠到處去。」採訪：楊定




來源: http://hk.apple.nextmedia.com/entertainment/art/20170526/20033601
PermaLink: https://articles.zkiz.com/?id=334068

娜姐傷腳韌帶發炎

1 : GS(14)@2017-06-25 10:11:17

周秀娜昨日在九龍塘出席快易通活動，和魔術師Jeff即場示範表演魔術。娜姐透露日前在內地佛山拍完電影時不慎受傷，她說：「角色係負責俾人捉，同埋俾人打。開完第一日工就發現隻腳又紅又痛，無論坐或企都痛，於是去睇醫生，先知道原來係韌帶發炎。」娜姐稱暫時要避免穿高踭鞋，故昨日都是穿波鞋亮相。娜姐透露將起程去馬來西亞為另一套新戲開工，而對手為吳鎮宇、張智霖和佘詩曼，很期待與他們合作。講到近年不少人選擇到東南亞置業，娜姐又會否跟隨？她說：「會問吓啲前輩意見先，但始終都係想喺香港，不過暫時價錢真係太貴。」至於有何心水置業區域？她笑言：「心水就梗係深水灣啦。」採訪：盧妹攝影：仇志德




來源: http://hk.apple.nextmedia.com/entertainment/art/20170623/20065458
PermaLink: https://articles.zkiz.com/?id=336901

小Justin港騷票價貴過娜姐

1 : GS(14)@2017-07-05 03:42:46

加拿大男歌手Justin Bieber目前正展開世界巡唱，完成英國及美國演出後，便會唱到亞洲，香港亦是其中一站，將是他第二度在港開騷。小Justin的香港騷鐵定9月27日假亞博館舉行，是次票價相當揦脷，最貴門票2,580港元，分坐位及企位，最平亦索價980港元一張，比起樂壇天后麥當娜（Madonna）上年香港騷最貴門票的（非VIP套票）2,488港元更要昂貴。




來源: http://hk.apple.nextmedia.com/entertainment/art/20170704/20077690
PermaLink: https://articles.zkiz.com/?id=337930
Next Page
ZKIZ Archives @ 2019