半島食晏享家庭樂嘉欣晒長腿 亨亨做湊仔公
1 :
GS(14)@2016-09-06 22:50:58【全家出動】■李嘉欣一家三口前日在尖沙嘴出席家族聚會，享受天倫樂。DV圖片
【尖沙嘴】現年46歲的豪門少奶奶李嘉欣，跟船王許愛周的孫兒許晉亨結婚8年，兩人育有5歲兒子許建彤（Jayden），前日一家三口到尖沙嘴的半島酒店午膳享受家庭樂，同行除了有嘉欣的媽媽之外，家姐李嘉明都帶囝囝赴家族聚會，現場還有兩個外傭貼身服侍，認真大陣仗。
【趕下一場】■李嘉欣和母姊齊齊戴上黑超等車接送，星味十足。
【熱褲誘人】■人妻李嘉欣罕有地晒長腿。
■李嘉欣表示今年跟丈夫許晉亨認識10周年。
母女走下場
前日下午2時許，嘉欣一行人食飽飯後離去，穿西裝的亨亨率先拖着囝囝Jayden現身，嘉欣罕有地穿熱褲騷長腿，配襯Maison Michel招牌草帽，而同樣嫁入豪門的李嘉明，則手持闊太愛牌的Hermès Lindy帆布袋。他們在的士站附近等七人車接載，三母女齊齊戴黑超星味十足，活潑可愛的Jayden就跟嘉明的囝囝嬉戲，兩個表兄弟玩得好開心。當七人車到達後，亨亨拖囝囝上車，嘉欣和媽咪及家姐就等另一架車接載，似乎三母女仍有下場。好女婿亨亨不但陪外母食飯，又化身湊仔公照顧兒子，讓老婆可以陪媽咪，嘉欣認真幸福。
相識10周年
此外，嘉欣最近為雜誌《MILK X》10周年拍攝封面，她表示今年剛好亦是跟丈夫許晉亨認識10周年，他們難得過二人世界出外旅行，她說：「平日冇太多時間同老公獨處，自己好珍惜呢個trip。」提到囝囝明年升小一，嘉欣說：「而家小朋友喺香港讀書壓力好大，我唔會太膽心囝囝嘅學業同能力，但我覺得態度、禮貌、孝順係做人最重要條件。」採訪、攝影：吳耀輝、陳辰
來源:
http://hk.apple.nextmedia.com/entertainment/art/20160906/19761160
龔嘉欣激嬲莊思明
1 :
GS(14)@2016-09-23 08:10:00■龔嘉欣和楊明出發時沒提及去參加婚禮，怎料令莊思明打翻醋埕。資料圖片
龔嘉欣和楊明上星期一齊現身機場出發到英國，出席陳智燊和宋熙年的秘密婚禮，由於嘉欣不想行蹤敗露，所以胡扯一番說：「我哋去馬來西亞咋，唔係去度蜜月呀，唔好亂寫呀！」怎料楊明女友莊思明莫名其妙地大動肝火，遷怒於龔嘉欣，莊思明爆楊明去英國，又指「楊明只會同我度蜜月」。雖然龔嘉欣出席陳智燊和宋熙年英國婚禮後，已經解釋清楚，但是事件仍是沒完沒了，昨日又有報道指莊思明相約家姐莊思敏訴苦兩個鐘，事有湊巧又被傳媒拍到，莊思明托腮又苦惱的樣子被攝入鏡頭，其間又拍枱，吐出「小三」兩字，離開時更楚楚可憐眼泛淚光。撰文：非非
來源:
http://hk.apple.nextmedia.com/entertainment/art/20160923/19778709
無綫花旦愛情路楊怡姊弟戀開花鍾嘉欣生B
1 :
GS(14)@2016-09-29 08:05:38胡杏兒去年就搵到真愛，同李乘德結婚，而跟杏兒同期嘅花旦，大都已經離開大台各奔前程，有啲北上搵銀，有啲就榮升賢妻良母。楊怡今年做咗兩個好大決定，事業方面，佢決心離開大台返內地發展，明年就會接胡杏兒力演舞台劇《我和春天有個約會》，飾演姚小蝶一角。感情方面就更加唔駛講啦，今年三月佢同拍咗拖四年嘅羅仲謙，喺英國舉行童話婚禮，下月2日就會喺香港補擺喜酒兼註冊。佘詩曼 感情路上，阿佘似乎唔及事業順風順水，出道多年嘅佢，緋聞男友一大籮，好似吳卓羲、陳豪、林峯、鄭嘉穎等等，但全都係冇米粥，真命天子似乎仲未出現。講到演藝事業，阿佘就得過兩屆視后，今年5月就撇大台，自己成立工作室，返內地搵真銀。鍾嘉欣鍾嘉欣同伍允龍緋聞就傳咗好多年，兩位當事人一直都冇承認戀情，直至嘉欣BB嫁俾加拿大脊骨治療師Jeremy Leung後，上月底仲喺加拿大生埋囡囡Kelly。
來源:
http://hk.apple.nextmedia.com/entertainment/art/20160929/19784890
鍾嘉欣：我年尾回港
1 :
GS(14)@2016-10-01 13:19:53■鍾嘉欣昨日感謝贊助商送禮，並宣佈年底回港。資料圖片
鍾嘉欣去年12月跟無綫集團前主席梁乃鵬姪仔、任脊醫的Jeremy Leung註冊結婚，2月在溫哥華補擺酒，8月在微博公佈誕下女兒Kelly，乳名「乖乖」，是獅子座猴B，重7磅5安士。據知嘉欣在加拿大誕下Kelly後，一直忙於湊女，雖然有家人從旁協助，但是嘉欣樂於餵奶、換片，氹女瞓覺。昨日嘉欣終於抽空更新微博，並上載兩張贊助商送的禮物相，有母女裝的鞋和嬰兒用品，她同時宣佈在年底返港：「Kelly真的幸福收到那麼多禮物。謝謝贊助商那麼遠都送過來，真有心。謝謝你們對我一直以來的支持和愛護我的女兒。我今年年尾會回香港，到時見！期待！！！」撰文：非非
來源:
http://hk.apple.nextmedia.com/entertainment/art/20161001/19787145
張名雅馬場啜爆 嘉欣亨亨拉馬場常客
1 :
GS(14)@2016-10-10 16:14:32W(王灝兒)周六同新歡Tarzan Ip(葉韋彤)，拍拖去馬場睇男友嘅愛駒「一支梅」出賽，雖然「一支梅」最後未能勝出，JW未有機會同Tarzan一齊拉頭馬。不過唔緊要，來日方長，相信JW一定有機會好似好多女藝人咁，同愛侶一齊入馬場，睇愛駒出賽，然後拉頭馬。李嘉欣本身係馬主嘅許晉亨，曾先後擁有多匹愛駒，但好多都已經退役，好似「一寶」、「快意」咁，所以佢都係馬場常客，周不時會同老婆李嘉欣入馬場睇愛駒出賽。張名雅今年4月張名雅就俾《蘋果》讀者爆料，同律師男友蔡錦豪喺跑馬地馬場啜爆睇賽事，佢哋上月仲結埋婚！黃婉曼黃婉曼嘅老公係會計師兼馬主馮柏基，入馬場是常識吧！楊千嬅千嬅去年大年初三就同老公丁子高抱住囝囝丁進諾（Torres），入沙田馬場，當日千嬅奶奶黃淑貞名下的馬匹「野孩子」，就係頭場勝出，一家人去拉頭馬，好開心。
來源:
http://hk.apple.nextmedia.com/entertainment/art/20161010/19796169
坤哥冇拍拖 護龔嘉欣非小三
1 :
GS(14)@2016-10-13 08:09:35■吳業坤稱與龔嘉欣如家人，與王卓淇冇拍拖。
吳業坤最近被傳背正印女友、2014年港姐王卓淇與龔嘉欣經常黐到實，昨日有周刊報道指王卓淇斥「這種女人」好過份，明知別人有女友都這樣做，矛盾直指龔嘉欣。不過，報道刊出後，王卓淇昨在Instagram貼文，澄清談個人愛情觀點的訪問被扭曲。
龔嘉欣
而坤哥昨日在將軍澳接受傳媒訪問則說：「以我認識嘅嘉欣，唔會係做小三同搶人男友嘅人，同埋一直同嘉欣都係冇發生乜嘢嘅，只係情同家人。至於卓淇，係冇同佢拍拖啦，同埋佢都寫咗件事畀人扭曲咗，希望佢哋都唔好再受牽連，希望大家唔好再唔開心啦！」撰文：李察
來源:
http://hk.apple.nextmedia.com/entertainment/art/20161013/19798810
姚子羚爆龔嘉欣多人追
1 :
GS(14)@2016-10-14 06:52:20姚子羚昨日在將軍澳拍攝劇集外景，對於有報道指其好姊妹龔嘉欣是吳業坤和前港姐王卓淇的第三者，姚子羚一臉狐疑地說：「吳業坤都冇拍拖點做佢小三，佢同坤哥係姊弟，絕對冇咁嘅事，好難成立。」
龔嘉欣（資料圖片）
最近龔嘉欣多次捲入別人的關係，被誤認是小三，姚子羚為好友澄清，指嘉欣追求者眾：「佢不嬲有追求者，咁靚女，又識煮飯，咁識照顧人，有人追好正常，佢咁大個女，要搵個人拍拖，搵個適合對象都係時候。」姚子羚曾被指介紹富二代給李施嬅，問她有否介紹給嘉欣，她說：「又冇喎，我嘅年齡層未必啱佢，都要啱眼緣。」撰文：非非
來源:
http://hk.apple.nextmedia.com/entertainment/art/20161014/19799878
鍾嘉欣B女倒模爸爸
1 :
GS(14)@2016-10-22 22:28:53■鍾嘉欣昨日上載抱着女兒Kelly的近照。微博圖片
昨日香港懸掛8號風球，不少人都留在家中，身在溫哥華的鍾嘉欣趁機派福利，在微博貼上自己與2個月大的囡囡Kelly最新合照！嘉欣BB懷中的baby，就是她與脊醫老公Jeremy的愛情結晶品Kelly。32歲的鍾嘉欣與大自己13年的Jeremy一見鍾情，兩人拍拖不足一年即閃婚，今年2月在溫哥華補擺喜酒，8月底在加國誕下Kelly。之前嘉欣曾於微博貼囡囡相，當時BB剛出世，輪廓冇咁分明，嘉欣昨日再於微博貼上Kelly近照，現在近兩個月，這位乳名「乖乖」的獅子座小公主Kelly，究竟似爸爸還是媽媽？
■鍾嘉欣與脊醫Jeremy一見鍾情，結婚不到一年便誕下女兒。資料圖片
素顏戴眼鏡
乖乖的頭髮超多，鼻頭有肉，與脊醫爸爸Jeremy餅印一樣。乖乖穿上夾衣躺在梳化上手舞足蹈，對住鏡頭微笑，十分可愛。嘉欣留言：「她的笑容真的融化我的心和靈魂，感謝上帝讓我學會去愛，去感受生命的循環，變得更和藹、更親善、更勇敢，成為熊媽媽，用我的力量保護你，我愛你Kelly。」而產後首次露面的嘉欣，戴住膠框眼鏡素顏look，仍獲網民讚靚，她曾在微博預告會年尾復出，令觀眾十分期待！撰文：嵐山
來源:
http://hk.apple.nextmedia.com/entertainment/art/20161022/19808314
Next Page