無綫咪神離巢陳潔玲：可能佢哋覺得你想走呀？走囉！
1 :
GS(14)@2017-05-18 01:10:52「我的離開也是愛……」許廷鏗就咁樣唱，至於前港姐「咪神」陳潔玲離開大台又因為乜呢？佢昨日接受《蘋果》電話訪問時，咁樣形容同大台嘅「分手」：「都係和平結束賓主關係」。由參加港姐至今，差不多五年，陳潔玲坦言最唔捨得同事：「尤其係訓練班嗰啲，好多幕後同事對我好好，雖然啲人話公司冇咩人情味。」陳潔玲表示半年前已開始動念想走，沒有代表作亦是原因之一，於是佢走咗去問訓練班教過佢嘅阿旦鄭丹瑞：「佢好知道我性格，佢話：『你走啦，你牛皮氣，你留喺TVB咪又係又痕又怕痛，繼續留喺到又係囉囉攣，不如0依家走啦』。」咁啱五月份死約完咗，就決定離開。至於大台可有挽留？陳潔玲稱：「又冇喎！(由你走？)係呀！(咁都得？)我又冇諗呢樣嘢喎，可能佢哋覺得『你想走呀？走囉！』我都有啲驚，其實我計過我有半年冇返公司，可能爭公司一啲show，驚公司叫我還show，佢淨係話『你返嚟填番啲文件，搞番啲手續就ok』。」「當初入嚟係想見識下心態，做耐咗就發現，公司太大，太多部門，架構太複雜，好多時佢冇可能照顧每個需求，喺入面好被動，真係要等機會，唔知要等幾耐。喺大機構工作，大家都明要做好多門面嘢，要比較卑躬屈膝啲，但我自己有個堅持，我係想做演員，唔想為咗得到機會而磨平自己啲棱角，如果咁就冇咗自己character。」她補充：「我以前係仲倔，TVB已經成長咗好多。」0依家咁多平台，陳潔玲自言想試多啲嘢，會嘗試拍電影，例如網絡電影咁；至於簽經理人，佢話暫時想自由身先。
來源:
http://hk.apple.nextmedia.com/entertainment/art/20170517/20024199
【動搞作街頭調查】如果有得揀你想女朋友做咩職業
1 :
GS(14)@2017-08-04 06:11:38黃先生指最希望女友的工作不用接觸到異性，因為這樣可以減低自己戴帽的機會。
講親女朋友職業，世人都會覺得，男士們一定係想搵個空姐、護士做女友，但其實男士們又係咪真係咁諗先？不如一齊出去問下啦！
TOM：「理想職業啊？教師啦！因為感覺偏向斯文少少。」
Kelvin：「女朋友職業，獸醫、護士啦，嗰啲職業感覺上溫柔啲！」阿風：「護士，因為俾人白衣天使嘅感覺。」
Lam：「社工啦，因為幫到人嘛！」
Billy：「我想個女朋友嘅職業係我嘅家庭主婦囉！」
Marco：「個職業咪就係我老婆囉！」
Billy：「其實我唔係幾鍾意女朋友做嘢，因為梗係想霸住個女朋友啦，如果女朋友出去做野，就梗會接觸到好多唔同嘅人，所以最好係可以令佢唔駛做嘢。」
Nelson：「護士囉，好似溫柔啲咁。」黎先生：「可能做下藝術，作下曲呀、玩音樂呀、畫下畫呀咁樣，搵啲同自己興趣相近嘅人。」粱先生：「空姐丫，空姐好吸引，因為見親啲空姐都好靚。」黃先生：「女朋友做咩職業？其實做唔緊要，但個職業要少接觸男性嘅，因為咁唔會出軌，最緊要唔好俾自己有帽戴！」郭先生：「同藝術有關，因為自己本身都係玩藝術，所以想第時女朋友性格相近啲。自己都會怕藝術家搵唔到錢，但係有時你鍾意一樣嘢，錢唔係最緊要。」
Billy（左）跟 Marco均表示最希望女朋友做的工作，就是自己的老婆。
同叫Billy的他，亦霸氣表示希望能讓女友不用工作，這便可獨佔對方。
梁先生指最希望有個空姐女友。
最多男士表示希望有個護士女友，因為貪佢夠溫柔。
來源:
http://hk.apple.nextmedia.com/entertainment/art/20170803/20110557
【動搞作街頭調查】如果有得揀你想男朋友做咩職業
1 :
GS(14)@2017-08-04 06:11:51何小姐笑指自己是名拜金女，信奉「錢就是萬能」這理論，故她希望男友是位金融才俊。
問完啲男仔希望女朋友做咩工作之後，就梗係要問埋女仔想個男朋友打咩工啦！須知道一份好嘅職業，追起女仔上嚟，點都有正面嘅幫助嘅（好似係）！馮小姐：「佢想做咩就做咩，最好係大家嘅放工時間都差唔多，咁會有多啲機會見面。搵錢方面最好多過我少少，因為自己能力都唔係好高，所以如果佢高過我嘅話，我哋相處起嚟，財政方面會無咁吃力。總之佢專注做佢鍾意嘅嘢就好吸引！」陳小姐：「最希望佢同我做返同一樣Creative嘅工作，咁樣大家諗嘢會差唔多，因為我唔鍾意太悶嘅人，唔會介意佢搵得多定少，鍾意就得。」
Charis：「時裝設計師，因為佢會有自己嘅諗法，唔會隨波逐流。」
Tracy：「長工囉，醫生嗰啲。」麥小姐：「公務員啦，夠穩定！」陳小姐：「工程師！因為有錢囉！」何小姐：「會計師，因為數口精，佢幫我計埋就仲好！」王小姐：「律師，因為我都想做律師。」梁小姐：「救護丫，因為好有使命感。」何小姐：「梗係金融才俊啦！錢就是萬能！」
Yuki：「我覺得無得話想人哋做咩職業，自己條路係自己揀去行，唔可以由人哋決定你條路。」
Charis希望男友是名時裝設計師，因為她覺得時裝設計師是有自己的想法，不會隨波逐流。
馮小姐指希望男友的放工時間跟自己相近，這樣二人便有多點機會見面。
陳小姐坦言不介意男友的收入是多或少，只要是自己喜歡的男生便可。
來源:
http://hk.apple.nextmedia.com/entertainment/art/20170803/20110559
【辦公室政治學】十年後，你想成為甚麼人？
1 :
GS(14)@2018-02-21 06:23:31筆者早前寫了兩篇討論「工作」與「事業」的文章，簡單來說，「工作」就是你只用來賴以為生的事情，所以應該一分錢一分貨，半斤八両，交夠數按章工作就夠；「事業」是你終生想發展的人生目標，所以值得不計效地付出，藉此建立自己在行業內的個人價值。好了，兩者分清楚了，然而對於某些目標不算太遠大的朋友，又應該怎樣面對面前的職務呢？先旨聲明，人各有志，「沒有遠大理想」是個人選擇，完全是沒有問題的，但即使沒有理想，也會想自己活得快樂吧！而要得到快樂，做自己喜歡的事，過自己喜歡的活，是必然的條件。所以，若你沒有所謂的「事業」，就可以換個思考方式，去想想以下這一個問題。我曾在某大機構工作，替部門主持過無數次招聘面試。每次面試之時，除了既有的自我介紹，與背景的詢問外，我通常都會問他們一個問題：請坦白地告訴我，十年後，你想成為一個甚麼人？為甚麼我會這樣問？我從事的是媒體工作，我都明白願意進入大企業中做媒體的，目標都應該不會是想成為杜琪峯或王家衛之類天馬行空的創作者，而是想在當中找到平穩的生活，然而平穩的定義，卻是很廣的，所以我就希望他們在平穩之中，也能認真想一想，究竟他是想過一場怎樣的人生，從而了解自己其實需要怎樣的職務。例如，他希望十年後成為一個月入比見工職位高一倍的主管，那他就要有心理準備參與一些有壓力，但容易表現自己能力的Project，還要了解公司的文化與行業的背景；若然她願意坦白?是為了當個好媽媽，想每天準時上班下班，她就要接受做一些重複性高，只能按年跟大圍加薪，但比較少機會OT的崗位；若然他比較年輕，真的跟我?想十年後游出大海，當另一個杜琪峯，他就要做足作戰準備，我將會盡量將他安排到最需要做創作的團隊，好讓他能善用自己的火喉拍夠幾條可用來見人的廣告或短片，三幾年後拿著這幾條影片當Profile，出去再闖江湖。當然，可能我以前工作的企業夠大，有足夠的工種可包容到各種員工，而若然你工作的公司不夠大，你就要靠自己去為自己打算了。你自己十年後想成為一個甚麼人？往成就「十年後的你」的方向走，就是你的最適合的道路。常?人浮於事，隨波逐流不是問題，但飄流當中都迫自己往陸地的方向划幾下杖，總比放軟手腳亂衝早一點到岸吧。你面前的職務即使不是你的事業，你也需去為自己的發展而作一個打算。一個人完全沒有方向，就會迷失；迷失久了，就會失去生存意志，最後會變成甚麼？一條等被別人吃掉的行屍走肉。
撰文：陳詠燊
電影編劇、專欄作家、專上學院講師。曾於香港十大企業之一擔任製作經理多年，見證及參與過無數辦公室戰役，是香港少數同時具備電影前線製作與企業行政經驗之電影人。facebook：Sunnyhahaha
編輯：謝慧珊
來源:
https://hk.lifestyle.appledaily. ... e/20180215/20305504
Next Page