中環在線：維他奶唔打折靠變樣 李華華
2008-07-04 AppleDaily
維 他奶（345）創辦時標榜為「窮人的牛奶」，家香港又再通脹高企、百物騰貴，維他奶會唔會再一次同市民共度時艱，今年唔加價呢？維他奶執行主席羅友禮 話：「唔加價，但減少大平賣」，或者「畀少啲discount」。睇嚟共度難關呢家嘢，對於一家上市公司嚟講，真係有啲難度，羅主席都要同股東交代嘛！既 然唔可以大平賣，咁喺包裝宣傳上就要落啲心機嘞！用咗7年嘅包裝正式同大家say goodbye。為咗令品牌年輕啲、現代啲，特別用咗一年時間幫產品嚟個大變身，今個月推出全新「維他奶」標誌同埋產品包裝，連新廣告都喺前日開始播。不 過維他奶sell嘅仍然係「家庭感情」，羅友禮話，咁先體驗到維他奶「與時並進，膾炙人口」嘅一面，仲話「強調與市民成長，一起面臨挑戰」，咁，減吓價， 唔知算唔算一起面臨挑戰呢呵！