七周大精靈BB識講Hello
1 :
GS(14)@2015-03-13 09:10:18
幼兒的學習能力不容小覷！愛爾蘭一名七周大男嬰，竟能字正腔圓地向母親講「你好」（Hello），母親拍下過程，逗樂不少親友及網民。三十六歲的麥卡恩一天見兒子基利安精靈地看着她，於是將他趣緻的模樣拍下，只見基利安的小嘴巴張張合合（圖），貌似想與人溝通，嘗試幾次後，終於清晰地講出一句「你好」，讓母親萬分驚喜，「我有三個女兒，從未遇過這種情況。他五周大時爸爸跟他說話，他曾伸脷，現在才知他當時想說話」。他其後想向姊姊重複一遍，但已講較含糊。網民大讚基利安可愛，但也有人質疑片段假造。英國《每日郵報》
來源:
http://hk.apple.nextmedia.com/international/art/20150313/19074250
林峯孖千語bb睇藝術展
1 :
GS(14)@2015-03-22 14:38:19
【爆相爆片】【灣仔】林峯同吳千語公開咗拍拖後，最初為享受二人世界，多數出埠去拍拖，但
無綫7記者辭職表不滿談美琪BB last day
1 :
GS(14)@2015-03-22 22:42:03
又有主播要say goodbye了，今次輪到tiger仔談美琪——佢昨日last day了。上月無綫電視新聞部多人辭職，包括首席記者林子豪，喺舊年佔領運動時處理7警涉毆打示威者新聞嘅編輯主任周潔儀、前助理採訪主任何永康，均已請辭。另多名記者主播包括談美琪、劉芷欣、林昭儀、趙珮瑜亦已請辭。港聞採訪組約30人中已有五分之一人辭職。轉眼就剛好一個月，何永康、林子豪同談美琪等已經搵到新工，何永康做番電子傳媒，林子豪則另有新發展。談美琪下個月去聯合醫院擔任傳訊經理，接替曾任亞視記者嘅姚健文之職，姚就升任新界西聯網經理（公共事務）。昨日係談美琪喺無綫新聞部last day，戰友彭國柱就幫佢farewell，仲po埋合照上ig，「tiger仔」當然有份，仲有咪牌cupcake，彭國柱並寫道︰「散水，thank you and goodbye！」十分鐘前，談美琪up咗張好多好多好多個咪牌cupcake嘅相，寫道:「十年記者生涯暫時劃上句號。在無綫新聞部工作，是我過去十年最開心的日子，有幸和各位共事是我的福氣，特別要感謝上司的信任、一班記者同事互相支持鼓勵，還有一班幕後英雄，攝影、工程、車長、剪片和導演等。曾說過若體力許可，很想可以『跑到老』，但人生去到不同階段，必然要作出取捨。」忍著淚說goodbye了…
來源:
http://hk.apple.nextmedia.com/entertainment/art/20150322/19085510
隔牆有耳：離開TVB做財金界女強人嘉儀BB淚別粉絲
1 :
GS(14)@2015-03-27 00:55:40
■嘉儀BB噚日last day，眼濕濕咁拎住個「主播女神」蛋糕影相。
「今朝係我最後一次喺《香港早晨》同大家見面喇，多謝過去咁多年嚟嘅支持，祝你哋以後每朝都有個美好早晨，再見。」就喺呢一句，傷盡唔少宅男心。現年32歲嘅無綫主播女神周嘉儀噚日last day，告別工作十年嘅TVB，稍後變身財金界女強人，唔知會唔會因新形象有更多粉絲？
■佢fb仲貼咗張着白色短裙嘅揸機相，網民大讚好pure好true！
曾與許方輝傳緋聞
有新工兼且前景咁好，嘉儀BB呢次跳船係好事，難怪噚日着到成個大紅利是封咁主持最後一次《香港早晨》，同朝朝聽完佢把聲先肯返工嘅粉絲say goodbye，更同另一主持陳聞賢鏡頭前握手。佢之後喺facebook貼咗張寫住「主播女神嘉儀BB」蛋糕嘅相，對鏡頭甜笑嘅佢明顯眼紅紅兼有淚光。嘉儀BB喺03年就讀浸大新聞系時，已經喺無綫新聞部做實習記者，畢業後轉為全職主播，因為清純外表俘虜唔少宅男歡心，但前年同已婚男主播許方輝傳緋聞，令清純形象扣咗少少分，之後被調離《六點半新聞報道》同被休假兩周，當時有傳佢想走人。八方噚日問過嘉儀BB，佢證實會轉去興證香港做市場推廣，佢話「好多謝觀眾歷年嚟嘅愛戴」，喺TVB亦獲益良多，稍後會先專注金融推廣工作，如果有其他配合形象又合適嘅工作亦會嘗試。唔少佢嘅粉絲則留言話不捨，但亦恭喜佢離開花蟹掌控下嘅CCTVB。李八方
mailto:
[email protected]
來源:
http://hk.apple.nextmedia.com/news/art/20150326/19090544
請假探BB滿面憂心Yumiko又笑又喊：囡囡有進步
1 :
GS(14)@2015-04-11 11:43:33【神情擔憂】■心急如焚去探BB的Yumiko在七人車內木無表情。
鄭希怡（Yumiko）大前日弄瓦之喜誕下乳名「梁浸浸」5.5磅重的囡囡，不過當晚B女由港安醫院轉送到東區醫院的兒童及新生嬰兒ICU，據老公梁學儲（Andy）透露BB的呼吸麻麻。因為Yumiko剖腹生產，所以未能即時出院探望BB，但愛女心切的Yumiko昨日下午2時由老公Andy及助手陪同下，頭戴冷帽及口罩，身穿長衫密不透風離開港安醫院。
老公開路護駕
由於當時下着毛毛細雨加上她傷口未完全癒合，所以每一步都行得很慢，精神雖然不俗，但神情凝重難掩傷感之情。老公一面為Yumiko開路護駕，另一方面又提醒記者小心，之後他們乘七人車離開。七人車大概半小時後到達東區醫院，Yumiko緩緩下車和老公慢步進入醫院大堂等電梯。
【老公護駕】■Yumiko昨由老公梁學儲陪同下離開港安醫院，前往東區醫院探囡囡。
【回復笑容】■探完BB後兩公婆笑個不停。
等候期間Yumiko被問到身體狀況時僅點頭示意，但再問到囡囡肺部是否出現問題時，Yumiko繼續點頭，但已見到眼有淚光。臨入電梯前Yumiko以微弱的聲音說：「唔該晒。」Yumiko事前已透過助手表示不會接受訪問，一切會留待今日出院再談。
回復笑容受訪
Yumiko和老公在ICU逗留一小時後離開，神情顯然輕鬆了很多，更回復笑容，心情轉好的Yumiko今趟主動接受訪問，她說：「今日終於鬆番口氣，頭先醫生話BB好咗好多，開始有進步，好多謝大家呢幾日祝福同關心。」言談間Yumiko表現得很感觸，再問到目前感受時，她的聲音已變得哽咽說：「終於體驗到為人父母緊張同牽掛。」被問到是否為BB哭了很多遍時，她沒有正面回應說：「唉！希望大家所有BB都身體健康。如果BB繼續進步，希望盡快出院。」她又感激這幾天老公的照顧及看護，而自己開刀的傷口已經不痛。稍後Yumiko和老公乘七人車回到港安醫院，兩人心情明顯更輕鬆，對記者的提問亦笑笑口點頭，他們全程保持笑容返回病房，Yumiko則將照原定計劃今日出院。採訪：卓寶花、馬建華攝影：陳俊強、仇志德
■Yumiko懷孕期間一直有將近照放上網分享。資料圖片
■Yumiko於大前日在fb貼囡囡腳仔相。資料圖片
■當年英皇力捧的小花3T都已成為人妻，劉思惠和鄭希怡更於去年及大前日升級做媽媽。資料圖片
■梁漢文昨表示希望好友鄭希怡母女健康。
【全城祝福】梁漢文網友齊打氣
梁漢文昨日到商台宣傳新碟時，談到好友鄭希怡的囡囡「梁浸浸」正於東區醫院的兒童及新生嬰兒ICU留醫，他表示暫時不便打擾她，以他所知BB女沒問題，大家可以放心，希望她母女都健康。另外，亦有媽媽級網友，於網上留言送上祝福，為她們兩母女打氣。網民NG Rozitaaa特別在Yumiko的facebook留言說：「唔好太擔心，我女出生嗰時就係因為呢個問題，即刻入咗ICU……隔咗一陣就冇事㗎喇，醫生都話，BB喺我肚度住慣咗，出到嚟未習慣『換新方式呼吸』。放心～初生BB乜嘢情況都會有，適應番就OK㗎喇！」採訪、攝影：溫敏芝
來源:
http://hk.apple.nextmedia.com/entertainment/art/20150411/19108094
唔怕湯怡有BB洪卓立：我一向都好安全
1 :
GS(14)@2015-04-13 08:56:18前晚《饑饉三十》喺黃竹坑運動場舉行，洪卓立就上年就帶病上陣，扁桃腺發炎，而前日立立都係有病，佢話大前日跑步前嘅時候，諗住去食啲嘢，就去咗食燒鵝，食完之後就即刻肚屙，佢就話：「之後我上網睇番，嗰間嘢20個人留言都係鬧，今日就最嚴重，又肚屙又胃痛，不過都唔敢睇醫生住，因為今晚要唱歌，食咗藥會聲沙，同埋搞到把聲乾晒。」立立都有講到上年「饑饉」自已都係病，佢就話：「可能係個天叫我要食少啲，我啲朋友話我之前同女朋友去旅行好食好住，依家要還。」講到如果係女朋友又屙又嘔的話，會唔會怕女朋友有咗BB，立立就話：「唔驚，我一向都好安全，我係一個幾安全同幾有計劃嘅人。」至於去到探Yumiko嘅時候，會唔會取經，佢就話唔使咁快，仲講多次：「我都話我好安全。」講咗兩次，睇嚟立立真係好安全。
來源:
http://hk.apple.nextmedia.com/entertainment/art/20150413/19110822
千語BB新片贏獎揚威國際
1 :
GS(14)@2015-05-05 22:57:37劉美君、吳千語、黃又南主演的愛情電影《王家欣》，獲得墨西哥國際電影節金棕櫚獎，千語BB昨日回應：「第一次聽導演講故事已經好鍾意，而家好少呢類型嘅題材，拍攝時雖然辛苦，但好開心。」對於電影相繼獲邀參加五個電影節，她說：「攞到咁多獎當然開心，對我同埋新導演劉偉恆都係好大鼓舞。」此外，徐克電影《智取威虎山3D》於第17屆意大利烏甸尼遠東電影節選為閉幕電影，監製施南生並獲頒「金桑樹終身成就獎」，以表彰她對亞洲電影的貢獻，施南生領獎時說：「特別感謝合作多年的徐克，有他的認真，得以鞭策自己成為一位更好的電影監製。」採訪：比華利
來源:
http://hk.apple.nextmedia.com/entertainment/art/20150505/19135752
43歲樊奕敏扮學生妹翠如BB靚定佢靚？！
1 :
GS(14)@2015-05-10 23:42:31樊奕敏最近忙住拍劇，但就唔係以真面目示人，而係扮到好醜。昨日李子雄就喺微博貼咗幾張相，相中見到樊奕敏真係扮到幾醜，真係犧牲大呀。43歲嘅樊奕敏化咗一個成面雀斑嘅妝，戴上一副大圓框眼鏡，頭髮又亂，仲要著住校服扮學生…都幾有喜劇感。不過，樊奕敏應該都好滿意呢個妝，因為佢自己都喺微博貼咗張自拍，仲話：「今天突然找回孩童感覺。」咁講到扮學生妹，又點可以唔提黃翠如，日前翠如BB都貼咗幾張校服相，雖然佢都33歲，但係扮學生妹都勉強合格。
來源:
http://hk.apple.nextmedia.com/entertainment/art/20150510/19141936
Next Page