【西遊記】奧斯卡頒獎禮復刻電視表
1 :
GS(14)@2017-03-04 00:35:471.《星聲夢裡人》 主演：Justin Timberlake
因為有份提名最佳原創歌曲，所以Justin Timberlake有去。因為有去，所以要表演。反正表演，不如安排做開場歌舞。走到落台下跳《Can’t Stop The Feeling!》，一眾巨星凳都未坐暖就要畀面企起身郁身郁勢做背景板意圖搞熱大會氣氛。與電影完全無關，我以為自己睇緊Justin Timberlake的個人演唱會。
2.《非正常械劫案》 主演：Jimmy Fallon
個幾月前舉行的金球獎，開場是一段二次創作，將《星聲夢裡人》（La La Land）的公路塞車歌舞場面重新改造，主持Jimmy Fallon先擺「緋聞情人」Nicole Kidman上枱，再滲入《天煞異降》（Arrival）、《鋼鋸嶺》（Hacksaw Ridge)等其他提名電影的元素，結尾出場又係Justin TImberlake，負責點綴，內容一直緊扣頒獎禮。片段即日在網上瘋傳。結論是，如果你想製作一條人人愛看的短片，唔係惡搞的話，困難百倍。除非，你是曾俊華。
3.《捉妖敢死隊》 主演：Jimmy Kimmel
講惡搞，明明Jimmy Kimmel是始祖。未走紅，已經懂得在個人talk show模擬跟Matt Damon不和，成功製造熱話。十幾年後，在頒獎禮上，全程跟Matt Damon針鋒相對，更似打情罵俏。你話Jimmy Kimmel寸Matt Damon做唔到影帝攞唔到最佳電影？我覺得弦外之音是借《長城》的不濟來抗衡中國資金影響荷李活。不信？介紹成龍時，Jimmy Kimmel講笑咁話成龍錢多到可以購買得獎片段返中國公映。這種才算是寸吧。我可能已經感染了強國人的玻璃心。
4.《怪獸與牠們的產地》 主演：Meryl Streep
Karl Lagerfeld無啦啦炮轟Meryl Streep唔着Chanel，仲用到「Cheapness」來形容。全球關注Meryl Streep究竟選擇甚麼戰衣。揭曉，原來來自中東國家黎巴嫩的設計師Elie Saab。被視為反抗Donald Trump的頭號代表人物，當然要有份入圍有份出席。黃秋生與杜汶澤，會否獲邀請出席今屆的金像獎做頒獎嘉賓發表講話？
5.《萬千星輝綁架案》 主演：Donald Trump
Donald Trump沒有出現，甚至據稱沒有觀看，卻騎劫了頒獎禮。抗議入境禁令的藍絲帶，最佳外語片頒給《伊朗式遷居》（The Salesman），無數上台者的講詞，固然明刀明槍。最佳動畫是提倡種族包容的《優獸大都會》（Zootopia），最佳電影頒給貧窮黑人同性戀的《月亮喜歡藍》（Moonlight），也少不免會被政治解讀。如果沒有Donald Trump，最佳男女配角可能還是兩位靠演技取勝的黑人演員，但向來不太獲重視的韓國裔演員John Cho能否當上頒獎嘉賓？有點懷疑。
6.《伴諜同盟》 主演：Ben Affleck
頒獎禮其中一個主題是承先啟後。向《回到未來》（Back To The Future）致敬時，焦點全在自動綁鞋帶波鞋，彷彿科技主宰一切。轉頭，廿年前《驕陽似我》（Good Will Hunting）的金像編劇組合Matt Damon與Ben Affleck再同台，說明還是人才培育最重要。下一節，Damien Chazelle便打破最年輕最佳導演的紀錄。不要說頒獎禮完全側重在政治層面。
7.《天煞異降》 主演：遊客
遊客被安排亂入頒獎禮？跟大明星自拍？又拎走太陽眼鏡做紀念品？唔好啦，又唔係《我是歌手》。雖然，來自芝加哥的，演技可能不似來自湖南的一般浮誇。
8.《自殺特攻：超能暴隊》 主演：Warren Beatty
史無前例地頒錯獎。大家第一時間懷疑是否Warren Beatty年紀太大老眼昏花。咪儍啦，Warren Beatty取出名單後，已經覺得不妥，如果幕後人員具備警覺性，還有足夠時間補鑊。換了另一個後生仔去頒獎？習慣了急促生活節奏，在節目超時的壓力下，缺乏危機意識，只會宣佈得更快捷更直接。要多得《星聲夢裡人》的監製當機立斷，困局已經算被輕輕化解。至少，要感恩，得獎者不是無咪又無通知都喜歡白撞上台的宇宙Gem。
撰文：方俊傑觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。fb:方俊傑
編輯：梁浩維美術：孔文彬
來源:
http://hk.apple.nextmedia.com/su ... t/20170303/19945209
林奕匡頒獎禮甩嘴
1 :
GS(14)@2017-05-06 11:38:44林奕匡、黃浩琳、陳明憙及周殷廷等昨日到沙田官立中學出席「第二十八屆國際流行音樂大獎」頒獎禮，林奕匡與黃浩琳合唱得獎歌電影《LA LA LAND》的主題曲及Lady GaGa的《Million Reasons》期間，林奕匡不慎甩嘴：「頭先掛住同觀眾互動，唔記得咗歌詞。自己都好喜歡Lady GaGa，最鍾意都係佢《Bad Romance》嗰個時期嘅歌同造型。」
■陳明憙與爸爸陳少琪到日本慶生。
下月影婚紗相
問到他8月的婚禮籌備如何？林奕匡說：「進咗步，?家諗緊下個月影相嗰啲，應該喺香港同加拿大都會影，未婚妻都有啲有趣嘅idea。」他表示會邀請圈中人擔任兄弟，至於陳明憙本月2號生日，爸爸陳少琪送她驚喜生日trip：「我哋去咗日本幾日，去咗柯南個作者嘅故鄉，有晒漫畫入面嘅車站、博物館，因為我鍾意日本動漫，所以好開心。」採訪、攝影：盧妹
來源:
http://hk.apple.nextmedia.com/entertainment/art/20170506/20012134