陳豪：茵媺鼻敏感睇急症
1 :
GS(14)@2016-11-25 07:36:47陳豪和小妹妹譚芷昀（Celine）昨日在又一城出席聖誕活動，大前日陳豪被影到深夜陪老婆陳茵媺秘密入院，被追問老婆是否又有喜？陳豪說：「唔係，有咗點會去急症！因為太太鼻敏感犀利，眼都紅晒，我有叫佢睇眼科，佢話第二日朝早先，但我又緊張，要make sure佢冇問題，所以要帶佢睇急症，佢而家都OK。」已經有兩子一女的陳豪，被問會否再追仔？他笑說：「3個仲唔夠？而家忙到不得了，而家乜都有。」
■大仔梓燁將3歲，陳豪表示返到屋企好忙。資料圖片
最近陳豪忙拍《使徒行者2》，聖誕節他會留港陪屋企人過：「會帶小朋友周圍去玩，去唔同party，其實佢哋已經收到好多禮物，會教佢哋未玩完唔好開其他，佢哋見到就開心。」問到是否需要換大屋？他笑說：「唔使，都夠，已經行餐飽。」採訪：張俊銘攝影：陳俊強
來源:
http://hk.apple.nextmedia.com/entertainment/art/20161125/19844641
茵媺一田搶平貨陳豪湊子女睇水
1 :
GS(14)@2016-12-01 00:01:28■Aimee拿着心頭好細心研究。讀者提供圖片
【爆相爆片】陳豪和老婆陳茵媺（Aimee）結婚三年密密造人，先後誕下兩子一女，Aimee雖然繼續工作，但要照顧三個子女和老公，基本上是沒空閒接工作，一家的重擔都落在陳豪身上，一個人搵錢幾個人使，還要請外傭，每月使費驚人，節省開支是必須的，所以住大埔豪宅的陳豪，日前就趁一田百貨大減價，一家五口連外傭，總動員出動到大埔的一田掃貨。
■趁一田減價，Aimee帶同子女去掃貨。
■陳豪抱着Aiden去停車場，而外傭則照顧Nathan跟在身後。
■陳豪帶兩子上車後，返回一田接細女。
■每逢陳豪不用開工，便會和老婆Aimee帶着子女去行街。資料圖片
專攻童裝
本報讀者譚小姐日前透過「爆相爆片」報料，稱於下午4時許，目睹陳豪夫婦帶同三名子女現身大埔一田。由於市民都會趁一田購物優惠日瘋狂搶貨，現場逼得水洩不通，市民發現陳豪一家後，當然望到實，不過化了淡妝的Aimee，沒因途人目光而分心，精神奕奕地專心衝鋒陷陣，尋找心頭好，似乎沒受日前鼻敏感到急症室求診的影響。現場所見，Aimee專攻童裝及兒童用品，譚小姐說：「佢哋都係住大埔區，有時都會見到佢哋，多數戴口罩，但今次就冇，見到人叫佢Aimee都好nice咁笑。」
折返抱女
Aimee全情投入挑平貨，陳豪見老婆意猶未盡，就先和外傭聯手，自己抱起長子陳梓燁（Aiden），而外傭就抱着二子陳浩鋒（Nathan）到停車場，之後陳豪再折返特賣場，再從Aimee手上接過細女Camilla後，折返停車場上車等候，大約等了十多分鐘，Aimee終於掃完貨，滿心歡喜會合家人。譚小姐大讚：「佢哋真係好合拍，爸爸媽媽分工合作，好sweet。」採訪：嵐山
來源:
http://hk.apple.nextmedia.com/entertainment/art/20161130/19849483
愛妻陳豪三年抱三 張繼聰時光倒流都要娶Kay
1 :
GS(14)@2017-01-24 03:00:16黎諾懿前日(21日)就拖住腹大便便嘅老婆李潔瑩，去到中環睇BB床，為呢個雞年BB做好一切準備，愛妻之情表露無遺。而其實圈中亦有唔少出名嘅「愛妻號」藝人。
張繼聰
07年1月20日，張繼聰同謝安琪奉子成婚，當時好多人都話男方襯唔起女方，仲叫佢做謝繼聰，但日前係佢哋結婚十周年，張繼聰就喺fb到再發愛的宣言，留言話：「就算時光倒流幾多次，我都會娶你做老婆。我愛你。」冧死人咩！
陳豪
陳豪同陳茵媺13年結婚，之後三年抱三，誕下梓燁、浩鋒同凱婷，兩仔一女，一家五口好幸福咁生活，陳豪呢個多個公，仲不時咁做埋湊仔公，咁帶埋老婆仔女去行街Shopping。
杜汶澤
阿澤同田蕊妮結婚多年，兩夫婦不斷互相扶持，阿澤患上香港極罕有病症米勒費雪症候群時，阿田對老公不離棄。而阿澤亦大讚老婆，所以周不時都會送啲驚喜俾佢，好似阿田36歲生日時，阿澤就親自下廚，煮九大簋冧老婆同宴請朋友。
胡諾言
胡仔同陳琪結婚多年，婚後先後誕下兩女，但喺14年，陳琪不幸流產，差啲連子宮都要切掉。幸好陳琪之後養好身體，去年成功懷有第三胎，當時記者問陳琪，佢老公係咪錫晒佢，陳琪答得好開心：「梗係啦！我話晒喺屋企都好重㗎。」日前佢哋仲為小王子搞咗個百日宴㖭，認真Sweet爆！
來源:
http://hk.apple.nextmedia.com/entertainment/art/20170123/19906229
【馮仁昭四圍超】漁翁撒網考國際學校陳豪請假 帶仔面試
1 :
GS(14)@2017-02-02 02:34:10■抱住細女嘅陳豪同抱住張嘉兒B女嘅陳茵媺，都好着緊子女嘅教育。資料圖片
陳豪同陳茵媺三年抱三，大仔陳梓燁（Aiden）轉眼已經3歲，又係入學嘅時候，早前陳豪用咗500萬買入名校哈羅香港國際學校資本證券兼畀Aiden讀學前班，都係為咗幫囝囝拎到張國際學校嘅入場券，之後再用世襲制，等細佬妹可以跟隊入呢間學校，真真正正為咗三兄妹嘅將來鋪路。
■陳茵媺嘅大仔最近為入學做準備，頻頻面試。
培養興趣
最新消息係陳豪原來仲搵緊學校，國際學校或本地學校都會考慮。噚日有報道指陳豪同陳茵媺又帶Aiden去加拿大國際學校面試，雖然?家陳豪忙拍劇，都專登同劇組請假幾個鐘，同學校老師見面，臨走嗰陣仲喺門口傾多10分鐘，真係好有心！陳豪講明唔做怪獸家長，想仔女可以喺輕鬆環境下學習，所以佢首選都係國際學校。兩公婆亦採取貼地嘅教學方式，好似Aiden對藝術方面有興趣，兩公婆就專注啟發呢方面嘅發展，一家五口經常出動周圍去，等小朋友過一啲正常生活，唔好因為爹哋媽咪係藝人，就以為自己與別不同。撰文：馮仁昭
來源:
http://hk.apple.nextmedia.com/entertainment/art/20170201/19913861
栢芝情人節dry到爆？茵媺陳豪圓方晒幸福！
1 :
GS(14)@2017-02-18 00:51:24三年抱三嘅陳豪同陳茵媺( Aimee)，先後咁生咗兩個小王子梓燁、浩鋒，同小公主凱婷後，雖然榮升咗做爸爸媽媽，但日前情人節，陳豪都好有情趣咁，約咗老婆去圓方睇戲戲，眼見產後仍未收晒身嘅Aimee，依然好饞嘴咁要買爆谷、熱狗，同老公邊食邊睇戲，認真sweet呢！情人節當日，4時許，發現帶住口罩嘅陳豪，喺圓方嘅女廁門外等人，等咗冇耐，就見到Aimee出嚟，跟住陳豪就搭住Aimee嘅膊頭，一齊行咗去戲院。唔知佢哋係咪驚情人節多人睇戲呢，驚去到冇飛賣掃興，所以陳豪BB一早已經喺網上訂咗票，去到戲院就一齊咁去咗自動取票機度攞戲票。攞完飛，佢哋就去咗小食部，買咗爆谷、熱狗同咖啡，而Amiee仲試食爆谷先買，攞咗熱狗後，陳豪就去幫熱狗「扮靚」，加茄汁、芥末等，其間有粉絲見到佢哋兩公婆，就好似見到利是咁開心，要求同佢哋合照留念，佢哋兩公婆當然好樂意同粉絲合照，之後就入場睇戲。另外，張栢芝就係情人節當日，撇低兩個囝囝，相約經理人Emily同兩個女性友人，去咗港麗酒店食自助餐。由於當晚係情人節，有好多情侶食自助餐，栢芝見到周圍都好多人，都有啲避忌，不時以手遮面，食到差唔多完嘅時候，佢哋四個女人就攞咗啲戰利品出嚟一齊分享，而柏芝就拆開咗一個粉盒，同姊妹們一齊研究，研究咗一陣就結賬離開。離開時，酒店預備咗玫瑰花，送俾在場女士，但栢芝就冇要到，送埋俾同行嘅朋友。
來源:
http://hk.apple.nextmedia.com/entertainment/art/20170217/19931151
陳豪湊3子女助復出陳茵媺大讚︰佢係超人
1 :
GS(14)@2017-03-03 00:59:51陳茵媺(Aimee)前晚喺尖沙嘴出席活動，穿上淺藍色tube dress加白色外套嘅佢，但仍輕露事業線同露美腿。在場記者讚佢身材好好，Aimee即開心話：「Thank you！so happy！好耐冇見大家喇！俾個機會我扮靚！」前晚係Aimee產後首次復工，問佢係咪收得好貴？佢冇正面回答，只笑住話：「我覺得係緣份，同埋時間嘅配合，因為我嘅另一半今日唔使開工，可以幫我睇住小朋友。」問陳豪係咪可以一個人照顧三位小朋友？Aimee即大讚老公話：「of course，he is superman！」問老公係咪錫晒囡囡？佢就話唔會，大家好公平。前晚活動係Towngas搞嘅，Aimee話好啱佢出席，o依家學整中國菜，新年整咗豉油雞、盆菜同鮑魚，聖誕就整咗火雞同埋糖醋骨。老公俾幾多分？佢話：「冇俾分，但食晒啲嘢，每次都整30幾人份量。」幾時真正復出？今日都算，有啲劇集都傾緊，自己好鍾意做嘢，家庭都重要，但現代女性都應有自己事業。」另外，二仔啱啱過咗2歲生日，當日整咗大恐龍生日會。Aimee就話兩個哥哥都好錫妹妹，初初都擔心佢哋會呷醋。問佢有冇人搵一家五口拍廣告？佢話：「都有，但要睇性質。」
來源:
http://hk.apple.nextmedia.com/entertainment/art/20170302/19945057
陶大宇創先河老友Bobby陳豪追貼上
1 :
GS(14)@2017-06-22 08:03:23要講陶大宇，不得不提佢個「師奶殺手」稱號，想當年（其實都係講緊1990年代），大宇憑《壹號皇庭》彈出，大受太太級觀眾歡迎，其後被冠以師奶殺手稱號！呢位師奶殺手鼻祖唔講得笑，無論喺邊間電視台効力，佢嘅地位都不受動搖。而同大宇一齊拍《壹號皇庭》嘅歐陽震華（Bobby）其後亦成為另一位師奶殺手，Bobby嘅經典作，手指腳趾加埋都唔夠數，包括《陀槍師姐》、《皇家反千組》、《洗冤錄》、《金裝四大才子》、《施公奇案》，至近年嘅《東坡家事》同《一屋老友記》等，其中《壹號皇庭》》同《陀槍師姐》成個系列都可以見到Bobby身影，其他亦有唔少劇集係添食嘅，足以證明Bobby嘅「收視」勁有保證，亦不負其師奶殺手之名。至於已為人父嘅陳豪，由大銀幕踩入公仔箱，同樣大受歡迎，獲封師奶殺手，佢喺《妙手仁心II》中飾演心臟科醫生MC，最近半夜都有重播，其後陳豪參演嘅劇集，就算佢未必係擔正嗰個都好，角色都好出，例如《絕世好爸》、《金牌冰人》、《秀才遇著兵》、《金枝慾孽》、《溏心風暴》、《珠光寶氣》等，全部都好有話題。而數到最有話題性嘅，當然要計佢喺《帝女花》中嗰句「同朕check吓…」啦！講得《妙手仁心》，點少得「程至美」吳啟華？吳啟華亦屬師奶殺手一員，佢憑程至美成功俘虜女性觀眾嘅心，而佢呢個暖男醫生形象，令佢相隔15年後、即2013年演出《On Call36小時II》時，有好多觀眾都recall番佢演程至美嘅記憶。提到吸觀眾，羅嘉良又點走得甩？佢初出道喺長篇劇《季節》中已備受注目，後來去到90年代演嘅《情濃大地》《天地男兒》更加係越嚟越多fans追捧，到最經典嘅《難兄難弟》、《創世紀》、《天地豪情》等更令觀眾翻煲再翻煲！早前播完嘅《與諜同謀》，雖然有網民話佢同以前有差別，但無損其師奶殺手之威力！
來源:
http://hk.apple.nextmedia.com/entertainment/art/20170620/20062374
Next Page