子華等阿佘咀
1 :
GS(14)@2017-01-19 08:08:04■子華和阿佘將於過年後合演搞笑特務片。
黃子華、佘詩曼、古天樂、黎紀君、連詩雅等昨日在中環出席hmv概念店開幕，子華透露過年後會與阿佘合拍一部動作搞笑特務片，有沒有咀戲？子華笑說：「男演員好被動，要睇女演員肯做啲乜。」阿佘笑指曾與子華合作，經常被對方整蠱，有次惟有以牙籤筒還擊，搞到子華記憶至今。古仔則表示年三十晚開始放假一星期，陪家人度歲。對於蔡潔狠飛王宗堯，王宗堯舊愛黎紀君表示看新聞才知道，提到王宗堯兩段情都只能維持7至8個月，黎紀君說：「唔可以互相比較，我同佢係好朋友，不過好少聯絡，暫時都唔會搵佢，等佢消化吓處理吓。」採訪：黃曉妍攝影：葉君海
來源:
http://hk.apple.nextmedia.com/entertainment/art/20170119/19901174
阿佘億譽 子華怕連累
1 :
GS(14)@2017-03-04 00:34:48黃子華和佘詩曼昨日在上環為新片《棟篤特工》進行開鏡拜神，子華透露飾演受聘於阿佘的特務，還會發展感情線。子華表示花了好多心機在劇本上：「原本喺一年前拍，?家都第十稿。」阿佘飾演香港權力最高的人，為貼近社會令劇本一改再改？子華說：「好近社會，好離地都喺晒入面，我係007嘅師傅，冇冧巴嘅，你話幾離地。」
■子華（左二）與佘詩曼戲中有感情線。
阿佘表示角色沒有影射成份，亦不牽涉政治，被問到有沒有票房壓力？子華笑說：「我慣咗冇票房，你話我有冇壓力？我一啲壓力都冇，不過阿佘係億億聲嘅女星，唔好累阿佘，影響佢嘅『億譽』。」採訪、攝影：黃曉妍
來源:
http://hk.apple.nextmedia.com/entertainment/art/20170303/19945607
阿佘雙料視后神隱李明慧秘嫁陳樹渠之子
1 :
GS(14)@2017-06-25 11:27:00九七年，回歸嘅唔止香港，仲有香港小姐。當年真係索女回歸，唔講頭三甲嘅翁嘉穗、李明慧、佘詩曼，還有任葆琳、歐陽妙芝、林雅詩、劉綽琪等，認真爭崩頭。事隔20年，呢班靚女都有唔同嘅發展。李明慧97年港姐亞軍，屈居於翁嘉穗，李明慧於98年同大台解約，之後就神隱十幾年，最近被爆佢喺07年已同已故教育家陳樹渠嘅兒子陳燿陽結婚，李明慧仲生咗對龍鳳胎添！佘詩曼阿佘當年雖然輸咗俾翁嘉穗同李明慧，只得季軍，但係佢喺娛樂圈嘅發展係最好嘅一個，當選後第一套電視劇《雪山飛狐》就做女主角，之後發展一直好順利，成為大台當家花旦之一，06年仲憑《鳳凰四重奏》奪得「最佳女主角」及「我最喜愛的電視女角色」，成為首位香港雙料視后。任葆琳畢業於美國哈佛大學嘅任葆琳，當年參選就被封為「哈佛小甜甜」，當年佢係大熱門嚟㗎，可惜三甲不入，15年佢開始從政，出選南區區議會香港仔選區，成功當選，成為首位選美出身嘅區議員。歐陽妙芝歐陽妙芝參選時已經係風頭躉，可惜只能晉身五強，三甲不入，其後喺慧妍雅集認識名模翁為德，翁介紹佢做模特兒。04年佢同金融界方時俊結婚，育有兩子，目前專心相夫教子。劉綽琪當年以劉依清參加港姐，後來改名做劉綽琪，加入大台後，以做主持及閒角居多，後來轉投亞視，但令人留下最深印象嘅會係佢替一間涼茶舖買嘅龜苓膏廣告。08年離開亞視，有指目前於美國定居，有指佢喺15年結婚。林雅詩當年林雅詩都有參選，但就未能躋身決賽，之後仲做埋三級片女星，05年同圈外男友溫文英結婚，育有一子，15年離婚。月初喺大馬工作時，疑自導被搶手袋做直播，被大馬警方建議列入不受歡迎人物，禁止以後入境大馬。
來源:
http://hk.apple.nextmedia.com/entertainment/art/20170625/20068222
阿佘被爆有新歡等最愛出現
1 :
GS(14)@2017-08-04 06:36:15■阿佘被指與型男新歡拍拖一年，更帶男友見過身邊好友。資料圖片
42歲的佘詩曼已到適婚年紀，但她之前每段戀情都逃不出「見光死」的命運，因此她近年的感情事變得低調，希望保護戀情。昨日有周刊指阿佘原來與一個型男拍拖有一年，身邊不少朋友都知道，因她年初已忍不住向朋友透露自己拍拖，不過她今次就學精了，沒告訴朋友有關男友的背景。對於被指有新歡一事，阿佘昨日回應：「好多謝你哋咁關心我嘅幸福，向來大家都知我喺朋友圈好活躍，男女性朋友正常交往聚會經常都有，但現在真的好忙，未有時間拍拖，他日我公開得，一定係我最愛！多謝大家嘅祝福！」採訪：鍾國仁
來源:
http://hk.apple.nextmedia.com/entertainment/art/20170804/20110801
Next Page