【香港勁揪】港式泰菜口味煮水牛城雞翼港男贏全美大賽創意獎
1 :
GS(14)@2016-09-09 05:36:45作為美國傳統小食，水牛城（Buffalo）舉行一年一度全國雞翼烹飪大賽，出現一名華人勇奪冠軍。來自香港、擁有哈佛物理學博士生身份的Ken，用廿多種刁鑽食材調味，成功打動評判味蕾，贏得全美最具創意水牛城雞翼大獎。他接受專訪指，菜式靈感來自童年回憶，感激評判接受東方口味。駐紐約記者：鄭柏齡在水牛城舉辦的第15屆全國水牛城雞翼節（National Buffalo Wings Festival）上，居住在新澤西州的港人移民Ken首次參賽，即以一道「泰式紅咖哩雞翼」，擊退來自美國本地及加拿大選手，贏得最具創意烹飪大獎，成為該項逾7萬人參加的全國大賽上，罕有得獎華人面孔。
Ken接受《蘋果》專訪透露，菜式靈感來自童年回憶，他出生及成長於香港有「小泰國」之稱的九龍城，自小接觸泰國菜，「東南亞味道非常獨特，而水牛城雞翼標榜香辣，故嘗試把它們配合」。他坦言，賽前擔心美國評判未必接受東方口味，最終卻獲一致好評，「用廣東人、東南亞人做雞的方法，贏得美國傳統小食大獎，過程很難忘」。為應付比賽，Ken賽前準備了三個月，走遍紐約市多間泰國雜貨店，尋找心水食材，又特別郵購在美國罕見的泰式青檸馬蜂橙（Kaffir Lime），「試食咗幾十磅雞翼，食到想嘔」。他指，得獎菜式僅醬汁便用了18種材料調校，「傳統泰國咖哩很難上汁，需要變化，例如用了港人最愛的蝦膏、用黑糖取代椰糖等」。巧合地，Ken自己最愛的食材也是雞肉，與雞翼比賽不謀而合，「我父親是客家人，特別愛吃雞；母親是順德人，廚藝也有一手」。他在社交網站開設「尋找雞香的故事」專頁，閒時上載及分享有關雞的食譜及餐廳，成立一年多已有逾萬人關注，「原來不只中國的，美國、全世界都很喜歡食雞，參賽當然先挑選跟雞有關的」。雖然從小喜愛烹飪，身為哈佛大學物理學博士生身份的Ken，正職卻是華爾街大型投資銀行風險管理部門主管，他坦言「香港人一般先考慮生活，入廚不能搵食，但好處是有助減壓」。Ken又指自己無意全職投身飲食業，但正考慮參加其他比賽大顯廚藝，例如在緬因州舉辦的全國龍蝦烹飪大賽。
來源:
http://hk.apple.nextmedia.com/international/art/20160909/19765607
港姐港男結果出爐胡㻗搭三點式佳麗膊頭有反應？
1 :
GS(14)@2016-09-13 00:19:17《2016香港小姐競選港姐決賽》昨晚舉行決賽，今次大台就搞搞新意思，玩港姐同港男玩crossover，喺問答環節入面，港男四強之一嘅胡㻗，同港姐候選佳麗5號蘇韻姿同台。問題講到，本身雙方當大家兄弟，蘇韻姿越嚟越鍾意胡㻗，問蘇韻姿點辦好。叻哥問完問題後，胡㻗隻左手一嘢搭落，身穿三點式嘅蘇韻姿膊頭，話：「我哋係好朋友」。之後即刻彈開向後縮，冇幾耐就用左手遮住自己下體，乜咁敏感呀？蘇韻姿睇嚟都feel到唔對路，睥咗胡㻗一下，但係又即刻入戲，輕輕掃佢左臂，仲叫胡㻗做BB o添！至於港姐同港男結果，昨晚亦一同宣佈。港男三甲分別係：冠軍—4號黎振燁、亞軍—9號丁子朗、季軍—1號鍾君揚。港姐三甲分別係：大熱奪冠—6號馮盈盈、雙料亞軍—2號劉穎鏇、季軍—7號陳雅思。
來源:
http://hk.apple.nextmedia.com/entertainment/art/20160912/19768223
鯊魚闖鐵籠 潛水港男險死
1 :
GS(14)@2016-10-17 08:09:16驚險十足！一名長居上海的香港男子陳明（音譯），本月4日於墨西哥進入鐵籠潛入海裏，近距離觀鯊，未料一條大白鯊竟成功破籠而入，猶幸陳並無受傷。有美國鯊魚保育專家指事件罕見，發生機率只為百萬分之一。意外於全球知名的觀鯊熱點墨西哥瓜達盧佩島發生，相關影片的點擊率過千萬。短片顯示，大白鯊游進鐵籠時水花四濺，工作人員匆忙靠近鐵籠打開上方籠門，大白鯊瞬間游出水面，魚鰓等有明顯傷口血迹。而陳在工作人員協助下，隨後也從籠門上水，並無受傷。據悉為誘使鯊魚游近，當時鐵籠旁用繩索掛着魚肉當餌；而受誘的大白鯊或用力過猛，竟咬斷鐵籠的柵欄從而衝進鐵籠。陳憑豐富潛水經驗，冷靜避開攻擊。陳上周回上海後也在fb留言，指無人須為事件負責任，形容事後感覺「重生」。英國《衞報》/facebook/YouTube
來源:
http://hk.apple.nextmedia.com/international/art/20161017/19803344
【港女幸福過韓女】港女想知USB有幾爽 港男想試M到有幾痛
1 :
GS(14)@2016-10-18 08:15:28女扮男裝嘅樂瑥就咁衝入舞女房，啲舞女以為畀人睇蝕晒。(《雲畫的月光》截圖)
【三個粉絲追韓劇】熱播韓劇《雲畫的月光》劇情越嚟越緊張，女扮男裝嘅洪樂瑥（金裕貞飾）因為係逆賊之女而面臨殺身之禍，想知世子（朴寶劍飾）救唔救到佢，就要追住今晚播出嘅結局篇。樂瑥由細到大都要女扮男裝其實相當痛苦，之不過，如果有一日嘅時間畀你可以女變男、男變女，相信會係一個幾難忘嘅體驗！
如果有得變性一日，有港女話要試吓打飛機、做USB壞男人，
韓女就話想去男廁「目及」嘢。
豪邁啲嘅港女話想試吓喺叢林屙噓噓，
又話想用男人聲講粗口！咁港男呢？話想試吓M痛有幾痛，
想試吓做娘娘收兵，
兼釣吓金龜喎！
無論是港男港女，定韓男韓女，一聽到可以變性一日，都即刻諗起性事。有港女就話想試下打飛機、做「USB」壞男人，有韓女就話要去汗蒸幕沖涼，去男廁「目及」嘢，或者喺街四圍媾女。有啲女仔豪邁啲，就話要用男仔嘅聲線講粗口、喺叢林屙噓噓。男仕呢？竟然想體驗吓嚟M，話啲女仔成日講到好痛咁，想試吓係咪真係咁痛喎，又有男仔話想試吓做娘娘收兵或者釣金龜。
如果有得揀，大家想做男仔定女仔？
結果發現多數人想做男仔，覺得方便簡單啲。
不過呢位韓男就話想做女仔，因為唔使當兵喎！
雖然性別係天性嘅，不過問到如果有得揀，想做女仔定男仔，發現七成受訪者都揀做男仔。港女Charlie話因為唔想戴bra，最重要喺床上可以做主動嗰個！有男仔就話唔想做女仔，因為嚟M好辛苦，或者怕生仔好痛。viu韓劇導賞員阿愁和Daniel都話要做男仔，阿愁覺得男仔之間無咁多勾心鬥角，相處簡單啲，Daniel就話男仔唔使化妝咁麻煩，沖個涼就可以即刻出門口。而想做女仔嘅，多數本身都係女仔，覺得畀男仔遷就好啲，而且着衫又靚啲，仲可以化妝，做男仔太單調。有位韓仔都話想做女仔，因為唔使服兵役喎！
其實韓國係大男人主義社會，做男仔着數啲o架！(《雲畫的月光》截圖)
韓女就呻話如果有bb要放產假，啲同事會畀臉色你睇。
其實尤其對於韓國人嚟講，做男仔點都着數啲，因為韓國係大男人主義社會。有韓女就話女人打工最麻煩係有咗BB，佢話：「雖然放產假係好正常，但係啲同事要做埋你嗰份，就會畀臉色你睇！」韓女Choe Ji Su覺得韓國喺男女平等方面仲未做到，所以有「玻璃天花」呢個形容詞。「玻璃天花」即係睇到目標，但上唔到位。《經濟學人》由2013年起首創「玻璃天花板指數」，從教育、就業、人工、做唔做到老細等因素，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！
呢位韓女都話韓國未夠男女平等，女仔面對「玻璃天花」。
《經濟學人》有「玻璃天花板指數」，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！(網上圖片)
主持：動主播阿仙、viu韓劇導賞員阿愁和Daniel記者及繙譯：卓惠媛(Joyce)攝影：陳家文、李錦鏵《雲畫的月光》片段由Viu提供：
https://goo.gl/LCYTGt【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161018/19804243
【港韓姊弟戀】為聽韓妹嗌「Oppa」港男涉虛報年齡或被判「終身」
1 :
GS(14)@2016-10-20 08:05:36韓國老婆關心問「忙唔忙？」日本老公就覺得佢問「多唔多客？搵幾錢？」(《我們結婚了》截圖)
【三個粉絲追韓劇】嫁娶外國人或者係出走香港嘅好方法，不過要維繫異國情緣都唔容易，好似《我們結婚了》嘅曹曹夫婦（現已下車）早前探一對日韓夫妻，日本老公娶咗韓國老婆，只係因為一句說話就上火！情況係老公收工返屋企，老婆咪關心咁話：「辛苦喇，今日忙唔忙呀？」原本係純粹出於關心，點知老公就聽到弦外之音，好嬲咁話：「你係咪想問我今日賺到幾多錢？」原來日本人係唔會問人「忙唔忙」！兩國嘅文化差異容易令夫婦之間產生誤會，有兩位港男都經歷過相同嘅事，一位Gary娶咗韓國老婆十年，另一位Kay就同韓女Chloe拍拖四年。
港男Gary(左)和Kay嘅另一半都係韓國人，都試過因為文化差異嗌交。
Chloe話Kay最初講大話，比真實年齡報大3歲！
Kay解釋話都只不過係想聽Chloe嗌佢「Oppa」，又話當Chloe知道自己大啲，就變得惡起上嚟。
韓女Chloe一講到文化差異，就大鬧Kay為咗「Oppa」（韓文：哥哥）呢個字講大話！佢好勞氣咁話：「曖昧嗰陣我問過佢幾多歲，我係89年出世嘅，佢就話自己係88年，咁我咪認為佢係Oppa囉！」點知拍拖幾個月之後，Chloe睇到Kay本護照先揭發，原來Kay係91年出世，Chloe話簡直無言：「點解要講大話？年紀都可以講大話嘅咩？萬一我發現唔到咁點算呀？」
Chloe邊鬧邊「睥住」Kay，Kay就邊聽邊笑，佢解釋話：「嗰時好奇吖嘛，想聽佢嗌我Oppa！」雖然出發點係甜蜜嘅，但畀Chloe篤爆咗之後，o依家就嗌佢「喂」或者「傻瓜」。韓國人好重視年齡，後輩一定要聽前輩嘅說話，所以Kay話當Chloe知道自己年紀大啲，就惡到o依家！不過有時惡，先係真正愛一個人，連講大話都可以原諒，Kay畀Chloe判終身...照顧佢都抵啦！至於Gary就好享受老婆對佢惡，佢話：「講得上真正愛一個人，就係由太太開始，唯獨佢會對我好嚴苛。」Gary開始話當年，講返十年前識老婆嗰陣，當時得二十幾歲，Gary就有部兩門跑車，仲覺得自己好型添！點知，佢老婆（當時女朋友）竟然話佢：「唉！你都廿幾歲人啦，點解仲揸埋啲死飛仔車呢？」Gary話嗰吓嬲得嚟又有啲甜，覺得佢個人夠真，就認定佢係老婆喇！
Gary就話鍾意老婆惡，好似佢啱啱識老婆嗰陣有部兩門跑車，個個都話型，得佢老婆話：「唉！你都廿幾歲人啦，點解仲揸埋啲死飛仔車呢？」Gary話又嬲又有啲甜喎！
仲有個文化差異係「黐線」兩個字，香港人當口頭嬋，韓國人真係用嚟鬧人，所以Gary老婆和Chloe初初聽都好唔慣，以為人哋鬧佢哋。
至於文化差異，Gary話試過衰喺「黐線」兩個字。佢話教過老婆講「黐線」，有一次同屋企人食飯，Gary妹妹就對住佢老婆笑住講「黐線」，老婆就成晚唔出聲喇。佢問老婆發生咩事，老婆就話：「你阿妹做咩話我黐線？」「黐線」對於香港人嚟講只係口頭嬋，但係對於韓國人嚟講就真係鬧人嘅說話，Kay女朋友Chloe都話有同感。佢話成日聽到Kay啲朋友講「黐線」，都會諗「係咪講緊我？」，後嚟先明白「黐線」係香港人嘅日用語。兩位港男Gary同Kay都已經講得一口流利韓文，希望盡量減少語言上嘅誤會，不過始終唔係母語，未必事事能夠解釋清楚。Gary話韓國人太有禮貌，有好多語言偽術，例如如果女仔問：「我今日靚唔靚呀？」男仔答：「幾可愛吖！」咁即係話個女仔唔靚。又例如男仔約女仔去街，女仔唔會直接拒絕，會話：「睇吓點先啦！」咁其實即係唔去。場地提供：平昌 By BBQ7080地址：佐敦莊士倫敦廣場5樓電話：59017080主持：動主播阿仙、viu韓劇導賞員Ruby記者及繙譯：卓惠媛(Joyce)攝影：陳家文、李錦鏵《我們結婚了》片段由Viu提供：
https://goo.gl/Yx13PE【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161020/19805995
無業港男流浪上海掟單車落黃埔江被捕
1 :
GS(14)@2016-10-27 06:02:25內地網絡日前熱傳一段影片。片中見一名男子將上海共享單車「摩拜單車」（mobike）扔進黃浦江。男子其間更砸毀多輛「摩拜單車」。據悉，破壞單車的男子原來是一名蘇姓香港人。《蘋果》記者昨日聯絡mobike公關，對方表示不回應事件。10月24日，網友在微博上發佈一張圖片，見男子在中山東一路破壞「摩拜單車」。「摩拜單車上海」得悉事發位置後，即派員到場，豈料男子將單車扔進黃浦江，然後逃離現場。當日晚上近8時，警方在南京東路抓獲男子。男子承認先後將3輛單車扔進黃浦江，並砸壞部分單車車鎖。警方為其進行尿檢，未有發現對方曾吸毒或喝酒。警方調查，男疑犯姓蘇，來自香港，今年41歲，將蘇男送院檢查，鑑定其並無精神病。蘇男承認將單車拋入黃埔江前後，已破壞近20部單車。對於犯案目的，蘇男認為摩拜單車不是好東西，認為「摩拜單車」會竊取用家的個人資料，而定位系統會侵犯用家的個人隱私。蘇男指自己到上海兩個半月，平時沒有工作，只會到處流浪，偶爾玩音樂。對於自己的行為，他並覺得沒有不妥。蘇男目前已被警方依損壞公私財物罪被刑事拘留。 《蘋果》記者/監察者網/澎湃新聞網
來源:
http://hk.apple.nextmedia.com/international/art/20161027/19813897
低胸透視婚紗勁性感白雲嫁前港男「唔想只做少奶奶」
1 :
GS(14)@2016-10-30 14:35:55■白雲昨早在姊妹團陪伴下出嫁，一班姊妹收到開門利是都笑逐顏開。
現年32歲的「神獸天使」白雲昨日與拍拖5年的前港男、現職建築師的34歲江俊霖（Kelvin）拉埋天窗，於尖沙嘴洲際酒店筵開38席，李晉強、朱晨麗、劉溫馨等擔任兄弟姊妹團，食物及衞生局局長高永文及妻子、艾威、陸詩韻等亦有到賀。
■白雲和Kelvin應記者要求五度親嘴，既甜蜜又溫馨。
■白雲穿上透視婚紗，毫不吝嗇35E豐滿身材。
■高永文及妻子現身祝福一對新人。
「朝早有啲激動」
一對新人在晚上6時半會見傳媒，新娘子白雲大騷35E激凸身材，穿上一件露肩Deep V婚紗，胸口有一層薄紗，透現4吋事業線，與Kelvin五度錫錫。問到新郎哥會否怕老婆太暴露？Kelvin說：「唔怕，健康性感都OK。」為了今次婚宴，白雲和Kelvin特別拍攝了一條8分鐘長的短片及幾張以電影海報為藍本的海報，當中有一張是二人疑似沒穿衣，用枕頭遮住重要部位，白雲笑說：「等大家諗吓，我好鍾意電影，之前揀咗喺雪山影婚紗相。」他們透露婚宴上會跳舞，Kelvin直言有點緊張，白雲則說：「我都OK，係朝早有啲激動，見到老公簽紙嘅時候眼濕濕，我就OK啦。」問到婚後是否不設防生BB？白雲說：「等伴娘生咗先到我，佢係我最好朋友。」白雲表示未考慮生幾多個，反而想專注事業，她說：「唔想只係做少奶奶，老公都想我繼續做嘢，如果有啱嘅角色同劇本，唔介意繼續性感。」
過三關接新娘
昨日早上，Kelvin帶同一班兄弟到酒店接新娘，玩了三個遊戲，包括Kelvin腿張開讓兄弟在胯下食爆谷、飲伏特加及用絲襪笠頭再打結寓意「永結同心」，有姊妹講笑說：「對絲襪係朱晨麗着過㗎！」朱晨麗即否認，而劉溫馨成功搶到花球，她說：「我冇去搶㗎，個花球從天而降。」採訪：羅慧敏 攝影：陳慧安
來源:
http://hk.apple.nextmedia.com/entertainment/art/20161030/19816691
徒手攀高雄85摩天樓港男：最緊要係膽量
1 :
GS(14)@2016-11-16 04:53:59IG用戶lamyock日前貼出一張攀登台灣高雄85大樓的照片，惟有人質疑照片或是合成照。lamyock遂於IG公佈征服摩天大樓的影片，證實攀登照絕非合成，1天內吸引10餘萬人次瀏覽。
Lamyock晚上透過facebook接受電子媒體訪問時，自稱住在香港，今年才22歲，會有此行動是想表現勇於挑戰精神，但沒訓練過的人千萬別嘗試，下一站想挑戰金字塔。Lamyock又說，他是一個人獨力完成，未帶任何工具，只有手套與自拍神器，至於過程「不便透露」，反正不是靠滑翔翼或降落傘。該段58秒的影片顯示lamyock帶着一罐疑似防滑噴膠，在傍晚時份準備攻頂，未有露臉的lamyock攀上天線時，做出蜘蛛俠吐絲手勢，最後再用以GoPro相機加自拍桿拍下讓人震攝的高樓照。
lamyock公開攻頂影片後，有網民即時着他挑戰台灣第一高樓「台北101」，還有人提議登上興建中的台北南山廣場（樓高約272米），有高雄網民邀他再到高雄，lamyock熱情回應：「謝謝一定會！」lamyock一星期公佈前登上85大樓的震撼照片，引發網民討論，畫面見一個身穿蜘蛛俠緊身衣的男子，戴着面具，僅靠一隻手攀在85大樓頂端，相當震撼。不過當時有人質疑相片為合成照。台灣《蘋果日報》
來源:
http://hk.apple.nextmedia.com/international/art/20161115/19834540
【動畫●每日健康】港男唔夠瞓 唔夠精力孕育下一代
1 :
GS(14)@2016-11-16 04:55:59根據美國波士頓大學一項最新的研究，睡眠不足會降低男性的生育能力。
香港的最低工資明年5月起就會增至34.5元，但對於制訂標準工時，依然遙遙無期，香港的「打工仔」繼續要無限加班，更莫講「造人」大計，想瞓多幾個鐘都難。當你在百忙之中，終於可以抽空「造人」的時候，或許你已經「不育」了。
根據美國波士頓大學一項關於睡眠與生育的研究，沒有足夠的睡眠，或者過多的睡眠都會降低男性的生育能力。研究調查了695對21歲或以上的情侶，進行長達一年的研究，直至懷孕。結果發現，每晚睡眠不足6小時的男性，會減少43％讓女性懷孕的機會。而每晚睡超過9個小時的男性，會減少42％讓女性懷孕的機會。至於每晚睡7至9個小時的男性，健康狀況則較佳。研究人員解釋，越來越多的文獻指出，睡眠質素和睪丸酮之間的關係，是男性生育的關鍵。由於大多數的睪丸酮都在睡眠期間釋放，故當睡眠過多或過少時，就會影響睪丸酮的產生，導致精子生長不良。雖然現在沒有研究直接指出，測試睡眠和男性生育能力的關係，但睡眠問題的確會減少精子的濃度、數量和正常的形態（形狀）的百分比，並同時降低睪丸酮的水平。而研究人員亦尚未清楚缺乏睡眠或睡眠過多，導致精子受損的機制。根據獨立國際市場調查機構TNS今年的一項調查，港人實際每日只有6.5小時的睡眠，比波士頓大學指出的7至9個小時低半小時，有意「造人」的夫妻的確要小心。資料來源：Dailymail, TNS記者：容慧心、盧逸文
想輕輕鬆鬆健康?，記住留意健康蘋台
http://health.appledaily.com.hk/
來源:
http://hk.apple.nextmedia.com/su ... t/20161115/19833693
Next Page