大軍以為星爺娶君如
1 :
GS(14)@2016-08-07 01:48:22■程東指四大天王不敢在他面前擺架子。台灣《蘋果日報》
曾被譽為「香港第一反派」的程東，憑「獨眼龍大軍」、「整蠱之霸」等，及經常跟周星馳於賭片中演對撼角色深入民心，日前於台灣拍廣告時接受台灣《蘋果日報》訪問時，大讚周星馳是天才兼專業，他笑說：「他當導演時沒拍過他的戲，可能嫌我貴不請我。」他笑指當初還以為周星馳與吳君如會結婚，他說：「他們那麼好，吳君如自己都講『東哥，我會不會喜歡他（周星馳）？』我說那結婚啊，她就說『好啊』。」
■程東在《賭俠》與周星馳作對。劇照
在電影全盛時期，程東一日最多拍5部片，合作演員有周潤發、周星馳及四大天王等，問到哪位最耍架子？他霸氣地說：「四大天王在我面前都不敢擺架子，我演反派演了這麼久嘛。」撰文：君喬
來源:
http://hk.apple.nextmedia.com/entertainment/art/20160804/19721997
【堅過星爺】街頭人肉風火輪 63歲鄭叔有心有力
1 :
GS(14)@2016-08-21 08:11:06鄭叔連續轉咗12圈，真係睇見都覺得暈呀
「熱血」嘅嘢唔係好多人會明，就好似電影《激戰》入面，當張家輝決定再上擂台打MMA，佢老死黑仔(姜皓文)即爆晒青筋問「你癲夠未？！我都唔明你打嚟做乜？！」無錯，我哋見到「熱血」嘅人和事，第一個反應都可能會問「為乜？」不過，學戲中嘅張家輝話齋「我同你呢個年紀，仲有嘢需要人明咩？」
年屆63歲嘅鄭叔，柔軟度認真驚人，超輕鬆就擺咗隻腳去棵樹度！
玩咗街頭健身幾十年，鄭叔話最開心係識到呢班後生仔
呢招「人旗」(human flag)，真係少啲臂力都做唔到呀
目測擁有44吋胸肌嘅鄭叔，今年已經63歲，咪睇佢o依家咁「勇武」，原來鄭叔細個嗰時身體好弱，所以佢就開始做運動強身健體。初初只係跑步游水，但天生跳跳紮嘅佢覺得跑步游水太悶喇，於是就開始周圍爬，點知爬吓爬吓，喺桿上做啲體操動作，咁佢就由十幾歲開始成為咗o依家喺外國好興嘅街頭健身(Street Workout)運動員喇。
鄭叔話自己最滿意自己個胸肌喎，目測起碼44吋，大家點睇？
天秀路公園係鄭叔放工必「蒲」嘅地方
倒立呢啲基本嘢點會難到鄭叔呀
本身做電工嘅鄭叔，一放工就會落屋企樓下嘅天秀公園同啲鋼架玩遊戲。除咗一般嘅街頭健身動作，好似「人旗」(human flag)，即係兩手緊握垂直柱，將身體凌空90度；同「龍旗」(dragon flag)，呢個動作由李小龍發明嘅一個腹部健身動作之外，鄭叔仲自創咗個絕技「風火輪」，就係呢個勁度十足嘅「風火輪」，感染到一班人哋眼中嘅「廢青」去跟鄭叔學嘢。幾年前，佢仲聯同兩個後生仔一齊創立咗 Barkids(街頭極限健身學校)，身體力行推廣呢項運動。到目前為止，鄭叔嘅師兄弟已經超過100人。其中一位學員Zach驚歎：「我依家好有熱誠，但到我60幾歲一定冇鄭叔咁勁啦，有時玩到攰，見到佢仲轉風火輪，就好有能量。」
雖然鄭叔擁有一身好武功，但始終都唔係「十八廿二」，屋企人又點會唔擔心佢受傷呢？不過擔心還擔心，佢哋都好支持鄭叔繼續玩，只係間唔中「囉唆」幾句，太太得閒仲會陪佢一齊到天秀公園添。可能好多人會覺得鄭叔都一把年紀，不如玩番啲「輕擎啲」、又安全啲嘅運動，但鄭叔就話會玩到玩唔到為止，仲話運動冇講幾多歲：「生命在於運動吖嘛！」佢對街頭健身嘅「熱血」程度，真係勁過唔少後生仔！
街頭健身呢種極限運動先由東歐興起，雖然未列為奧運項目，但已經引起國際注目。2011年喺拉脫維亞首都里加、舉行首屆街頭健身世界錦標賽。佢係糅合健身、體操以及多人合作嘅運動，玩家會喺公園或街頭，利用公共設施練習。近呢兩、三年，本港有唔少青少年藉住睇一啲網上片段自學練習，現時香港都有大約百幾人玩呢種運動，主要年齡介乎喺16至30歲。除咗天水圍嘅天秀公園設有健身站，維園、屯門、將軍澳等都會見到一班街頭極限健身運動員。【Sam哥x林丹】屋邨仔進化機長憑羽毛球衝上雲霄
http://bit.ly/2aNJGfF採訪：植詠珊（Cathy）編審：懷鈺編導：Kaman拍攝：Neo、Kaman剪接：Roy
來源:
http://hk.apple.nextmedia.com/entertainment/art/20160821/19744469
【鬥背對白】女粉絲為星爺讀精神科 出產品唔怕人話out
1 :
GS(14)@2016-10-16 08:22:41Kitman自言像《回魂夜》中的鐵膽，成日都好驚青，不過這次訪問應記者要求換上Leon裝扮又覺得很好玩，聽到喊「cut」之際，才敢收工找霞姨。
就算冇入戲院睇過周星馳電影，周末放假宅在家都總會睇過周末電影院重播又重播的周星馳電影，假如你背得上當中幾句對白，甚至記得電影入面最唔起眼的茄哩啡名字，相信閣下都係成長於周星馳電影的年代，又或者你係一個不折不扣的星爺迷。自細受姐姐影響，睇周星馳電影睇到大的Kitman（簡潔雯）細個喜歡《食神》的爆笑對白、大個就轉口味喜歡《回魂夜》的古怪離奇情節，讀書時更不時與三五知己齊背星爺電影對白，這種不用花錢的消費已夠樂足半天。兩年前更與好朋友開始畫周星馳電影主題插畫，成立「史提芬周」賣精品。
第一次畫的《回魂夜》情節，記得要抹上牛眼淚才見到鬼嗎？電話殼每個$90
最有共鳴的相信是不同電影場面的明信片，資深粉絲定會知道出自哪套戲。明信片每張$10
由推出貼紙、名信片到電話殼、帽子以及最新推出的環保袋，她是以「好玩、新奇又有趣」的方向設計。環保袋每個$90
「我諗我冇咗佢會死！」會否太誇張？其實Kitman早已將星爺電影的情節融入生活，甚至不開心的時候會重看星爺電影，因為電影發放的正能量令心裏好過一點。以她最愛的《回魂夜》為例，大家把主角Leon當作儍瓜看待，他卻很堅持自己的信念，正所謂愛因斯坦話過想像力比任何知識更加緊要，Kitman更笑說唔多唔少因為《回魂夜》令她選修精神科護士學系，證明星爺電影的確有一定影響力，或者你身邊就有一個Leon。她提到《喜劇之王》其實很慘，主角經常被人拒絕，反映現實演員的路很殘酷很難走，不過他都選擇樂觀面對。當這個世界變得很快，自己仲睇緊周星馳嗰幾套戲，畫緊電影插畫，其實都怕別人話她「out」，那有想過還繼續做嗎？「自己喜歡的事應該要堅持，不要理別人怎樣看。」她堅決地說。在市集看到史提芬周的攤檔，就好像漆黑之中嘅螢火蟲一樣，咁鮮明，咁出眾，吸引不少喜歡周星馳的人光顧，更會自動背對白，亦因此遇上不少有趣的客人，甚至甜筒輝、谷德昭也曾光顧他們，不知道何時才能遇上周星馳呢？
她也估不到如花貼紙最好賣，證明即使多微細的角色，只要做好自己，同樣可以好成功和突出。如花貼紙每張$20
記者有次經過史提芬周檔口，就看到他們捧着《破壞之王》的「人人有功練」箱，要畀錢買嘢就入錢落箱幫助有需要的山區兒童。
史提芬周instagram: ctaifunjau記者：畢慧婷攝影：周芝瑩
來源:
http://hk.apple.nextmedia.com/su ... t/20161016/19802095
苦戀星爺13年于文鳳入稟追討七千萬
1 :
GS(14)@2016-10-30 14:35:56講起于文鳳呢個名就會諗起「星爺」周星馳…周星馳出道以嚟，女友包括有羅慧娟、朱茵及莫文蔚等，直至1999年周星馳同香港建設創辦人于鏡波嘅囡囡于文鳳被爆同遊日本揭戀情，于文鳳多年樂於為星爺背後管理財富，又識投其所好，咁有「計仔」，難怪當年成功俘虜星爺歡心。周星馳與于文鳳拍拖13年，對感情事刻意保持低調，就算二人每次外出消遣，騎呢成性嘅星爺都堅持前後腳，可惜2010年3月分手，有傳係男方始終冇求婚意思，先令于文鳳等到放棄，主動提出分手，更有傳與廖創興銀行太子爺廖堯城交往，至於，星爺曾與o靚模羅凱珊（Kama）傳過緋聞，亦鮮有單獨約會女士。開設財務公司嘅于文鳳，2012年曾入稟高等法院，向周星馳及其旗下星揚海外公司，追討8,000萬元售樓佣金。于文鳳一直幫星爺投資地產，買地、買舖，2002年喺于文鳳建議下，星爺「處女」買入旺角先達地舖，兩年放售即賺1100萬；購入1年多嘅尖沙嘴加連威老道地舖，其後放售又賺足1億。于文鳳1999年與星爺拍拖，即掌握財政，2002年擔任星爺個人財務顧問，按協議每月獲2萬元酬金，金額曾有調高，于文鳳又教星爺發展地產項目，2004年夥拍友人斥資3.2億購入普樂道「天比高」地皮，2007年建四幢四層高嘅別墅，其中16號及18號於2009年出售，星爺為此向于文鳳支付佣金逾1,494萬元直至2011年9月，星爺透過星輝海外有限公司終止于文鳳嘅職務，于文鳳聲稱除咗上述書面協議，同星爺亦有口頭協議，就獲利投資項目向于文鳳支付佣金，佣金為除稅後利潤嘅10%。點知分手後，于文鳳就入稟法院向星爺追討7千萬元佣金及顧問費。
來源:
http://hk.apple.nextmedia.com/entertainment/art/20161030/19817078
星爺彈《西遊2》預告
1 :
GS(14)@2016-11-10 07:39:52由周星馳編劇兼監製、徐克導演的電影《西遊伏妖篇》明年農曆年上映，昨推出預告片，故事圍繞孫悟空三師徒到西天取經，可見吳亦凡演唐僧、林更新演孫悟空等，最吸引是最後30秒周星馳和徐克亮相，星爺看完預告片後，一臉茫然抱頭地問：「特技鏡頭呢？」徐克滋油回應說：「成套戲都冇特技鏡頭喎，你冇話要有嗰喎。」星爺反問：「唔使話啦，點會冇咁沙卜啫！」豈料徐克更抵死說：「我係咁沙卜，一個（特技）都冇。」可惜星爺完全不聽解釋，只是不停唱《430穿梭機》主題曲。此外，二人昨日與《西遊2》一班演員在北京舉行記者會。撰文：李森
來源:
http://hk.apple.nextmedia.com/entertainment/art/20161109/19827260
【巴打現真身】受星爺啟發創on9協會 打正旗號宣揚戇居文化
1 :
GS(14)@2016-12-28 08:12:58二人均認為香港是on9的完美演繹。
數月前，「香港on9協會」在臉書成立，分享搞笑、無厘頭的圖片和短片，聽個名都知戇居。所謂「on9」即廣東話「戇鳩」（下稱：on9），兩位分別是80後和90後的搞手Kimochi和 Man，甫見面我問佢，呢個係咪得兩個會員的「協會」，on9的他們咁答：「兩個人好像很弱，所以我會答背後其實有13億人。」
源自星爺 on9的完美演繹
創立這個專頁究竟有何目的？Kimochi解釋:「我們覺得on9是香港獨有的，在內地或外國都沒有類似的字眼，都挺代表到香港本土文化的象徵。」我個表情話俾佢知「很on9」，Kimochi反駁：「這位小姐不要太學術去探討(記按：我冇講嘢！)，其實我們是講求精神上、意識流層面。以前責罵別人『你戇居戇鳩鳩』時語氣是重的。但現在話別人on9反而是笑着說，感覺輕點正面點。」」哎，九唔搭八，佢哋變成咁，都係受周星馳影嚮：「我們由細睇周星馳戲大。其實on9和香港無厘頭文化很相似，但現在說『無厘頭』不夠鏗鏘有力。」專頁的宗旨，Kimochi：「在facebook按一下便開到專頁，我們不是內容農場出帖呃like、做生意，純粹有兩個人，不是，是一班成員，擁抱這個價值和傳揚這個信念。而這次我們戴面具不是因為不能見人，是因為不想把on9定位。我相信每個香港人有on9的一面。」Man在旁忍不住鼓掌：「說得真好，看來你on9得來都有預備。」
惡搞感被打壓 只想認真地on9
不過，看似無聊專頁，但成立不足一星期，因為標誌設計與某媒體相似而收到律師信警告。Kimochi笑說：「不知為甚麼，也許是我們有內鬼。」兩人對視大笑，連記者也忍不住說一句：「你倆人可否不要那麼on9？」笑完，Kimochi終於帶點認真地說：「現在的創作是分兩個層面的，有由零到一，好像臉書由無變有。而現在社會上的創作多是由一到二，是參考。其實不只標誌，整個專頁方向都是找有趣的素材加入自己的元素。出無聊的帖，都只是希望博到網民一笑，香港人可以鬆一鬆，就這麼簡單。」兩個字，二創、惡搞，完。Man從旁解釋：「他們作為大媒體，卻出律師信給我們，其實我覺得有少許打壓二次創作。但某程度上都幫了我們，因為這件事我們由200like增至5千like，反而建立到一群粉絲群。其實有些網民投稿，你看得出是認真地搞笑，而我們正正想認真地做一件事，認真地on9。」
雄圖偉業推廣on9文化
協會其實構思了許多雄圖偉業推廣on9文化，如用了一晚時間即興改詞和參考網民，出了一系列改詞圖，例如把皆大歡喜的副歌換成一句「唏呀唏呀唏丫希拉莉，團結一心有新轉機」，又或是「無言的Trump Trump Trump Trump襲我心」。嘩，有聲的。又計劃用Minions做吉祥物：「因為他們個樣實在太on9。」可惜拿不到版權，又想在西洋菜南街搞一起大叫『你好on9』或猜on9枚大典，現正考慮申請成為一個正式組織，但有技術上問題：「就是要三個人才能登記。」
有興趣的朋友，不妨聯絡一下他們。
難得兩位巴打現真身，記者預備了幾條問題，讓他們選出on9的代表：覺得香港最on9的人是？
Kimochi：我選游蕙禎，因為我相信她夠大方不會嬲。我相信她欣賞on9協會，而且她應該加入我們，你們明白的吧。
Man：某補習老師在網上發表有學生撐自己，豈料原來是自己和自己的對話，簡直是本年度十二月之星。還有李偲嫣，我不是指她一個人，而是那群盲撐的人。在應該明辨是非的時候，他們只是口號式支持。覺得香港最on9的地方是？
Kimochi：金紫荊廣場。香港的區花是洋紫荊，但這個是金紫荊，完全不關事。而且它外樣有點像女性下體，太嘔心。
Man：一樣，見到很多旅客來拍，但來過都不知道有甚麼值得拍。好像去星加玻不知道為何要跟魚尾獅拍照一樣。覺得香港最on9的事？
Kimochi：就是你們訪問我們，哈哈。(記者無言。)其次是香港完全是on9的完美演繹，社會民生行政政治打工仔演藝文化教育公共政策全都是on9。
Man：不能避雨的避雨亭、爛地招呼外國球隊、用過千億興建高鐵。又例如香港不少小學都用普通話教學，我不明白為何自己人都不保護地方語言，都是on9的。你覺得自己on9嗎？
Kimochi：如果有人說我們無聊，批評我們，我們不會平反，正如說我們靚仔不會平反一樣。
Man：我們的信念是，不論怎樣打扮，外表嚴肅或衣着華麗，但每個人的內心都像minions一樣有on9的一面，是裝扮不到，是潛藏在每個人的內心裏。記者：鍾藹寧攝影：林栢鈞不過無可否認，其實是有少少受周星馳啟發的。」由細睇星爺電影到大的他們，Kimochi回答最深刻的星爺金句是：「周星馳《少林足球》裏一句對白，大概是『我們一定要努力！努力！千萬不可以輕敵！輕敵！」Man忍不住問：「但這個好笑嗎？你確定讀者想知？Kimochi反駁：「不好笑嗎？我覺得很on9，所以很喜歡。」難怪你能做到on9協會會長。
二人解釋帶面具是不想把on9定位。
二人拿着改詞的歌詞牌高歌，盡顯on9一面。
圖為二人即興改詞的句子。（受訪者提供）
圖為二人即興改詞的句子。（受訪者提供）
Man相信不論怎樣打扮，外表嚴肅或衣着華麗，但每個人的內心都像minions一樣有on9的一面。
來源:
http://hk.apple.nextmedia.com/su ... t/20161228/19878596
Next Page