科米不畏權勢 曾得罪小布殊
1 :
GS(14)@2017-05-13 02:04:0456歲的科米，官至美國聯邦政府最大執法機關的阿頭，向來甚具壓場氣勢，近三任總統喬治布殊、奧巴馬到特朗普都算高大，但要站起來跟身高6呎8吋的科米說話，也得抬起頭來。同許多美國精英一樣，在司法同執法圈縱橫30年的科米，也是在紐約起家。在加入喬治布殊政府前，科米做過15年聯邦檢察官，戰績彪炳，成功將「家政女王」斯圖爾特（Martha Stewart）妨礙司法公正案入罪，以及調查1996年沙地阿拉伯胡拜爾塔爆炸釀成19名美軍喪生的恐襲案。但要坐上FBI最高位置，單憑外形同經驗還是不夠，科米還擁有執法者必備的特質：夠「硬淨」，在大事大非上企硬，哪怕是頂撞上司的上司。2004年，美國司法部長阿什克羅夫特患病留院，喬治布殊派遣白宮顧問岡薩雷斯入院，游說對方重新批准惡評如潮的無法庭授權秘密竊聽，當時署任司法部長的科米漏夜趕入院阻止，他曾憶述：「那晚也許是我專業生涯中最困難的一夜！」
獲奧巴馬賞識
得罪喬治布殊，卻換來奧巴馬賞識，科米在2013年獲提名任FBI局長，奧巴馬就讚揚他能在「事關重大的時刻」能不畏權勢。曾同科米在紐約共事的律師Christine Chung更形容他「只會做認為對的事情」，對於在披露希拉莉電郵門調查進程中，科米兩面不是人，她打趣說：「這個教訓說明為何好人不該到華盛頓。」美聯社/法新社
來源:
http://hk.apple.nextmedia.com/international/art/20170511/20017700
【馮仁昭四圍超】阿澤頭炮得罪Stephy 譏嫁唔出
1 :
GS(14)@2017-05-19 05:28:03杜汶澤幫奇妙電視主持嘅《杜汶澤食住上》烹飪節目喺後日首播，頭炮首集邀請咗鄧麗欣（Stephy）做嘉賓，仲請對方到佢屋企下廚煮燒雞。口不擇言嘅阿澤自嘲朋友唔多，若然請同佢交惡嘅人上節目，就多到要主持過百集先應付到。
■Stephy趁機追問阿澤當年一腳踏幾船嘅經驗。
冇俾葉念琛追
喺節目入面，阿澤就笑Stephy成日同葉念琛合作拍戲，咬定對方想追Stephy，Stephy就即刻澄清話：「佢邊敢媾我？講笑啫！呢啲係世人偏見，可能佢覺得我好好拍，真係冇追過我，我哋喺拍攝現場甚至好少傾偈。」阿澤乘機問Stephy同男朋友同居嘅話題，Stephy好認真話：「我未試過同男朋友同居，未結婚都未叫認定嗰個人，唔會同佢住。」阿澤即大感詫異：「你呢個諗法好怪！我以前拍親拖都一定會同居，有啲同咗居先拍拖，所以我結過兩次婚，你就仲未嫁。」Stephy隨即狂問阿澤以前一腳踏幾船嘅感受，阿澤笑住話：「忙囉！」撰文：馮仁昭
來源:
http://hk.apple.nextmedia.com/entertainment/art/20170518/20024653
【得罪高層】與曼玉貌合神離
1 :
GS(14)@2017-06-16 01:58:45現年56歲已婚的詹秉熙，大女已經20歲任職空姐，細女15歲。他出身無綫藝員訓練班，剛畢業就被委派與當時港姐出身的張曼玉合作劇集《畫出彩虹》，飾演情侶。原本星途一帆風順，但拍攝期間多次傳出男女主角貌合神離，而原本是無綫力捧對象的詹秉熙，因為得罪高層而遭到雪藏。兩年後詹秉熙才再獲派演劇集，先後演出《流氓大亨》、《成吉思汗》和《神鵰俠侶》（圖）等劇，但已沒有了《畫》劇的氣勢。之後輾轉亞視、無綫兩邊走，到99年把心一橫接拍多部三級片《風月寶鑑之淫亂英雄傳》、《水滸傳之英雄好色》等。近年除登台外，還任中介人替藝人接內地騷，又跟同是無綫出身的林偉健合資從事裝修生意。
來源:
http://hk.apple.nextmedia.com/entertainment/art/20170615/20055996
得罪TVB高層冇運行？馬蹄露拒扮黃夏蕙被雪藏9個月
1 :
GS(14)@2017-06-16 01:58:45大台八九十年代仲係香港電視嘅龍頭，當然係惡啲啦！當年喺大台力捧嘅藝人，現時好多都已經係天王天后、影帝影后級，不過如果得罪佢哋都真係冇運行！劉德華眾所周知劉德華喺大台出身，佢當年出道冇耐即被力捧，仲主演過唔少劇集，不過喺85年大台想同佢續簽5年約，不過當時劉德華人氣上升，想將合約年期減短，仲因為咁得罪高層，被大台雪咗超過1年。王喜被視為「迷雲黨」嘅王喜，同前大台高層陳志雲非常之咁老友，不過佢同另一位大台高層樂易玲似乎唔係咁啱傾喇！事關佢當年同大台約滿，曾經喺社交網炮轟對方。陳倩揚09年港姐陳倩揚加入大台之後，主力擔任《東張》主持，不過早年有傳大台高層起用「有線幫」，而陳倩揚冇得留底，被叮後，佢曾經喺社交網站發功。有指因為咁，有唔少劇集同綜藝節目監製都收到通知，唔可以錄用陳倩揚。而佢亦喺16年8月離開大台，之後仲接受訪問講返大台情況。馬蹄露有傳馬蹄露當年大台喺一個搞笑節目叫佢扮黃夏蕙，點知佢就直接拒絕，咁就得罪高層，仲俾藝員科捉咗去「照肺」，結果仲被雪藏9個月，當時馬蹄露仲諗過想離開娛樂圈。
來源:
http://hk.apple.nextmedia.com/entertainment/art/20170615/20056345
自覺語氣過火得罪人？江美儀又爆大家姐上身教做戲
1 :
GS(14)@2017-08-06 18:41:21亞視出身嘅江美儀，喺13年憑《衝上雲霄II》拎咗「最佳女配角」獎項之後，從此就是非連環爆，幾乎係有佢演出嘅電視劇、綜藝節目，甚至舞台劇，是非總係同佢連成一線。捱咗16年嘅江美儀終於有機會喺新劇《親親我好媽》擔正做女一，點知有傳佢對劇本諸多要求，趁曾勵珍放大假嗰陣，越級向杜之克投訴，結果搞到要停廠四日大執劇本，監製關永忠搞埋啲套劇嘅後期執包袱走人。江美儀雖然一口話冇件咁嘅事，又話珍姐叫佢唔好為呢啲無中生有嘅事唔開心。不過咁啱得咁橋，佢喺拍劇方面又靜咗一排。是非仲漫延去舞台劇《嬉春酒店》，有傳女主角之一嘅江美儀，有一日等齊全體演員到齊排戲嗰陣，就當住所有人面前質問監製，話「條數唔係咁計，咁你交代清楚！」再有指佢拖欠中介嘅介紹費，到再次公演嗰陣，美儀不見了。事後佢話可能係說話冇尾音，事件只係誤會。冇得拍劇咪改投余詠珊做綜藝，江美儀同麥包麥長青、滕麗名同顧紀筠個囝囝陳浚霆拍綜藝節目《街市遊樂團》，江美儀喺節目狂鬧做下把位嘅陳浚霆，跟住又話魚檔劏魚每日賺得嗰260蚊，又話剝蝦曬蝦乾係自甘墮落，結果江美儀俾網民狂插刻薄兼睇低人。江美儀事後接受周刊訪問，話反省到自己有錯嘅地方，語氣或態度過咗火得罪人，於是佢向大家衷心致歉。而近日就有傳江美儀拍《誇世代》，大家姐上身教後輩拍戲。
來源:
http://hk.apple.nextmedia.com/entertainment/art/20170806/20112985
職場慧眼：得罪老闆點算好
1 :
GS(14)@2017-11-13 03:55:18「在公司工作了三年，同老闆關係一直OK，老闆每年都有加少少人工畀我。之前佢老婆帶個幾歲仔嚟公司玩，四圍走手多多，我隨口講了句「你都幾百厭」。點知第二日返工老闆叫我入房，好惡咁質問我點解鬧佢個仔百厭，我當堂愕然嚇到唔知點答佢。之後我有不停道歉講對唔住，我真係完全冇鬧佢個仔嘅意思。但係佢依然好惡好嬲，仲警告我佢絕對唔會接受任何人對佢屋企人唔禮貌。之後佢對我嘅態度極之惡劣，我想打電話同佢老婆解釋，唔知道好唔好會唔會有幫助，想Son姐指教我。」今時今日怪獸家長緊張子女的程度，的確遠超我們能夠想像的。不過以你的情況來看，一向相安無事你老闆不會突然之間小小事大發你脾氣，我認為只不過是借題發揮，你得罪的應該不是你老闆的寶貝仔。他應該看你不順眼好一段日子了，你先冷靜仔細想想可有甚麼蛛絲馬跡其他可能，不知不覺間講了做了得罪了而不知的？如果你老闆真的如此介意，又不是不敢得罪你，事發當日當場為甚麼不直接問你，要留到第二日捉你入房鬧？當然亦有可能是他老婆覺得你的說話有所冒犯，回家之後告你一狀，不過如果你老闆對你不是早有不滿，如此雞毛蒜皮她不會輕易告得你入。自古以來以言入罪，是最容易死得不明不白又最令人百辭莫辨的。同一句說話，以不同的身份角色用不同的角度態度以無限想像解讀，絕對可以上綱上線殺人於無形。找你老闆娘解釋是下到不能再下之策，騷擾他家人你只能死得更慘。有心也好無心也罷，都不是重點了，帶着委屈戰戰兢兢去上班說有多難受就有多難受。好好打算你的去留吧！張慧敏
來源:
https://hk.finance.appledaily.co ... e/20171108/20207433
Next Page