假戲真做都要做得漂亮 方卓如
1 :
GS(14)@2017-02-11 23:48:392016-02-07 HJ
選舉可以係假，但質素高低係真。特首選舉就算係假戲真做，你都睇得出邊個做得投入、做得漂亮。好多嘢未必係參選人自己嘅主意，但最後拍板嘅一定係參選人自己。
物以類聚，什麼參選人就引來什麼競選團隊，品味個性唔係淨係用錢可以搞掂。當然，香港人5年前被騙過一次，競選漂亮，執政可以醜陋。講過嘅說話可以唔算數，競選時候嘅笑樣，當選後可以變成惡相。
特朗普應該係破紀錄最遵守競選承諾嘅候選人，當選之後每星期（若非每日）都有行政命令，落實佢競選時候講過嘅說話。政綱？唔使一定係寫幾版紙、長篇大論先叫做政綱，集會講得興起、台下拍爛手掌嘅，都可以係政綱。
乜嘢係政綱？只不過係總結所有講過嘅承諾。而家4個特首參選人，都喺唔同場合講過某些承諾， 有實有虛。唔可以話參選人政綱未出，只可以話等緊佢哋白紙黑字寫晒出嚟，方便比較同未來追數。
金融市場 零和遊戲
最新嘅特朗普命令就係要檢視金融規管，包括Dodd-Frank法案。金融海嘯之後嘅Dodd-Frank改革，就係要避免金融危機再次發生，減低金融機構炒得太勁而令市場崩潰，要政府負責。特朗普上場，息口上升，金融鬆綁，大利銀行券商再發大財，同時亦都埋下另一次爆發金融危機嘅炸彈。
金融市場係零和遊戲，你輸我贏，但呢個零和遊戲係喺升降機入面進行。可以大家嘅資產價格一齊升到上天嚟財富轉移，亦可以大家跌到落地底先嚟資產大挪移。每次金融危機都係資產轉移嘅大機會，但同時間全部人都會經歷身家縮水。
3個月前全世界都牙痛咁聲，無晒計，唔知點樣先可以帶領世界走出經濟不景氣，同埋拆解人人掛在口邊嘅潛伏大爆煲。
3個月後嘅今日，突然間全世界都開心得跳起，殺到雙眼通紅，迎接經濟強勁嘅勢頭重臨。原來解決經濟問題，就係要有個人夠膽不理世界同下一代死活，再借再使，以呢一代美國人開心為目標，隊冧別國亦在所不辭。好難令人相信纏擾咁多聰明人嘅難題，一個生意人上場就可以迎刃而解。
可以肯定，以往你成日聽見嘅問題並無消失，只係掃咗落地氈底。但唔緊要，一如以往所講，未爆嘅危機就等於冇，太早估中比估錯輸得更慘烈。
千祈唔好智者千慮，諗住世界搖搖欲墜而去保守行事，反而應該投入不理性亢奮，走入去賺埋一份。因為你要賺到夠，先可以捱到下一次全世界身家大縮水，同埋避免財富被轉移。
#方卓如 #港股分析 #方如玉帥 - 假戲真做都要做得漂亮
【七評689】林超英讚環保做得足4年後或緬懷梁振英
1 :
GS(14)@2017-06-10 13:04:31天文台前台長林超英在特首梁振英上任前，為梁撰寫環保政綱。梁振英卸任在即，林超英認為梁任內環保政策「交功課幾齊全」，又指梁任內垃圾徵費得以落實，和前特首曾蔭權任內相較是「天堂與地獄」的分別。有說民望如浮雲，前台長大膽預測：「4年後，好大可能大家會好似懷念董生（董建華）咁，懷念梁振英。」（編按：特首任期應為5年）記者廖梓霖林超英是梁振英的英皇書院師兄，當年讀預科的林超英，對梁的最初記憶是：「仲係細路仔咁樣，感覺呢個F.1仔個樣比較特別。」林退休後協助梁撰寫環保政綱，其後林多次在公開場合強調，梁振英的環保政綱是本港有史以來最整全，他指，梁上任後很多環保團體也想針對政綱「揼佢」，卻無功而還，「逐格剔，基本上份政綱每一格都有嘢發生過，（梁）交功課都幾齊全。」林超英指今屆環境局落實垃圾按量徵費，是政府努力工作的結果，「上屆政府打死唔敢講。」曾做過首長級官員的他解釋，政策需醞釀，市民目前無強烈反對，「現屆政府做好多宣傳，好似大嘥鬼，連反對嗰班都話做得好，已經超越咗以前垃圾蟲嘅層次。」梁振英支持興建三跑，項目在反對浪潮中通過，林超英認為建三跑屬錯誤，他認為就算與梁持不同意見，大家也可共存，「大家可能難啲理解，香港有言論自由，我有我反對，佢有佢支持；大家都係愛香港嘅，只係出發點唔同，具體想做嘅事唔同，但可以並存。」又指自己也做過部門領袖，有時下的決定未必是自己最喜歡，他舉力撐發展郊野公園的劉炳章做例子，「我反對，佢贊成，但我同佢見面唔會打交。」梁振英提出在郊野公園起樓，林超英向來反對，可說是非一般「梁粉」，他指此事要看大局，提出發展郊野公園的聲音，是從外圍不斷向政府施壓，該壓力更大得常人無法想像，「地產界不斷講開拓郊野公園邊皮，政務（官）體系經常同上流社會打交道，每日見呢班人，一路受壓」，他認為政府只是轉述和表達，「如果社會反應強烈，咪收埋，係一種拉扯嚟，所以每次有人提出來，市民一定要好大聲反對。」梁就任5年內，予公眾形象向來獨斷橫行，林超英卻認為梁上任後，因某些政策會損害既得利益者，故遭遇強烈狙擊和騷擾，「畀所有權勢用直接或間接方法，令佢生活唔好過」，令其管治威信受挫，更導致政府官員畏縮。至於梁5年來未曾拿過一枝筆、一本簿和一張櫈落區，是否違背競選承諾？林超英稱，是香港社會打沉梁的誠意，「每場諮詢都有衝擊，秩序大亂……我覺得當時我哋毀滅咗一個幾好嘅嘢，係香港社會逼到佢無做到。」至於梁振英的缺點？林超英指，梁任內中華白海豚無被好好保護，政綱曾提出為瀕危物種設立名錄，對應物種成立保護計劃，不過他指「都係啲枝枝節節啦。」並說：「4年後，好大可能大家會好似懷念董生（董建華）咁，懷念梁振英。」《蘋果》請受訪者回答三條問題，送別梁振英：一）梁振英有乜優點？「勤力，上任前寫很多文章，思考香港問題；關懷基層，不易沮喪。」二）如果100分為滿分，梁振英有幾多分﹖80分三）對梁振英有何臨別贈言﹖「唔做特首後，多啲時間畀屋企人，做返個開心正常人。」
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170608/20048977